PILOTIMUA̒TA 12
12
Lameyangi lo Paska
1 Eeya helo tahuda odelei Musa wolei Haruna tohuta lo Masiri. Tahudaa-Lio, 2“Hulalo botie mowali hulalo bohulio monto taunu lo daputari dulahu wau hulalo olemu. 3Potunggula mao̒ palenta botie ode ngoilanggubu umati lo Isirai̒lu: Todulahee opululio hulalo botie, timii̒du talolai̒ musi mongolotao̒ walao̒ himba tuwau u tamelolo pee̒-pee̒enta wolo ngaalaa̒lio. 4Wonu pongawaa̒ lou̒ ngaalaa̒ boito bo ngoi̒di daa̒ u mopoo̒ pulitao̒ walao̒ himba tuwau, yi ngaalaa̒ boito wau tiheedio u membidee daa̒ mowali pee̒-pee̒enta molamela walao̒ himba boito. Walao̒ himba boito musi tayadulo modudua̒ jumulaa lotaa molamelo. 5Timongoli mowali molulaotao̒ himba meaalo batade, bo musi ulai̒, o umulu ngotaunu, wau diila o tailolio. 6Timongoli musi molahu mao̒ demola dulahee opulaa pato. Todulahee boito, lolaangio mola, ngoa̒amila bangusa lo Isirai̒lu musi mongolotao̒ walao̒ himba boito. 7Ngoi̒di duhulio musi pomahita mao̒ too̒luo wolihi lohuhebu wau tobalaki ubala-bulawahu toitaato huhebu lobele tambati limongolio molamelao̒. 8Tou̒ hui boitolo tapulio musi panggangiolo wau tameloolo wolo sayori mopaa̒to wau roti udiila oragi. 9Walao̒ himba boito musi panggangiolo ngoa̒amilalo, wimu-wimumuto wolo lunggongio, oa̒atio wau tuango ombongio. Tamelalo tapulio umaa pilanggangi boito, diila mao̒ tamela menggo meaalo yilahe. 10Diila mao̒ polabita penu boli ngoi̒di mao̒ tapu boito tunggula dumodupo; wonu woluo labitio, musi pobuolo tunggula maahu. 11Tou̒ molamela timongoli musi mahipakea wolo wimu-wimumuto duo̒lo nonao̒ limongoli, wolo sandale to oa̒ato wau tunggudu to uluu̒. Timongoli musi lingga-linggabu molamelo. Ui-uitolo lameyangi lo Paska u mohulumati ola-U̒, Eeya.
12Tou̒ hui boito Wau̒ mamo lontale mota ngoilanggubu huta lo Masiri, wau momate mateelo mao̒ walao̒ talolai̒ mohuhula daa, mopio manusia, meaalo binatangi. Wau̒ mamo hukuumani mao̒ ngoa̒amila dewa to Masiri, sababu Wau̒lo Eeya. 13Duhu uwoluo tohuhebu lobelemu mamowali tuoto monto bebee-leyaalo tambati piloti biluloa̒amu. Wonu Wau̒ moo̒onto duhu boito, timongoli laode-U̒ mao̒ wau diila pobinasaa-U̒ tou̒ Wau̒ mohukuumani mai Masiri. 14Todulahee boito musi poe̒ela mao̒ limongoli odelo dulahu buka duo̒lo Eeya. U wumbutio mola tulusi dulahu boito musi poe̒ela mao̒ limongoli timii̒du taunu.”
Lameyangi loroti u Diila Oragi
15 Eeya lotahuda, “Pitu hui mola hiheolio timongoli diila mowali molamela roti u oragi. Todulahee bohulio ngoa̒amila ragi musi yinggilolo monto belemu, sababu wonu ngotilonggadu pitu hui mola boito timii̒du ngotaalio molamela roti u oragi, yi tio diilalo mowali anggapuolo pongawaa̒ lo umati-U̒. 16Todulahee ubohulio, wau olo todulahee u opitulio, timongoli musi motia̒mbu mao̒ u moi̒baadati. Todulahee boito timongoli diila mowali moponao̒ penu boli kalaja wolo ngopohia upalalu kalajaalo u mopohetu mao̒ ua̒alo. 17Todulahee boito ngoilanggubu bangusaamu deloo-U̒ lumualo monto Masiri. Sababu uito duo̒lo wumbutio mola tulusi, timii̒du taunu, dulahu boito musi poe̒ela mao̒ limongoli odelo dulahu buka. 18-20Todelomo hulalo bohulio tumulalo mai todulahee opulaa pato, demola dulahee odulo pulaa tuwau hui, timongoli diila mowali molamela roti u oragi. Ngotilonggadu pitu hui mola boito ngoa̒amila ragi musi yinggilolo monto belemu. Taulo Isirai̒lu meaalo tau deli u ngotilonggadu lameyangi boito molamela roti u oragi, diilalo anggapuola pongawaa̒ lo umati-U̒.”
