PILOTIMUA̒TA 13
13
Dewo lo walao̒ tamohuhula daa̒
1 Eeya lotahuda odelei Musa, 2“Podewowalo ngoa̒amila walao̒ mongo lolai̒ mohuhula daa̒ ode ola-U̒. Timii̒du walao̒ mongo lolai̒ mohuhula daa̒ lo Isirai̒lu, wau timii̒du bibiahe ulai̒ u pilotutu mai bohulio, deu̒yito-yito hakuu-U̒.”
Lameyangi lo Roti Diila Oragi
3Tei Musa loloi̒ya mao̒ ode bangusa lo Isirai̒lu, “To dulahee botie Eeya lopo lopatai olimongoli wolo kawasaa-Lio uleidaa̒, tilinggula timongoli loo̒ lualai lonto Masiri, tambati pilowatolio olimongoli. Sababu uito, poe̒ela mao̒ dulahee botie. Diila mao̒ polamela roti u oragi. 4Todulahee botie, bohulo dulahu hulalo Abib meaalo bohulo hulalo, timongoli mololaa mao̒ lipu lo Masiri. 5Wolo tadia Eeya helodanti mai odeli nenemoyamu u mohudu mao̒ olemu lipu lo bangusa Kanaa̒n, Het, Amori, Hewi wau Yebus. Lapatao̒ Eeya modelo olimongoli ode lipu ukaya wau molomiodu boito, timii̒du taunu todelomo hulalo Abib, timongoli musi mohutu mao̒ upacala botie. 6Ngotilonggadu pitu hui mola timongoli musi molamela roti udiila oragi, wau todulahee u opitulio musi pohutuwola lameyangi u mohulumati to Eeya. 7Ngotilonggadu pitu hui mola timongoli diila mowali molamela roti u oragi, wau ngoilanggubu lipumu diila mowali oragi meaalo penu boli hitua-hituawua u oragi.
8To bohulo lameyangi boito timongoli musi mohungguli mao̒ ode walau̒mu talolai̒ deu̒ ngoa̒amila boito pilohutu limongoli kalana totoonulalo u mapilohutu lo Eeya olemu tou̒ timongoli lololaa mao̒ lipu lo Masiri. 9Lameyangi botie mowali poe̒ela olemu debo odelo tuoto u tilihuto to uluu̒ meaalo to bayamu. Lameyangi botie mopoe̒elao̒ olimongoli u moloi̒ya laito wau mopoo̒laatao̒ bubuu-too̒waalo Eeya, sababu Eeya talo polualao̒ olimongoli lonto Masiri wolo kawasaa-Lio uleidaa̒. 10Polameyalo potihunggu botie timii̒du taunu to wakutu u tilantu mao̒.”
Walao̒ tamohuhula daa̒
11Tei Musa loloi̒ya mao̒ ode bangusa lo Isirai̒lu, “Eeya mamo depita olimongoli ode lipu lo Kanaa̒n u madilanti-Lio mai wolo tadia to olemu wau odeli nenemoyamu. Lapatao̒ huta boito mowali hakuumu, 12timongoli musi mopodewo timii̒du walao̒ talolai̒ mohuhula daa, wau timii̒du bibiahe ulai̒ upilotutu mai bohulio. Ngoa̒amilalo boito haku lo Eeya, 13bo timii̒du kolodai ulai̒ ubohulo potutu mai musi tolotalo monto Eeya wolo mopobake mao̒ walao̒ himba odelo tuloi̒o. Wonu timongoli diila mohuto motolotao̒ kolodai boito, buloi̒o musi boliyolo. Timii̒du walau̒mu talolai̒ pilotutu mai bohulio musi tolotalo. 14Wonu todulahee momooli walau̒mu mohintu mao̒ wolo boliilio ngoa̒amilalo boito, timongoli musi molametao̒ odie, ‘Wolo kawasa uleidaa̒. Eeya helodelo olanto yilumualao̒ lonto lipu lo Masiri, tambatinto pilowatolio. 15Tou̒ ti olongia lo Masiri helo tibaa̒ngi wau diila lohuto lopoluli mao̒ olanto lonao̒, Eeya helomate yila-lateelo mao̒ timii̒du walao̒ talolai̒ mohuhula daa̒ to Masiri mopio walao̒ Manusia meaalo walao̒ bibiahu. Uitolo sababuulio ito mopobake mao̒ ode Eeya timii̒du bibiahe ulai̒ u pilotutu mai bohulio, bo tolotanto mao̒ mongo walao̒nto tamohuhula daa.’ 16Uu̒udu boito mowali poe̒ela ode olanto debo odelo tuoto u tilihuto to uluu̒ meaalo to bayanto. Lou̒ odito ito madebo poe̒elalio deu̒ Eeya malo polualao̒ olanto lonto Masiri wolo kawasa uleidaa̒.”
