Génesis 24
24
Abraham, Isaac yalni walwi
1Abraham muih barak kalnadai, dawak Dawan yaklauwi dibitik yakat blisin kalana dai. 2Dawak ma askat dini yamyang tanit barakni yakat kalyulwak kiuna, bahang witing kidika laih Abraham dini balna bitik kidika witing tingni yakat dai, dawak kalyulna:
—Tingma kidika barahkimak dinit yak atah, 3dawak Dawan ayangni kau yakta yayultah, makau kisang dawak sau Papangni kidika, man datang kat yang walakibis Isaac kidika adika sauni Canaán yalni as karak kalduduwas karang, yang yalahtayang pāni akaupak, 4nawatkauh laih man yawama yang sauki yakat, dawak witing yalni as walma yang wanaihki balna paskaupak.
5Dawak witing dini yamyang yaklauwi nangnitlana:
—Kaunah yalni kidika yang karak akat kainin yulwas kat, ¿ais yamkiyah? ¿Man walamabis kidika man sau alahwanaman pāni yakat duyawakiyah?
6Abraham yaklauwi kalyulna:
—¡Dikah, walakbis al kidika yakat duwi kiwinih! 7Dawan, makau kisang Papangni, witing yaklauwi papangki ūni dawak wanaihki balna saunina kaupak bik yayakna, dawak pramis yayamna adika sauni sulaki balna yakat diana atnin, dawak kaput bik witing innisal sihwak tamat yakat kiwarang, kaput laih kidika pāni kaupak yang walakibis yalni as duaima. 8Yalni kidika man karak kaina yulwas karang kat, man adika yul kaupak man barang alahwama, kaunah ¡yang walakibis kidika laih man sip kidika yakat duyawas awama!
9Dawak kaput laih witing dini yamyang kidika, Abraham barahnimak dinit yakat tingni awi kalyulna:
—Man yulnaman kidika yamki.
10Kidika usnit yak, daniwan dini tanit yayamni balna dai kidika, yakwi duwi, kiamil salap kidika bik duwi di balna kidika ilwi Nacor pāni yak kaina, Mesopotamia yakat. 11Dini yamyang kidika tawan nuhni daklana kidika ahni yakat kiwi watna, bahang mahka puklakna dai. Bahang kidika awarni yakat yayal kidika uiwi was bubutwādai. Dawak dini yamyang kidika yaklauwi kiamil balna kidika pa kuhrna kudungni was duwa kidika yaihnit yakat uiwi sitnadai, 12dawak mahka witing minit yulna: “Dawan dawak dakiwan Abraham Papangni, man lawa yamtang kat warmani yamni manah kawang yang akat, kulnam yamni kidika lāih yakta Abraham yakat. 13Yang akat watki ki, pa kuhrna was duwa kidika yaihnit akat, yayal sirarau aiwi was bubutwa awarni akat. 14Yatang kat, angdik sirauni yakat kalyulki kidika: ‘Plisma was trukna likman kidika laktang apis dikuh kaltingkat’, witing aput nangkitlawarang kidika: ‘Man ditah, dawak kiamamil balna yakat bik was bayahki yatarang kidika’, kidika karang man dima yamyang Isaac yalni karang kidika. Kaput laih yang rahm kulki dini yamtayang muihni yakat kulnam yamni kaldutaman kidika.”
15Baisa minityulwi dawas kat, witing talna sirau as salahni yakat was butnin dini as trukwi kaina. Kidika laih Rebeca dai, Betuel walanibis. Betuel laih Milca walanibis al dai, dawak Nacor walanibis, Abraham wirahni al. 16Rebeca laih sirau nuhni yaksihni dai, dawak baisa al as karak kalpakwasdai; kaput bik muih al as bik witing yakat laihwasdai. Pa kuhrna yakat yalahwi was butnin dini duwa kidika butwi bunghdana, dawi mahka nawatwi kiwak, 17dini yamyang alni kidika nining yak kiri kiwi aput yulna:
—Plisma, was butnaman kidika kaupak apis yatang dikuh.
18—Ditah —kalatna.
Kidika usnit kat was puna trukwa likkidika lakna, dawak tingni kau laihna sakkat dina. 19Dini yamyang kidika diwi dahn dawakat, Rebeca kalyulna:
—Baisa was yakki ki kiamil balna bik bayahnin, bahang ampus dikih kat didiwarang.
