Joxuwa 3
3
Ku txhatukwa ka mnambo wa Jordhani
1Joxuwa koko, a to khukha ngu Sitime ni mabimbi-kutxa, e tsula kala Jordhani, ene ni votshe vanana va ka Israyeli, aha va nga ya humula kona, va si se kutxhatuka. 2Se ku to maheka taku, ku di pindile masiku mararu, vathangeli va to pinda ngu hagari ka wugoveloni, 3se va to leleta ka vathu, va txi kha vona:
“Ngako mi txi wona dibhokiso da txitumelelano txa Mkoma, Txizimu txanu, na di txi gulwa ngu vaphaxeli va Valevhi, khukhani nanu ka wukhalo wanu mi di londeta. 4Ku nave ni kudhawukana hagari kwanu ni dibhokiso, ko dingana 2.000 wa mikono; kambe mi nga tshuketeni hafuhi ka dona, kasi ku mi ziva nzila yi mi no tsula ngu yona; nzila yaku kha mi nzivi ka nga tsimbila ngu yona.”
5Joxuwa a to khene kambe ka vathu:
“Ti sawulekiseni, nguko mangwana Mkoma a na maha sidiwukiso hagari kwanu.”
6Se Joxuwa a to womba ka vaphaxeli a txi khene:
“Gulani dibhokiso da txitumelelano, mi txi thangela masoni ka vathu vava.”
Va to gula koko dibhokiso da txitumelelano, va txi thangela masoni ka vathu.
7Se Mkoma a to khene ka Joxuwa:
Nyamsi ni na khata ku kukulisa masoni ka votshe va ka Israyeli, kasi kuve ziva tito, ni na va kumweko ni nawe, nga kule ni ngava kumweko ni Mosi. 8Awe koko, u na leleta ka vaphaxeli vava va rwalako dibhokiso da txitumelelano, u txi khawe: Ngako mi txi hoka likasani ka mati a Jordhani, mi na ya ema kona mnamboni ka Jordhani.
9Sekoko Joxuwa a to khene ka vanana va ka Israyeli:
“Tshuketani kheno, mi txi ta engisa mapswi a Mkoma, Txizimu txanu.” 10Joxuwa a to engeta a txi khene: “Ka toneto, mi na ziva tito, Txizimu txi txi hanyako txi hagari kwanu, ni ti to txi na tutumisa Vakanana masoni kwanu, ni Vaheti, Vahevhi, Vaferezi, Vagirigaxi, Vaamori, ni Vajebhusi. 11Wonani taku, dibhokiso da txitumelelano txa Mkoma wa otshe mafu, di na thanga di txhatuka ka mnambo wa Jordhani, masoni kwanu. 12Se konkuwa, tekani digumi da vavamna ni vambidi ka tihunzu ta va ka Israyeli, wamwamna mmweyo ka lihunzu ni lihunzu; 13Nguko ku na maheka taku, mbimo yile mikondo ya vaphaxeli vale va rwalako dibhokiso da txitumelelano txa Mkoma, Mkoma wa otshe mafu, yi txi kanda mati a Jordhani, ma na wika mati a Jordhani, se mati ale ma relelako ngu txitimwi, ma na ema ma txi maha ndunduma.”
14Se ku to maheka taku, mbimo yi vathu va nga huma ngu matendani kwawe, kasiku ve txhatuka Jordhani, vaphaxeli va ti ti rwate dibhokiso da txitumelelano, ve thangela masoni ka vathu. 15Se mbimo yile avale va nga ti rwate dibhokiso va nga hoka mnamboni ka Jordhani, mikondo ya vaphaxeli vale va nga ti rwate dibhokiso yi to nakana likasani ka mati (nguko mnambo wa Jordhani wu ti ti thekelela sinambwanani ka wona, otshe masiku a kuelula), 16ma to ema mati ale ma nga txi relela ngu txitimwi; me maha mmumbu, kule ngutu ni didhoropa da Adhani, di ku ngu didhawa ka Saretani; se ale ma nga ti ti relela ma txi ya Mikovani ka linene, i ku Linene la Mnyu, ma to wika, ma txi ema otshe; sekoko vathu va to txhatuka ngu masoni ka Jeriko. 17Aniko vaphaxeli vale va nga txi rwala dibhokiso da txitumelelano txa Mkoma, va to ema va txi hwe amu ka kuoma, hagari ka Jordhani; se votshe va ka Israyeli va to tshawunyeta na ku di omile, kala kuza votshe vathu va txi guma kutxhatuka Jordhani.
