Habhakuki 1
1
Kutitsetsa ka Habhakuki
1Kulamulwa ku nga wombwa ka mprofeti Habhakuki ngu txiwoniso.
2Ni na dila kala yihi mbimo Mkoma,
na awe u si ni engisi kani?
Ni na peka huwa: Nadawoo!
Kasi khu ni hulukisi kani?
3Ngu kutxani u ni wonisako to biha kani?
U ni wonisako tingana kani?
Nguko kuhoxota ni kuxanisa si masoni kwangu;
kambe ku ni wule a wusako dizunga ni mnandu.
4Ngu mhaka yiya, mlayo wa hungulwa mtamo,
se timhaka kha ti nja nga hoka magwito;
nguko m'bihi a randela wule wo lulama,
se timhaka ti lamulwa ngu nzila yo wekela.
Xamulo ya Txizimu
5 # Wona ni ka: Mith. 13:41. Wonani hagari ka matiko,
mi wonisisa, mi tsaka, mi xamala;
nguko na maha ka masiku anu,
mthumo wu anu mi no mbi wukholwa,
mbimo yile mi no txhamuselwa.
6 # Wona ni ka: 2 Vafu. 24:2. Nguko wonani taku na wusa Vakaldheya,
vathu vo karata ni kukuluveta,
va rerelako ka otshe mafu ngu kuanama ka ona,
kasi kuhonyola makhalo o mbi va lumba.
7Mbathu vo thisa ni kudhukisa;
wuhombe ni wulamuli wu na huma kwawe vapune.
8Mahantxhi awe ma tutuma ngutu kupinda singoko,
kambe mani tshofu ngutu ni wusiku kupinda maxolwa;
vagadhi va ona va hangalaka ka otshe madhawa,
ina, vagadhi va ona va nata ngu kule,
va na puruma nga magama ma txi tutumela sakudya.
9Vona votshe va tete ku ta xanisa vathu;
tikhohe tawe ti na rendekela wutxani,
va na sengeleta tikhumbi ku nga mafu.
10Se va na pfisa kupanda vafumeli,
kambe va na sakana ngu vathangeli,
vona va na poyilela yotshe mikhokhola;
ngu kumahetela situletule sa mafu, va na honyola mikhokhola.
11Sekoko, va na pinda kufana ni moya,
ve kanda, se va txi ti ninga m'nandu,
va txi kha vona mtamo wa txizimu txawe.
Habhakuki wa engeta a txi ti tsetsa
12Ina hi nga awe yotshe mbimo Mkoma,
Txizimu txangu, ni Msawuleki wangu kani?
Athu kha hi na mbi fa.
Awe Mkoma, u m'vekete kumaha mlamuli,
kambe awe Dirigwi, u mmahile makhato a txi tsayiso.
13Awe u ni maso amanene, ma si dinganiko kuwona to biha,
kambe khu tumeli ni kuwona tingana;
ngu kutxani koko, u wonako vale va mahako ta walo,
u malala,
ngako m'bihi a txi mita wule wo lulama kupinda ene kani?
14Se u ndi na maha vathu va txi nga sihaka sa lineneni,
kufana ni si si tsimbilako ngu mirumbu, si kuwalo wo si fuma.
15Ene wa va guleta votshe ngu ndowo,
se wa va mana ngu likoka lakwe.
Kambe wa va pata ka likoka lakwe lo hiyela;
ngu kumaha keto, ene wa tsaka ni ku ti bhuma.
16Ngu toneto, wa phaxa likokani kwakwe,
ni kuhisa dibaselo mabambe ka likoka;
nguko ngu sona si nonisako txyavelo txakwe,
se ni sakudya sakwe si maha sasingi.
17Ina a nga maha taku e tshakunuta likoka lakwe,
asi leki kusimama e dayela vathu kani?
Currently Selected:
Habhakuki 1: BEC2016
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.