Paska ubohulio
21Tei Musa lotiangai ngoa̒amila tau̒wa lo Isirai̒lu wau loloi̒ya mao̒ ode limongoli, “Ponao̒lo wau hamaalo mao̒ ode ngaalaa̒mu walao̒ himba tuwau duo̒lo lameyangi lo Paska. 22Hamaalo mao̒ ngobuhu hisopi, polomoa mola ode delomo basi utua-tuanga duhu lohimba boito, lapatao̒ pomaide too̒luo wolihi lohuhebu wau tobalaki ubula-bulawahu toitaato huhebu lobelemu. Tunggula dumodupo diaaluo penu boli ngota towolota limongoli tamololaa mao̒ bele. 23Tou̒ Eeya molontale mota lipu botie u momate mateelo mao̒ taulo Masiri, Eeya mamoo̒onto mao̒ duhu too̒luo wolihi lohuhebu wau tobalaki ubula-bulawahu toitaato huhebu lobelemu; yi Tio mamo laodeo̒ wambao̒ wau diila mongohi Malai̒kati lo Mautu tumuwoto ode belemu u momate olimongoli mate-mateelo mao̒. 24Timongoli wau mongo walau̒mu musi modungoheo̒ palenta boito u ohiheo-hiheolo mao̒. 25Wonu timongoli maa tilumuwoto mota ode lipu udilanti lo Eeya olemu, timongoli musi mohutu mao̒ upacala botie. 26Wonu mongo walau̒mu mohintu mao̒, ‘Wolo boliilio upacala botie?’ 27Timongoli musi molametao̒, ‘Utie bake lo Paska u mohulumati Eeya, sababu bele lotau-tauwalo Isirai̒lu to Masiri yilaode-Lio mao̒, tou̒ Tio helomate mateelo mao̒ mongo walao̒ talolai̒ mohuhula daa̒ lo Masiri, wau ito piloluli-Lio mao̒ hitumula!’ ”
Yi loti bonggohuu̒lo mola tau-tauwalo Isirai̒lu wau helolubo. 28Lapatao̒ timongolio malonao̒ wau helohutu mao̒ wolo u pilo malentai lo Eeya odelei Musa wolei Haruna.
Tau̒kekeei̒ mohuhula daa̒ hepilatelio yilate-lateelo mao̒
29Tomutaa̒ lou̒ hui boito Eeya helomate yila-yilateelo mao̒ ngoa̒amila walao̒ talolai̒ mohuhula daa̒ bangusa lo Masiri, tumulalo mai walai̒ olongia tunggula walao̒ tau-tauwalo tahi tahangia totutupa. Ngoa̒amila bibiahu ubohulo pilotutu mai olo pilatelio yilate-yilateelo mao̒. 30Hui boito ti olongia, tahidihuma pantungo lipu wau ngoa̒amila taulo Masiri malopuo̒. To ngoilanggubu lo Masiri ilodungohe lomola suala hilimuta daa̒, sababu diaaluo penu boli bele ngowale tadiila ilopatea lowalao̒ talolai̒ mohuhula daa̒. 31Tou̒ hui boitolo ti olongia lei̒ tiangai olei Musa wolei Haruna wau loloi̒ya mao̒, “Ponao̒lo monteea, timongoli ngoa̒amila! Tolailo mao̒ lipuu̒! Pona̒olo molubo Allahu Taa̒alamu debo odelo u pilohile limongoli. 32Delowalo mota ngoa̒amila sapi, himba, wau batademu, wau ponao̒lo! Pohilea mola olo balakati ode olau̒!”