20Sirihni palni was butna duwalikdai dai kidika didiwa pāni yakat utuhwi dawi wat pa kuhrna yakat kiri kiwi was butwi dukiwi utuhwi bunghdana, kiamil balna bitik dininna. 21Muih dinina yamyang al kidika yul as bik yulwas talwasakdai, kat witing rahm yamni amanglanin kulna, witing kiuna likkidika Dawan yaklauwi tani yamni yamwapa. 22Kiamil balna kidika bitik was diwi dahn dadawakat, al kidika gol tingni ānin as yakna bahang kidika laih tikini gramos 6 kapat duwadai, dawak yal sirau nangnitak yak āna.#24.22 Dawak yal sirau nangnitak yak āna: grik kau ulna yakat kaput yulwi. Hibru kau laih adika yulni kalahwaski. Dawak bik gol ting-ānin nunuhni bik bu kalana dai, bahang kidika laih tikini gramos 100 kapat duwadai, 23dawak kalyulna:
—Plisma yayultah man kidika waismahn, dawak man papangma ūni yak pa pakyah yangna payahnikna.
24Dawak yal kidika nangnitlana:
—Yang laih Betuel walanbis yang, Milca dawak Nacor walanibis kidika. 25Yangna ūkina yakat pa dutayangna manna, dawak sihrsihr manas dutayangna kiamil balna kasninna.
26Kaput laih muih dini yamyang kidika limbabahwi Dawan kau ayangni nuhni yamna, 27dawi yulna: “¡Dawan kidika blisin karang, yang dakiwan Abraham Papangni kidika, kat witing laih barangni dawak kulnin yamni lani kidika duna bahang dakiwan nining yakat, dawak witing yaklauwi yadu'kiuna witing wanaihni balna ūnina kat yadu'kiuna!”
28Dawak Rebeca kiri kiuna papangni ūni yakat, dawak witing yakat di balna kalahna bitik kidika kalyulna. 29Witing wirahni al as duwa dai ayangni Labán, bahang witing kiri kiuna pa kuhrna yakat muih al kidika walwi, 30kat witing talna dai bahang wirahni tingni yakat gol dini balna āna dai kidika, dawak bik kidika alni ais kalyulna kidika yulwak dakana dai bahang. Labán witing Abraham dini yamyang yaihnit yakat kiuna, bahang witing kidika baisa pa kuhrna kungyakat sakdai kiamil balna karak, 31dawak kalyulna:
—Man aiwah Dawan blisinni man kidika. ¡Man amput ahni akat watmayah, yang uman ū kidika ridi yamnayang dawak kiamil balna panina bik!
32Kaput laih muih dinina yamyang dai kidika ū yakat kiuna. Kidika yakat Labán yaklauwi kiamil balna kaupak di balna kidika lakwi dawi dibayahna, usnit kat was duwi kiuna, muih dini yamyang kidika witing wanaihni balna karak kalnina suhna atnin.
33Witingna mahka di kasnin diayana kat, Abraham dini yamyang kidika yulna:
—Yang di kastas awaki, yang yulnik dutayang kidika yultasyang tanitkauh.
Dawak Labán yulna:
—Yultah.
34Dawak dini yamyang kidika yulna:
—Yang kuduh Abraham dini yamyang. 35Dawan yaklauwi dakiwan yakat blisin yamni kalana, dawak diduyang kalyamna: kalana sīp, turuh yayal, gol, lalah, dini yamyang ahal, yayal, kiamil dawak biriku bik. 36Baisa kidika minit yakat, witing yalni Sara kidika yaklauwi walanibis al as kalana muihbarak palni kalna kaunah, dawak dakiwan kidika witing walanibis al yakat dini balna kidika bitik kalana. 37Yang dakiwan kidika yayamwak Papang ayangni kau yaktik yulnayang, dawak yayulna: ‘Datang kat yang walakibis adik adika sauni Canaán akaupak yal dunin-awaski. 38Tanit yamni ki, yang papangki wanaihni balna yakat yawah, yang walakibis yalni as waltah.’ 39Dawak yang lawik kalyulnayang: ‘Yang dakiwan, ¿dawak yalni kidika kainin yulwas karang kat?’ 40Dawak witing yaklauwi nangkitlana: ‘Yang Dawan tani yakat lik-atnayang, bahang witing yaklauwi innisal sihwarang man yakat, dawak man yawama kidika yamni manah kalahwarang, dawak man walakibis yalni as walta yakma wanaihki balna paskaupak, yuldarang kat papangki wanaihni balna paskaupak. 41Yang wanaihki balna kidika sirau as manin yuyulwas karang manah ki, bahang kaput laih pramis yayamnaman kidika kaupak pri alahwama.’
