FARFYAR RO MANWAWANSYA 4
4
Petrus ma Yohanes ro ḇarpon Kankain Karkara Agama
4:1-22
1Rofyor Petrus ma Yohanes su yawawos kaker kuker kawasa ḇebor ansi, mananir ḇewaren Rum Allah kuker kawasa Saduki srama fasaw faro su. 2Snon ansi simsorbos kaku snar sufarkor kawasa ḇebor ansi ma suḇaryas, Yesus ḇyeknam ro aḇiḇer fandu snonkaku ḇemar sya. 3Inja sfor su ma ssun suḇe bui snar roḇ kwar, inja siwaf meserdi. 4Ḇape rofandu snonkaku ḇemnaf farkarkor ansi sibor sikyar, isof dandonek sedi indokada sesnon syaran ririm.
5Ro meserdi manfarkin-manfarkin Yahudi ma ḇebarara-ḇebarara kuker ḇefawinananem Refo Yahudi sfananjur ro Yerusalem 6kuker Imam Ḇeba Hanas ma Kayafas, Yohanes ma Aleksander ma snonkaku ḇeso kam ḇesun ro keret Imam Ḇeba. 7Rarirya ssun Petrus ma Yohanes ḇe ḇarpon kankain ani ma sirandak sifuken su, ḇo soḇo: “Kuker papok rosai roḇaido kuker snonsnon mansei mufrur rarirya?”
8Inja Petrus kyarem, kuker papok Rur Ḇesren: “Ne, manfarkin-manfarkin er ma ḇebarara-ḇebarara, 9rofyor knikine mko kukeḇ nu snar fararur pyum faro snonkaku ḇeduf oso ma mkoḇo nu kofen ḇadir kuker papok rosai snon anine isma pararei, 10inja mko kam ma er Israel ḇesiper mkofawi kwar, isoine kuker snonsnon Yesus Kristus, snon Nazaret, mkopai kwar ani, ḇape Allah ḇyawes i kwar ro fandu snonkaku ḇemar sya – ma kuker papoik Yesus ani snon ine dores kuker pararei ro ḇarpon mkoḇedi.
11 #
Mzm. 118:22
Yesus ani irya karui ḇefawi ḇeḇawes rum sya sisawen ya – isoine mankun mko, –
ḇape i ḇeḇe karui dopir ya.
12Ma koreri isya ro snonkaku oso ḇeseḇa demir kuker Yesus, snar ro supswan ḇesiper ine snonsnon oso ḇeso isya ḇa ḇesma kwar papoik ro Allah fa ḇeḇuk koreriya maḇeko.”
13Rofyor fananjur ani smam Petrus ma Yohanes ḇri suḇena ma sifawi, sukada snonkaku waworek befarkorḇa, inja sikam sikandor; ma smamḇaḇir su imnis snonkaku ḇeso Yesus. 14Ḇape rofyor smam snon ḇeprei ani dores kuker su, inja sawos royo ḇa fa siksampum su. 15Ma rofyor siwan sufa susasyarbur fananjur ani, insape skara, ma soḇo: 16“Nyan rosai nari kun faro snonkaku sine? Snar kawasa kam ro Yerusalem ḇesiper, sifawi kam kwar, sufrur aḇyair kanandor oso kwar ro fababa ma kopok kofamyun iba. 17Ḇape insa roi ḇeḇesya ine imbran awer ro fandu kawasa ḇebor ansi, ipyum syadi kodwarek si, insa sawos kaker awer ro snonsnon ani faro manseirya kaker.”
18Rofyor siwan kwar fa susun wer, ssoser faro su insa sawawos roḇa sfarkor kaker awer snonsnon Yesus. 19Ḇape Petrus ma Yohanes sukarem faro si: “Mankun mkokara, rosai ḇenapes ro ḇarpon Allah: koso mkoke roḇa koso syadi faro Allah. 20Snar nari inkomnai ḇaḇeri fa inkawawos ro roi inko mam ma inko mnaf kwar.” 21Ḇape sḇaḇekwef manwawan ansi syadi wer, fama ḇarpur ya srir si snar kankain ani sisma nyano ḇa fa ssḇuk samamyai faro su, snar simkak kawasa ḇebor ansi, ḇeḇuk sanandik faro Allah snori snar roi ḇeḇesya kwar ani. 22Snar snon ḇeprei kuker aḇyair kanandor ani umur ḇyedi isyadi kwar ro wampasi wambarek samfur rifiak.
Jemaatsya nadi sena
4:23-31
23Rofyor sfaspar su kwar Petrus ma Yohanes sura faro min suḇesi; ma sufarfyar ro roi ḇebor mananir imam-imamsya ma ḇebarara Yahudisya sikofen faro su anna. 24#Kel. 20:11; Neh. 9:6; Mzm. 146:6Fafisu min suḇesi simnaf wos anna, sikam sinadi faro Allah, soḇo: “O Manseren, au ḇefrur nanki, supswan ma roi ḇebor kam ḇero ina. 25#Mzm. 2:1-2Ma kuker famfnoḇek Rur Ḇesren ro manfyan bedi Daud, kma inkoḇedi, wakofen kwar:
Snaro er-er sya sembrus,
snaro keret-keret ro er-er sya skakara ro roi ḇeḇefromo?
