Génesis 25
25
Abraham dawak Cetura sulani balna
(1 Cr 1:32-33)
1Abraham yal ūk duna, ayangni laih Cetura. 2Witing kidika yal karak walanbis ahal yakna dai Zimram, Jocsán, Medán, Madián, Isbac dawak Súa. 3Jocsán kidika laih Seba dawak Dedán papangni dai. Dedán sulani balna kuduh asureo, letuseo dawak leumeo. 4Madián walanbis balna dai kuduh Efa, Efer, Hanoc, Abida dawak Elda. Adika balna bitik laih Cetura sulani balna dai. 5Abraham ais duwa dai kidika bitik laih Isaac duna dai. 6Walanbis balna yal ūk kaupak yakna kidika yakat laih, prisant dini manah diana dai, bahang baisa sangka kau walanbis Isaac kidika dakwi yakwi ma kilwa niningyakauh sihna dai.
Abraham dauwak nununa
7Abraham sangka dai kurih 175, 8dawak witing dauna, muih barak kalwi. Kaput laih witing muihnibararak balna karak kiwi kalpakna. 9Walanbis ahal balna Isaac dawak Ismael karak witingna nununa Macpela kinipala pāni sulihni yakat, kidika laih Mamre kaupak masar niningyakat pakki, hitita muihni Zohar walanibis Efrón sauni yakat. 10Kidika sauni kuduh hitita balna kaupak Abraham bakanna dai kidika.#Gn 23:3-16. Kidika yakat Abraham nununa, witing yalni Sara karak libitni. 11Abraham dauna usnit kat Papang yaklauwi Isaac yakat blisin kalana, witing watwi yalahna dai kidika was pāni kuhrna “Sangka kidika dawak bik yatalwi” yaihnit yakat.
Ismael sulani balna
(1 Cr 1:28-31)
12Adika Ismael walanbis balna, Abraham walanbis al as Agar Egipto yal kaupak yakna dai kidika, bahang kidika yal laih Sara dini yamyang dai, 13witingna batanh dadanadai kidika: Nebaiot kidika laih witing walanibis tatuna dai, kidika kaupak Cedar, Adbeel, Mibsam, 14Misma, Duma, Massa, 15Hadar, Tema, Jetur, Nafis dawak Cedema. 16Adika Ismael walanbis balna 12 dai kidika, sihm kidika ayangni kau, witingna saunina balna kidika papakna dai. Bahang witingna laih tatuna muihni balna dai sulanina pasyakat.
17Ismael kidika kurih 137 laihwi dauna, bahang kaput laih witing muihni bararak balna karak kiwi kalpakna. 18Witing sulani balna kidika laih Havila dawak Shur kidika balna walsah yakat pa dudunadai, Egipto muhni tani yakat, Asiria kau kiwa tani yakat, bahang kidika yakat wawatna, wanaihnina balna kidika niningnakauh dai kaunah.
Jacob dawak Esaú karak batanh dadana
19Adika kuduh Isaac yulni umani balna, Abraham walanbis. 20Isaac kurih 40 duwa dai, Rebeca kidika duna kat, bahang kidika laih Betuel walanibis yal, dawak Labán wirahni yal, arameo balna Padam-aram yakat yalalahwa balna dai kidika. 21Rebeca laih witing sip walabis yakwas dai, bahang Isaac witing Dawan kalni dinit yakat bukwi yulna dai yalni yulni. Dawak Dawan witing dakana bahang Rebeca kidika muih karuk danadai. 22Kaunah sūtki balna kidika witing bāni pasyak kalbauwa bahang witing kulna: “Bahang adika ban kaput karang kat, ¿ais yulni sangka atnin yah?” Bahang kaput laih Dawan yakat kiwi kalyulwi dakana, 23dawak witing yaklauwi nangnitlana:
“Man bama pasyakat nisan bu rauki,
tawan bu kalbauwa rauki
baisa batahndadawas tanitkauh.
As kidika baisa tanit parasni karang ki,
dawak barakni kidika laih wanaihni bikkalni dinit yakat karang.”#Rom 9:12.
24Bahang Rebeca walanbis dunin mani kidika kana kat, bahang sūtki duna. 25Tatuna batahndana kidika laih basni papauni dai, dawak muihni bitik laih butuni manah duwadai, bahang ayangni laih Esaú papakna.#25.25 Hibru yulni kau basni atnin kidika laih yulni binka as Seir ta kidika kapatdai, bahang Esaú ayangni ūk kidika laih kaput dai (talah 36:8 yakat). 26Usnit yak wirahni kidika batahndana, bahang wirahni Esaú kalnitung yakat tingni kau laihna, kidika ayangni paknadai Jacob.#25.26 Hibru kau, Jacob, yulni binka kalnitung, kidika kapat yulwi, dawak bik yul as laihnin dini malni kau āwa kidika kapat paruh yulwi. Isaac witing kurih 60 duwa kat Rebeca walanibis balna duna.