42“Kaput kuduh yang warmani pa kuhrna sakkidika yakat yawik alahwanayang, dawak Dawan yakat mikityulnayang, yang dakiwan Abraham Papangni yakat: ‘Rahm palni aiwanayang akat yamni yamma kat, 43man kalma dinit yakat buktik yultayang waradika pa kuhrna kungyakat sakyang adika, aput as kalahwang: sirau as was butna kaiwak kidika yakat yang kalyulki: Plisma datang kat man wasma butnaman kidika kaupak apis dikuh, 44dawak biri nangkitlawarang: Man ditah dawak yang kiamamil balna wasnina bik yakki yatarang kat, adika yalni karang Dawan man lawa yaknaman kidika, yang dakiwan walanibis yalni.’ 45Yang baisa mikit yultik datasyang kat, yang talnayang Rebeca laih witing was butnin dini kidika salahni yakat trukwi kaiwalikdai. Dawak yaklakwi pa kuhrna yakat was butna, dawak kalyulnayang: ‘Plisma was apis yatah.’ 46Usnit kat witing wasni punin dini kidika lakwi dawi yāyulna: ‘Man ditah, dawak kiamamil balna bik was bayahki.’ Dawak witing was yana, kaput bik laih kiamil balna bik. 47Usnit kat kalyultik dakanayang: ‘¿Man kidika waismahn walakibis yal?’ dawak witing nangkitlana: ‘Yang laih Betuel walanibis yang, Nacor walanibis dawak Milca bik.’ Kaput laih witing nangnitak yakat ānin dini kidika ātik kalanayang, dawak tingni yakat bik ting ānin nunuhni kidika ātik kalanayang, 48dawak limbabahtik Dawan yakat ayangni tanit nuhni yamnayang, Dawan yakat ayangni nuhni yamnayang, dakiwan Abraham Papangni yakat, ta barangni munah yaduaina kidika yulni, yang dakiwan wanaihni balna paskaupak walanbis yalni as waltik yaknik yulni. 49Bahang waralaih yayultanauh manna kulnamna yamni barangni karangyah, yang dakiwan niningyakat, kaput awaskarang bik lāih yayultanauh, kaput laih yang amanglanik ais yamnik kidika.
50Kaput laih Labán dawak Betuel karak nangnitlalana:
—Adika bitik laih Dawan kaupak kaiwi, bahang yangna sip yultas awanaki agha, kidika awaskat dikah. 51Man talah, akat Rebeca sakki; duta mahka yawah. Bahang man damawan walanbis al kidika yalni karang, Dawan yaklauwi yamna kaput.
52Abraham dini yamyang yaklauwi kidika yulni dakana kat, Dawan muhni yakat sau yakat limbabahwi muhni kidika sau kat sukna dai. 53Kidika usnit kat gol dini, lalah dini balna dawak asna balna bik manas yakwi Rebeca yakat kalana. Wirahni al yakat, dawak nanangni yakat bik kalana prisantni kidika. 54Usnit kat, witing dawak ūk balna karak kalpakwi aina kidika karak witingna di kakasna, didina, dawak yakat payayahna. Mapiris yaklalauwak, dini yamyang kidika yulna:
—Yadatang kat yang dakiwan ūni yakat nawattik yawakuh.
55Kaunah Rebeca wirahni al kidika dawi nanangni bik biri aput kalyuyulna:
—Sirau adika yangna karak baisa ma salap watwang, dawak kidika usnit kat sipkarang manna karak kiunin.
56Kaunah muih dini yamyang kidika kalyulna:
—Baisa yalaihwawatwinih. Papang yaklauwi taki yamni yamna, kaput bahang yadatanang kat yang dakiwan ūni yakat yawakuh.
57Kaput laih witingna biriwi nangnitnalalana:
—Sirau yakat kalyuldi dakadarang ais yulwarang pa witing.