26Wairek-wairek supswan sfasasos
ma ḇebarara sya sfananjur fa sisampum Manseren ma Kristus.
27 #
Mat. 27:1-2; Mrk. 15:1; Luk. 23:1, 7-11; Yoh. 18:28-29 Snar kaku ḇeri Herodes ma Pontius Pilatus kuker er-er ma keret-keret ro er Israel siraryur kwar ro mnu ine fa sisampum Yesus, Manfyan Ḇesren bedi rwem kwar, 28fa ifrur roi ḇebor kam fasnai kwar ro randak ya kuker papoik ma marisen bedi. 29Ma fafisu ine, o Manseren, mamkada rariso sfamfaḇri kuker inko inja buk faro manfyan besi ḇri fa inkoḇuk ḇaryas wos bedi. 30Wasu bramsu fa buk pararei faro snonkaku, ma wafrur aḇyair-aḇyair ma fasasnai kanandor kuker snonsnon Yesus, Manfyan Ḇesren bedi.”
31Ma ro fafisu sisya senadi, moḇ siryur ro ani imararer ma sikam sifo kuker Rur Ḇesren, ma sbaryas wos Allah kuker ḇri.
Jemaatsya kankenem sena
4:32-37
32 #
Kis. 2:44-45
Rarirya raryur snonkaku ḇekyar kwar, sikam sesne oser ma serur oser, ma oso ikofen ḇa, nana ḇyena faro mankundi, ḇape roi ḇebor anna faro sikam. 33Ma kuker papoik ḇeba manwawan ansi ssḇuk kesaksian ro aḇiḇer Manseren Yesus, ma sikam sikenem ro saswar ma fakamaman Allah. 34Rarirya oso ro si dananjar ḇa; snar sikam ḇena saprop roḇa rum, sḇoḇ nana sena ma maeja ro roi sḇoḇ anna ssun na 35ma srir na ro ḇarpon manwawan ansi siwesna; raimnai sirwas na faro snonkaku ansi oser-oser imnis fandun ḇyena.
36Rarirya kako kuker Yusuf manwawan sya sap kako iḇe Barnabas, isoine romawa sneprei, snon Lewi ḇeraker Siprus. 37Ḇyoḇ yaf ḇyedi, ma pipi sya dunsi faro manwawan ansi.
Currently Selected:
FARFYAR RO MANWAWANSYA 4: LAIBHW
Highlight
Share
Copy
Want to have your highlights saved across all your devices? Sign up or sign in
FARFYAR RO MANWAWANSYA 4
4
Petrus ma Yohanes ro ḇarpon Kankain Karkara Agama
4:1-22
1Rofyor Petrus ma Yohanes su yawawos kaker kuker kawasa ḇebor ansi, mananir ḇewaren Rum Allah kuker kawasa Saduki srama fasaw faro su. 2Snon ansi simsorbos kaku snar sufarkor kawasa ḇebor ansi ma suḇaryas, Yesus ḇyeknam ro aḇiḇer fandu snonkaku ḇemar sya. 3Inja sfor su ma ssun suḇe bui snar roḇ kwar, inja siwaf meserdi. 4Ḇape rofandu snonkaku ḇemnaf farkarkor ansi sibor sikyar, isof dandonek sedi indokada sesnon syaran ririm.
5Ro meserdi manfarkin-manfarkin Yahudi ma ḇebarara-ḇebarara kuker ḇefawinananem Refo Yahudi sfananjur ro Yerusalem 6kuker Imam Ḇeba Hanas ma Kayafas, Yohanes ma Aleksander ma snonkaku ḇeso kam ḇesun ro keret Imam Ḇeba. 7Rarirya ssun Petrus ma Yohanes ḇe ḇarpon kankain ani ma sirandak sifuken su, ḇo soḇo: “Kuker papok rosai roḇaido kuker snonsnon mansei mufrur rarirya?”
8Inja Petrus kyarem, kuker papok Rur Ḇesren: “Ne, manfarkin-manfarkin er ma ḇebarara-ḇebarara, 9rofyor knikine mko kukeḇ nu snar fararur pyum faro snonkaku ḇeduf oso ma mkoḇo nu kofen ḇadir kuker papok rosai snon anine isma pararei, 10inja mko kam ma er Israel ḇesiper mkofawi kwar, isoine kuker snonsnon Yesus Kristus, snon Nazaret, mkopai kwar ani, ḇape Allah ḇyawes i kwar ro fandu snonkaku ḇemar sya – ma kuker papoik Yesus ani snon ine dores kuker pararei ro ḇarpon mkoḇedi.
11 #
Mzm. 118:22
Yesus ani irya karui ḇefawi ḇeḇawes rum sya sisawen ya – isoine mankun mko, –
ḇape i ḇeḇe karui dopir ya.
12Ma koreri isya ro snonkaku oso ḇeseḇa demir kuker Yesus, snar ro supswan ḇesiper ine snonsnon oso ḇeso isya ḇa ḇesma kwar papoik ro Allah fa ḇeḇuk koreriya maḇeko.”