33Taulo Masiri helo huntulo taulo Isirai̒lu alihu hua̒a mololaa mao̒ lipu boito. Uali mongolio, “Ami ngoa̒amila maamate wonu timongoli diila hua̒a monao̒!” 34Lapatao̒ tau-tauwalo Isirai̒lu malohama panji-panjiyalo limongolio u hetuanga roti iluulau udiila oragi, helomolu wolo kaigni, wau lomotaa mao̒. 35Timongolio olo lohutu mao̒ wolo u pilolele lei Musa, deu̒yito-yito helohile pake hulawa wau talaa̒ wau pakeyangi taulo Masiri. 36Eeya helohutu taulo Masiri omuura lohilao to taulo Isirai̒lu, tilinggula timongolio longohi mao̒ totoonulalo u hepilohile taulo Isirai̒lu. Wolo pohuli boito taulo Isirai̒lu helodelo okokaya taulo Masiri yilimualao̒ lonto lipu boito.
Taulo Isirai̒lu lololaa mao̒ huta lo Masiri
37Taulo Isirai̒lu lomonggota wau tolimbuta lonto kota Ramses ode kota Sukot. Jumulaa limongolio wolomo hetuto lihulota, diila leituwoto mongobua wau tau̒kekeei̒. 38Timongolio helodelo sapi dadaata, himba wau batade. Ngojumulaa daa̒ tau deli olo lodudua̒. 39Timongolio helo manggangi roti diila oragi lou̒ maa iluulau udilelo mai limongolio lonto Masiri. Timongolio hepilo loontulio lonteeto wolo tame-tamea̒ daa̒, tilinggula diilalo ilohiyango lopodapato tomeu̒.
40Bangusa lo Isirai̒lu malo tibiluloa̒ to Masiri wopato hetuto tolo pulu lotaunu hiheolio. 41Todulahee pulitio totaunu opaato hetotu tolo pulu boito, ngoa̒amila baliisani umati lo Eeya helo lolaa mao̒ huta lo Masiri. 42Hui boito Eeya dahadaha tulusi u modepita olimongolio lumualao̒ lonto Masiri. Wau ui-uitolo olo hui u wumbutio mola pilo dewowa ode Eeya odelo hui poe̒ela. Tou̒ hui boito umati lo Isirai̒lu musi mopoo̒daha-dahaalo mao̒.
Wuu̒du pasali lameyangi lo Paska
43 Eeya lotahuda odelei Musa wolei Haruna, “Ui-utieelo wuu̒du lameyangi lo Paska. Tau deli diila mowali molamela tapu lohimba u pilodewo todulahu Paska. 44Bo wato tatilaali mai limongoli mowali moduduo̒ molamelao̒, wonu tio matiluuna. 45Taa u monao̒ mai diila tuango lipu wau taa u hewuupaalo diila mowali moduduo̒ molamela. 46Ngoa̒amila tapu lohimba boito musi tameloolo todelomo bele, wau diila mowali deloolo ode bulemengio. Diila mao̒ boliya penu boli tuwau mao̒ tulalio. 47Ngoilanggubu umati lo Isirai̒lu musi mopolame mao̒ potihunggu boito. 48Taa diila tiluuna diila mowali molamela ua̒alo lo potihunggu boito. Wonu tau deli ngota tamalo titatapu to olimongoli ohilaa mopolame mao̒ Paska u mohulumati ola-U̒, Eeya, ngoa̒amila mongo lolai̒ todelomo ngaalaa̒lio musi tunaapo meimulo. Lapatao̒ uito bolo timongolio mowali anggapuolo debo odelo taulo Isirai̒lu puluwa, wau mowali moduduo̒ lameyangi lo Paska. 49Wuu̒du u tutuuwauwa pohu-pohutu duo̒lo taulo Isirai̒lu puluwa wau tau deli tahi biluloa̒wa tohuungi mongoli.” 50Ngoa̒amila taulo Isirai̒lu musi modungohe wau mohutu mao̒ totoonulalo upilo malentai lo Eeya odelei Musa wolei Haruna. 51Todulahee boito Eeya lodelo ngoilanggubu umati lo Isirai̒lu yilumualao̒ lonto Masiri.
