FARFYAR RO MANWAWANSYA 3
3
Petrus ḇyuk pararei faro snon manis oso
3:1-10
1Ro ras oso fanam oras nadi, isoine oras kior fafisu ori ikren, Petrus ma Yohanes suyek ḇe Rum Allah. 2Ro dia snon oso isya ḇyemanis rofyor snari daḇen i isof sunfarma i kuker waryar. Ras-ras kam snon ani sriri fanam kedwai ḇeba ro Rum Allah, ḇenirḇe kedwai Ḇepyum, insa dor farsarser faro snonkaku ḇesun ro Rum Allah sya. 3Rofyor snon ani myam, Petrus ma Yohanes suḇe susun ro Rum Allah, inja dor farsarser ro su. 4Sumam bosi ma Petrus ikofen, ḇo doḇo: “Mambe nurori.” 5Inja snon ani iknower su kuker kakyar nari isma roi oso ro su. 6Ḇape Petrus ikofen, ḇo doḇo: “Sarak ma brawen yana onoḇa, ḇape rosai yasma ya, yaḇuki faro au: Kuker snonsnon Yesus Kristus, snon Nazaret ani, wambran!” 7Raimnai ikin snon ani ḇrasi ḇar rakuya ma iyeri fa dores. Rofyor aniḇeri fasfisew ro wemin ḇyesu nsambraḇ. 8Snon ani dores, ma doper ma imbran mura-muma ma iso su randum ro Rum Allah, imbran dapoper ma isandik Allah. 9Kawasa ansi kam smam imbranḇo isandik Allah, 10raimnai kawasa ansi smamḇaḇir iso ḇekainḇo ḇefararyor farsarser ro kedwai Ḇepyum ro Rum Allah, isof sikam sikandor ma sikmom rosai ḇeḇesya kukeri.
Petrus fafaya ḇyedi ro rumbrawer Salomo
3:11-26
11Snar snon ani iso wanan Petrus ma Yohanes su, inja kawasa ḇeḇor ḇekandor ansi srama spanjuḇer sko ro rumbrawer snirḇe Salomo. 12Petrus myam kawasa ḇeḇor ansi ḇo ikofen: “Ne, kawasa Israel, snaro mko kandor kuker roi ḇeḇesyanine ma rosai mko knower inko imnis inkoiso ḇefrur snonkaku ine fa imbran snar samambraḇ roḇa souser inko ḇena nerer? 13#Kel. 3:15Allah Abraham, Ishak ma Yakub, Allah kpu koḇesi ḇyuk payamyum faro Manfamyan Ḇyedi kwar, isoine Yesus mkoḇoḇ ma mkopampum ro ḇarpon Pilatus, rofyor Pilatus kyara fa doḇo fyaspar i. 14#Mat. 27:15-23; Mrk. 15:6-14; Luk. 23:13-23; Yoh. 19:12-15Ḇape mkopampum kwar, Ḇesren ma Ḇenapes ya, ma mkomarisen snon mamun oso ḇe sasuref ḇemko. 15Rarirya Ḇye Manfarkin kankenem ya, mkomun i kwar, ḇape Allah ḇyawes i ro munaiḇui; ma roi ḇeḇesya nane inkoiso ḇeḇesaksi. 16Ma snar kakyar faro snonsnon Yesus, rarirya snonsnon ani iso ḇeḇuk sambraḇ kwar faro snonkaku mkomam ma mkofawi ine; ma kakyar ani ḇeḇuk pararei kwar faro snon ine, ro ḇarpon mkoḇena kam.
17Ne, naek ma srar mko, yafaw mkofrur rarirya snar fawawi ḇa mkoḇena, imnisbos kaku manfarkin mkoḇesi. 18Ḇape kuker nyan ine Allah ifrur mnis rosai ikofen kwar ro ḇepon kuker sḇayo nabi-nabi Ḇyesi, isoine Wairek iwan ani nari isma marindi. 19Inja mko mbror kada ma mkokaḇer insa sasar mkoḇena neḇepyos. 20Insa Manseren ḇyuk fafisu marisen ma iwan Yesus Kristus, ḇyuk ḇemko ro randak ya. 21Kristus ani kyain ro boiyas isof fafisu roi ḇeḇor nakam namnis raris moḇ Allah ikofen kwar kuker sḇayo nabi-nabi ḇesren ḇyesi ro awar madero. 22#Ul. 18:15, 18-19Imboi Moses ikofen kwar, ḇodoḇo: ‘Manseren Allah nari ḇyawes faro mko nabi oso ro fandu naek mkoḇesi imnis i wan aya: Mko mnaf i ro roi ḇeḇor nari ikofen faro mko. 23Ma nari ro fafisu iyama mansei ḇemnaf pyum nabi ani ḇa ikada nari ḇyeḇemun ro fandu er koḇesi. 24Ma nabi sibor ḇekofen kwar randak ro Semuel ma ḇepon roi, sawos kwar ro fafisu ine.’ 25#Kej. 22:18Mkokada mko ḇeknam wos nane ma mkosma rarwas ro asas Manseren Allah ḇyuk kwar faro up koḇesi, rofyor ikofen faro Abraham: Kuker kpu besi er kam ro supswan nari sisma ḇok. 26Ma faro mko kada eḇedari Allah ḇyawes Manfamyan Ḇyedi ma iwan i faro mko insa ḇyeḇok mko ma fyarkin mko oser-oser fa imbror ro sasar ḇarbor ḇeḇor ḇyena.”