13Rofyor fananjur ani smam Petrus ma Yohanes ḇri suḇena ma sifawi, sukada snonkaku waworek befarkorḇa, inja sikam sikandor; ma smamḇaḇir su imnis snonkaku ḇeso Yesus. 14Ḇape rofyor smam snon ḇeprei ani dores kuker su, inja sawos royo ḇa fa siksampum su. 15Ma rofyor siwan sufa susasyarbur fananjur ani, insape skara, ma soḇo: 16“Nyan rosai nari kun faro snonkaku sine? Snar kawasa kam ro Yerusalem ḇesiper, sifawi kam kwar, sufrur aḇyair kanandor oso kwar ro fababa ma kopok kofamyun iba. 17Ḇape insa roi ḇeḇesya ine imbran awer ro fandu kawasa ḇebor ansi, ipyum syadi kodwarek si, insa sawos kaker awer ro snonsnon ani faro manseirya kaker.”
18Rofyor siwan kwar fa susun wer, ssoser faro su insa sawawos roḇa sfarkor kaker awer snonsnon Yesus. 19Ḇape Petrus ma Yohanes sukarem faro si: “Mankun mkokara, rosai ḇenapes ro ḇarpon Allah: koso mkoke roḇa koso syadi faro Allah. 20Snar nari inkomnai ḇaḇeri fa inkawawos ro roi inko mam ma inko mnaf kwar.” 21Ḇape sḇaḇekwef manwawan ansi syadi wer, fama ḇarpur ya srir si snar kankain ani sisma nyano ḇa fa ssḇuk samamyai faro su, snar simkak kawasa ḇebor ansi, ḇeḇuk sanandik faro Allah snori snar roi ḇeḇesya kwar ani. 22Snar snon ḇeprei kuker aḇyair kanandor ani umur ḇyedi isyadi kwar ro wampasi wambarek samfur rifiak.
Jemaatsya nadi sena
4:23-31
23Rofyor sfaspar su kwar Petrus ma Yohanes sura faro min suḇesi; ma sufarfyar ro roi ḇebor mananir imam-imamsya ma ḇebarara Yahudisya sikofen faro su anna. 24#Kel. 20:11; Neh. 9:6; Mzm. 146:6Fafisu min suḇesi simnaf wos anna, sikam sinadi faro Allah, soḇo: “O Manseren, au ḇefrur nanki, supswan ma roi ḇebor kam ḇero ina. 25#Mzm. 2:1-2Ma kuker famfnoḇek Rur Ḇesren ro manfyan bedi Daud, kma inkoḇedi, wakofen kwar:
Snaro er-er sya sembrus,
snaro keret-keret ro er-er sya skakara ro roi ḇeḇefromo?
26Wairek-wairek supswan sfasasos
ma ḇebarara sya sfananjur fa sisampum Manseren ma Kristus.
27 #
Mat. 27:1-2; Mrk. 15:1; Luk. 23:1, 7-11; Yoh. 18:28-29 Snar kaku ḇeri Herodes ma Pontius Pilatus kuker er-er ma keret-keret ro er Israel siraryur kwar ro mnu ine fa sisampum Yesus, Manfyan Ḇesren bedi rwem kwar, 28fa ifrur roi ḇebor kam fasnai kwar ro randak ya kuker papoik ma marisen bedi. 29Ma fafisu ine, o Manseren, mamkada rariso sfamfaḇri kuker inko inja buk faro manfyan besi ḇri fa inkoḇuk ḇaryas wos bedi. 30Wasu bramsu fa buk pararei faro snonkaku, ma wafrur aḇyair-aḇyair ma fasasnai kanandor kuker snonsnon Yesus, Manfyan Ḇesren bedi.”
31Ma ro fafisu sisya senadi, moḇ siryur ro ani imararer ma sikam sifo kuker Rur Ḇesren, ma sbaryas wos Allah kuker ḇri.
Jemaatsya kankenem sena
4:32-37
32 #
Kis. 2:44-45
Rarirya raryur snonkaku ḇekyar kwar, sikam sesne oser ma serur oser, ma oso ikofen ḇa, nana ḇyena faro mankundi, ḇape roi ḇebor anna faro sikam. 33Ma kuker papoik ḇeba manwawan ansi ssḇuk kesaksian ro aḇiḇer Manseren Yesus, ma sikam sikenem ro saswar ma fakamaman Allah. 34Rarirya oso ro si dananjar ḇa; snar sikam ḇena saprop roḇa rum, sḇoḇ nana sena ma maeja ro roi sḇoḇ anna ssun na 35ma srir na ro ḇarpon manwawan ansi siwesna; raimnai sirwas na faro snonkaku ansi oser-oser imnis fandun ḇyena.
36Rarirya kako kuker Yusuf manwawan sya sap kako iḇe Barnabas, isoine romawa sneprei, snon Lewi ḇeraker Siprus. 37Ḇyoḇ yaf ḇyedi, ma pipi sya dunsi faro manwawan ansi.
Currently Selected:
:
Highlight
Share
Copy
Want to have your highlights saved across all your devices? Sign up or sign in