Genesisi 35
35
Josefa a txi wuya Bheteli
1 # Wona ni ka: Gen. 28:11-17. Txizimu txi to womba ka Jakobe txi txi kha txona:
“Khukha! Tsula Bheteli u txi ya aka kona. Koneyo u na ya aka txiluvelo txa Txizimu, atxi txi nga ti wonekisa kwako, mbimo yile u nga txi thava masoni ka mkomwako Esawu.”
2Sekoko Jakobe a to womba ka ngamu yakwe yotshe ni ka votshe vale a nga ti navo, a txi khene:
“Tshotshani hahanze sotshe sithombe sa sizimu sa vamatiko, asi si ku hagari kwanu, ti basiseni mi txitxa ni syambalo sanu.” 3Se a hi khukheni hi kwela kuya Bheteli; ni na ya aka kona txiluvelo ka Txizimu, atxi txi nga ni emela mbimo yi ni nga ti ti pandiseka, kambe txi ni pangalatile, ka nzila yi ni nga yi tsimbila.
4Sekoko vona va to ningela ka Jakobe sotshe sithombe sa sizimu sa vamatiko, asi va nga ti naso, ni singeda ati va nga ti nato tinzeveni kwakwe, se Jakobe a to si kelela hahatshi ka mkusu wu wu nga ti hafuhi ni didhoropa da Sikemi.
5Vona va to khukha ha wugoveloni hale va nga ti kona, se Txizimu txi to thela dizowa da hombe, ka vathu va madhoropa otshe ma nga ti hafuhi, ti to ku si maneki m'thu ni wammweyo wa kutsana a txi londeta Jakobe ni ngamu yakwe.
6Jakobe a to hoka Luza, ditikoni da Kanana (i ku Bheteli), ene ni votshe vale a nga ti navo. 7Koneyo a ti ya aka txiluvelo, e raya wukhalowo ditina daku#35:7 Ti wombako ku Txizimu txa Bheteli. i Eli-Bheteli, nguko ngu koneyo Txizimu txi nga ti wonekisa kwawe, mbimo yi a nga txi thava masoni ka mkomwakwe.
8Se Dhebhora, txithumi txa Rebheka, a to fa, e tshotshwa hafuhi ni Bheteli, hahatshi ka mkusu, awu se wu nga dhanwa ku Mkusu wa Masaluko.
9Txizimu txi to humelela kambe ka Jakobe, na ene a txi ta ngu Padhani-Aramu, txi txi mkatekisa. 10Se Txizimu txi to kha txona kwakwe:
“Ditina dako u Jakobe;#Wona ni ka: Gen. 32:28.
khu na mbiswa u txi dhanwa kambe ngu ditina da Jakobe:
Aniko ditina dako u na dhanwa ku u Israyeli.”
Txizimu txi to mraya ditina daku i Israyeli. 11Se Txizimu txi m'gete kambe, txi txi kha txona:
“Ani ngani Txizimu txa mtamo wotshe.
Velekelanani mi txi anda.
Ngu kwako ku na humelela mfumo, ni matiko o tala,
ni vafumeli va na huma ngu kwako.
12Ani na kuninga ditiko di ni nga ninga Abrahamu ni Isaake, ni ka liveleko lako#Wona ni ka: Gen. 17:4-8.;
ali li no maneka msana kwako.”
13Se Txizimu txi to khukha hafuhi kwakwe, ka wukhalo wule txi nga ti ti womba-womba nayo. 14Jakobe a to emisa dirigwi da txialakanyiso, ha wukhaloni hale Txizimu txi nga womba-womba nayo, dirigwi diya txitimwi ka dona a nga phaxa mhamba ya vhinya, e thela kambe mtona.
15 # Wona ni ka: Gen. 28:18-19. Jakobe a to raya wukhalo wule ditina daku i Bheteli, wukhalo wule Txizimu txi nga womba-womba nayo kona.
Kufa ka Rakeli
16Vona va to khukha Bheteli. Se ku di sate mnava wa wudotho, kasi kuhoka Efrata, Rakeli a to hefemula kambe, aniko kulumwa kwakwe ku mpandisile ngutu. 17Mbimo yi Rakeli a nga hefemula ngu kukarateka, nyakhotwe wakwe a m'gete tiya: “U nga thave, nguko u na va ni mmwani m'zambi!”
18Mbimo yi wu nga txi huma moya wakwe, na se lifo li di hafuhi, ene a to raya ditina mwanana, daku#35:18 Ti wombako ku mwanana wa kupanda kwangu. i Bhenoni; aniko tate wakwe a mrayile ku#35:18 Ti wombako ku mwanana wa mtamo. i Bhenjamini.
19 # Wona ni ka: Jer. 31:15. Rakeli a to fa, se e kelelwa hafuhi ni nzila ya kuya Efrata, i ku Bhetlehema. 20Jakobe a to emisa dirigwi da txialakanyiso txitimwi ka dithitha, dirigwi da txialakanyiso txa dithitha da Rakeli, adi di kuho kala ni nyamsi. 21Sekoko Israyeli a to khukha eya zima ditenda dakwe, kupinda ka#35:21 Mwendo: txitezi txa Edheri. Migdhali-Edheri.
Vanana va Jakobe
(1 Makronika 2:1-2)
22Nga ti Israyeli a nga va a di akile ka dona ditiko edo, Rubheni a to otela ni Bhiliha, i nga ti txikaba txa tate wakwe, kambe Israyeli a ti zivile. Se vanana va Jakobe, i ti ti digumi ni vambidi.
23Vanana va Leya ngu vava: Matiwula a Jakobe i Rubheni, Simiyoni ni Levhi, Judha, Isakari ni Zebhuloni. 24Vanana va Rakeli ngu vava: Josefa ni Bhenjamini; 25Vanana va Bhiliha txithumi txa Rakeli ngu vava: Dhani ni Naftali. 26Vanana va Zelfa txithumi txa Leya ngu vava: Ghadhe ni Aseri. Evo mbanana va Jakobe va nga velekelwa Padhani-Aramu.
Kufa ka Isaake
27 # Wona ni ka: Gen. 13:18. Se Jakobe a to ta ka Isaake tate wakwe, kona Mambre, aniya Kiriyate-Aribhe, i ku Hebroni, ahale va nga ti akile kona, Abrahamu ni Isaake.
28Kuhanya ka wutomi wa Isaake nga 180 wa malembe. 29Se Isaake, msana ka kuva a di kumbile, to fa, eya ti patanisa ni va ka kwawe, i di txikhovana, na a di hanyile masiku o tala, se vanana vakwe, Esawu ni Jakobe, va to mtshotsha.
Currently Selected:
Genesisi 35: BEC2016
Highlight
Share
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