Walanibis tatuna rahmni kidikabakanpamwi Esaú
27Walabis balna kidika bararakna. Esaú laih witing asangpas warkni kalahyang dai, dawak bik di iyang tanit yamni dai; dawak Jacob laih nawatkauh, muih al as isning yamni, dawak ū yakat manah sak-awakih kalawadai. 28Isaac laih Esaú yakauh tanit dalani talna, kat witing di iwa kidika kaskih kalawadai bahang, kaunah Rebeca laih Jacob yakauh kulwadai.
29Ma as kat Jacob di lahwa sakdai, dawak Esaú laih asangpas kaupak kalsuh dawak kaikalahna 30dawak kalyulna:
—Plisma di lahnaman wasni pauni sakkidika apis yatah, kat uba yuh daunayang bahang.
(Kidika bahang Esaú kidika amangnilana ki sihm Edom kapat.)#25.30 Hibru kau, Edom kidika yulni tanka laih pauni yulni binka kidika kapat paruh yulwi.
31—Tatuna yatah, walanbis tatuna rahmni dutaman kidika —kaltadai Jacob yaklauwi.
32Kaput dawak Esaú yulna:
—Man yatalaman yuh daunayang, bahang walanibis tatuna rahmni kidika laih yang yakat ilp as diski.
33—Papang ayangni kau yakta yultah —Jacob yaklauwi kalyulwadai wat wat.
Esaú yaklauwi Papang ayangni kau yakwi yulna, dawak kaput yamwi Jacob yakat walanbis tatuna rahmni kidika kalana dai.#Hib 12:16. 34Kaput laih Jacob yaklauwi Esaú yakat kalana sinak satni as wasni kidika dawak plawar busna karak. Kaput laih Esaú kaswi diwi dana usnit kat, yaklauwi mahka kiuna, witing di dauh kulna, walanbis tatuna rahmni kidika.
Currently Selected:
Génesis 25: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Génesis 25
25
Abraham dawak Cetura sulani balna
(1 Cr 1:32-33)
1Abraham yal ūk duna, ayangni laih Cetura. 2Witing kidika yal karak walanbis ahal yakna dai Zimram, Jocsán, Medán, Madián, Isbac dawak Súa. 3Jocsán kidika laih Seba dawak Dedán papangni dai. Dedán sulani balna kuduh asureo, letuseo dawak leumeo. 4Madián walanbis balna dai kuduh Efa, Efer, Hanoc, Abida dawak Elda. Adika balna bitik laih Cetura sulani balna dai. 5Abraham ais duwa dai kidika bitik laih Isaac duna dai. 6Walanbis balna yal ūk kaupak yakna kidika yakat laih, prisant dini manah diana dai, bahang baisa sangka kau walanbis Isaac kidika dakwi yakwi ma kilwa niningyakauh sihna dai.
Abraham dauwak nununa
7Abraham sangka dai kurih 175, 8dawak witing dauna, muih barak kalwi. Kaput laih witing muihnibararak balna karak kiwi kalpakna. 9Walanbis ahal balna Isaac dawak Ismael karak witingna nununa Macpela kinipala pāni sulihni yakat, kidika laih Mamre kaupak masar niningyakat pakki, hitita muihni Zohar walanibis Efrón sauni yakat. 10Kidika sauni kuduh hitita balna kaupak Abraham bakanna dai kidika.#Gn 23:3-16. Kidika yakat Abraham nununa, witing yalni Sara karak libitni. 11Abraham dauna usnit kat Papang yaklauwi Isaac yakat blisin kalana, witing watwi yalahna dai kidika was pāni kuhrna “Sangka kidika dawak bik yatalwi” yaihnit yakat.
Ismael sulani balna
(1 Cr 1:28-31)
12Adika Ismael walanbis balna, Abraham walanbis al as Agar Egipto yal kaupak yakna dai kidika, bahang kidika yal laih Sara dini yamyang dai, 13witingna batanh dadanadai kidika: Nebaiot kidika laih witing walanibis tatuna dai, kidika kaupak Cedar, Adbeel, Mibsam, 14Misma, Duma, Massa, 15Hadar, Tema, Jetur, Nafis dawak Cedema. 16Adika Ismael walanbis balna 12 dai kidika, sihm kidika ayangni kau, witingna saunina balna kidika papakna dai. Bahang witingna laih tatuna muihni balna dai sulanina pasyakat.
