Levhi 21
21
Milayo yo lumba vaphaxeli
1 Mkoma a wombile ka Mosi a txi khene: Gela vaphaxeli, vanana va Aroni u txi khawe:
Mphaxeli a nga ti nyenyezise ngu mhaka ya txirumbi txa m'thu wa ka kwawe awule a nga fa, 2hahanze ka dixaka dakwe, da mnoha wumwewo nayo i ku: Mame wakwe, mwendo tate wakwe, mwendo mwanana wakwe wa mfana, mwendo wa dihorana, mwendo mwanawe, 3mwendo ndiyakwe, ngako i di ngadi mbiri, na a txi hanya kumweko nayo, ni kuva a sanzi kutekwa; ngu mhaka yakwe wa sikota kutinyenyezisa. 4Ngako i di wa hombe ditikoni kwakwe, a nga ti nyenyezise.
5Vaphaxeli va nga kuyulwe msungo wawe, hambi madhawani ka txiletu txawe, kambe va nga txhavelwe mimidini kwawe. 6Vaphaxeli va fanete kuva vo sawuleka masoni ka Txizimu txawe, va nga nyenyezise ditina da Txizimu txawe, nguko ngu vona va mahako mningelo wo sawuleka ka Mkoma, i ku sakudya sa Txizimu txawe, va fanete kuva va di sawulekile kuhanyani kwawe. 7Mphaxeli kha sikoti kutekana ni wamsikati wu i ku digelegele, hambi wu a nga ziva wamwamna, hambi awule a nga hambana ni mkatakwe, nguko mphaxeli i m'thu wu a nga sawuleka masoni ka Txizimu. 8Ngu toneto, u fanete kuziva ti to i m'thu wo sawuleka, nguko mthumo wakwe ngu kumaha mningelo wa sakudya ka Mkoma. Ziva taku mbwo sawuleka, nguko ani ni sawulekile, ani ni Mkoma, ni wo sawuleka, ani ni nga mi sawula, kasiku mi txi maha vo sawuleka.
9Ngako mwanana wa dihorana wa mphaxeli a txi ti nyenyezisa ngu kumaha wungango, a thela tingana tate wakwe, a fanete kuhiswa ha mndiloni.
10Mphaxeli wa hombe, awu i ku mthangeli hagari ka va ka kwawe, awu a nga thelwa mtona wo totwa ha msungo kwakwe, awu a nga emiselwa ku a txi ambala syambalo sa wuphaxeli, kha na kuleka misisi yakwe yi di vhinganyekete, kambe kha na kuvharulela syambalo sakwe. 11A fanete kuhambana ni kugwesa txirumbi txa ni wuhi m'thu wa kufa, hambi i di txa tate wakwe mwendo mame wakwe. 12A nga hume mu nyumbani ko sawuleka, kasiku asi nyenyezisi nyumba yo sawuleka ya Txizimu txakwe, nguko mafura o katekiswa ngu Txizimu txakwe, wu di thetwe ha msungo kwakwe. Ani ngani Mkoma . 13Mphaxeli wa hombe a fanete kutekana ni wamsikati wu i ku ngadi mbiri yo tuma. 14Kha na mbi tekana ni msikati wu i ku noni, mwendo wu a nga tovelwa wukati, mwendo wu a nga zivana ni wamwamna, mwendo dibhoyi. A fanete kutekana ni dihorana da hagari ka vathu va ka kwawe, a txi va i di msikati wakwe, 15kasiku asi nyenyezisi liveleko lakwe, hagari ka vathu va ka kwawe. Ani ngani Mkoma ni nga msawula.
16 Mkoma a to womba kambe ka Mosi, a txi khene:
17Zivisa Aroni u txi khawe: Kani ngu wuhi m'thu wa lixaka la ka kwanu, ka liveleko ni liveleko a nga limala, kha na kumaha mningelo wa mhamba ya sakudya ka Mkoma, Txizimu txakwe. 18Nguko awule a nga limala mmidini kwakwe, a nga sikote kutshuketa hafuhi e maha mhamba, awule i ku dibhofu, txidiya, mwendo i thonvu yi nga limala, mwendo txihango txi nga hambana ni tximwani; 19mwendo wo nzoda ngu i kulimala mnenge, mwendo kulimala diwoko; 20mwendo awu a ku ni sikoño, mwendo txithwana, mwendo wa diso da njero, hambi awule a ku ni txigwere, mwendo dithanzi, mwendo ova ni mkubwa. 21Ni wammweyo wamwamna wa liveleko la Aroni mphaxeli, awu i ku txilima, a nga tshukete hafuhi kasi kuningela mningelo wa kuhiswa ka Mkoma; nguko wa kelelelwa; kha na kutshuketa kasi kuningela sakudya ka Txizimu txakwe. 22Ene wa sikota kudya sakudya sa Txizimu txakwe, asi i ku mhamba, simaha sa kusawuleka ka kusawuleka, simaha sa kusawuleka ngutu. 23Kambe kha nga ni fanelo yo wulela ka m'jiyo, mwendo kutshuketa ha txiluveloni, nguko ene njilima, ngu toneto, kha na kunyenyezisa simaha sangu so sawuleka, nguko ngani Mkoma ni si sawulekisako.
24Se Mosi a to txhamusela ka Aroni, ni ka vanana vakwe, ni ka votshe vanana va ka Israyeli, totshe timhaka tiya.
