KEJADIAN 7
7
Noe sako
1Nalali onane te Uisneno namolok neu Nai Nuh nak, “Au ail al ho mes kum atoni le nanaoba nani Au lomit. Es nane te amtam nai meu bnao in nanan mok ho in-ini sin. 2-3Meki ale kolo ma mu'it le ka nuni fa pasan hitu, ma mu'it fui nuni kun pasan mese na'ko masaf mese. Anmo'e mani onane he nati' na'ko ale mu'it masaf mese-mese nafetnon na'ko maten ma anpe' ma namfau anteni anbi pah pinan. 4Al neno hitu anteni Au of usanut ulan le of ka maeka fa anbi neno bo'ha ma fai bo'ha in nanan, he nati' ale amonit le nane'o le Au mepu ulali sin nane anmate.” 5Oke te Nai Nuh nanaoba nani ale plenat le Uisneno anfe neu in.
6Nai Nuh in nan ton 600 leka noe sako ansanu anbi pah pinan. 7Nai Nuh nok in fenai, ma in anah sin es-es nok in fenai, antam neu bnao nane he nafetin sin aon na'ko noe sako. 8Naif mese ma ainaf mese na'ko ale kolo ma mu'it masaf mese-mese – leko le ka nanuni ma le nanuni, – 9antam ma nabua nok Nai Nuh anbi bnao in nanan, namnes nok Uisneno In aplenat. 10Neno hitu namuni onane te noe sako ansanu ma anbobok pah pinan.
11Anbi tabu Nai Nuh in nan ton 600, anbi fun nua antam neno bo'es am hitu, ale oe mata anbi pah pinan in kupun natfai ma nat'op. Ale oe anbi neno tnanan sin eno natfai, 12ma ulan nasaunton nan neno bo'ha ma fai bo'ha. 13Anbi neno nane amsa, Nai Nuh nok in fenai antam neu bnao in nanan nok in anah sin tenu sin esle' Nai Sem, Nai Yafet ma Nai Ham nok es-es in fenai. 14Ale kolo ma mu'it bian, leko aem ma fui, he naek ma abaut antam nok sin amsa. 15Naif mese ma ainaf mese na'ko ale amonit masaf mese-mese antam neu bnao le nane nok Nai Nuh, 16namnes nok Uisneno In aplenat neu in. Leka sin alsin antam nalali, Uisneno an ek bnao nane in eno.
17Noe sako nane ansanu piut anbi neno bo'ha in nanan, ma oe nane ansae talantia bnao le nane natboe. 18Oe ansae piut, ma bnao nane natboe-boe anbi oe in tunan. 19Oe nane ansato ma ansae piut talantia, ankub ale tubu-tubu amnanut anesit. 20Oe nane ansae piut ma anfinin ale tubu-tubu sin tunan talantia meter hitu. 21-23Uisneno namate ale amonit le nane'o anbi pah pinan le i: Tuaf, kolo ma mu'it abit pah meto leko a'baut ma anae. Le kan mate fa alkun Nai Nuh ma ale sin ok-oke le nok in anbi bnao in nanan. 24Oe nane kan sanu nit fa talantia neno 150.
Currently Selected:
KEJADIAN 7: AOZ
Highlight
Share
Copy
Want to have your highlights saved across all your devices? Sign up or sign in
KEJADIAN 7
7
Noe sako
1Nalali onane te Uisneno namolok neu Nai Nuh nak, “Au ail al ho mes kum atoni le nanaoba nani Au lomit. Es nane te amtam nai meu bnao in nanan mok ho in-ini sin. 2-3Meki ale kolo ma mu'it le ka nuni fa pasan hitu, ma mu'it fui nuni kun pasan mese na'ko masaf mese. Anmo'e mani onane he nati' na'ko ale mu'it masaf mese-mese nafetnon na'ko maten ma anpe' ma namfau anteni anbi pah pinan. 4Al neno hitu anteni Au of usanut ulan le of ka maeka fa anbi neno bo'ha ma fai bo'ha in nanan, he nati' ale amonit le nane'o le Au mepu ulali sin nane anmate.” 5Oke te Nai Nuh nanaoba nani ale plenat le Uisneno anfe neu in.
6Nai Nuh in nan ton 600 leka noe sako ansanu anbi pah pinan. 7Nai Nuh nok in fenai, ma in anah sin es-es nok in fenai, antam neu bnao nane he nafetin sin aon na'ko noe sako. 8Naif mese ma ainaf mese na'ko ale kolo ma mu'it masaf mese-mese – leko le ka nanuni ma le nanuni, – 9antam ma nabua nok Nai Nuh anbi bnao in nanan, namnes nok Uisneno In aplenat. 10Neno hitu namuni onane te noe sako ansanu ma anbobok pah pinan.
11Anbi tabu Nai Nuh in nan ton 600, anbi fun nua antam neno bo'es am hitu, ale oe mata anbi pah pinan in kupun natfai ma nat'op. Ale oe anbi neno tnanan sin eno natfai, 12ma ulan nasaunton nan neno bo'ha ma fai bo'ha. 13Anbi neno nane amsa, Nai Nuh nok in fenai antam neu bnao in nanan nok in anah sin tenu sin esle' Nai Sem, Nai Yafet ma Nai Ham nok es-es in fenai. 14Ale kolo ma mu'it bian, leko aem ma fui, he naek ma abaut antam nok sin amsa. 15Naif mese ma ainaf mese na'ko ale amonit masaf mese-mese antam neu bnao le nane nok Nai Nuh, 16namnes nok Uisneno In aplenat neu in. Leka sin alsin antam nalali, Uisneno an ek bnao nane in eno.
17Noe sako nane ansanu piut anbi neno bo'ha in nanan, ma oe nane ansae talantia bnao le nane natboe. 18Oe ansae piut, ma bnao nane natboe-boe anbi oe in tunan. 19Oe nane ansato ma ansae piut talantia, ankub ale tubu-tubu amnanut anesit. 20Oe nane ansae piut ma anfinin ale tubu-tubu sin tunan talantia meter hitu. 21-23Uisneno namate ale amonit le nane'o anbi pah pinan le i: Tuaf, kolo ma mu'it abit pah meto leko a'baut ma anae. Le kan mate fa alkun Nai Nuh ma ale sin ok-oke le nok in anbi bnao in nanan. 24Oe nane kan sanu nit fa talantia neno 150.
Currently Selected:
:
Highlight
Share
Copy
Want to have your highlights saved across all your devices? Sign up or sign in