17Ismael kidika kurih 137 laihwi dauna, bahang kaput laih witing muihni bararak balna karak kiwi kalpakna. 18Witing sulani balna kidika laih Havila dawak Shur kidika balna walsah yakat pa dudunadai, Egipto muhni tani yakat, Asiria kau kiwa tani yakat, bahang kidika yakat wawatna, wanaihnina balna kidika niningnakauh dai kaunah.
Jacob dawak Esaú karak batanh dadana
19Adika kuduh Isaac yulni umani balna, Abraham walanbis. 20Isaac kurih 40 duwa dai, Rebeca kidika duna kat, bahang kidika laih Betuel walanibis yal, dawak Labán wirahni yal, arameo balna Padam-aram yakat yalalahwa balna dai kidika. 21Rebeca laih witing sip walabis yakwas dai, bahang Isaac witing Dawan kalni dinit yakat bukwi yulna dai yalni yulni. Dawak Dawan witing dakana bahang Rebeca kidika muih karuk danadai. 22Kaunah sūtki balna kidika witing bāni pasyak kalbauwa bahang witing kulna: “Bahang adika ban kaput karang kat, ¿ais yulni sangka atnin yah?” Bahang kaput laih Dawan yakat kiwi kalyulwi dakana, 23dawak witing yaklauwi nangnitlana:
“Man bama pasyakat nisan bu rauki,
tawan bu kalbauwa rauki
baisa batahndadawas tanitkauh.
As kidika baisa tanit parasni karang ki,
dawak barakni kidika laih wanaihni bikkalni dinit yakat karang.”#Rom 9:12.
24Bahang Rebeca walanbis dunin mani kidika kana kat, bahang sūtki duna. 25Tatuna batahndana kidika laih basni papauni dai, dawak muihni bitik laih butuni manah duwadai, bahang ayangni laih Esaú papakna.#25.25 Hibru yulni kau basni atnin kidika laih yulni binka as Seir ta kidika kapatdai, bahang Esaú ayangni ūk kidika laih kaput dai (talah 36:8 yakat). 26Usnit yak wirahni kidika batahndana, bahang wirahni Esaú kalnitung yakat tingni kau laihna, kidika ayangni paknadai Jacob.#25.26 Hibru kau, Jacob, yulni binka kalnitung, kidika kapat yulwi, dawak bik yul as laihnin dini malni kau āwa kidika kapat paruh yulwi. Isaac witing kurih 60 duwa kat Rebeca walanibis balna duna.
Walanibis tatuna rahmni kidikabakanpamwi Esaú
27Walabis balna kidika bararakna. Esaú laih witing asangpas warkni kalahyang dai, dawak bik di iyang tanit yamni dai; dawak Jacob laih nawatkauh, muih al as isning yamni, dawak ū yakat manah sak-awakih kalawadai. 28Isaac laih Esaú yakauh tanit dalani talna, kat witing di iwa kidika kaskih kalawadai bahang, kaunah Rebeca laih Jacob yakauh kulwadai.
29Ma as kat Jacob di lahwa sakdai, dawak Esaú laih asangpas kaupak kalsuh dawak kaikalahna 30dawak kalyulna:
—Plisma di lahnaman wasni pauni sakkidika apis yatah, kat uba yuh daunayang bahang.
(Kidika bahang Esaú kidika amangnilana ki sihm Edom kapat.)#25.30 Hibru kau, Edom kidika yulni tanka laih pauni yulni binka kidika kapat paruh yulwi.
31—Tatuna yatah, walanbis tatuna rahmni dutaman kidika —kaltadai Jacob yaklauwi.
32Kaput dawak Esaú yulna:
—Man yatalaman yuh daunayang, bahang walanibis tatuna rahmni kidika laih yang yakat ilp as diski.
33—Papang ayangni kau yakta yultah —Jacob yaklauwi kalyulwadai wat wat.
Esaú yaklauwi Papang ayangni kau yakwi yulna, dawak kaput yamwi Jacob yakat walanbis tatuna rahmni kidika kalana dai.#Hib 12:16. 34Kaput laih Jacob yaklauwi Esaú yakat kalana sinak satni as wasni kidika dawak plawar busna karak. Kaput laih Esaú kaswi diwi dana usnit kat, yaklauwi mahka kiuna, witing di dauh kulna, walanbis tatuna rahmni kidika.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998