2 Vakorinto 13
13
Sileleto so gwitisa ni madungula
1 # Wona ni ka: Dhewut. 17:6; 19:15. Adiya nda wuraru ni txi ta kheyo kwanu. Yotshe mhaka yi nata tsaniswa ngu wufakazi wa vathu vambidi mwendo vararu. 2Ni mi gete kukhatani, se nga ti ni nga wombisa tona ka dipfhumba dangu da wumbidi, na engeta ni womba aku ni ku kule, ka vale va nga onha kale ni ka votshe vamwani: Ni txi tshumela ni ta, kha ni na mbi ta va ni divalelo, 3nguko mi lava txikombiso txa ti to Kristu a womba-womba ngu ngani. Ene kha nga ni dikhodho, ngako a txi thuma hagari kwanu, aniko mtamo wakwe wu tikomba kwanu. 4Ngu ditshuri, a gogotetwe ha txihambanoni a di ni dikhodho, aniko wa hanya ngu mtamo wa Txizimu. Nanathu hi ni dikhodho kwakwe, aniko hi na hanya kumweko nayo ngu mtamo wa Txizimu hagari kwanu.
5Ti xoleni mipune, kufela kuwona ti to mi tsani kukholwani; yanani masoni ngu ku ti xola. Mwendo mo va mi si ti zivi ti to Jesu Kristu waho kwanu kani? Ahanti mwendo mi to koneka. 6Aniko na themba, mi na tiziva ti to athu kha ha koneka. 7Se, na mi kombelela ka Txizimu ti to mi si mahi kubiha, kuxuva kwathu hi nga kutikomba kota nga va va nga sikota, aniko hi xuva ti to anu mi maha ta tinene, hambi hi txi woneka nga hi vatandeki. 8Nguko, kha hi na mtamo wo lwa ni ditshuri, aniko hi ema ni dona ditshuri. 9Athu ha tsaka ngako hi di va dikhodho, kasi anu mi di va mtamo. Ati hi mi kombelako ngu tona ngu ti to mi va vo hetiseka. 10Ni mi bhalela timhaka tiya ni di kule, kufela ku, mbimo yi ni no hoka kheyo, ni si ta thumisa tshofu, madingano ni mtamo wu ni nga ningwa ngu Mkoma, kasi kuaka i si nga kukhundumusa.
11Magwito ka totshe, vanathu, zumbani mi di tsakile, khutalani ngu kumaha wunene, tsanisanani mi txi va ni kualakanya kumweko, mi txi hanya ngu kudikha. Txizimu txa lirando ni txa kudikha txi na va ni nanu.
12Losanani ngu kupswopswana ko sawuleka.
Va mi dingula votshe Vasawuleki.
13Kateko ya Mkoma Jesu Kristu, ni lirando la Txizimu, ni kutshangana ka Moya wo Sawuleka, si nave ni nanu motshenu.
Currently Selected:
2 Vakorinto 13: BEC2016
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.