Mika 5
5
1Konkuwa zumba ngu mabutho, awe dihorana da mabutho; nguko hi na randelwa; va na balisa txiletu txa mlamuli wa Israyeli ngu ndonga.
Txizimu txa thembisa mfumeli ka vathu va txona
2Awe Bhetlehema wa Efrata, awe u ku wam'dotho hagari ka Judha, ku na huma ngu kwako awu a no va Mfumeli wa Israyeli, eyo makhato akwe i ku a kukhukhela kale, kukhukhela ka masiku a kaleko.
3Ngu konaho, a na va ningela kala mbimo yile, awu a lumwako, a no veleka ngu yona; sekoko vamwani vanawe va na wuya ni vanana va ka Israyeli. 4Se ene a na zumba ni kudyisa vathu ngu mtamo wa Mkoma, ka ditina do tshura da Mkoma, Txizimu txakwe; se vona va na zumba, nguko konkuwa ngene a no kuliswa, kala magwito ka mafu. 5Se awuwa a na va kudikha kwathu.
Mbimo yile Asiriya a nota ditikoni kwathu, ni mbimo yile a no pinda ngu txitimwi ka tinyumba tathu ta wukoma, hi na emisa mtxhanu wa vadyisi, ni mtxhanu wa vakoma ni vararu hagari ka vavamna, kasi kulwa nayo. 6Evo va na heta ditiko da Asiriya ngu ditxhari, ni ditiko da Nimirodhi, amu ka tinzila tawe ta hombe. Ngu kumaha keto a na hi hulukisa ka Asiriya, mbimo yile va nota ditikoni kwathu, ni mbimo yi va no ndaka mihingano yathu.
7Se miboti ya ka Jakobe, yi na va hagari ka vathu vavangi, ku nga mwando wa Mkoma, ku nga matshutshelo txitimwi ka mwasi, wu si emeliko m'thu, mwendo kuverela vanana va vathu. 8Se miboti ya ka Jakobe yi na va hagari ka matiko, hagari ka vathu vavangi, kufana ni ngonyamo hagari ka sihari sa txitinga, ku nga txingonyamoana hagari ka mitxhambi ya tinvuta, ngako txi txi pinda, txi na ti ganyatela ni ku ti phatulela, ku si maneki ni wo ti lwela. 9Dianza dako di na guleka txitimwi ka valala vako, se votshe valala vako va na loviswa.
10Se ku na maheka ka dile ditshiku, kuwomba Mkoma ku khene:
Ni na fuvisa hagari kwako mahantxhi ako, kambe ni na khundumusela sikotxikani sako; 11ni na khundumusela madhoropa a ditiko dako, ni ku wisetela yotshe mikhokhola yako; 12se ni na thavisa wuloyi manzani kwako, kambe khu na mbi va ni vanyawuthi; 13ni na thavisela hagari kwako sithombe sako so vatwa ni so wubwa; se awe khu na mbi ngadi u khizama kambe masoni ka mithumo ya manza ako.
14Kambe ni na thavisela sithombe sako hagari kwako; ni hoxota madhoropa ako. 15Se ni na tisa kuhenya ni txiviti txitimwi ka matiko ale ma si engisiko.
Currently Selected:
Mika 5: BEC2016
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.