Currently Selected:
Joxuwa 3: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Joxuwa 3
3
Ku txhatukwa ka mnambo wa Jordhani
1Joxuwa koko, a to khukha ngu Sitime ni mabimbi-kutxa, e tsula kala Jordhani, ene ni votshe vanana va ka Israyeli, aha va nga ya humula kona, va si se kutxhatuka. 2Se ku to maheka taku, ku di pindile masiku mararu, vathangeli va to pinda ngu hagari ka wugoveloni, 3se va to leleta ka vathu, va txi kha vona:
“Ngako mi txi wona dibhokiso da txitumelelano txa Mkoma, Txizimu txanu, na di txi gulwa ngu vaphaxeli va Valevhi, khukhani nanu ka wukhalo wanu mi di londeta. 4Ku nave ni kudhawukana hagari kwanu ni dibhokiso, ko dingana 2.000 wa mikono; kambe mi nga tshuketeni hafuhi ka dona, kasi ku mi ziva nzila yi mi no tsula ngu yona; nzila yaku kha mi nzivi ka nga tsimbila ngu yona.”
5Joxuwa a to khene kambe ka vathu:
“Ti sawulekiseni, nguko mangwana Mkoma a na maha sidiwukiso hagari kwanu.”
6Se Joxuwa a to womba ka vaphaxeli a txi khene:
“Gulani dibhokiso da txitumelelano, mi txi thangela masoni ka vathu vava.”
Va to gula koko dibhokiso da txitumelelano, va txi thangela masoni ka vathu.
7Se Mkoma a to khene ka Joxuwa:
Nyamsi ni na khata ku kukulisa masoni ka votshe va ka Israyeli, kasi kuve ziva tito, ni na va kumweko ni nawe, nga kule ni ngava kumweko ni Mosi. 8Awe koko, u na leleta ka vaphaxeli vava va rwalako dibhokiso da txitumelelano, u txi khawe: Ngako mi txi hoka likasani ka mati a Jordhani, mi na ya ema kona mnamboni ka Jordhani.
9Sekoko Joxuwa a to khene ka vanana va ka Israyeli:
“Tshuketani kheno, mi txi ta engisa mapswi a Mkoma, Txizimu txanu.” 10Joxuwa a to engeta a txi khene: “Ka toneto, mi na ziva tito, Txizimu txi txi hanyako txi hagari kwanu, ni ti to txi na tutumisa Vakanana masoni kwanu, ni Vaheti, Vahevhi, Vaferezi, Vagirigaxi, Vaamori, ni Vajebhusi. 11Wonani taku, dibhokiso da txitumelelano txa Mkoma wa otshe mafu, di na thanga di txhatuka ka mnambo wa Jordhani, masoni kwanu. 12Se konkuwa, tekani digumi da vavamna ni vambidi ka tihunzu ta va ka Israyeli, wamwamna mmweyo ka lihunzu ni lihunzu; 13Nguko ku na maheka taku, mbimo yile mikondo ya vaphaxeli vale va rwalako dibhokiso da txitumelelano txa Mkoma, Mkoma wa otshe mafu, yi txi kanda mati a Jordhani, ma na wika mati a Jordhani, se mati ale ma relelako ngu txitimwi, ma na ema ma txi maha ndunduma.”
14Se ku to maheka taku, mbimo yi vathu va nga huma ngu matendani kwawe, kasiku ve txhatuka Jordhani, vaphaxeli va ti ti rwate dibhokiso da txitumelelano, ve thangela masoni ka vathu. 15Se mbimo yile avale va nga ti rwate dibhokiso va nga hoka mnamboni ka Jordhani, mikondo ya vaphaxeli vale va nga ti rwate dibhokiso yi to nakana likasani ka mati (nguko mnambo wa Jordhani wu ti ti thekelela sinambwanani ka wona, otshe masiku a kuelula), 16ma to ema mati ale ma nga txi relela ngu txitimwi; me maha mmumbu, kule ngutu ni didhoropa da Adhani, di ku ngu didhawa ka Saretani; se ale ma nga ti ti relela ma txi ya Mikovani ka linene, i ku Linene la Mnyu, ma to wika, ma txi ema otshe; sekoko vathu va to txhatuka ngu masoni ka Jeriko. 17Aniko vaphaxeli vale va nga txi rwala dibhokiso da txitumelelano txa Mkoma, va to ema va txi hwe amu ka kuoma, hagari ka Jordhani; se votshe va ka Israyeli va to tshawunyeta na ku di omile, kala kuza votshe vathu va txi guma kutxhatuka Jordhani.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.