Nahume 2
2
Kuwa ka Ninivha
1M'hoxoti se aho masoni kwako,
awe xayisa dikhokhola,
wonisisa nzila,
sunga txiwunu,
tsanisa ngutu mtamo wako.
2Nguko Mkoma a na wuyisa kambe kudhundeka ka Jakobe, kumweko ni kudhundeka ka Israyeli; nguko vaonheteli va onhetete, kambe va xurulete madhavi awe.
3Sitxhangu sa tindena takwe, si na bhilivila,
vavamna va lisima va na ambala siwunguwungu,
sikotxikani si na phatima nga mndilo ka ditshiku da kutilulamisela kwakwe,
matxhari ma na zinginiswa ngutu.
4Sikotxikani si na horolokela mitendelani,
si na gumulana amu ka tinzila ta hombe;
kuwoneka ka sona kufana ni sisase sa mndilo,
va na tutumisa ku nga singwalangwanda.
5Ene a na alakanya tithomba takwe;
sekoko vona va na humbwa kutsimbilani kwawe,
kambe va na ya maneka digumani,
ngako txitxhangu txi di lulamisetwe.
6Matimba a minambo ma na tuleka,
se nyumba ya wukoma yi na khundumukela.
7Huzabhi a tumbutwe;
a na tekwa a txi yiswa wukhumbini,
se sithumi sa txisikati si na m'heleketa,
si txi dila nga situvani,
si txi ti peka tikhana.
8Ninivha kukhukhela a diho,
a zumbisa ku nga txiziva txa mati;
aniko vona konkuwa va tutuma.
“Emani! Emani!” Waho a dhanako;
aniko ni wammweyo kha na mbi wona msana.
9Honyolani silivhela! Mi honyola ni nzalama!
Nguko tithomba kha ti gumi,
siho sotshe so maha sa tixakaxaka, so tsakisa ngutu.
10 # Wona ni ka: Joy. 2:6. A na sala i ti diphanga, a di gumile, i di marumbi;
se mbilu ya bhibhika,
ni mazolo ma dhudhumela,
kambe wotshe msana wa panda;
ni tikhohe tawe votshe ta kwalala.
11Wu hayi konkuwa m'bhala wa tingonyamo,
ni mu si dyelako kona singonyamwana,
emo yi nga txi tsimbila-tsimbila kona ngonyamo ya hombe ni txingonyamwana,
ku si maneki ni wammweyo wa ku si dhukisa kani?
12Ngonyamo yi ti ti phatulela asi si nga ti dingana vanana va yona,
kambe yi ti ti kama makolo a sihari kasi kuya ninga tingonyamo ta mikati,
ni ku tata dizumbo da yona ngu mipfimba, ni maphala a yona ngu so xotwa.
13Wona taku ani ni na kuwukela, kuwomba Mkoma wa Mabutho a Tiyimbi: Ni na hisa sikotxikani sako si tuvikisa wutshi, se ditxhari di na xasela singonyamwana sako, kambe ni na honyola so xotwa sako ha mafuni, kha di na mbi ngadi di pfala dipswi da vakombisi vako.
Currently Selected:
Nahume 2: BEC2016
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.