Currently Selected:
PILOTIMUA̒TA 12: LAIGOR
Highlight
Share
Copy
Want to have your highlights saved across all your devices? Sign up or sign in
PILOTIMUA̒TA 12
12
Lameyangi lo Paska
1 Eeya helo tahuda odelei Musa wolei Haruna tohuta lo Masiri. Tahudaa-Lio, 2“Hulalo botie mowali hulalo bohulio monto taunu lo daputari dulahu wau hulalo olemu. 3Potunggula mao̒ palenta botie ode ngoilanggubu umati lo Isirai̒lu: Todulahee opululio hulalo botie, timii̒du talolai̒ musi mongolotao̒ walao̒ himba tuwau u tamelolo pee̒-pee̒enta wolo ngaalaa̒lio. 4Wonu pongawaa̒ lou̒ ngaalaa̒ boito bo ngoi̒di daa̒ u mopoo̒ pulitao̒ walao̒ himba tuwau, yi ngaalaa̒ boito wau tiheedio u membidee daa̒ mowali pee̒-pee̒enta molamela walao̒ himba boito. Walao̒ himba boito musi tayadulo modudua̒ jumulaa lotaa molamelo. 5Timongoli mowali molulaotao̒ himba meaalo batade, bo musi ulai̒, o umulu ngotaunu, wau diila o tailolio. 6Timongoli musi molahu mao̒ demola dulahee opulaa pato. Todulahee boito, lolaangio mola, ngoa̒amila bangusa lo Isirai̒lu musi mongolotao̒ walao̒ himba boito. 7Ngoi̒di duhulio musi pomahita mao̒ too̒luo wolihi lohuhebu wau tobalaki ubala-bulawahu toitaato huhebu lobele tambati limongolio molamelao̒. 8Tou̒ hui boitolo tapulio musi panggangiolo wau tameloolo wolo sayori mopaa̒to wau roti udiila oragi. 9Walao̒ himba boito musi panggangiolo ngoa̒amilalo, wimu-wimumuto wolo lunggongio, oa̒atio wau tuango ombongio. Tamelalo tapulio umaa pilanggangi boito, diila mao̒ tamela menggo meaalo yilahe. 10Diila mao̒ polabita penu boli ngoi̒di mao̒ tapu boito tunggula dumodupo; wonu woluo labitio, musi pobuolo tunggula maahu. 11Tou̒ molamela timongoli musi mahipakea wolo wimu-wimumuto duo̒lo nonao̒ limongoli, wolo sandale to oa̒ato wau tunggudu to uluu̒. Timongoli musi lingga-linggabu molamelo. Ui-uitolo lameyangi lo Paska u mohulumati ola-U̒, Eeya.
12Tou̒ hui boito Wau̒ mamo lontale mota ngoilanggubu huta lo Masiri, wau momate mateelo mao̒ walao̒ talolai̒ mohuhula daa, mopio manusia, meaalo binatangi. Wau̒ mamo hukuumani mao̒ ngoa̒amila dewa to Masiri, sababu Wau̒lo Eeya. 13Duhu uwoluo tohuhebu lobelemu mamowali tuoto monto bebee-leyaalo tambati piloti biluloa̒amu. Wonu Wau̒ moo̒onto duhu boito, timongoli laode-U̒ mao̒ wau diila pobinasaa-U̒ tou̒ Wau̒ mohukuumani mai Masiri. 14Todulahee boito musi poe̒ela mao̒ limongoli odelo dulahu buka duo̒lo Eeya. U wumbutio mola tulusi dulahu boito musi poe̒ela mao̒ limongoli timii̒du taunu.”
Lameyangi loroti u Diila Oragi
15 Eeya lotahuda, “Pitu hui mola hiheolio timongoli diila mowali molamela roti u oragi. Todulahee bohulio ngoa̒amila ragi musi yinggilolo monto belemu, sababu wonu ngotilonggadu pitu hui mola boito timii̒du ngotaalio molamela roti u oragi, yi tio diilalo mowali anggapuolo pongawaa̒ lo umati-U̒. 16Todulahee ubohulio, wau olo todulahee u opitulio, timongoli musi motia̒mbu mao̒ u moi̒baadati. Todulahee boito timongoli diila mowali moponao̒ penu boli kalaja wolo ngopohia upalalu kalajaalo u mopohetu mao̒ ua̒alo. 17Todulahee boito ngoilanggubu bangusaamu deloo-U̒ lumualo monto Masiri. Sababu uito duo̒lo wumbutio mola tulusi, timii̒du taunu, dulahu boito musi poe̒ela mao̒ limongoli odelo dulahu buka. 18-20Todelomo hulalo bohulio tumulalo mai todulahee opulaa pato, demola dulahee odulo pulaa tuwau hui, timongoli diila mowali molamela roti u oragi. Ngotilonggadu pitu hui mola boito ngoa̒amila ragi musi yinggilolo monto belemu. Taulo Isirai̒lu meaalo tau deli u ngotilonggadu lameyangi boito molamela roti u oragi, diilalo anggapuola pongawaa̒ lo umati-U̒.”
