Joxuwa 4
4
Digumi da marigwi ni mambidi a txialakanyiso
1Ku to maheka koko taku, na votshe vathu va di txhatukile mnambo wa Jordhani, Mkoma e womba ka Joxuwa a txi khene:
2“Tekani digumi da vavamna ni vambidi ka totshe tihunzu, wamwamna mmweyo ka lihunzu ni lihunzu, 3kambe va leleteni mi txi khanu: Tekani kona hagari hawa ka Jordhani, ka wukhaloni wule vaphaxeli va nga ti emile kona, digumi da marigwi ni mambidi; mi txi rwala mi tsula nawo ka dimwani didhawa, kasi ku mi txi ya ma veka ka wukhalo wule mi no ya otela ka wona wusiku wuwa.”
4Joxuwa koko a to dhana vavamna vale va digumi ni vambidi, va nga sawulwa ka vanana va ka Israyeli, wamwamna mmweyo ka lihunzu ni lihunzu, 5se a to va gela ku khene:
Pindani mi txi ya masoni ka dibhokiso da txitumelelano txa Mkoma, Txizimu txanu, hagari ka Jordhani; mmweyo ni mmweyo a na pakate dirigwi dimwedo, madingano ni mtengo wa tihunzu ta vanana va ka Israyeli, 6kasi ku atiya, ti na maha txikombiso hagari kwanu; se ngako, vanana vanu va txi na mi wotisa ka masiku a matako, va txi kha vona: Ma komba txani kwanu marigwi awa kani? 7Sekoko mi na va gela ku khanu: “Mati a mnambo wa Jordhani ma to abaneka masoni ka dibhokiso da txitumelelano txa Mkoma, mbimo yi dibhokiso wu nga txi tshawunyeta Jordhani, ngu kumaha keto, marigwi awa, ma na maha txialakanyiso ka vanana va ka Israyeli, ngu ha ku si gwitiko!”
8Vanana va ka Israyeli koko, va to mahisa tonti Joxuwa a nga ti ti va leletisile tona, se va to teka digumi da marigwi ni mambidi a hagari ka Jordhani, nga ti Mkoma a nga gelisa tona Joxuwa, madingano ni mtengo wa tihunzu ta vanana va ka Israyeli, ve txsula nawo wugoveloni, va txi ya ma veketela kona.
9Joxuwa a to emisa mamwani marigwi a digumi ni mambidi hagari ka mnambo wa Jordhani, ka wukhalo wule va nga ti emile ka wona, vaphaxeli vale va nga ti rwate dibhokiso da txitumelelano; marigwiyo ma nga diho kala ka ditshiku da nyamsi. 10Vaphaxeli vale koko va nga ti rwate dibhokiso, va to ema hagari ka Jordhani, kala kuza ti txi maheka totshe ti Mkoma a nga leletela ka Joxuwa, kasiku e gela vathu, madingano ni ti Mosi a nga gelisa tona Joxuwa.
Sekoko vathu va to kuluveta va txi tshawunyeta. 11Se ku to maheka taku, ngako vathu votshe va di tshawunyetile, dibhokiso da txitumelelano txa Mkoma ni vaphaxeli, va to thangela masoni ka vathu. 12Se vanana va Rubheni, ni vanana va Gadhi, ni hafu ya lihunzu la ka Manasi, va to tshawunyeta na va di xomile, masoni ka vanana va ka Israyeli, nga ti Mosi a ngadi va gelisile tona; 13hafuhi ka 40.000 wa vavamna va yimbi, na va di xomile, va to pinda masoni ka Mkoma, va txi ya kulwani, mikovani ka Jeriko. 14Ka ditshiku dile, Mkoma a to kulisa Joxuwa masoni ka votshe va ka Israyeli, se va to va ni txithavo, nga ti va nga mahisa tona ka Mosi, ka otshe masiku a kuhanya kwakwe.
15 Mkoma koko a to womba ka Joxuwa a txi khene:
16“Gela vaphaxeli, ava va rwalako dibhokiso da Wufakazi, va txi huma mnamboni ka Jordhani.”
17Se Joxuwa a to gela vaphaxeli a txi khene: “Humani mnamboni ka Jordhani!” 18Se ku to maheka taku, mbimo yile vaphaxeli vale va nga ti rwate dibhokiso da txitumelelano va nga huma ngu hagari ka mnambo wa Jordhani, mikondo ya vaphaxeli yi txi ema ka kuoma, mati a Jordhani ma to wuya ka wukhalo wa ona, ma txi khulunga ka sotshe sinambwana sa ona.
19Vathu va to huma koko ngu Jordhani, ngu ditshiku da digumi ka mtxima wo khata; se va to ya gova Giligali, ngu diphambo da wutxani ka Jeriko. 20Se marigwi ale a digumi ni mambidi va nga ma teka Jordhani, Joxuwa a to ma emisa kona Giligali. 21Se a to gela vanana va ka Israyeli, a txi khene:
Mbimo yi vanana vanu va nota wotisa ka vatate vawe, va txi kha vona: “Ma txhamusela txani marigwi awa kani?” 22Mi na txhamusela ka vanana vanu mi txi khanu: Israyeli a tshawunyetile Jordhani muwa, na ku di omile. 23Nguko Mkoma, Txizimu txanu, a omisile mati a Jordhani masoni kwanu, kala kuza mi txi txhatuka, kufana ni kule Mkoma, Txizimu txanu, a nga maha ka Linene lo Bhilivila, a nga li omisa masoni kwathu, kala kuza hi txi tshawunyeta. 24Kasi ku votshe vathu va ha mafuni, va txi ziva tito, dianza da Mkoma nda mtamo, kasi ku mi txi thava Mkoma, Txizimu txanu, otshe masiku.
