PILOTIMUA̒TA 14
14
Lobalango Deheto Gelaga
1Lapatao̒ Eeya lotahuda odelei Musa, 2“Ahulilo mota taulo Isirai̒lu muli mohualinga wau motitikema totalu lokota Pi-Hahirot, towolota lokota Migdol wau Deheto Gelaga, totili lokota Baal-Jepon. 3Ti olongia lo Masiri mamo lantobu deu̒ taulo Isirai̒lu donggo lonao̒ ode utoonulalo mao̒ lou̒ diila opatuju tolipu botie wau yilapaalo tohuta udatahu wau luasi udelita. 4Wau̒ mamohutu mao̒ olio baa̒ngiyolo tilinggula tio mohilapita olimongoli. Bo Wau̒ mamopo biloheo̒ okokawasaa-U̒ toli olongia lo Masiri wau suludadulio, wau mao̒taawa mao̒ limongolio deu̒ Wau̒lo Eeya.” Lapatao̒ taulo Isirai̒lu helohutu mao̒ debo odelo upilo malentao̒ lo Eeya ode limongolio.
5Tou̒ ti olongia lo Masiri, loo̒dungohe deu̒ bangusa lo Isirai̒lu malolahi, tio wau tahidihima pantungo lipulio loleee̒ wau helo loi̒ya, “Wolo umapo hutuwonto? Yilongola hepilo lulinto tau-tauwalo Isirai̒lu boito lonao̒ tilinggula ito iloolio lomongo wato?” 6Lapatao̒ ti olongia helo podapato kaleta lopopaatea wau suludadulio. 7Tio lomonggato wolo ngoa̒amila kaletaalio, leituwoto wolomo hetuto kaleta upolu-polutuo̒, u kiluusiri lomongo polowilalio. 8Memangi Eeya malo powali oli olongia baa̒ngiyolo, tilinggula tio helo hilapita taulo Isirai̒lu tadonggo todelomo nonao̒ limongolio tou̒ lololaa mao̒ lipu boito towunelo Eeya. 9Suludadu lo Masiri wolo ngoa̒amila wadala, kaleta wau jokilio helo hilapita taulo Isirai̒lu, wau lohunuhee mota olimongolio topilo tikemawa limongolio topentadu totili lo Pi-Hahirot.
10Tou̒ taulo Isirai̒lu loo̒onto oli olongia lo Masiri wau suludadulio dulu-dulungai, timongolio mailoohe daa̒ wau longuatio̒ ode Eeya lei̒ tulungi. 11Uali mongolio odelei Musa, “Wolo to Masiri diaaluo kuubulu, tilinggula yio̒ malodelo mai olami alihu ami mate totambati botie? Bilohilo mao̒ akibati lo huhutuumu boito! 12Muloololio mai to Masiri mapilolele lami deu̒ sua̒li botie mamotoduo mai! Ami malo huntulao̒ alihu yio̒ diila mao̒ momuyu olami, bo mopoluli mao̒ olami debo mowali wato to Masiri. Lebe mopioheo̒ mowali wato to Masiri lou̒ mate tohuta udatahu wau luasi udelita botie!”
13Tei Musa lolametao̒, “Diila mao̒ oohe! Posabalilo! Timongoli mamoo̒onto mao̒ wolo upohutuo mai lo Eeya u mopoa̒ahu mao̒ olimongoli. Taulo Masiri tao̒ontonga mao̒ limongoli botia, madiilalo oontonga limongoli poli. 14Eeya mamohipate ode limongoli, wau timongoli diila palalu mohutu mao̒ wolo-wolo.”