58Rebeca yakat kalyuyulwak kiuna, dawak kalyulwi dakakana:
—¿Man kidika alni karak yawinin kultamanh?
Witing yaklauwi agha kalatna.
59Kaput laih Rebeca kidika dadawak kiunadai, dawak yal as maintalwādai kidika bik, kaput bik laih Abraham dini yamyang dawak kalpakwi uina dai kidika bik. 60Bahang Rebeca yakat aput blisin kalalana:
“Yangna wirahkina yal,
¡man muih milian milian nanangnina awama!
¡Man sulama balna kidika
waihla balna tawannina nunuhni kidika
minit bayakwi dakyakwi duduna karang!”
61Kaput laih Rebeca dawak witing dini yamyang yal kidika bik kiamil minit yakat kilna dawak Abraham dini yamyang al kidika usnit uiwi uina. Kaput kuduh muih dini yamyang kidika Rebeca duwi kidika kaupak mahka kiuna.
62Isaac kidika was pa kuhrna ayangni “Sangka kidika dawak bik yatalwi” kidika pāni kaupak nawatwi kiunadai, kat witing kidika laih Néguev sauni yakat yalahwadai bahang. 63Masan puklakwa yakat witing kalahwi kiuna awaihwi. Bahang kidika yakat talna kiamil buas aiwabangdai. 64Dawak Rebeca bik Isaac yakat talwi, kiamil kaupak yaklakwi, 65muih dini yamyang yakat kalyulwi dakana:
—¿Kidika alni mayang manikingkauh kaiwa kidika waisyah?
Kalyulna:
—Kidika laih yang dakiwan.
Kaput laih witing asna duwi muhni mukna.
66Dini yamyang kidika yaklauwi Isaac yakat kalyulna ais yamna kidika bitik. 67Usnit kat Isaac yaklauwi Rebeca kidika nanangni Sara ūni labanni yakat duwi kiuna, dawak witing karak kalduduna. Isaac yaklauwi Rebeca yakat kasak dalani talna, kaput Isaac witing walaniāna dai nanangni dauna kidika yulni.
Currently Selected:
Génesis 24: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Génesis 24
24
Abraham, Isaac yalni walwi
1Abraham muih barak kalnadai, dawak Dawan yaklauwi dibitik yakat blisin kalana dai. 2Dawak ma askat dini yamyang tanit barakni yakat kalyulwak kiuna, bahang witing kidika laih Abraham dini balna bitik kidika witing tingni yakat dai, dawak kalyulna:
—Tingma kidika barahkimak dinit yak atah, 3dawak Dawan ayangni kau yakta yayultah, makau kisang dawak sau Papangni kidika, man datang kat yang walakibis Isaac kidika adika sauni Canaán yalni as karak kalduduwas karang, yang yalahtayang pāni akaupak, 4nawatkauh laih man yawama yang sauki yakat, dawak witing yalni as walma yang wanaihki balna paskaupak.
5Dawak witing dini yamyang yaklauwi nangnitlana:
—Kaunah yalni kidika yang karak akat kainin yulwas kat, ¿ais yamkiyah? ¿Man walamabis kidika man sau alahwanaman pāni yakat duyawakiyah?
6Abraham yaklauwi kalyulna:
—¡Dikah, walakbis al kidika yakat duwi kiwinih! 7Dawan, makau kisang Papangni, witing yaklauwi papangki ūni dawak wanaihki balna saunina kaupak bik yayakna, dawak pramis yayamna adika sauni sulaki balna yakat diana atnin, dawak kaput bik witing innisal sihwak tamat yakat kiwarang, kaput laih kidika pāni kaupak yang walakibis yalni as duaima. 8Yalni kidika man karak kaina yulwas karang kat, man adika yul kaupak man barang alahwama, kaunah ¡yang walakibis kidika laih man sip kidika yakat duyawas awama!
9Dawak kaput laih witing dini yamyang kidika, Abraham barahnimak dinit yakat tingni awi kalyulna:
—Man yulnaman kidika yamki.