Paska ubohulio
21Tei Musa lotiangai ngoa̒amila tau̒wa lo Isirai̒lu wau loloi̒ya mao̒ ode limongoli, “Ponao̒lo wau hamaalo mao̒ ode ngaalaa̒mu walao̒ himba tuwau duo̒lo lameyangi lo Paska. 22Hamaalo mao̒ ngobuhu hisopi, polomoa mola ode delomo basi utua-tuanga duhu lohimba boito, lapatao̒ pomaide too̒luo wolihi lohuhebu wau tobalaki ubula-bulawahu toitaato huhebu lobelemu. Tunggula dumodupo diaaluo penu boli ngota towolota limongoli tamololaa mao̒ bele. 23Tou̒ Eeya molontale mota lipu botie u momate mateelo mao̒ taulo Masiri, Eeya mamoo̒onto mao̒ duhu too̒luo wolihi lohuhebu wau tobalaki ubula-bulawahu toitaato huhebu lobelemu; yi Tio mamo laodeo̒ wambao̒ wau diila mongohi Malai̒kati lo Mautu tumuwoto ode belemu u momate olimongoli mate-mateelo mao̒. 24Timongoli wau mongo walau̒mu musi modungoheo̒ palenta boito u ohiheo-hiheolo mao̒. 25Wonu timongoli maa tilumuwoto mota ode lipu udilanti lo Eeya olemu, timongoli musi mohutu mao̒ upacala botie. 26Wonu mongo walau̒mu mohintu mao̒, ‘Wolo boliilio upacala botie?’ 27Timongoli musi molametao̒, ‘Utie bake lo Paska u mohulumati Eeya, sababu bele lotau-tauwalo Isirai̒lu to Masiri yilaode-Lio mao̒, tou̒ Tio helomate mateelo mao̒ mongo walao̒ talolai̒ mohuhula daa̒ lo Masiri, wau ito piloluli-Lio mao̒ hitumula!’ ”
Yi loti bonggohuu̒lo mola tau-tauwalo Isirai̒lu wau helolubo. 28Lapatao̒ timongolio malonao̒ wau helohutu mao̒ wolo u pilo malentai lo Eeya odelei Musa wolei Haruna.
Tau̒kekeei̒ mohuhula daa̒ hepilatelio yilate-lateelo mao̒
29Tomutaa̒ lou̒ hui boito Eeya helomate yila-yilateelo mao̒ ngoa̒amila walao̒ talolai̒ mohuhula daa̒ bangusa lo Masiri, tumulalo mai walai̒ olongia tunggula walao̒ tau-tauwalo tahi tahangia totutupa. Ngoa̒amila bibiahu ubohulo pilotutu mai olo pilatelio yilate-yilateelo mao̒. 30Hui boito ti olongia, tahidihuma pantungo lipu wau ngoa̒amila taulo Masiri malopuo̒. To ngoilanggubu lo Masiri ilodungohe lomola suala hilimuta daa̒, sababu diaaluo penu boli bele ngowale tadiila ilopatea lowalao̒ talolai̒ mohuhula daa̒. 31Tou̒ hui boitolo ti olongia lei̒ tiangai olei Musa wolei Haruna wau loloi̒ya mao̒, “Ponao̒lo monteea, timongoli ngoa̒amila! Tolailo mao̒ lipuu̒! Pona̒olo molubo Allahu Taa̒alamu debo odelo u pilohile limongoli. 32Delowalo mota ngoa̒amila sapi, himba, wau batademu, wau ponao̒lo! Pohilea mola olo balakati ode olau̒!”