Currently Selected:
Joxuwa 4: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Joxuwa 4
4
Digumi da marigwi ni mambidi a txialakanyiso
1Ku to maheka koko taku, na votshe vathu va di txhatukile mnambo wa Jordhani, Mkoma e womba ka Joxuwa a txi khene:
2“Tekani digumi da vavamna ni vambidi ka totshe tihunzu, wamwamna mmweyo ka lihunzu ni lihunzu, 3kambe va leleteni mi txi khanu: Tekani kona hagari hawa ka Jordhani, ka wukhaloni wule vaphaxeli va nga ti emile kona, digumi da marigwi ni mambidi; mi txi rwala mi tsula nawo ka dimwani didhawa, kasi ku mi txi ya ma veka ka wukhalo wule mi no ya otela ka wona wusiku wuwa.”
4Joxuwa koko a to dhana vavamna vale va digumi ni vambidi, va nga sawulwa ka vanana va ka Israyeli, wamwamna mmweyo ka lihunzu ni lihunzu, 5se a to va gela ku khene:
Pindani mi txi ya masoni ka dibhokiso da txitumelelano txa Mkoma, Txizimu txanu, hagari ka Jordhani; mmweyo ni mmweyo a na pakate dirigwi dimwedo, madingano ni mtengo wa tihunzu ta vanana va ka Israyeli, 6kasi ku atiya, ti na maha txikombiso hagari kwanu; se ngako, vanana vanu va txi na mi wotisa ka masiku a matako, va txi kha vona: Ma komba txani kwanu marigwi awa kani? 7Sekoko mi na va gela ku khanu: “Mati a mnambo wa Jordhani ma to abaneka masoni ka dibhokiso da txitumelelano txa Mkoma, mbimo yi dibhokiso wu nga txi tshawunyeta Jordhani, ngu kumaha keto, marigwi awa, ma na maha txialakanyiso ka vanana va ka Israyeli, ngu ha ku si gwitiko!”
8Vanana va ka Israyeli koko, va to mahisa tonti Joxuwa a nga ti ti va leletisile tona, se va to teka digumi da marigwi ni mambidi a hagari ka Jordhani, nga ti Mkoma a nga gelisa tona Joxuwa, madingano ni mtengo wa tihunzu ta vanana va ka Israyeli, ve txsula nawo wugoveloni, va txi ya ma veketela kona.
9Joxuwa a to emisa mamwani marigwi a digumi ni mambidi hagari ka mnambo wa Jordhani, ka wukhalo wule va nga ti emile ka wona, vaphaxeli vale va nga ti rwate dibhokiso da txitumelelano; marigwiyo ma nga diho kala ka ditshiku da nyamsi. 10Vaphaxeli vale koko va nga ti rwate dibhokiso, va to ema hagari ka Jordhani, kala kuza ti txi maheka totshe ti Mkoma a nga leletela ka Joxuwa, kasiku e gela vathu, madingano ni ti Mosi a nga gelisa tona Joxuwa.
Sekoko vathu va to kuluveta va txi tshawunyeta. 11Se ku to maheka taku, ngako vathu votshe va di tshawunyetile, dibhokiso da txitumelelano txa Mkoma ni vaphaxeli, va to thangela masoni ka vathu. 12Se vanana va Rubheni, ni vanana va Gadhi, ni hafu ya lihunzu la ka Manasi, va to tshawunyeta na va di xomile, masoni ka vanana va ka Israyeli, nga ti Mosi a ngadi va gelisile tona; 13hafuhi ka 40.000 wa vavamna va yimbi, na va di xomile, va to pinda masoni ka Mkoma, va txi ya kulwani, mikovani ka Jeriko. 14Ka ditshiku dile, Mkoma a to kulisa Joxuwa masoni ka votshe va ka Israyeli, se va to va ni txithavo, nga ti va nga mahisa tona ka Mosi, ka otshe masiku a kuhanya kwakwe.
15 Mkoma koko a to womba ka Joxuwa a txi khene:
16“Gela vaphaxeli, ava va rwalako dibhokiso da Wufakazi, va txi huma mnamboni ka Jordhani.”
17Se Joxuwa a to gela vaphaxeli a txi khene: “Humani mnamboni ka Jordhani!” 18Se ku to maheka taku, mbimo yile vaphaxeli vale va nga ti rwate dibhokiso da txitumelelano va nga huma ngu hagari ka mnambo wa Jordhani, mikondo ya vaphaxeli yi txi ema ka kuoma, mati a Jordhani ma to wuya ka wukhalo wa ona, ma txi khulunga ka sotshe sinambwana sa ona.
19Vathu va to huma koko ngu Jordhani, ngu ditshiku da digumi ka mtxima wo khata; se va to ya gova Giligali, ngu diphambo da wutxani ka Jeriko. 20Se marigwi ale a digumi ni mambidi va nga ma teka Jordhani, Joxuwa a to ma emisa kona Giligali. 21Se a to gela vanana va ka Israyeli, a txi khene:
Mbimo yi vanana vanu va nota wotisa ka vatate vawe, va txi kha vona: “Ma txhamusela txani marigwi awa kani?” 22Mi na txhamusela ka vanana vanu mi txi khanu: Israyeli a tshawunyetile Jordhani muwa, na ku di omile. 23Nguko Mkoma, Txizimu txanu, a omisile mati a Jordhani masoni kwanu, kala kuza mi txi txhatuka, kufana ni kule Mkoma, Txizimu txanu, a nga maha ka Linene lo Bhilivila, a nga li omisa masoni kwathu, kala kuza hi txi tshawunyeta. 24Kasi ku votshe vathu va ha mafuni, va txi ziva tito, dianza da Mkoma nda mtamo, kasi ku mi txi thava Mkoma, Txizimu txanu, otshe masiku.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.