10Kidika usnit yak, daniwan dini tanit yayamni balna dai kidika, yakwi duwi, kiamil salap kidika bik duwi di balna kidika ilwi Nacor pāni yak kaina, Mesopotamia yakat. 11Dini yamyang kidika tawan nuhni daklana kidika ahni yakat kiwi watna, bahang mahka puklakna dai. Bahang kidika awarni yakat yayal kidika uiwi was bubutwādai. Dawak dini yamyang kidika yaklauwi kiamil balna kidika pa kuhrna kudungni was duwa kidika yaihnit yakat uiwi sitnadai, 12dawak mahka witing minit yulna: “Dawan dawak dakiwan Abraham Papangni, man lawa yamtang kat warmani yamni manah kawang yang akat, kulnam yamni kidika lāih yakta Abraham yakat. 13Yang akat watki ki, pa kuhrna was duwa kidika yaihnit akat, yayal sirarau aiwi was bubutwa awarni akat. 14Yatang kat, angdik sirauni yakat kalyulki kidika: ‘Plisma was trukna likman kidika laktang apis dikuh kaltingkat’, witing aput nangkitlawarang kidika: ‘Man ditah, dawak kiamamil balna yakat bik was bayahki yatarang kidika’, kidika karang man dima yamyang Isaac yalni karang kidika. Kaput laih yang rahm kulki dini yamtayang muihni yakat kulnam yamni kaldutaman kidika.”
15Baisa minityulwi dawas kat, witing talna sirau as salahni yakat was butnin dini as trukwi kaina. Kidika laih Rebeca dai, Betuel walanibis. Betuel laih Milca walanibis al dai, dawak Nacor walanibis, Abraham wirahni al. 16Rebeca laih sirau nuhni yaksihni dai, dawak baisa al as karak kalpakwasdai; kaput bik muih al as bik witing yakat laihwasdai. Pa kuhrna yakat yalahwi was butnin dini duwa kidika butwi bunghdana, dawi mahka nawatwi kiwak, 17dini yamyang alni kidika nining yak kiri kiwi aput yulna:
—Plisma, was butnaman kidika kaupak apis yatang dikuh.
18—Ditah —kalatna.
Kidika usnit kat was puna trukwa likkidika lakna, dawak tingni kau laihna sakkat dina. 19Dini yamyang kidika diwi dahn dawakat, Rebeca kalyulna:
—Baisa was yakki ki kiamil balna bik bayahnin, bahang ampus dikih kat didiwarang.
20Sirihni palni was butna duwalikdai dai kidika didiwa pāni yakat utuhwi dawi wat pa kuhrna yakat kiri kiwi was butwi dukiwi utuhwi bunghdana, kiamil balna bitik dininna. 21Muih dinina yamyang al kidika yul as bik yulwas talwasakdai, kat witing rahm yamni amanglanin kulna, witing kiuna likkidika Dawan yaklauwi tani yamni yamwapa. 22Kiamil balna kidika bitik was diwi dahn dadawakat, al kidika gol tingni ānin as yakna bahang kidika laih tikini gramos 6 kapat duwadai, dawak yal sirau nangnitak yak āna.#24.22 Dawak yal sirau nangnitak yak āna: grik kau ulna yakat kaput yulwi. Hibru kau laih adika yulni kalahwaski. Dawak bik gol ting-ānin nunuhni bik bu kalana dai, bahang kidika laih tikini gramos 100 kapat duwadai, 23dawak kalyulna:
—Plisma yayultah man kidika waismahn, dawak man papangma ūni yak pa pakyah yangna payahnikna.
24Dawak yal kidika nangnitlana:
—Yang laih Betuel walanbis yang, Milca dawak Nacor walanibis kidika. 25Yangna ūkina yakat pa dutayangna manna, dawak sihrsihr manas dutayangna kiamil balna kasninna.
26Kaput laih muih dini yamyang kidika limbabahwi Dawan kau ayangni nuhni yamna, 27dawi yulna: “¡Dawan kidika blisin karang, yang dakiwan Abraham Papangni kidika, kat witing laih barangni dawak kulnin yamni lani kidika duna bahang dakiwan nining yakat, dawak witing yaklauwi yadu'kiuna witing wanaihni balna ūnina kat yadu'kiuna!”