Currently Selected:
Levhi 21: BEC2016
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Levhi 21
21
Milayo yo lumba vaphaxeli
1 Mkoma a wombile ka Mosi a txi khene: Gela vaphaxeli, vanana va Aroni u txi khawe:
Mphaxeli a nga ti nyenyezise ngu mhaka ya txirumbi txa m'thu wa ka kwawe awule a nga fa, 2hahanze ka dixaka dakwe, da mnoha wumwewo nayo i ku: Mame wakwe, mwendo tate wakwe, mwendo mwanana wakwe wa mfana, mwendo wa dihorana, mwendo mwanawe, 3mwendo ndiyakwe, ngako i di ngadi mbiri, na a txi hanya kumweko nayo, ni kuva a sanzi kutekwa; ngu mhaka yakwe wa sikota kutinyenyezisa. 4Ngako i di wa hombe ditikoni kwakwe, a nga ti nyenyezise.
5Vaphaxeli va nga kuyulwe msungo wawe, hambi madhawani ka txiletu txawe, kambe va nga txhavelwe mimidini kwawe. 6Vaphaxeli va fanete kuva vo sawuleka masoni ka Txizimu txawe, va nga nyenyezise ditina da Txizimu txawe, nguko ngu vona va mahako mningelo wo sawuleka ka Mkoma, i ku sakudya sa Txizimu txawe, va fanete kuva va di sawulekile kuhanyani kwawe. 7Mphaxeli kha sikoti kutekana ni wamsikati wu i ku digelegele, hambi wu a nga ziva wamwamna, hambi awule a nga hambana ni mkatakwe, nguko mphaxeli i m'thu wu a nga sawuleka masoni ka Txizimu. 8Ngu toneto, u fanete kuziva ti to i m'thu wo sawuleka, nguko mthumo wakwe ngu kumaha mningelo wa sakudya ka Mkoma. Ziva taku mbwo sawuleka, nguko ani ni sawulekile, ani ni Mkoma, ni wo sawuleka, ani ni nga mi sawula, kasiku mi txi maha vo sawuleka.
9Ngako mwanana wa dihorana wa mphaxeli a txi ti nyenyezisa ngu kumaha wungango, a thela tingana tate wakwe, a fanete kuhiswa ha mndiloni.
10Mphaxeli wa hombe, awu i ku mthangeli hagari ka va ka kwawe, awu a nga thelwa mtona wo totwa ha msungo kwakwe, awu a nga emiselwa ku a txi ambala syambalo sa wuphaxeli, kha na kuleka misisi yakwe yi di vhinganyekete, kambe kha na kuvharulela syambalo sakwe. 11A fanete kuhambana ni kugwesa txirumbi txa ni wuhi m'thu wa kufa, hambi i di txa tate wakwe mwendo mame wakwe. 12A nga hume mu nyumbani ko sawuleka, kasiku asi nyenyezisi nyumba yo sawuleka ya Txizimu txakwe, nguko mafura o katekiswa ngu Txizimu txakwe, wu di thetwe ha msungo kwakwe. Ani ngani Mkoma . 13Mphaxeli wa hombe a fanete kutekana ni wamsikati wu i ku ngadi mbiri yo tuma. 14Kha na mbi tekana ni msikati wu i ku noni, mwendo wu a nga tovelwa wukati, mwendo wu a nga zivana ni wamwamna, mwendo dibhoyi. A fanete kutekana ni dihorana da hagari ka vathu va ka kwawe, a txi va i di msikati wakwe, 15kasiku asi nyenyezisi liveleko lakwe, hagari ka vathu va ka kwawe. Ani ngani Mkoma ni nga msawula.
16 Mkoma a to womba kambe ka Mosi, a txi khene:
17Zivisa Aroni u txi khawe: Kani ngu wuhi m'thu wa lixaka la ka kwanu, ka liveleko ni liveleko a nga limala, kha na kumaha mningelo wa mhamba ya sakudya ka Mkoma, Txizimu txakwe. 18Nguko awule a nga limala mmidini kwakwe, a nga sikote kutshuketa hafuhi e maha mhamba, awule i ku dibhofu, txidiya, mwendo i thonvu yi nga limala, mwendo txihango txi nga hambana ni tximwani; 19mwendo wo nzoda ngu i kulimala mnenge, mwendo kulimala diwoko; 20mwendo awu a ku ni sikoño, mwendo txithwana, mwendo wa diso da njero, hambi awule a ku ni txigwere, mwendo dithanzi, mwendo ova ni mkubwa. 21Ni wammweyo wamwamna wa liveleko la Aroni mphaxeli, awu i ku txilima, a nga tshukete hafuhi kasi kuningela mningelo wa kuhiswa ka Mkoma; nguko wa kelelelwa; kha na kutshuketa kasi kuningela sakudya ka Txizimu txakwe. 22Ene wa sikota kudya sakudya sa Txizimu txakwe, asi i ku mhamba, simaha sa kusawuleka ka kusawuleka, simaha sa kusawuleka ngutu. 23Kambe kha nga ni fanelo yo wulela ka m'jiyo, mwendo kutshuketa ha txiluveloni, nguko ene njilima, ngu toneto, kha na kunyenyezisa simaha sangu so sawuleka, nguko ngani Mkoma ni si sawulekisako.
24Se Mosi a to txhamusela ka Aroni, ni ka vanana vakwe, ni ka votshe vanana va ka Israyeli, totshe timhaka tiya.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.