Jona 4
4
Livengo la Jona, ni wumbilu wa Txizimu
1Se Jona a to swireka ngutu ngu mhaka eyo, se e maneka a di henyile ngutu.
2 # Wona ni ka: Eks. 34:6. Se a to kombela ka Mkoma, a txi khene: Yowe! Mkoma! Ina hi nga tona tiya ni nga womba, ni di ngadi ditikoni kwangu kani? Ngu mhaka yeto, ni ti vhikete, ni tutumela kuya Tarxixi, ngu kuziva taku, u Txizimu txo pfela, ni wumbilu, txo timisela, ni kutala ngu wunene, ni ti taku wa hunduluka ka to biha. 3Na ku kombela koko, awe Mkoma thavisa wutomi wangu, nguko i tshuko kwangu kufa kupinda kuhanya.
4Se Mkoma a to khene: Ina nga kunene kupandisekeko kwako kani?
5Sekoko, Jona a to huma didhoropani, eya zumba wutxani ka didhoropa, se koneho a to aka m'dhuti, e zumba ha mtsudini ka wona, kasiku e wona ati ti no humelela didhoropani. 6Se Txizimu txi to maha ti to ku txi mila thanga, yi kwela ngu txitimwi ka Jona, kuva yi maha mtsudi ha msungo kwakwe, kasi kuthavisa kuxaniseka kwakwe; se Jona a to tsaka ngutu ngu mhaka ya thanga yile. 7Aniko, Txizimu txi to rumela mpungu, ngu kugwimba ka wuronga mangwanani ka kona, wu txi ya daya thanga, se yi txi oma. 8Se ku to maheka taku, kuhumani ka ditambo, Txizimu txi rumela moya wo hisa wa wutxani, se ditambo di peka msungo wa Jona, se a to tsivala; e navela ngu wotshe moya wakwe kufa, a txi khene: “I txhuko kwangu kufa kupinda kuhanya.”
9Sekoko, Txizimu txi to kha txona ka Jona: Ina u nga za u pandiseka ngu mhaka ya thanga kani? Se ene a to xamula a txi khene: Ndinene ni pandiseka ni za ni navela kufa.
10Se Mkoma a to khene: U tsetsa thanga yile u nga mbi phaya, hambi ku yi maha yi kula; yi nga mila ngu wusiku wumwewo, ni kufa ngu wusiku wumwani; 11se ani na mbi va ni ku di pfela Didhoropa da Hombe da Ninivha, a di di ku ni kupinda 120.000 wa vathu, ava va si ziviko kuhambanisa diwoko dawe da txinene, ni diwoko dawe da txibhabha, ni sihari sasingi kani?
Currently Selected:
Jona 4: BEC2016
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.