Yohanes 20
20
Yesus ebe iluk agike wene
(Matius 28:1-8; Markus 16:1-8; Lukas 24:1-12)
1Warek esigit diluk ĘĽbisukasikmo nen, o hari Minggu paga at kwe Maria ago o Magdalena mende etnogo o amum werek nggorlek kuben siyakogo oila warek ĘĽbisukama etnogola wagikesik ilenggen ĘĽbikasike mende, su nggit mende larogo ĘĽbisuka mende etnogo, arat kuwalogo laĘĽbisukama su kuwalek werekma kasike. 2Esigit diluk werekma ilenggen kalok nen, mbirirli mondok ap Simon Petrus etnogo inom, Yesus agoromi ane waganggo laguka mende omanggi at endainggen kunik mende etnogo inom, inoba lagikesik men yogisasike,
“Akoni nen Ninewe Endaganggok ebe warek oila nen wolok dukegasik nggoma ʼbi lagaka salek, nit ninobake mbalaga o, nirugi,” yiluk yogisasikemo, 3at Petrus inom, Yesus agot omanggi etnogo inom, imbisak oila warek ʼbisukama etnogo waguka. 4Esigit diluk imbisak ndak-ndak mbirlika waguka mende, at Yesus agot omanggi etnogo nen, at Petrus yabunggane diluk, at ndak ibat oila warek ʼbisukama yomenogo wagike. 5Esigit diluk arat wagikesik, oila warek ʼbisukama etnogo urowak soma yiluk ilenggen sok-sok nggola kasike mende, kain lenan mende yilogo ʼbisuka mende etnogoat nonggorlek agat oba werekma ilenggen kasikesik nen, ebe oila akmangge unggigidek puk agike. 6Esigit diluk unggigidek werekma, at Simon Petrus etnogo yabunggane at omborlik wago lagikesik mbiyokogo warek ʼbisukama akmangge unggisikesik nen ilenggen ʼbikasike mende, kain endaga lenan mende etnogoat nonggorlek agat oba werekma kasike. 7Esigit diluk mende, kain Yesus unggulowak yilik welagike mende nonggorlek, su kain mende nonggorlek welagikemo eranogo inom omanggimo dek. Asokneat mbontogo dinggilik werekma ilenggen kasike. 8Esigit diluk kasikesikmo nen, at Yesus ane waganggo laguka mende omanggi alebagik warek ʼbisukama lagike mende etnogo yabunggane akmangge unggisikesik nen ilenggen ʼbikasike mende, taʼbokogonat esigit diluk werekma ilenggen kasikesik nen, eberogonat yiluk didisike. 9At Esigit diluk ilenggen kigidekma, alebat it amberek nen Allah wene kolal mbalogo ʼbisi dogolik.
“At ebe watlatluk nen yabunggane iluk asiginat,” yiluk yisukama kolal mbalek werek mende eti didigidek welagukasik nen, etinem at ilenggen kasikesik nen didisike. 10Esigit diluk didisikesik nen, it Yesus agoromi ane waganggo laguka mende inom iniyogoba uma laguka.
At Yesus ebe kwe Maria ago o Magdalena mende etnogo ilenggen kowagaluk elokoma winam agike wene
(Matius 28:9-10; Markus 16:9-11)
11It esigit diluk laguka mende, at kwe Maria, yabunggane wagikesik warek ĘĽbisukama eranogo eragalilu mendek dogolik ilenggen nggolagik de ako welagike. 12Esigit diluk de ako dogolik, ilenggen nggola kasike mende, at Yesus warek ĘĽbisukama eranogo malaikat inebe mbere iniyom nggut mende yugu, at omanggi Yesus warek ĘĽbisukama unggulowakmangge mot-mot, nen, at omanggi alonggemangge mot-mot, korek werekma ilenggen iyasike. 13Esigit diluk iyasikemo, it nen men yogokuka,
“Kwe yi niru o. Kat nenaluk de arigogon,” yiluk yugun ambasuka, at Maria nen, men yogisasike,
“An newe Endaganggok warek akoni nen wolok o nggoma ʼbi lagakama salek, an nonggodek nen de arigogo o, nirugi,” yiluk yogisasikesik nen, 14ilenggen suguluk dagakogo lak lagike mende, at Yesus ebe mendek werekma ilenggen kasike, mende at nen,
“Eti Yesus ebeat,” yiluk didigidek. 15Didigidek werekma, at Yesus nen, men yogokike,
“Kwe yi niru o. Kat nenaluk de arigogon. Nen, kat ta kweyarigogon,” yiluk yogokikemo, kwe Maria akla nen,
“Ap yi yabu anggorlem dogoligogo mende kigi,” yiluk akla ambasike. Esigit diluk akla ambasikesik men yogokike,
“Newe. At ebe warek kat nen waganggendik wolok werlekmange ʼbi laganma kalok, ebe o nggoma ʼbi laganma. An wagani lak nen, yoknisin o,” yiluk yogosigin ambasike, 16at Yesus nen yogoko dogolik,
“Kwe Maria,” yiluk yogokonem, Maria elokonggen dagakogo Yesus wogotluk, nit ninane paga,
“Guru newe,” yu kak, it Ibrani mende inane paga,
“Rabuni,” yiluk keyagi wakike. 17Esigit diluk keyagi wakikemo, at Yesus nen, men yogokike,
“An nebe Nombae oba awan dagigidek werek eti, kinggi paknarek dogogup o. An ninom, kit inom, ninombae Allah oba panggot diluk werek mende etnogo oba dagigiluk kagarigogo, yeke yiluk nagoromi yogisa lan o,” yiluk yogokikemo, 18at kwe Maria ago o Magdalena mende etnogo Yesus agoromi ane waganggo laguka mende yomenogo inoba lagikesik nen, men yogisasike,
“Nirugi! Ninewe Endaganggok an nilenggen arat kalok nen wagi o,” yiluk, yogisasi dogolik wene yogokike mende etnogo mbilelogo yogisa lagike.