Currently Selected:
FARFYAR RO MANWAWANSYA 3: LAIBHW
Highlight
Share
Copy
Want to have your highlights saved across all your devices? Sign up or sign in
FARFYAR RO MANWAWANSYA 3
3
Petrus ḇyuk pararei faro snon manis oso
3:1-10
1Ro ras oso fanam oras nadi, isoine oras kior fafisu ori ikren, Petrus ma Yohanes suyek ḇe Rum Allah. 2Ro dia snon oso isya ḇyemanis rofyor snari daḇen i isof sunfarma i kuker waryar. Ras-ras kam snon ani sriri fanam kedwai ḇeba ro Rum Allah, ḇenirḇe kedwai Ḇepyum, insa dor farsarser faro snonkaku ḇesun ro Rum Allah sya. 3Rofyor snon ani myam, Petrus ma Yohanes suḇe susun ro Rum Allah, inja dor farsarser ro su. 4Sumam bosi ma Petrus ikofen, ḇo doḇo: “Mambe nurori.” 5Inja snon ani iknower su kuker kakyar nari isma roi oso ro su. 6Ḇape Petrus ikofen, ḇo doḇo: “Sarak ma brawen yana onoḇa, ḇape rosai yasma ya, yaḇuki faro au: Kuker snonsnon Yesus Kristus, snon Nazaret ani, wambran!” 7Raimnai ikin snon ani ḇrasi ḇar rakuya ma iyeri fa dores. Rofyor aniḇeri fasfisew ro wemin ḇyesu nsambraḇ. 8Snon ani dores, ma doper ma imbran mura-muma ma iso su randum ro Rum Allah, imbran dapoper ma isandik Allah. 9Kawasa ansi kam smam imbranḇo isandik Allah, 10raimnai kawasa ansi smamḇaḇir iso ḇekainḇo ḇefararyor farsarser ro kedwai Ḇepyum ro Rum Allah, isof sikam sikandor ma sikmom rosai ḇeḇesya kukeri.
Petrus fafaya ḇyedi ro rumbrawer Salomo
3:11-26
11Snar snon ani iso wanan Petrus ma Yohanes su, inja kawasa ḇeḇor ḇekandor ansi srama spanjuḇer sko ro rumbrawer snirḇe Salomo. 12Petrus myam kawasa ḇeḇor ansi ḇo ikofen: “Ne, kawasa Israel, snaro mko kandor kuker roi ḇeḇesyanine ma rosai mko knower inko imnis inkoiso ḇefrur snonkaku ine fa imbran snar samambraḇ roḇa souser inko ḇena nerer? 13#Kel. 3:15Allah Abraham, Ishak ma Yakub, Allah kpu koḇesi ḇyuk payamyum faro Manfamyan Ḇyedi kwar, isoine Yesus mkoḇoḇ ma mkopampum ro ḇarpon Pilatus, rofyor Pilatus kyara fa doḇo fyaspar i. 14#Mat. 27:15-23; Mrk. 15:6-14; Luk. 23:13-23; Yoh. 19:12-15Ḇape mkopampum kwar, Ḇesren ma Ḇenapes ya, ma mkomarisen snon mamun oso ḇe sasuref ḇemko. 15Rarirya Ḇye Manfarkin kankenem ya, mkomun i kwar, ḇape Allah ḇyawes i ro munaiḇui; ma roi ḇeḇesya nane inkoiso ḇeḇesaksi. 16Ma snar kakyar faro snonsnon Yesus, rarirya snonsnon ani iso ḇeḇuk sambraḇ kwar faro snonkaku mkomam ma mkofawi ine; ma kakyar ani ḇeḇuk pararei kwar faro snon ine, ro ḇarpon mkoḇena kam.
17Ne, naek ma srar mko, yafaw mkofrur rarirya snar fawawi ḇa mkoḇena, imnisbos kaku manfarkin mkoḇesi. 18Ḇape kuker nyan ine Allah ifrur mnis rosai ikofen kwar ro ḇepon kuker sḇayo nabi-nabi Ḇyesi, isoine Wairek iwan ani nari isma marindi. 19Inja mko mbror kada ma mkokaḇer insa sasar mkoḇena neḇepyos. 20Insa Manseren ḇyuk fafisu marisen ma iwan Yesus Kristus, ḇyuk ḇemko ro randak ya. 21Kristus ani kyain ro boiyas isof fafisu roi ḇeḇor nakam namnis raris moḇ Allah ikofen kwar kuker sḇayo nabi-nabi ḇesren ḇyesi ro awar madero. 22#Ul. 18:15, 18-19Imboi Moses ikofen kwar, ḇodoḇo: ‘Manseren Allah nari ḇyawes faro mko nabi oso ro fandu naek mkoḇesi imnis i wan aya: Mko mnaf i ro roi ḇeḇor nari ikofen faro mko. 23Ma nari ro fafisu iyama mansei ḇemnaf pyum nabi ani ḇa ikada nari ḇyeḇemun ro fandu er koḇesi. 24Ma nabi sibor ḇekofen kwar randak ro Semuel ma ḇepon roi, sawos kwar ro fafisu ine.’ 25#Kej. 22:18Mkokada mko ḇeknam wos nane ma mkosma rarwas ro asas Manseren Allah ḇyuk kwar faro up koḇesi, rofyor ikofen faro Abraham: Kuker kpu besi er kam ro supswan nari sisma ḇok. 26Ma faro mko kada eḇedari Allah ḇyawes Manfamyan Ḇyedi ma iwan i faro mko insa ḇyeḇok mko ma fyarkin mko oser-oser fa imbror ro sasar ḇarbor ḇeḇor ḇyena.”
Currently Selected:
:
Highlight
Share
Copy
Want to have your highlights saved across all your devices? Sign up or sign in