KEJADIAN 36
36
Esau nen tagomangge nen taginafukwa wene
(1Taw. 7:34-37)
1Hun Esau enu ekhe Edom ikhi lagaukwa agun a'nogo nen taginafikhe mene inebe re yi: 2At Esau agagwi o Kanaan hemi nek inebe henagan woginafikhe mene inenu re yi: he Ada eisena Elon awi Het mene a'logo inom he, Oholibama Ana a'logo Zibeon omba awi Hewi mene a'nogo inom,#Kej. 26:34 3Basmat Ismael a'logo Nebayot agot andi inom, woginafikhe.#Kej. 28:9 4Ada nen he Elifas tatikhe, Basmat en he, he Rehuel tatikhe. 5Nen Oholibama nen he Yeusy inom Yaelam inom Korah inom it mondogat andire o Kanaan kweang oba andoma nen taginafukwa.
6At Esau agot Yakub herakfisaluk agagwi inom, ogogwi inom, againafuri inom, afuni at inom welagaukwa mene omanogo inom, at o Kanaan oba logolik andem oba angge yi mene ti mene saburikhi lagaikhe mene omanogo inom mondogat felelenghogo o ale'ma woginarek lagaikhe. 7Laga logolik emberek minggilogo re it inangge yi mene ti mene hokhorogo welagaikhe mene omanogo emberek misi'mo werek aple elo'lek aga lagaikhemo, nen o welagaukwaba andoma ogo re engga yi mene ti mene inanggo hokhorogo welagaikhe andiba nunggu mene faget elok legat aga lagaikhemo, at Esau Yakub emberek minggilagaukwa andi. 8A'nogo minggilagaukwasik Esau enu Edom ikhi lagaukwa mene a'nogo o Seir tom oba andoma lagaikhesik femhogo welagaikhe.
9Hun Esau it afuni o Edom mene inomba a'nogo nen tagomangge mene inenu re yi: 10-13Hun Esau agwe enu re Ada a'nogo nen he, amlogomi abengge ekhe enu Elifas tatikhe. Nen Elifas againafuri re inebe 5 nen taginafikhe mene inenu re: Teman inom, Omar inom, Sofo inom, Gaetam inom, Kenas inom taginafikhe. Nen at Elifas nen he, he misik ekhe helasikhe mene enu re Timna welagaikhemo at he andi nen he eak abengge enu Amalek takhasikhe.
Nen Esau agwe enu Basmat a'nogo nen eak abengge ekhe enu Rahuel takhasikhe. At Rahuel en he amlogomi inebe 4 en taginafikhe mene inenu re: Nahat inom, Zerah inom, Syama inom, Miza inom taginafikhe. 14Hun Esau nen agwe Oholibama Anah a'logo hun Zibeon omba amlogomi abengge nek he, inebe 3 nen taginafikhe mene inenu re: Yeus inom, Yaelam inom, Korah inom welagaukwa.
15Hun Esau tagomangge nen it inogogwi inunggulenu tomok faget mendek welagaukwa menere yi: Elifas Esau amlogo manggusa mene a'nogo re it inunggulenu Teman mene, Omar mene, Zefo mene, Kenas mene, Korah mene, Gaetam mene, Amalek mene andoma inomba. 16It andire Esau inoe he Ada a'nogo nen tagongge mene. 17It Nahat inom, Zerah inom, Syama inom, Miza inom andi inunggulenu tomok andem inomba re hun Esau amlogo Rehuel a'nogo. It inebe mondogat andire Esau agwe Basmat en tagongge mene. 18Agwe enu Oholibama he Ana eak a'nogo inomen tagongge mene nen, it Yeus inom, Yaelam inom, Korah inom inogogwi inunggulenu tomok taginafikhe andi. 19Inogogwi inunggulenu lombok andire at Esau nen ambisangmangge ta'larik wagaukwa mene.
Seir ambisangmangge ta'larik wagaukwa wene
(1Taw. 1:38-42)
20-21It o Edom oba andoma inanggweang eisewerek inap he Seir o Hori inap inunggulenu hilingik aplerogo, Lotan, Syoba, Zibeon, Ana, Disyon, Ezer, Disyan inap inom andoma. 22Hun Lotan andi re it inunggulenu Hori inap inom, Heman inap inom inomba, nen Lotan erei helenggerek misik welagaikhe mene andi enu re Timna.
23Hun Syobal andi re, it Alwan, Manahat, Ebal, Syefo, Onam inap andoma inomba. 24Hun Zibeon amlogomi abengge inebe pire welagaukwa, inenu re: Aya inom, Ana inom andem. (At Ana andi re at eisena mene wam keledai konhi logolik o leikwe i elesi aganhan mene wulifunem heratikhe agun.) 25-26Hun Aya andire at Disyon eisena, nen Disyon he, it inunggulenu Hendan, Esyban, Yitran, Keran inap inom inomba. Nen, at Ana andi nen ogo re a'logo misik ekhe enure Oholibama welagaikhe. 27Hun Ezer he it inunggulenu Bilham mene inom, Zaawan mene inom, Akan mene inom inomba welagaikhe. 28Hun Disyan he it inunggulenu Us inom Aran inom inomba welagaikhe. 29-30It inunggulenu Hori mene o Edom kweang oba andoma inom welagaukwa menere inenu re yi: Lotan, Syobal, Zibeon, Ana, Disyan, Ezer, Disyon inap inom welagaukwa.
31-39It Israel oba inoe kain raja ekhe menla'luk melalinafi'lek werek kwelek, it o Edom kweang oba inogogwi raja ekhe lagagik pigik hilingirik lagaukwa mene inenu re yi:
Bela hun Beor amlogo o Dinhaba mene inom, Yodad hun Sera amlogo o Bozra mene inom, Husyam o Teman mene inom, Hadad hun Bedad amlogo o Awit mene inom (hun andi nen o Moab kwe weim yafi logolik Midian inap mabenet fisasikhe.) Samla o Marseka agun a'nogo inom. Saul o Rehobot i esanggoma mene a'nogo inom. Baal-Hanaan hun Akhbor amlogo a'nogo inom. Hadar o Pahu mene a'nogo inom, (agwe re he enu Meheetabel hun Matred a'logo hun Mezahad ombalo a'nogo) inom mendek welagaukwa.
40-43Hun Esau andire afuni o Edom oba it inuggulenu Timna, Alwa, Yetet, Oholibama inap inom, Ela, Pinon, Kenas, Teman, Mibzar, Magdiel, Iram inap inom, andoma inomba welagaukwa, inaiba eroma ogore it inenu inunggulenu higithogo salek welagaukwa.
Currently Selected:
KEJADIAN 36: inohap
Highlight
Share
Copy
Want to have your highlights saved across all your devices? Sign up or sign in