33Taulo Masiri helo huntulo taulo Isirai̒lu alihu hua̒a mololaa mao̒ lipu boito. Uali mongolio, “Ami ngoa̒amila maamate wonu timongoli diila hua̒a monao̒!” 34Lapatao̒ tau-tauwalo Isirai̒lu malohama panji-panjiyalo limongolio u hetuanga roti iluulau udiila oragi, helomolu wolo kaigni, wau lomotaa mao̒. 35Timongolio olo lohutu mao̒ wolo u pilolele lei Musa, deu̒yito-yito helohile pake hulawa wau talaa̒ wau pakeyangi taulo Masiri. 36Eeya helohutu taulo Masiri omuura lohilao to taulo Isirai̒lu, tilinggula timongolio longohi mao̒ totoonulalo u hepilohile taulo Isirai̒lu. Wolo pohuli boito taulo Isirai̒lu helodelo okokaya taulo Masiri yilimualao̒ lonto lipu boito.
Taulo Isirai̒lu lololaa mao̒ huta lo Masiri
37Taulo Isirai̒lu lomonggota wau tolimbuta lonto kota Ramses ode kota Sukot. Jumulaa limongolio wolomo hetuto lihulota, diila leituwoto mongobua wau tau̒kekeei̒. 38Timongolio helodelo sapi dadaata, himba wau batade. Ngojumulaa daa̒ tau deli olo lodudua̒. 39Timongolio helo manggangi roti diila oragi lou̒ maa iluulau udilelo mai limongolio lonto Masiri. Timongolio hepilo loontulio lonteeto wolo tame-tamea̒ daa̒, tilinggula diilalo ilohiyango lopodapato tomeu̒.
40Bangusa lo Isirai̒lu malo tibiluloa̒ to Masiri wopato hetuto tolo pulu lotaunu hiheolio. 41Todulahee pulitio totaunu opaato hetotu tolo pulu boito, ngoa̒amila baliisani umati lo Eeya helo lolaa mao̒ huta lo Masiri. 42Hui boito Eeya dahadaha tulusi u modepita olimongolio lumualao̒ lonto Masiri. Wau ui-uitolo olo hui u wumbutio mola pilo dewowa ode Eeya odelo hui poe̒ela. Tou̒ hui boito umati lo Isirai̒lu musi mopoo̒daha-dahaalo mao̒.
Wuu̒du pasali lameyangi lo Paska
43 Eeya lotahuda odelei Musa wolei Haruna, “Ui-utieelo wuu̒du lameyangi lo Paska. Tau deli diila mowali molamela tapu lohimba u pilodewo todulahu Paska. 44Bo wato tatilaali mai limongoli mowali moduduo̒ molamelao̒, wonu tio matiluuna. 45Taa u monao̒ mai diila tuango lipu wau taa u hewuupaalo diila mowali moduduo̒ molamela. 46Ngoa̒amila tapu lohimba boito musi tameloolo todelomo bele, wau diila mowali deloolo ode bulemengio. Diila mao̒ boliya penu boli tuwau mao̒ tulalio. 47Ngoilanggubu umati lo Isirai̒lu musi mopolame mao̒ potihunggu boito. 48Taa diila tiluuna diila mowali molamela ua̒alo lo potihunggu boito. Wonu tau deli ngota tamalo titatapu to olimongoli ohilaa mopolame mao̒ Paska u mohulumati ola-U̒, Eeya, ngoa̒amila mongo lolai̒ todelomo ngaalaa̒lio musi tunaapo meimulo. Lapatao̒ uito bolo timongolio mowali anggapuolo debo odelo taulo Isirai̒lu puluwa, wau mowali moduduo̒ lameyangi lo Paska. 49Wuu̒du u tutuuwauwa pohu-pohutu duo̒lo taulo Isirai̒lu puluwa wau tau deli tahi biluloa̒wa tohuungi mongoli.” 50Ngoa̒amila taulo Isirai̒lu musi modungohe wau mohutu mao̒ totoonulalo upilo malentai lo Eeya odelei Musa wolei Haruna. 51Todulahee boito Eeya lodelo ngoilanggubu umati lo Isirai̒lu yilumualao̒ lonto Masiri.
Currently Selected:
:
Highlight
Share
Copy
Want to have your highlights saved across all your devices? Sign up or sign in