28Dawak Rebeca kiri kiuna papangni ūni yakat, dawak witing yakat di balna kalahna bitik kidika kalyulna. 29Witing wirahni al as duwa dai ayangni Labán, bahang witing kiri kiuna pa kuhrna yakat muih al kidika walwi, 30kat witing talna dai bahang wirahni tingni yakat gol dini balna āna dai kidika, dawak bik kidika alni ais kalyulna kidika yulwak dakana dai bahang. Labán witing Abraham dini yamyang yaihnit yakat kiuna, bahang witing kidika baisa pa kuhrna kungyakat sakdai kiamil balna karak, 31dawak kalyulna:
—Man aiwah Dawan blisinni man kidika. ¡Man amput ahni akat watmayah, yang uman ū kidika ridi yamnayang dawak kiamil balna panina bik!
32Kaput laih muih dinina yamyang dai kidika ū yakat kiuna. Kidika yakat Labán yaklauwi kiamil balna kaupak di balna kidika lakwi dawi dibayahna, usnit kat was duwi kiuna, muih dini yamyang kidika witing wanaihni balna karak kalnina suhna atnin.
33Witingna mahka di kasnin diayana kat, Abraham dini yamyang kidika yulna:
—Yang di kastas awaki, yang yulnik dutayang kidika yultasyang tanitkauh.
Dawak Labán yulna:
—Yultah.
34Dawak dini yamyang kidika yulna:
—Yang kuduh Abraham dini yamyang. 35Dawan yaklauwi dakiwan yakat blisin yamni kalana, dawak diduyang kalyamna: kalana sīp, turuh yayal, gol, lalah, dini yamyang ahal, yayal, kiamil dawak biriku bik. 36Baisa kidika minit yakat, witing yalni Sara kidika yaklauwi walanibis al as kalana muihbarak palni kalna kaunah, dawak dakiwan kidika witing walanibis al yakat dini balna kidika bitik kalana. 37Yang dakiwan kidika yayamwak Papang ayangni kau yaktik yulnayang, dawak yayulna: ‘Datang kat yang walakibis adik adika sauni Canaán akaupak yal dunin-awaski. 38Tanit yamni ki, yang papangki wanaihni balna yakat yawah, yang walakibis yalni as waltah.’ 39Dawak yang lawik kalyulnayang: ‘Yang dakiwan, ¿dawak yalni kidika kainin yulwas karang kat?’ 40Dawak witing yaklauwi nangkitlana: ‘Yang Dawan tani yakat lik-atnayang, bahang witing yaklauwi innisal sihwarang man yakat, dawak man yawama kidika yamni manah kalahwarang, dawak man walakibis yalni as walta yakma wanaihki balna paskaupak, yuldarang kat papangki wanaihni balna paskaupak. 41Yang wanaihki balna kidika sirau as manin yuyulwas karang manah ki, bahang kaput laih pramis yayamnaman kidika kaupak pri alahwama.’
42“Kaput kuduh yang warmani pa kuhrna sakkidika yakat yawik alahwanayang, dawak Dawan yakat mikityulnayang, yang dakiwan Abraham Papangni yakat: ‘Rahm palni aiwanayang akat yamni yamma kat, 43man kalma dinit yakat buktik yultayang waradika pa kuhrna kungyakat sakyang adika, aput as kalahwang: sirau as was butna kaiwak kidika yakat yang kalyulki: Plisma datang kat man wasma butnaman kidika kaupak apis dikuh, 44dawak biri nangkitlawarang: Man ditah dawak yang kiamamil balna wasnina bik yakki yatarang kat, adika yalni karang Dawan man lawa yaknaman kidika, yang dakiwan walanibis yalni.’ 45Yang baisa mikit yultik datasyang kat, yang talnayang Rebeca laih witing was butnin dini kidika salahni yakat trukwi kaiwalikdai. Dawak yaklakwi pa kuhrna yakat was butna, dawak kalyulnayang: ‘Plisma was apis yatah.’ 46Usnit kat witing wasni punin dini kidika lakwi dawi yāyulna: ‘Man ditah, dawak kiamamil balna bik was bayahki.’ Dawak witing was yana, kaput bik laih kiamil balna bik. 47Usnit kat kalyultik dakanayang: ‘¿Man kidika waismahn walakibis yal?’ dawak witing nangkitlana: ‘Yang laih Betuel walanibis yang, Nacor walanibis dawak Milca bik.’ Kaput laih witing nangnitak yakat ānin dini kidika ātik kalanayang, dawak tingni yakat bik ting ānin nunuhni kidika ātik kalanayang, 48dawak limbabahtik Dawan yakat ayangni tanit nuhni yamnayang, Dawan yakat ayangni nuhni yamnayang, dakiwan Abraham Papangni yakat, ta barangni munah yaduaina kidika yulni, yang dakiwan wanaihni balna paskaupak walanbis yalni as waltik yaknik yulni. 49Bahang waralaih yayultanauh manna kulnamna yamni barangni karangyah, yang dakiwan niningyakat, kaput awaskarang bik lāih yayultanauh, kaput laih yang amanglanik ais yamnik kidika.
