TEALIAN 10
10
Nuh nalabuk-labuk nakatulunan
(1Tund. 1:5-23)
1Naiyamo Nuh nalabuk-labuk nakatulunan, doiyamo Sem, Yafet tukon Ham. Doi nalapaan koeaba, toluila malaat pau-pau malaneno.
2Yafet napau-pau doiyamo Gomer, Magog, Madai, Yawan, Tubal, Mesekh tukon Tiras. 3Gomer nakatulunan doiyamo modungoliyo ko Askenas, Rifat tukon Togarma. 4Yawan nakatulunan doiyamo modungoliyo ko Elisa, Spanyol, Siprus tukon Rodes. 5Yanila kobangsa-bangsa nambumbu modungol popupuson kotobun bibilo tukon doi togong-togong. Doiyamo sasaibino Yafet nakatulunan. Memeeng kobangsa tukon benseno dungol doi natano suwe-suwele, tukon konasilingan suwe-suwele.
6Ham napau-pau doiyamo Kus, Mesir, Libia tukon Kanaan. 7Kus nakatulunan doiyamo modungoliyo ko Seba, Hawila, Sabta, Raema tukon Sabtekha. Raema nakatulunan doiyamo modungoliyo ko Syeba tukon Dedan. 8Kus daano konapau mala-malane kosambuno Nimrod moteali mian motalengaon tumbe doi dunia. 9Tukon Temeneno natulungan yana teali toloasu mobabasal. Tobikon doiya komian biasa bantile, “Boliisi ko Temeneno natealikene ikoo meeng komian motoloasu mobabasal buno Nimrod.” 10Tumbe-tumbe kona batomundoan posaapon ko Babel, Erekh tukon Akad, kotolu-toluno nia doi Babilonia. 11Luwe imbali yana taus doi Asyur, maka kekendenge kokota Niniwe, Rehobot-Ir, Kalah, 12tukon Resen motangabos doi napokalalatanan ko Niniwe tukon Kalah. Sasaibino doiya kokota-kota mobabasal.
13Mesir nakatulunan doiyamo modungoliyo ko Lidia, Anamim, Lehabim, Naftuhim, 14Patrusim, Kasluhim, tukon Kaftorim. Bangsa Kasluhimoo bangsa-bangsa Filistin nambumbu.
15Kanaan napau-pau doiyamo Sidon kolanggongo, tukon Het. 16Kanaan koidan bangsa Yebusi nambumbu, Amori, Girgasi, 17-18Hewi miano, Arki, Sini, Arwadi, Semari tukon Hamati. Bangsa Kanaanoo bense-benseno tasabukon mododoon, 19tobikon yanila natano sipat-sipato babasal tuuno luwedoi Sidon taalikon doi lalom tukon badombalaakon Gerar, polong loolani ko Gaza, tukon taalikon doi tolopot badombalaakon Sodom, Gomora, Adma, Zeboim, polong loolani ko Lasa. 20Doiyamo sasaibino Ham nakatulunan. Memeeng kobangsa tukon benseno dungol doi natano suwe-suwele tukon daano konasilingan suwe-suwele.
21Sem, Yafet utuso langgongo, doiyamo sasaibino kobangsa Ibrani natumbu. 22Sem napau-pau doiyamo Elam, Asyur, Arpakhsad, Lud tukon Aram. 23Aram nakatulunan doiyamo modungoliyo ko Us, Hul, Geter tukon Mas. 24Selah tamano Arpaksad. Tukon Eber tamano Selah. 25Eber daano kolua konapau malaneno; kotumbeno kosambuno Peleg, sabab doi lounu kobangsa-bangsa doi dunia teali tongobos-obos; kokoluano kosambuno Yoktan. 26Yoktan nakatulunan doiyamo modungoliyo ko Almodad, Selef, Hazar-Mawet tukon Yerah, 27Hadoram, Uzal, Dikla, 28Obal, Abimael, Syeba, 29Ofir, Hawila tukon Yobab. Sasaibino doiya Yoktan nakatulunan. 30Konapoo lipu dinungoli konakebelan luwedoi Mesa badombalaakon Sefar, doiyamo lipu mobunggukon taalikon doi tolopot. 31Doiyamo sasaibino Sem nakatulunan. Memeeng kobangsa tukon benseno dungol doi natano suwe-suwele tukon daano konasilingan suwe-suwele.
32Sasaibino doiya Nuh katulunan, bangsa maka bangsa, mololoi garis napoo katulunan suwe-suwele. Yanilamo konaluwean kobangsa-bangsa doi dunia nia sambuno lapa koeabadoo mobabasal.
Currently Selected:
TEALIAN 10: LAIBGZ
Highlight
Share
Copy
Want to have your highlights saved across all your devices? Sign up or sign in