15Tahuda lo Eeya odelei Musa, “Yilongola yio̒ longuatia̒i mei̒ tulungi? Ahulilo mota taulo Isirai̒lu monao̒ tulusi! 16Bintaaa̒ mola tunggudumu wau pohayaa̒ mota odeitaato deheto. Yi taluhu mamobutao̒ duluo wau taulo Isirai̒lu mowali mobalango deheto lou̒ monao̒ totudu lou̒ mohengu. 17Taulo Masiri mapo waliyo-U̒ baa̒ndiyolo tilinggula timongolio mohilapita tulusi taulo Isirai̒lu, wau Wau̒ mamopo biloheo̒ okokawasaa-U̒ toli olongia lo Masiri, pasukanilio, kakaa-letaalo boli mongo jokilio. 18Yi taulo Masiri mamotota mao̒ deu̒ Wau̒lo Eeya.”
19Lapatao̒ malai̒kati lo Allahu Taa̒ala, tawoluo totalu pasukani lo Isirai̒lu lolimbatao̒ ode wulea. Wau malo limbata olo wolihi heengo 20demota woluo towolota pasukani lo Masiri wau pasukani lo Isirai̒lu. Heengo boito lopobutu mai dio̒lomo, tilinggula ilo-iloonua duduuluolo pasukani boito tinggai diila mowali mohiimbide.
21Lapatao̒ tei Musa lomintaaa̒ mola uluu̒lio odeitaato deheto, wau Eeya lohutu mai dupoto tiimuru lohiipa loo̒ohuu̒ daa̒ tilinggula taluhu deheto tilumouli. Ilo-iloonua dupoto boito hihiipo, wau lomolio̒ deheto lowali lohengu. 22Taluhu lobutao̒ duluo, wau tou̒ taulo Isirai̒lu lobalango, timongolio lonao̒ totudu lou̒ mohengu, wau taluhu to olowala wau oloihilio debo odelo dingingo meeseli. 23Taulo Masiri wolo ngoa̒amila wadalalio, kaleta wau jokilio helo hilapita tulusi wau lohunuhe demota huungo deheto. 24Tou̒ dulahee mamobutu mai Eeya lomilohei lonto wolihi tulu wau wolihi heengo ode suludadu lo Masiri wau helopo pupuuyoo̒to. 25Tio helohutu mao̒ loda lokaleta limongolio didu mowali tumoyongo, tilinggula wolo tio̒opatea timongolio lomaju. Ualo taulo Masiri, “Eeya malo hipate duo̒lo taulo Isirai̒lu loluwali olanto. Dulo ito molahi monteea!”
26Tahuda lo Eeya odelei Musa, “Bintaaa̒ mola uluu̒mu odeitaato deheto, yi taluhu muli monguli mai, wau mopoa̒humo taulo Masiri, kakaa-retaalio wau jojoo-kiilio.” 27Lapatao̒ tei Musa malo mintaaa̒ mola uluu̒lio odeitaato deheto wau tou̒ dulahu malobutu mai, taluhu longuli mai to owowoluwoalio ubohu-bohulio. Taulo Masiri helo tolopani u mopoa̒ahu lo batangalio, bo Eeya malo poa̒humo mola olimongolio ode delomo deheto. 28Taluhu deheto luli longuli mai wau malo lau̒ubeo̒ kakaa-letaalo, jojoo-kiyaalo, wau ngoa̒amila suludadu lo Masiri tahemo hilapita taulo Isirai̒lu ode huungo deheto, tilinggula timongolio ngoa̒amila yilate. 29Bo tou̒ taulo Isirai̒lu helo balangao̒ todeheto, timongolio lonao̒ totudu lou̒ mohengu, wau taluhu debo odelo dingingo meeseli to olowala wau oloihilio.
30Todulahee boito Eeya lopoa̒ahu mai bangusa lo Isirai̒lu tiluhu taulo Masiri, wau timongolio loo̒onto mao̒ mimii-lateyaalo lo Masiri helee-bubulo to pentadu. 31Tou̒ taulo Isirai̒lu loo̒onto mao̒ woloolo mola Eeya uwolo kawasaa-Lio daa̒ loo̒laahe taulo Masiri, timongolio helo linggolabe uleidaa̒ tilinggula palacaya to Olio wau to olei Musa wato-Lio boito.
