Mitengo 29
29
Miningelo ya M'buso wa Dilembe Da Diphya
(Levhi 23:23-25)
1Ngu kufana nito, mi na va ni kusengeletana ko sawuleka, ka mtxima wa wutxhanu ni yimbidi, ngu ditshiku do khata ka mtxima; mi nga maheni mthumo wo nemela ni wawumwewo; di na va ditshiku da kutsaka ka hombe kwanu. 2Sekoko mi na ningela ka Mkoma mphaxo wa kuhiswa, wo bhumula, dirole, hamba, ni mtxhanu wa sinvutana ni simbidi, sa dilembe dimwedo, sa kwa mbi na sibawa. 3Ni mningelo wa kona wa sakudya sa mpupu wo tshura, wo kanyangelwa ni mtona, mpimo wa wuraru ka wugumi, ka dirole, ni mpimo wa wumbidi ka wugumi ngu hamba, 4ni mpimo wumwewo wa wugumi ka txinvutana, ka sotshe sinvutana sa mtxhanu ni simbidi. 5Ni mabhongwe wa mphaxo wo thavisa txionho, kasi kuthavisa sionho sanu. 6#Wona ni ka: Levh. 23:23-25. Hahanze ka mphaxo wa kuhiswa wa mtxima, ni mningelo wa kona wa sakudya, ni mphaxo wa kuhiswa wa yotshe mbimo, ni mningelo wa kona wa sakudya, ni sa kusela sa kona, madingano ni sileleto sa kona, mphaxo wo bhumula, mningelo wo hiswa, ka Mkoma.
Miningelo ya Ditshiku da Kudivalelwa
(Levhi 23:26-32)
7Se ngu ditshiku da digumi, ka mtxima wuwa wa wutxhanu ni yimbidi, mi na va ni msengeletano wo sawuleka, ni kukarateka timbiluni kwanu, mi nga maheni mthumo ni wawumwewo. 8Kambe mi na ningela mphaxo wa kuhiswa, wo bhumula, ka Mkoma, i ku dirole, ni hamba, ni mtxhanu wa sinvutana ni simbidi, sa dilembe dimwedo; si singako ni sibawa. 9Se ngu mningelo wanu wa sakudya sa mpupu wo tshura, wo kanyangelwa ni mtona, mpimo wa wuraru wa wugumi ka dirole, mpimo wa wumbidi ka wugumi, ngu hamba. 10Ni mpimo wumwewo ka wugumi, ka txinvuta tximwani ni tximwani, ka mtxhanu wa sinvutana ni simbidi. 11#Wona ni ka: Levh. 16:29-34; 23:26-32. Mabhongwe mmweyo, kasi kuthaviswa txionho, ngu kusawulekiswa, ni mphaxo wa kuhiswa, wa yotshe mbimo, ni mningelo wa sakudya, ni sa kusela sa kona.
Miningelo ya M'buso wa Mitxhatxha
(Levhi 23:33-44)
12Ngu kufana nito, ngu ditshiku da digumi ni mtxhanu, ka mtxima wa wutxhanu ni yimbidi, mi na va ni msengeletano wo sawuleka; mi nga maheni mthumo ni wawumewo wo nemela, aniko mi na mahela m'buso Mkoma, amu ka mtxhanu wa masiku ni mambidi. 13Se ngu mphaxo wa kuhiswa, wo bhumula, ka Mkoma, mi na ningela digumi da marole ni mararu, tihamba timbidi, ni digumi da sinvutana ni mune, sa dilembe dimwedo; sa kwa mbi na sibawa. 14Se mi na ningela mningelo wa sakudya, sa mpupu wo tshura, wo kanyangelwa ni mtona, mpimo wa wuraru ka wugumi, ngu dirole, ka dirole ni dimwani, mndani ka digumi da ona ni mararu, mpimo wa wumbidi ka wugumi, ngu hamba, amu ka tihamba timbidi. 15Mi na ningela kambe mpimo wumwewo ka wugumi, ngu txinvutana tximwetxo, ka digumi da sinvutana ni mune. 16Ni mabhongwe, kasi kuthavisa sionho sanu, hahanze ka mphaxo wa kuhiswa wa yotshe mbimo, mningelo wa kona wa sakudya, ni sa kusela sa kona.
17Ngu ditshiku da wumbidi, mi na nigela digumi da marole ni mambidi, ni tihamba timbidi, ni digumi da sinvutana ni mune, sa dilembe dimwedo, sa kwa mbi na sibawa. 18Amu ka miningelo yanu ya sakudya, ni ka miphaxo yanu ya marole, ni tihamba, ni sinvutana, madingano ni sileleto sa kona. 19Ni mabhongwe, kasi kumaha mhamba ya kuthavisa sionho, hahanze ka mphaxo wa kuhiswa, wa yotshe mbimo, ni mningelo wa sakudya, ni sa kusela sa kona.