At Yesus ebe agoromi ane waganggo laguka mende yomenogo inilenggen niyawagaluk inelokoma winam agike wene
(Matius 28:16-20; Markus 16:14-18; Lukas 24:36-49)
19Esigit diluk yogisa lagikesikmo nen, o hari Minggu etinem kibanggo at Yesus agoromi ane waganggo laguka mende yomenogo, it ap Yahudi mende inayuk nen o omanggila su taĘĽbokogonat kunci larogo unggisukasik werekma, at Yesus lagikesik ineragalilu winam agikesik nen, men yogisasike,
“Nagoromi. Kinagurakma,” yiluk esigit diluk yogisasikesik nen, 20inggi inom, arenggeyakma inom, wakuka mende etnogo oʼbam yomenogo inuguriyasike. Esigit diluk inaguriyasinem inilenggen kasukasik nen,
“Ninewe ebeat o,” yiluk inakla arlenggen mondok kasuka. 21Esigit diluk inakla arlenggen kasukama, at Yesus nen wene omanggi inom yabunggane men yogisasike,
“Nagoromi. Kinagurakma. An Nombae nen laʼbani wagike eti kak, an nen kit esigit dilugat laʼbinagagin o,” yiluk yogisasike. 22Esigit diluk yogisasikesik nen, ambelaga inoba pukogo lagako dogolik men yogisasike,
“Allah Agurengge korlani o. 23Nen, kit nen akoni weyak kagarigogi mende sagalogo deget diyasi kalok, at Allah nen sagalogo deget diyaginat o. Nen, it akoni amberek weyak kagarigogi mende, kit nen sagalogo deget diyigidek kalok, at Allah nen sagalogo deget diyagin degat o,” yiluk yogisasike.
Yesus nen ebe wakuka mende sege elo ap Tomas inugut kasike wene
24At Yesus ebe agoromi inelokoma winam agike etinem, inebe 12 yomenogo mende it pelaknggeat werekma. Nen, at Tomas endaga omanggi Kulup Mende yisi laguka etnogo ebe it inom dekma wagike. 25Esigit diluk ebe dekma nogo nen, it Yesus agoromi pelakngge nen, men yogokuka,
“Tomas nagarlak. Nit ninewe Endaganggok etnogo arat ninilenggen kogo,” yiluk yogokuka mende, at Tomas nen, men yogisasike,
“An nen at inggi paga purlu kungga mende elo nilenggen dikogo kigidek, nen oʼbam ninggi pakigidek, arenggeyakma sege elo ninggi nggolakidek kalok, ebeat yiluk ambagin mondok dek o,” yiluk yogisasike. 26Esigit diluk yogisasikesik oba nen, ininggi 7 paga welagukasik omanggi paga it Yesus agoromi ane waganggo laguka mende yomenogo Tomas inomat, o etnogolaat nandokukasik su taʼbokogonat kunci lat diluk welaguka mende, at Yesus wagikesik inakla winam agikesik nen, men yogisasike,
“Nagoromi. Kinagurakma,” yiluk yogisasikesik nen, 27yabunggane at Tomas men yogokike,
“Kat kakla nen eberogonat yiluk kendainggen noba panggot digidek welaga, esigit diluk dogogup o. Eberogonat yiluk kakla ambanok nen, kinggi pak niyigik, ninggi paga kilenggen niyigik, narenggeyakma elo kinggi nggolaʼbigik, kagatluk nen, kendainggen noba panggot dino o,” yiluk yogokike. 28Esigit diluk yogokikemo, at Tomas nen,
“Iya! Newe, kebe Kendaganggok Allah at kiyigi o,” yiluk yogokikemo. 29at Yesus nen, men yogokike,
“Kat, kilenggen arat niyegendik nen eberogonat yiluk kendainggen noba panggot degen. Esigit diluk mende, it akoni amberek inilenggen niyigidek mende, inendainggen noba panggot dugun kalok, inakla arlenggen kugun o, yiluk eberogonat yokigi o,” yiluk yogokike.
Buku yi ebe yigit diluk pasik yiluk kolal mbalkike wene
30At Yesus nen it agoromi ane waganggo laguka mende nen at ebe diduwagaluk inil oba elalin kagako lagike mende amberek dogalegat kagakike mende, buku yi paga kolal mbalkidek. 31Esigit diluk mende, kolal mbalek werek yi taĘĽbokogonat, kit nen,
Yesus eti Allah AĘĽbut, nit akoni ndil ninabuwagaluk mikogo laĘĽbi wagike etnogo eberogonat, yiluk didiluk kinendainggen at oba panggot diluk, at endaga mbalkonem kiniluk dogobagik nen yiluk, kolal mbalogo ĘĽbigi o.
Currently Selected:
Yohanes 20: DNA
Highlight
Share
Copy
Want to have your highlights saved across all your devices? Sign up or sign in