Currently Selected:
PILOTIMUA̒TA 14: LAIGOR
Highlight
Share
Copy
Want to have your highlights saved across all your devices? Sign up or sign in
PILOTIMUA̒TA 14
14
Lobalango Deheto Gelaga
1Lapatao̒ Eeya lotahuda odelei Musa, 2“Ahulilo mota taulo Isirai̒lu muli mohualinga wau motitikema totalu lokota Pi-Hahirot, towolota lokota Migdol wau Deheto Gelaga, totili lokota Baal-Jepon. 3Ti olongia lo Masiri mamo lantobu deu̒ taulo Isirai̒lu donggo lonao̒ ode utoonulalo mao̒ lou̒ diila opatuju tolipu botie wau yilapaalo tohuta udatahu wau luasi udelita. 4Wau̒ mamohutu mao̒ olio baa̒ngiyolo tilinggula tio mohilapita olimongoli. Bo Wau̒ mamopo biloheo̒ okokawasaa-U̒ toli olongia lo Masiri wau suludadulio, wau mao̒taawa mao̒ limongolio deu̒ Wau̒lo Eeya.” Lapatao̒ taulo Isirai̒lu helohutu mao̒ debo odelo upilo malentao̒ lo Eeya ode limongolio.
5Tou̒ ti olongia lo Masiri, loo̒dungohe deu̒ bangusa lo Isirai̒lu malolahi, tio wau tahidihima pantungo lipulio loleee̒ wau helo loi̒ya, “Wolo umapo hutuwonto? Yilongola hepilo lulinto tau-tauwalo Isirai̒lu boito lonao̒ tilinggula ito iloolio lomongo wato?” 6Lapatao̒ ti olongia helo podapato kaleta lopopaatea wau suludadulio. 7Tio lomonggato wolo ngoa̒amila kaletaalio, leituwoto wolomo hetuto kaleta upolu-polutuo̒, u kiluusiri lomongo polowilalio. 8Memangi Eeya malo powali oli olongia baa̒ngiyolo, tilinggula tio helo hilapita taulo Isirai̒lu tadonggo todelomo nonao̒ limongolio tou̒ lololaa mao̒ lipu boito towunelo Eeya. 9Suludadu lo Masiri wolo ngoa̒amila wadala, kaleta wau jokilio helo hilapita taulo Isirai̒lu, wau lohunuhee mota olimongolio topilo tikemawa limongolio topentadu totili lo Pi-Hahirot.
10Tou̒ taulo Isirai̒lu loo̒onto oli olongia lo Masiri wau suludadulio dulu-dulungai, timongolio mailoohe daa̒ wau longuatio̒ ode Eeya lei̒ tulungi. 11Uali mongolio odelei Musa, “Wolo to Masiri diaaluo kuubulu, tilinggula yio̒ malodelo mai olami alihu ami mate totambati botie? Bilohilo mao̒ akibati lo huhutuumu boito! 12Muloololio mai to Masiri mapilolele lami deu̒ sua̒li botie mamotoduo mai! Ami malo huntulao̒ alihu yio̒ diila mao̒ momuyu olami, bo mopoluli mao̒ olami debo mowali wato to Masiri. Lebe mopioheo̒ mowali wato to Masiri lou̒ mate tohuta udatahu wau luasi udelita botie!”
13Tei Musa lolametao̒, “Diila mao̒ oohe! Posabalilo! Timongoli mamoo̒onto mao̒ wolo upohutuo mai lo Eeya u mopoa̒ahu mao̒ olimongoli. Taulo Masiri tao̒ontonga mao̒ limongoli botia, madiilalo oontonga limongoli poli. 14Eeya mamohipate ode limongoli, wau timongoli diila palalu mohutu mao̒ wolo-wolo.”
