YAHYA 2
2
Potihunggu lonika to Kana
1Duuhui mola lapatio mao̒ woluo potihunggu lonika tokota Kana to Galilea, wau tiilo li Isa woluo mola teto. 2Ti Isa wolo tahidudua̒ o-Lio tiloduwolio olo ode potihunggu boito. 3Tou̒ angguru malo pulito, tiilo-Lio loloi̒ya mao̒ odeli Isa, “Timongolio mai̒lo pulita lo angguru.”
4Ti Isa lolametao̒, “Maama, diila mao̒ ahuli Watia. Diipo leidungga wakutuulio Watia mopoi̒laalo batanga.”
5Bo tiilo li Isa loloi̒ya mao̒ to tahi pohintawa, “Wambao̒ pohutuwalo wolo u mapilo tahuda-Lio olemu.”
6Teto woluo mohelu wolomo tombe upilohetu odelo tambati pongulowalo modudua̒ uu̒udu lo Yahudi. Timii̒du tombe boito tuangio tanu ngohetuto liiteri. 7Ti Isa lotahuda mao̒ to tahi pohintawa boito, “Tuangi mao̒ timii̒du tombe boito wolo taluhu.” Yi matiluanga limongolio tombe boito tunggula lopolu. 8Lapatao̒ ti Isa lotahuda mao̒ ode limongolio, “Botia hamaawa mao̒ taluhu boito ngoi̒di wau delowa mai ode tau̒wa lo potihunggu. Timongolio malodelo taluhu boito ode tau̒wa lo potihunggu.” 9Wau tio lolamitao̒ taluhu umalo bolio̒ lowali angguru. (Diila otaawalio lonto utoonu angguru boito, bo tahi pohintawa talo luango taluhu boito tamotota). Yi tau̒wa lo potihunggu boito lohimbideo̒ ode bulentiti talolai, 10tulusi lotahuda mao̒ olio, “Biasaalio tau mopo hintapo angguru umopiohe daa̒ meimulo wau wonu tahe tiloduo malotolu longilu, deu̒ito angguru ubiasa. Bo Wutato lolahu angguru u mopiohe daa̒ tunggula botia!”
11Ui-uitolo bohulo mooĚ’linggolabe u pilohutu li Isa. Tio lohutu uito to Kana to Galilea. Wolo tuoto boito Tio lopobilohe odudaaĚ’-Lio. Yi tahiduduaĚ’ o-Lio palacaya o-Lio.
12LapataoĚ’ uito ti Isa lonaoĚ’ mola ode Kapernaum peeĚ’-peeĚ’enta woliilo-Lio, mongo wuta-Tio wau tahiduduaĚ’ o-Lio. Timongolio lotibiluloaĚ’ mola teto dengolo hui mola hiheolio.
Ti Isa tilumuwoto ode Bele lo Eeya
(Mat. 21:12-13; Mark. 11:15-17; Luk. 19:45-46)
13Tou̒ Dulahu Buka Paska lo Yahudi malembidei, ti Isa lonao̒ mola ode Yerusalemu. 14To Bele lo Eeya to Yerusalemu Tio loo̒dungga tahe mopotaalia losapi, himba, wau bulungi poombo; wau olo tahipo tutuuloa̒ lodoi hihuloa̒ teto. 15Ti Isa lohutu mao̒ buuboa̒ ngohuu̒ lonto tali tulusi lolanenga ngoa̒amila binatangi boito, himba wau sapi, lonto delomo Bele lo Eeya. Memee-jawaalo lotaa hipo tutuuloa̒ lodoi hebilantulele-Ngio tilinggula doi limongolio lo pupuulepelo mao̒. 16Lapatao̒ Tio lotahuda mao̒ ode tahe mopotaalia lo bulungi poombo, “Bintaa̒alo ngoa̒amilalo monteea. Diila mao̒ pohutua Bele li Paapa-U̒ tambati podaa-hangiyalo!” 17Yi tahidudua̒ o-Lio maloe̒ela mola ayati lo Kitabi botie. “Tolia̒ngu-U̒ duo̒lo Bele lo Eeya, yaa Allahu Taa̒ala, molumbila hilaa-U̒.”
18Tahidihima kawasa lo Yahudi helo tehengi li Isa, uali mongolio, “Nte pohutua mai u moo̒linggolabe odelo tuoto olami deu̒ yio̒ ohaku mohutu mao̒ debo odelo utie.”
19Ti Isa lolametao̒, “Lolohubelo Bele botie, wau todelomo utolo hui mola Wau̒ mamuli momongu mao̒.”
20Lapatao̒ timongolio loloi̒ya, “Wopato pulaa wolomo lotaunu upilo mongulalio Bele lo Eeya botie. Wau Yio̒ mamuli momongu bo todelomo utolo hui?”
21Bo Bele lo Eeya u milakusudu li Isa yito batanga-Lio lohihilao. 22Oditolio lapatio maoĚ’, touĚ’ ti Isa bilongu mai monto opopate, maiĚ’loeĚ’ela mola lo tahiduduaĚ’ o-Lio deuĚ’ suaĚ’li boito mapeeĚ’enta pilotahuda-Lio. Yi malo malacaya timongolio touĚ’ wolo u tulatuladu todelomo Kitabi wau touĚ’ wolo u tilahuda li Isa.
Ti Isa mooĚ’onuhe ngoaĚ’amila tau
23TouĚ’ ti Isa donggo to Yerusalemu touĚ’ Lameyangi lo Paska, dadaata taa palacaya o-Lio sababu ngoaĚ’amila mooĚ’linggolabe u hepilohutu-Lio. 24Boti Isa lohihilao diila palacaya olimongolio, sababu oonuhe-Lio ngoaĚ’amila tau. 25Diila palalu tau mongohi tombango to o-Lio pasali penu boli olo tatoonu wambaoĚ’, sababu otaawa-Lio lohihilao wolo uwoluo todelomo hilaa lomanusia.
Currently Selected:
YAHYA 2: LAIGOR
Highlight
Share
Copy
Want to have your highlights saved across all your devices? Sign up or sign in
