YAHYA 20
20
Kuubulu udiila otua
(Mat. 28:1-8; Mark. 16:1-8; Luk. 24:1-12)
1Todulahu ahadi dimodupo, tou̒ donggo modio̒lomo, ti Maria Mahadalena lonao̒ ode kuubulu. Tio loo̒onto mao̒ botu poheu̒tio mahileilio lonto huango kuubulu boito. 2Yi tio tilumeteo̒ malo lolohe olei Simon Petrus wau muri tapilonu li Isa, wau loloi̒ya mao̒ olimongolio, “Eeya mahilama lotau lonto kuubulu, wau diila otaawa laatia tou̒toonu Tio pilopo balatio.”
3Tulusi tei Petrus wau muri wewo boito malonaoĚ’ ode kuubulu. 4Duduulotalo hiteteaĚ’, bo muri wewo boito lebe molinggaheoĚ’ wolei Petrus, wau tio leidungga mola leimulo tokuubulu. 5Tio lomilohe mola ode delomo kuubulu wau looĚ’onto latu dutudutu teto, bo tio diila tilumuwota mola. 6Tei Simon-Petrus tunu-tunuhe lonto wulea, tulusi lato tilumuwota mola ode delomo kuubulu boito. Tio looĚ’onto maoĚ’ latu dutudutu teto, 7bo kaingi u pilolihutio to lunggongi Isa diaaluo to tiliilio bo leililibe wiwiwiwi. 8LapataoĚ’ muri tamaa leimulo tilunggulaoĚ’ ode kuubulu, tilumuwota mola olo. Tio looĚ’onto maoĚ’ wau palacaya. (9Tunggula touĚ’ boito timongolio diipo mongalati wolo u tulatuladu todelomo Kitabi deuĚ’ Tio musi mobongu mai monto opopate.) 10LapataoĚ’ uito tahiduduaĚ’ li Isa boito malo hualingo.
Ti Isa lopobilohe batanga toli Maria Mahadalena
(Mat. 28:9-10; Mark. 16:9-11)
11Ti Maria Mahadalena tilimihulao̒ totalu lokuubulu sambela hiyo-hiyongo. Tou̒ donggo hiyo-hiyongo, tio lomilohe mola ode delomo kuubulu, 12lapatao̒ maloo̒onto malai̒kati duulota hipakea moputio̒. Timongolio boito hihuloa̒a tobakasi lotambati milate li Isa, ngota towimbihu lunggongo wau tawewolio towimbihu oa̒ato. 13Mamaa-lai̒katiyalo boito lohintu mao̒, “Ibu yilongola hiyo-hiyongo?”
Ti Maria lolametao̒, “Eeya lowatia mahilamalio, wau diila otaawa lowatia tou̒toonu Tio pilopo balatio.”
14Lapatao̒ tio loloi̒ya mao̒ odito, tio loili ode wulea wau loo̒onto li Isa tihutihula teto. Bo diila otaawalio deu̒ taboitolo ti Isa. 15Ti Isa lohintu mao̒ olio, “Ibu, yilongola hiyo-hiyongo? Ti Ibu hemo lolohe olita?”
Ti Maria hemo lantobu tau boito tamomengia, oditolio tio loloi̒ya mao̒, “Paaa̒, wonu ti Paaa̒ talopo limbata o-Lio lonteea, tulungia polelea mai olaatia tou̒toonu pilopo balata li Paaa̒ o-Lio, alihu watia mowali mohama o-Lio.”
16Ti Isa lotahuda mao̒ olio, “Maria!”
Ti Maria loili mao̒ odeli Isa tulusi loloi̒ya todelomo bahasa lo Ibrani, “Rabuni!” (Boliilio mao̒ “Guru”.)
17“Diila mao̒ dihima Wau̒,” tahuda li Isa olio, “Sababu Wau̒ diipo lobotula mola odeli Paapa. Bo ponao̒lo mota ode mongo wutatu-U̒, wau polelea mao̒ olimongolio deu̒ botia Wau̒ mamo botula mola odeli Paapa-U̒ wau odeli Paapamu, Allahu Taa̒ala-U̒ wau Allahu Taa̒alamu.”