Wolihi heengo wau wolihi tulu
17Lapatao̒ ti olongia lo Masiri lopoluli mao̒ bangusa lo Isirai̒lu lonao̒, Allahu Taa̒ala diila lodelo olimongolio loli dalalo u lumaode tolipu lo Pilistina, eloponu dalalo boito mongabuta daa̒. Allahu Taa̒ala malo mikiilangi mola, “Diila bolo tau-tauwala boito molee̒ wonu moo̒onto mao̒ deu̒ timongolio musi mopaatea, lapatao̒ muli mohualingai ode Masiri.” 18Sababu uito Allahu Taa̒ala malodelo olimongolio loli dalalo u lohelili lolibaya tohuta udatahu wau luasi udelita lotidulunga ode Deheto Gelaga. Tou̒ lololaa mao̒ Masiri, tau-tauwalo Isirai̒lu boito otingolo debo odelo u mamopaatea.
19Tei Musa lodelo tutuu-lalowaalo lei Yusu, sababu tou̒ tio donggo tumu-tumulo tei Yusu malo poa̒hu ode taulo Isirai̒lu helo tadia u mohutu mao̒ odito. Odie mola tahuli lei Yusu, “Tou̒ Allahu Taa̒ala molopatao̒ olimongoli, milateu̒ musi deloo mota limongoli monto tambati botie.”
20Taulo Isirai̒lu lololaa mao̒ Sukot wau lotitikema tokota Etam, tobiihu huta udatahu wau luasi udelita. 21Tou̒ dulahu Eeya lonao̒ totalu limongolio todelomo wolihi heengo wau tou̒ hui Tio mulomulo woli mongolio todelomo wolihi tulu u mopotunu mao̒ dalalo. Lou̒ odito timongolio mowali monao̒ hui wau dulahu. 22Ilo-iloolanga wolihi heengo totalu lobangusa boito wau ilo-iloonua wolihi tulu woli mongolio.
Currently Selected:
PILOTIMUA̒TA 13: LAIGOR
Highlight
Share
Copy
Want to have your highlights saved across all your devices? Sign up or sign in
PILOTIMUA̒TA 13
13
Dewo lo walao̒ tamohuhula daa̒
1 Eeya lotahuda odelei Musa, 2“Podewowalo ngoa̒amila walao̒ mongo lolai̒ mohuhula daa̒ ode ola-U̒. Timii̒du walao̒ mongo lolai̒ mohuhula daa̒ lo Isirai̒lu, wau timii̒du bibiahe ulai̒ u pilotutu mai bohulio, deu̒yito-yito hakuu-U̒.”
Lameyangi lo Roti Diila Oragi
3Tei Musa loloi̒ya mao̒ ode bangusa lo Isirai̒lu, “To dulahee botie Eeya lopo lopatai olimongoli wolo kawasaa-Lio uleidaa̒, tilinggula timongoli loo̒ lualai lonto Masiri, tambati pilowatolio olimongoli. Sababu uito, poe̒ela mao̒ dulahee botie. Diila mao̒ polamela roti u oragi. 4Todulahee botie, bohulo dulahu hulalo Abib meaalo bohulo hulalo, timongoli mololaa mao̒ lipu lo Masiri. 5Wolo tadia Eeya helodanti mai odeli nenemoyamu u mohudu mao̒ olemu lipu lo bangusa Kanaa̒n, Het, Amori, Hewi wau Yebus. Lapatao̒ Eeya modelo olimongoli ode lipu ukaya wau molomiodu boito, timii̒du taunu todelomo hulalo Abib, timongoli musi mohutu mao̒ upacala botie. 6Ngotilonggadu pitu hui mola timongoli musi molamela roti udiila oragi, wau todulahee u opitulio musi pohutuwola lameyangi u mohulumati to Eeya. 7Ngotilonggadu pitu hui mola timongoli diila mowali molamela roti u oragi, wau ngoilanggubu lipumu diila mowali oragi meaalo penu boli hitua-hituawua u oragi.