15Tahuda lo Eeya odelei Musa, “Yilongola yio̒ longuatia̒i mei̒ tulungi? Ahulilo mota taulo Isirai̒lu monao̒ tulusi! 16Bintaaa̒ mola tunggudumu wau pohayaa̒ mota odeitaato deheto. Yi taluhu mamobutao̒ duluo wau taulo Isirai̒lu mowali mobalango deheto lou̒ monao̒ totudu lou̒ mohengu. 17Taulo Masiri mapo waliyo-U̒ baa̒ndiyolo tilinggula timongolio mohilapita tulusi taulo Isirai̒lu, wau Wau̒ mamopo biloheo̒ okokawasaa-U̒ toli olongia lo Masiri, pasukanilio, kakaa-letaalo boli mongo jokilio. 18Yi taulo Masiri mamotota mao̒ deu̒ Wau̒lo Eeya.”
19Lapatao̒ malai̒kati lo Allahu Taa̒ala, tawoluo totalu pasukani lo Isirai̒lu lolimbatao̒ ode wulea. Wau malo limbata olo wolihi heengo 20demota woluo towolota pasukani lo Masiri wau pasukani lo Isirai̒lu. Heengo boito lopobutu mai dio̒lomo, tilinggula ilo-iloonua duduuluolo pasukani boito tinggai diila mowali mohiimbide.
21Lapatao̒ tei Musa lomintaaa̒ mola uluu̒lio odeitaato deheto, wau Eeya lohutu mai dupoto tiimuru lohiipa loo̒ohuu̒ daa̒ tilinggula taluhu deheto tilumouli. Ilo-iloonua dupoto boito hihiipo, wau lomolio̒ deheto lowali lohengu. 22Taluhu lobutao̒ duluo, wau tou̒ taulo Isirai̒lu lobalango, timongolio lonao̒ totudu lou̒ mohengu, wau taluhu to olowala wau oloihilio debo odelo dingingo meeseli. 23Taulo Masiri wolo ngoa̒amila wadalalio, kaleta wau jokilio helo hilapita tulusi wau lohunuhe demota huungo deheto. 24Tou̒ dulahee mamobutu mai Eeya lomilohei lonto wolihi tulu wau wolihi heengo ode suludadu lo Masiri wau helopo pupuuyoo̒to. 25Tio helohutu mao̒ loda lokaleta limongolio didu mowali tumoyongo, tilinggula wolo tio̒opatea timongolio lomaju. Ualo taulo Masiri, “Eeya malo hipate duo̒lo taulo Isirai̒lu loluwali olanto. Dulo ito molahi monteea!”
26Tahuda lo Eeya odelei Musa, “Bintaaa̒ mola uluu̒mu odeitaato deheto, yi taluhu muli monguli mai, wau mopoa̒humo taulo Masiri, kakaa-retaalio wau jojoo-kiilio.” 27Lapatao̒ tei Musa malo mintaaa̒ mola uluu̒lio odeitaato deheto wau tou̒ dulahu malobutu mai, taluhu longuli mai to owowoluwoalio ubohu-bohulio. Taulo Masiri helo tolopani u mopoa̒ahu lo batangalio, bo Eeya malo poa̒humo mola olimongolio ode delomo deheto. 28Taluhu deheto luli longuli mai wau malo lau̒ubeo̒ kakaa-letaalo, jojoo-kiyaalo, wau ngoa̒amila suludadu lo Masiri tahemo hilapita taulo Isirai̒lu ode huungo deheto, tilinggula timongolio ngoa̒amila yilate. 29Bo tou̒ taulo Isirai̒lu helo balangao̒ todeheto, timongolio lonao̒ totudu lou̒ mohengu, wau taluhu debo odelo dingingo meeseli to olowala wau oloihilio.
30Todulahee boito Eeya lopoa̒ahu mai bangusa lo Isirai̒lu tiluhu taulo Masiri, wau timongolio loo̒onto mao̒ mimii-lateyaalo lo Masiri helee-bubulo to pentadu. 31Tou̒ taulo Isirai̒lu loo̒onto mao̒ woloolo mola Eeya uwolo kawasaa-Lio daa̒ loo̒laahe taulo Masiri, timongolio helo linggolabe uleidaa̒ tilinggula palacaya to Olio wau to olei Musa wato-Lio boito.
Currently Selected:
:
Highlight
Share
Copy
Want to have your highlights saved across all your devices? Sign up or sign in