20Se ngu ditshiku da wuraru, mi na ningela digumi da marole ni dimwedo, ni tihamba timbidi, ni digumi da sinvutana ni mune, sa dilembe, sa kwa mbi na sibawa. 21Mi na ningela kambe mningelo sa sakudya, ni sa kusela sa kona, ngu marole, ni tihamba, ni sinvutana, madingano ni mtengo wa sona, ni madingano ni sileleto sa kona; 22Ni mabhongwe, kasi kuthavisa sionho, hahanze ka mphaxo wa kuhiswa, wa yotshe mbimo, ni mningelo wa kona wa sakudya, ni sa kusela sa kona.
23Se ngu ditshiku da wumune mi na nigela digumi da marole, ni tihamba timbidi, ni digumi da sinvutana ni mune, sa dilelmbe dimwedo, sa kwa mbi na sibawa. 24Sotshe sihari si, marole, ni tihamba, ni sinvutana, mi na si ningela ni mningelo wa sakudya, ni sa kusela sa kona, madingano ni mtengo wa kona, ni madingano ni sileleto sa kona; 25ni mabhongwe, kasi kuthavisa txionho, hahanze ka mphaxo wa kuhiswa, wa yotshe mbimo, ni miningelo wa sakudya, ni sa kusela sa kona.
26Ngu ditshiku da wutxhanu, mi na ningela mtxhanu wa marole ni mune, ni tihamba timbidi, ni digumi da sinvutana ni mune, sa dilembe dimwedo, sa kwa mbi na sibawa. 27Mi na ningela ni miningelo wa kona wa sakudya, ni sa kusela sa kona, ngu marole, ni tihamba, ni sinvutana, madingano ni mtengo wa kona, ni txileleto txa kona. 28Mi na ningela mabhongwe wa mphaxo wa kuthavisa txionho, hahanze ka mphaxo wa kuhiswa, wa yotshe mbimo, ni miningelo wa kona wa sakudya, ni mningelo wa sa kusela kona.
29Se ngu ditshiku da wutxhanu ni dimwedo, mi na ningela mtxhanu wa marole ni mararu, ni tihamba timbidi, ni digumi da sinvutana ni mune, sa dilembe dimwedo, sa kwa mbi na sibawa. 30Mningo wa kona wa sakudya, ni sa kusela sa kona, ngu marole, ni tihamba, ni sinvutana, madingano ni mtengo wa kona, ni madingano ni txileleto txa kona; 31ni mabhongwe, kasi kutxhavisa txionho, hahanze ka mphaxo wa kuhiswa, wa yotshe mbimo, ni mningelo wa sakudya, ni sa kusela sa kona.
32Ngu ditshiku da wutxhanu ni mambidi, mi na ningela mtxhanu wa marole ni mambidi, ni tihamba timbidi, ni digumi da sinvutana ni mune, sa dilembe dimwedo, sa kwa mbi na sibawa. 33Mningelo wa kona wa sakudya, ni sa kusela sa kona, ngu marole, ni tihamba, ni sinvutana, madingano ni mtengo wa kona, ni madingano ni txileleto txa kona. 34Mi na ningela mabhongwe, kasi kuthavisa txionho, hahanze ka mphaxo wa kuhiswa, ni mningelo wa sakudya, ni sa kusela sa kona.
35Se ngu ditshiku da wutxhanu ni mararu, mi na va msengeletano wa mpipi wa hombe, mi nga maheni mthumo ni wa wumweyo: 36Ni mphaxo wa mningelo wa kuhiswa, wo bhumula, ka Mkoma, ni dirole, ni hamba, ni mtxhanu wa sinvutana ni simbidi, sa dilembe dimwedo, sa kwa mbi na sibawa. 37Dirole, ni hamba, ni sinvutana, u na si ningela kumweko ni mningelo wa sakudya, ni sa kusela sa kona, madingano ni mtengo wa kona, ni madingano ni txileleto txa kona. 38#Wona ni ka: Eks. 23:16; 34:22; Levh. 23:33-43; Dhewut. 16:13-15. Ni mabhongwe wa kuthavisa txionho, hahanze ka mphaxo wa yotshe mbimo, mningelo wa sakudya, ni sa kusela sa kona.
39Awu mthumo, mi na wu mahela Mkoma, ka mipipi yanu ya hombe, hahanze ka kuxambanya kwanu, ni miningelo ya kuranda kwanu, miphaxo yanu yo hiswa, ni miningelo yanu ya sakudya, ni sa kusela sa kona, ni miningelo yanu ya kudikha.
40Se Mosi a to womba-womba ka vanana va ka Israyeli, madingano ni totshe tile Mkoma a nga leleta ka Mosi.
Currently Selected:
Mitengo 29: BEC2016
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.