18Yi ti Maria malonaoĚ’ lopooĚ’taa to tahiduduaĚ’ li Isa deuĚ’ tio malooĚ’onto Eeya wau deuĚ’ Eeya malo tahuda mai ngoaĚ’amilalo boito olio.
Ti Isa lopobilohe batanga-Lio to tahiduduaĚ’ o-Lio
(Mat. 28:16-20; Mark. 16:14-18; Luk. 24:36-49)
19Todulahu ahadi boitolo, tou̒ maahui, tahidudua̒ li Isa lotia̒mbu mao̒ tobele ngowale wolo huhuu-hebuwaalo hiu̒ntia, sababu timongolio moohe to tahidihima kawasa lo Yahudi. Debolo ti Isa lonao̒ mai wau tilimihulao̒ tohuungi mongolio wau lotahuda, “Salamu moa̒ahu olemu.”
20Lapatao̒ lotahuda odito, ti Isa lopo biloheo̒ olimongolio uluu̒ wau tutua̒lobe-Lio. Tou̒ loo̒onto mao̒ to Eeya, timongolio lengahee daa̒. 21Lapatao̒ ti Isa pee̒entapo lotahuda mao̒ olimongolio, “Salamu moa̒ahu olemu. Debo odelo ti Paapa-U̒ lolao mai ola-U̒, odito olo Wau̒ mamolao olimongoli.” 22Lapatao̒ ti Isa lopo hiipao̒ napasi-Lio ode limongolio wau lotahuda mao̒, “Tolimowalo Rohullah. 23Wonu timongoli mongambungu dusa lo tahingota-ngotaawa, Allahu Taa̒ala olo mongambungu mai olio. Wonu timongoli diila mongambungu dusa lo tahingota-ngotaawa, Allahu Taa̒ala olo diila mongambungu olio.”
Ti Isa wolei Tomas
24Tei Tomas (tai̒lunte “Pingi”) ngotaalio lo tamo pulaa duulota muri li Isa, diaaluo pee̒-pee̒enta wolo tawewo tou̒ ti Isa leidungga mai. 25Yi tahidudua̒ li Isa wewolio loloi̒ya mao̒ odelei Tomas, “Ami maloo̒onto Eeya!”
Bo tei Tomas lolametao̒, “Wonu watia diipo loo̒onto bakasi lopaku to uluu̒-Lio, diipo lopodutu tingoongoa lo uluu̒ laatia to babaa kasiyalo pali lopaku boito wau diipo lopodutu uluu̒ laatia to tutua̒lobe-Lio sama-samaata watia diila mohuto palacaya.”
26Ngodiminggu lapatio mao̒ tahidudua̒ li Isa woluo poli totambati boito, wau tei Tomasi woluo olo. Huhebu ngoa̒amila hiu̒ntia. Boti Isa malonao̒ mai wau tilimihulao̒ tohuungi mongolio, lapatao̒ lotahuda, “Salamu moa̒ahu olemu.” 27Lapatao̒ ti Isa lotahuda odelei Tomas, “Bilohilo mai uluu̒u-U̒, wau podutua mai tingoongoa lo uluu̒mu teea. Wudua mai uluu̒mu wau podutua to tutua̒lobe-U̒. Diila mao̒ polingu poli, bo pomalacayalo!”
28Tei Tomas malo loi̒ya odeli Isa, “Eeyau̒ wau Allahu Taa̒alau̒!”
29Yi ti Isa lotahuda mao̒ olio, “Yio̒ palacaya sababu maloo̒onto ola-U̒, diila odito? Potisanangilo tutu taa palacaya eleponu diila moo̒onto ola-U̒!”
Patuju lobuku botie
30Debo donggo dadaata poli totoonulalo mooĚ’linggolabe wewo u hepilohutu li Isa totalu lo tahiduduaĚ’ o-Lio, bo diila tiluladio todelomo buku botie. 31Bo ngoaĚ’amilalo botie tiluladio mai, alihu timongoli palacaya deuĚ’ ti Isa yito Olongia Tamoo-poaĚ’ahua, WalaoĚ’ Allahu TaaĚ’ala, wau sababu palacaya to o-Lio, timongoli mamooĚ’tapu tutumulo.
Currently Selected:
YAHYA 20: LAIGOR
Highlight
Share
Copy
Want to have your highlights saved across all your devices? Sign up or sign in