8To bohulo lameyangi boito timongoli musi mohungguli mao̒ ode walau̒mu talolai̒ deu̒ ngoa̒amila boito pilohutu limongoli kalana totoonulalo u mapilohutu lo Eeya olemu tou̒ timongoli lololaa mao̒ lipu lo Masiri. 9Lameyangi botie mowali poe̒ela olemu debo odelo tuoto u tilihuto to uluu̒ meaalo to bayamu. Lameyangi botie mopoe̒elao̒ olimongoli u moloi̒ya laito wau mopoo̒laatao̒ bubuu-too̒waalo Eeya, sababu Eeya talo polualao̒ olimongoli lonto Masiri wolo kawasaa-Lio uleidaa̒. 10Polameyalo potihunggu botie timii̒du taunu to wakutu u tilantu mao̒.”
Walao̒ tamohuhula daa̒
11Tei Musa loloi̒ya mao̒ ode bangusa lo Isirai̒lu, “Eeya mamo depita olimongoli ode lipu lo Kanaa̒n u madilanti-Lio mai wolo tadia to olemu wau odeli nenemoyamu. Lapatao̒ huta boito mowali hakuumu, 12timongoli musi mopodewo timii̒du walao̒ talolai̒ mohuhula daa, wau timii̒du bibiahe ulai̒ upilotutu mai bohulio. Ngoa̒amilalo boito haku lo Eeya, 13bo timii̒du kolodai ulai̒ ubohulo potutu mai musi tolotalo monto Eeya wolo mopobake mao̒ walao̒ himba odelo tuloi̒o. Wonu timongoli diila mohuto motolotao̒ kolodai boito, buloi̒o musi boliyolo. Timii̒du walau̒mu talolai̒ pilotutu mai bohulio musi tolotalo. 14Wonu todulahee momooli walau̒mu mohintu mao̒ wolo boliilio ngoa̒amilalo boito, timongoli musi molametao̒ odie, ‘Wolo kawasa uleidaa̒. Eeya helodelo olanto yilumualao̒ lonto lipu lo Masiri, tambatinto pilowatolio. 15Tou̒ ti olongia lo Masiri helo tibaa̒ngi wau diila lohuto lopoluli mao̒ olanto lonao̒, Eeya helomate yila-lateelo mao̒ timii̒du walao̒ talolai̒ mohuhula daa̒ to Masiri mopio walao̒ Manusia meaalo walao̒ bibiahu. Uitolo sababuulio ito mopobake mao̒ ode Eeya timii̒du bibiahe ulai̒ u pilotutu mai bohulio, bo tolotanto mao̒ mongo walao̒nto tamohuhula daa.’ 16Uu̒udu boito mowali poe̒ela ode olanto debo odelo tuoto u tilihuto to uluu̒ meaalo to bayanto. Lou̒ odito ito madebo poe̒elalio deu̒ Eeya malo polualao̒ olanto lonto Masiri wolo kawasa uleidaa̒.”
Wolihi heengo wau wolihi tulu
17Lapatao̒ ti olongia lo Masiri lopoluli mao̒ bangusa lo Isirai̒lu lonao̒, Allahu Taa̒ala diila lodelo olimongolio loli dalalo u lumaode tolipu lo Pilistina, eloponu dalalo boito mongabuta daa̒. Allahu Taa̒ala malo mikiilangi mola, “Diila bolo tau-tauwala boito molee̒ wonu moo̒onto mao̒ deu̒ timongolio musi mopaatea, lapatao̒ muli mohualingai ode Masiri.” 18Sababu uito Allahu Taa̒ala malodelo olimongolio loli dalalo u lohelili lolibaya tohuta udatahu wau luasi udelita lotidulunga ode Deheto Gelaga. Tou̒ lololaa mao̒ Masiri, tau-tauwalo Isirai̒lu boito otingolo debo odelo u mamopaatea.
19Tei Musa lodelo tutuu-lalowaalo lei Yusu, sababu tou̒ tio donggo tumu-tumulo tei Yusu malo poa̒hu ode taulo Isirai̒lu helo tadia u mohutu mao̒ odito. Odie mola tahuli lei Yusu, “Tou̒ Allahu Taa̒ala molopatao̒ olimongoli, milateu̒ musi deloo mota limongoli monto tambati botie.”
20Taulo Isirai̒lu lololaa mao̒ Sukot wau lotitikema tokota Etam, tobiihu huta udatahu wau luasi udelita. 21Tou̒ dulahu Eeya lonao̒ totalu limongolio todelomo wolihi heengo wau tou̒ hui Tio mulomulo woli mongolio todelomo wolihi tulu u mopotunu mao̒ dalalo. Lou̒ odito timongolio mowali monao̒ hui wau dulahu. 22Ilo-iloolanga wolihi heengo totalu lobangusa boito wau ilo-iloonua wolihi tulu woli mongolio.
Currently Selected:
:
Highlight
Share
Copy
Want to have your highlights saved across all your devices? Sign up or sign in