MÁI Kɔlɔí sí lówawondai
Kɔlɔí sí lówawondai
Ngalángi géélai Máa lɔ́ í kɔ́lɔi sí vɔ́nɛngɔ. Aá va tɔ nɔ́ɔ múl̃ɔ tɔ́ɔ ɣɛ́ ma Njɔú Máa. Máa, Pɔ́ɔ ɛ́ɣɛ Bánabani tɔ ti hésendaa Yalá ngenge siyangí wóni kɛ́ Máa í ti loní taí sí h̃u taá náá lolí ngáá Pɛ́ga í yángaima Jɛlúsɛl̃ɛ. Náá hááw̃a, Pɔ́ɔ áá mɔ́ɔ́ kɛní Máa ɔ́ɔ́ hítɛ ti volú tɔɔ lí siyangí hele kélei w̃a. Kɛ́ aáva Bánabani ngaa Máa ti lííni naa taí sí h̃u taá náá lolí ngáá Sáipulɔ.
Yáa tɔ ngáá i pɔ́nɛngɔ Ngala fɛ́li mbélai sítii ngelé taa ngáá Júsua ti Lóómi taa h̃u. Ná va yáa tɔ ngáá tɔɔỹáá le sífaa, Máa í Híbulu woítii mbúi ɣɛ́ngɔ ɛ́ɣɛ múl̃ɔ Kɛ́lɛ Pɔlɔí ta yiláá kpé tɔ nɔ́ɔ í ndaa haa léni sítii ma taa ngáá Júsua taá ɣɛ́i faa wɔ́lɔ mba ngáá pángɔ. I pɔ́nɛngɔ ngáá í ngákɛ ngáá ti ye ngáá kɛ kééla woo vándai sí kɔwɔ́ í tóngɔ Jísu Kílisitii wa lɛ́i í ngáá Ngalangí H̃íỹɛndou Loí.
Máa í laá bákpangɔ ngengengí wá Jísu í mbóni í lɔ́ve kalambongáitii mba ɛ́ɣɛ ngoítii mba í ti lení. Ná nɔ́ɔ léi í yɛ́pɛni kulo kɔwɔ́ato Nguya Wo Mɔ́i Njɔú wa ɛ́ɣɛ suugɔvɔ́ngi í wóni ngáá Jísu, sítii í pɔ́nɛngɔ ngi gɔ́lɔi h̃u, fika í yɛpɛngɔ́ kɔwɔ́ato mbalongáitii ɛ́ɣɛ kalambongáitii mba Jísu í ti woní. I ngakɛ́ngɔ ngáá Jísu i ɣɛngɔ ngáá nuu tuva velé w̃a ɛ́ɣɛ ngakpa péle w̃a. Jísu yakpangí yakɛngɔ́ɔ́ lé ngi gálambongi h̃u ɔ́ɔ́ mbo ɛ́ɣɛ ngákpa ngí ɣɛi ngeyá ỹína nyɔítii maah̃u, ɛ́ɣɛ mbalo mbó fái w̃a. Ngi yákpangi yákɛngɔ i ɣɛi lá múl̃ɔ ngáá nungái ti haa ỹɔítii ɔ́ɔ́ suuhaaló. Máa í múl̃ɔ yɛpɛngɔ́ kɔwɔ́ato ná h̃úu wa Jísu í yɛ́pɛi kɔwɔ́ato bɔwɔ́ wa ngáá áa lɔ́ í ngáá nuu búsa goo h̃ú loí. Ngáá i vaangɔ ngáá í lɛ́ɛ́h̃ui gúla kɛlɛ́ma kɛinɔɔ́ í nungáitii ngumaawo ti haa ỹɔítii su.
Kééla woó vándai sí Máa pɔnɛngɔ́ ngapúmai i féle. Ngoí sítii yáá tí lɔ ngɛí félengɔi sítii ndiiwáá […], Máa laa le ɔ́ɔ́ ti vɔ́nɛ kɛ́ nuu véka lɔ í tí vɔ́nɛngɔ.
Sítii pɔnɛngɔ́i kɔlɔí sí h̃u
Kɔlɔí lɔ́kula héimai 1:1-13
Jísu Yala ngoo lendái hááli haali Galéli 1:14–9:50
Jísu í gulaní Galéli wa í lí Jɛlúsɛl̃ɛ 10:1-52
Ngapúmaa haítii Jísu í kɛ́ni Jɛlúsɛl̃ɛ ɛ́ɣɛ maa látai h̃u 11:1–15:47
Jísu yooɣéndai saí h̃u 16:1-8
Ndemɔí Jísu gulaláitii volú yélaitii ngaah̃ú ɛ́ɣɛ nungáá vékaitii ɛ́ɣɛ tɛɛlái ngelegóóh̃u 16:9-20
Currently Selected:
MÁI Kɔlɔí sí lówawondai: KNNT
Highlight
Share
Copy
Want to have your highlights saved across all your devices? Sign up or sign in
Bandi New Testament © Bible Society in Liberia, 2000