KEJADIAN 8
8
Noe sako anhelak
1Uisneno kan nikan fa Nai Nuh ma ale mu'it le nok in anbi bnao in nanan. Uisneno nasanut anin nem ma anfu talantia oe anhelak ma ansanu. 2Ale oe mata anbi pah pinan in kupun ma ale eno na'ko oe anbi neno tunan maeka. Ulan nasnas 3ma oe anhelkon piut. Neno 150 nane anfin ma oe ka namnanu anteni fa. 4Anbi fun hitu antam neno bo'es am hitu, bnao le nane namtut anbi netu mese anbi tubu Ararat in tunan. 5Oe ansanu piut ma anbi fun bo' antam neno mese, atkiso tit tubu-tubu sin tunan.
6Leka neno bo'ha nane anfin, Nai Nuh anfai bnao nane in eno ana, 7ma nafetin kolo ka' mese. Kolo nane kan fani nem fa neu bnao mes in natpen neumnem talantia oe nane ansanu nani oke. 8Fun onane te, Nai Nuh nafetin kolo ot kase mese he nati' nahin ai oe nane namneo ansanu nani oke. 9Mes natuin oe fe anaek ankub pah pinan funam natef, kolo nane ka napeni fa bale he in antoko. Es nane te in anfani nem neu bnao; Nai Nuh anheke ma natam nafani in. 10Nai Nuh anpao neno hitu anteni, ma nafetin anteni kolo ot kase nane. 11Anbi neno anmabe' kolo nane anfani nem neu in neki bub fua mina non alekot mese anbi in lulun. Tabu nane Nai Nuh nahin nak oe anmeto nalali. 12Leka in anpao neno hitu anteni, in nafetin anteni kolo ot kase nane; ma haef le i kolo ot kase nane kan fani nem fa.
13Anbi tabu Nai Nuh in nan ton 601, anbi fun mese antam neno mese, oe nani anmeto anfin. Nai Nuh anfai bnao nane in toben, ma in ankiso anfun natef. In ankiso afu anmeto nalali. 14Anbi fun nua antam neno bo'nua ma hitu pah pinan anmeto oke.
15Oke te Uisneno namolok neu Nai Nuh nak, 16“Ampoi musaitan bnao nane mok ho fenai, ho anah sin ma es-es nok in fenai. 17Mupoitan ale kolo ma le mu'it bian, anaet ma a'baut, he nati' sin anpe' ma namfau, ma nasitbok nahenu pah pinan.” 18Oke te Nai Nuh anpoi nasaitan bnao nane nok in fenai, in anah sin es-es nok in fenai. 19Ale kolo ma ale mu'it pah meto anpoi na'ko bnao nane, es-es nabua nok in masan.
Nai Nuh natulu fua tulu mnotu
20Nai Nuh nahakeb baki fuat mese neu Uisneno. In naiti es na'ko kolo masaf mese-mese ma mu'it le ka nanuni fa, ma natulu anfani fua tulu mnotu anbi baki fuat nane in fafon. 21Fua tulu mnotu nane in fomenin antom nek Uisneno, ma in natenab anbi in nekan nak, “Au of ka fe fa kasat anteni neu pah pinan natuin mansian in taos in mo'et; Au uhin nak leka in munif, mansian in tenab nane maufinu kun. Au of ka ule'un ateni fa ale amonit le nane'o onle Au fe anmo'e le i. 22Leka pah pinan le i fe anbin, of anmu'i piut eti ma tabu het sen ma atseki, oe tene ma maputu, fauk nais ma oe fat, fai ma manas.”
Currently Selected:
KEJADIAN 8: AOZ
Highlight
Share
Copy
Want to have your highlights saved across all your devices? Sign up or sign in
KEJADIAN 8
8
Noe sako anhelak
1Uisneno kan nikan fa Nai Nuh ma ale mu'it le nok in anbi bnao in nanan. Uisneno nasanut anin nem ma anfu talantia oe anhelak ma ansanu. 2Ale oe mata anbi pah pinan in kupun ma ale eno na'ko oe anbi neno tunan maeka. Ulan nasnas 3ma oe anhelkon piut. Neno 150 nane anfin ma oe ka namnanu anteni fa. 4Anbi fun hitu antam neno bo'es am hitu, bnao le nane namtut anbi netu mese anbi tubu Ararat in tunan. 5Oe ansanu piut ma anbi fun bo' antam neno mese, atkiso tit tubu-tubu sin tunan.
6Leka neno bo'ha nane anfin, Nai Nuh anfai bnao nane in eno ana, 7ma nafetin kolo ka' mese. Kolo nane kan fani nem fa neu bnao mes in natpen neumnem talantia oe nane ansanu nani oke. 8Fun onane te, Nai Nuh nafetin kolo ot kase mese he nati' nahin ai oe nane namneo ansanu nani oke. 9Mes natuin oe fe anaek ankub pah pinan funam natef, kolo nane ka napeni fa bale he in antoko. Es nane te in anfani nem neu bnao; Nai Nuh anheke ma natam nafani in. 10Nai Nuh anpao neno hitu anteni, ma nafetin anteni kolo ot kase nane. 11Anbi neno anmabe' kolo nane anfani nem neu in neki bub fua mina non alekot mese anbi in lulun. Tabu nane Nai Nuh nahin nak oe anmeto nalali. 12Leka in anpao neno hitu anteni, in nafetin anteni kolo ot kase nane; ma haef le i kolo ot kase nane kan fani nem fa.
13Anbi tabu Nai Nuh in nan ton 601, anbi fun mese antam neno mese, oe nani anmeto anfin. Nai Nuh anfai bnao nane in toben, ma in ankiso anfun natef. In ankiso afu anmeto nalali. 14Anbi fun nua antam neno bo'nua ma hitu pah pinan anmeto oke.
15Oke te Uisneno namolok neu Nai Nuh nak, 16“Ampoi musaitan bnao nane mok ho fenai, ho anah sin ma es-es nok in fenai. 17Mupoitan ale kolo ma le mu'it bian, anaet ma a'baut, he nati' sin anpe' ma namfau, ma nasitbok nahenu pah pinan.” 18Oke te Nai Nuh anpoi nasaitan bnao nane nok in fenai, in anah sin es-es nok in fenai. 19Ale kolo ma ale mu'it pah meto anpoi na'ko bnao nane, es-es nabua nok in masan.
Nai Nuh natulu fua tulu mnotu
20Nai Nuh nahakeb baki fuat mese neu Uisneno. In naiti es na'ko kolo masaf mese-mese ma mu'it le ka nanuni fa, ma natulu anfani fua tulu mnotu anbi baki fuat nane in fafon. 21Fua tulu mnotu nane in fomenin antom nek Uisneno, ma in natenab anbi in nekan nak, “Au of ka fe fa kasat anteni neu pah pinan natuin mansian in taos in mo'et; Au uhin nak leka in munif, mansian in tenab nane maufinu kun. Au of ka ule'un ateni fa ale amonit le nane'o onle Au fe anmo'e le i. 22Leka pah pinan le i fe anbin, of anmu'i piut eti ma tabu het sen ma atseki, oe tene ma maputu, fauk nais ma oe fat, fai ma manas.”
Currently Selected:
:
Highlight
Share
Copy
Want to have your highlights saved across all your devices? Sign up or sign in