MATIUS 1
1
Yesus Kristus ḇarpur ḇyedi
1:1-17
(Luk. 3:23-38)
1Yesus Kristus ḇyeḇarpur ro rumkun Daud, rumkun Abraham.
2Abraham daḇen Ishak, Ishak daḇen Yakub, Yakub daḇen Yehuda ma naek srar ḇyesi, 3Yehuda daḇen Peres ma Zerah ro Tamar, Peres daḇen Hezron, Hezron daḇen Ram, 4Ram daḇen Aminadab, Aminadab daḇen Nahason, Nahason daḇen Salmon, 5Salmon daḇen Boas ro Rakhab, Boas daḇen Obed ro Rut, Obed daḇen Isai, 6Isai daḇen raja Daud.
Daud daḇen Salomo ro Uria swari, 7Salomo daḇen Rehabeam, Rehabeam daḇen Abia, Abia daḇen Asa, 8Asa daḇen Yosafat, Yosafat daḇen Yoram, Yoram daḇen Uzia, 9Uzia daḇen Yotam, Yotam daḇen Akhas, Akhas daḇen Hiskia, 10Hiskia daḇen Manasye, Manasye daḇen Amon, Amon daḇen Yosia, 11#2Raj. 24:14-15; 2Taw. 36:10; Yer. 27:20 Yosia daḇen Yekhonya, ma naeksrar ḇyesi ro fafisu ḇaḇemanfyan ḇe Babel.
12Ḇarpur ro ḇaḇemanfyan ḇe Babel, Yekhonya daḇen Sealtiel, Sealtiel daḇen Zerubabel, 13Zerubabel daḇen Abihud, Abihud daḇen Elyakim, Elyakim daḇen Azor, 14Azor daḇen Zadok, Zadok daḇen Akhim, Akhim daḇen Eliud, 15Eliud daḇen Eleazar, Eleazar daḇen Matan, Matan daḇen Yakub, 16Yakub daḇen Yusuf Maria swari, ḇeaḇen Yesus sapḇe Kristus.
17Inja sikam sesyos samfur seser rifiak ro Abraham isof Daud, syos samfur seser rifiak ro Daud isof ḇaḇemanfyan ḇe Babel, ma syos samfur seser rifiak ro ḇaḇemanfyan ḇe Babel isof ro Kristus.
Yesus Kristus ḇyeḇeaḇen
1:18-25
(Luk. 2:1-7)
18 #
Luk. 1:27
Yesus Kristus ḇyeḇeaḇenya farfyar ḇyedi ryadine: Rofyor snaḇyedi Maria, ssḇuki dapsasor Yusuf, ro fafisu ani imoḇesḇa kuker Rur Ḇesren, rofyor sukenem ḇeimbeswa ḇaim. 19Snar Yusuf Maria swari, snon ḇenapes dirya, inja imewer ifrur mamyai swari Maria ro fababa, mḇoi kyara fa imewer famyun i. 20Ḇape fafisu kyara fasis swaruser ani, Manseren malaikat ḇyesi oso ḇyair faroi ro mafu ḇo ikofen: “Yusuf romawa Daud wamkak awer fa wun Maria ḇeswa ḇedi, snar romawa doresya irya samambraḇ ro Rur Ḇesren. 21#Luk. 1:31 Nari daḇen romawa snon oso ma nari nwir I ḇe Yesus, snar iso nari ḇeḇuk koreri faro er ḇyesi ro sasar sena.”
22Roi ḇeḇesya ine ndariryanya insa imnis Manseren wos Ikofen faro nabisya: 23#Yes. 7:14 “Mḇoi nari ḇinkbor oso imoḇesḇa, ma daḇen romawa snon oso ma nari snir I ḇe Imanuel” – isoine: Allah ryous ko.
24Rofyor ḇyir ro anenef ḇyedi, Yusuf iso rosai Manseren malaikat ḇyedi syoser faroi kwar. Inja dun Maria ḇeswa ḇyedi, 25#Luk. 2:21 ḇape denefusi ḇa isof daḇen romawa snon ḇyedi ma nyiriḇe Yesus.
Currently Selected:
MATIUS 1: LAIBHW
Highlight
Share
Copy
Want to have your highlights saved across all your devices? Sign up or sign in