50Kaput laih Labán dawak Betuel karak nangnitlalana:
—Adika bitik laih Dawan kaupak kaiwi, bahang yangna sip yultas awanaki agha, kidika awaskat dikah. 51Man talah, akat Rebeca sakki; duta mahka yawah. Bahang man damawan walanbis al kidika yalni karang, Dawan yaklauwi yamna kaput.
52Abraham dini yamyang yaklauwi kidika yulni dakana kat, Dawan muhni yakat sau yakat limbabahwi muhni kidika sau kat sukna dai. 53Kidika usnit kat gol dini, lalah dini balna dawak asna balna bik manas yakwi Rebeca yakat kalana. Wirahni al yakat, dawak nanangni yakat bik kalana prisantni kidika. 54Usnit kat, witing dawak ūk balna karak kalpakwi aina kidika karak witingna di kakasna, didina, dawak yakat payayahna. Mapiris yaklalauwak, dini yamyang kidika yulna:
—Yadatang kat yang dakiwan ūni yakat nawattik yawakuh.
55Kaunah Rebeca wirahni al kidika dawi nanangni bik biri aput kalyuyulna:
—Sirau adika yangna karak baisa ma salap watwang, dawak kidika usnit kat sipkarang manna karak kiunin.
56Kaunah muih dini yamyang kidika kalyulna:
—Baisa yalaihwawatwinih. Papang yaklauwi taki yamni yamna, kaput bahang yadatanang kat yang dakiwan ūni yakat yawakuh.
57Kaput laih witingna biriwi nangnitnalalana:
—Sirau yakat kalyuldi dakadarang ais yulwarang pa witing.
58Rebeca yakat kalyuyulwak kiuna, dawak kalyulwi dakakana:
—¿Man kidika alni karak yawinin kultamanh?
Witing yaklauwi agha kalatna.
59Kaput laih Rebeca kidika dadawak kiunadai, dawak yal as maintalwādai kidika bik, kaput bik laih Abraham dini yamyang dawak kalpakwi uina dai kidika bik. 60Bahang Rebeca yakat aput blisin kalalana:
“Yangna wirahkina yal,
¡man muih milian milian nanangnina awama!
¡Man sulama balna kidika
waihla balna tawannina nunuhni kidika
minit bayakwi dakyakwi duduna karang!”
61Kaput laih Rebeca dawak witing dini yamyang yal kidika bik kiamil minit yakat kilna dawak Abraham dini yamyang al kidika usnit uiwi uina. Kaput kuduh muih dini yamyang kidika Rebeca duwi kidika kaupak mahka kiuna.
62Isaac kidika was pa kuhrna ayangni “Sangka kidika dawak bik yatalwi” kidika pāni kaupak nawatwi kiunadai, kat witing kidika laih Néguev sauni yakat yalahwadai bahang. 63Masan puklakwa yakat witing kalahwi kiuna awaihwi. Bahang kidika yakat talna kiamil buas aiwabangdai. 64Dawak Rebeca bik Isaac yakat talwi, kiamil kaupak yaklakwi, 65muih dini yamyang yakat kalyulwi dakana:
—¿Kidika alni mayang manikingkauh kaiwa kidika waisyah?
Kalyulna:
—Kidika laih yang dakiwan.
Kaput laih witing asna duwi muhni mukna.
66Dini yamyang kidika yaklauwi Isaac yakat kalyulna ais yamna kidika bitik. 67Usnit kat Isaac yaklauwi Rebeca kidika nanangni Sara ūni labanni yakat duwi kiuna, dawak witing karak kalduduna. Isaac yaklauwi Rebeca yakat kasak dalani talna, kaput Isaac witing walaniāna dai nanangni dauna kidika yulni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998