LUKAS 11
11
Yesus nen, ”Samban yi'nogo ikhi logogun,” iluk agoromi yagaisasikhe wene
(Mat. 6:9-13, 7:7-11)
1Inenggi ekhe sambul he, at Yesus o ekhema logolik samban ikhi lagaikhe. Samban arat isikhemo nen he, at agoromi ane wanhi lagaukwa mene omanogo ekhe nen mel yagatikhe: ”Noe. At Yohanes nen, at agoromi ane wanhi lagaikha mene samban ikhi logouwageluk yagaisikhi laga andi hak he, nit ogo re a'nogoat samban ikhi logouwogen iluk ekhe yaganisan o,” iluk yagatikhemo, 2at Yesus nen he,
”Hit samban uogeluk halok he, yi'nogo ikhi logoino: Nineisena.
Hat honggwarek henu esinet hafi logouwageluk hilingninabi me o.
Nit ninebe hat hawe a'ma logouwogeluk ninobagaime o.
3Nit ninamburu hundik-handik ninggi logogun mene,
higithogoat wo'nisikhi logoin o.
4It afuni nit weak hilingninabi'lagwi mene
inebe lombok niren sebelogo legetfisogo andi hak,
niren weak hilingiti lago mene haren sebelogo legetfisan o.
Weak hilingisuageluk ninendawimo kagalhu halok
herakninobagagi'lek fetninarek mondok logoino,
iluk samban ikhi logoino,” iluk yagaisasikhe.
5-6A'nogo yagaisasikhesik he, agoromi ane wanhi lagaukwa mene omanogo mel yagaisasikhe: ”Ap hit mene ekhe hup enggen tulem agailak oba laluk yagati logolik he, nagailage! An nagailak ekhe wele'ma lagelugen he, noba fa'larik lageluk wagasik werek mene re, sumburu wogosigin mene legen, haren sumburu roti werago mene henagan halok ekhe wo'nom o, iluk, yagatu halok he, 7at agailak a'nogo oloba nen ane wulabek he, An nagainafuri ninom kwe yagatfuluk nogo arat ogosi'mo re, ninelugetninafu lek. Nabit. Nit nogo ugunem an neluk asimbik wokhesigin he, elo'lego, iluk a'nogo yagasigin anggegep? 8Lego. At andi endawimo nen, nagailak mene nen kino ili'logo, iluk menlagi'lek kamo igin meneat he, at kino ikhi logolik enggali agi'lek ane omamerogo yagati logoumo, at menlasimbik he, aren kino igin mene higithogoat wogosiginat anggigi.
9-10Andi hak, an wene ekhe yagahisak. It afuni inebe lombogen Allah kino yagatunem he, aren inebe lombok wogisikherek enek andi. Nen, it ekhe inebe lombogen yi mene ti mene at oba heratunem inebe lombok he, herakhagarek enek andi. Nen, it ekhe inebe lombogen kwe ane papaget hugunem he, aren inebe lombok kwe hurisikherek enek andi. Andi nen he, hiren Allah kino yagati logoino o. Yagati logoumo wokhisagain aro. Fano mene at oba herati logoino. Herati logoumo, herasugun aro. Kwe ane papaget hikhi logoino. Papaget hikhi logoumo, aren kwe huthisagain aro. 11Hit ekhe hinagainafuri nen, ikan nele, ugu halok he, ineisena lagen ikan wogisigi'lek obali'mo kisu mene wogisikhi lagep nogo? 12I a, athe, suenggen nele ugu halok he, ililim hangge mene wogisikhi lagep nogo a? Legaro. 13Hit hinobabut weak hilingiti lagep meneat he, hinagainafuri andi fano mene wogisikhi lagep hinelumo re, fano meneat wogisikhi lagep andi. Andi hangge, hineisena Allah pogoroba mene yagati logolik, hareagun andi wo'nisan o, iluk, kino yagatep halok he, wokhisagain lek nogo? Wokhisagain aro,” iluk yagaisasikhe.
”At Yesus andi Beelzebul oba loukse'ma hilingirik nikho,” iluk isukwa wene
(Mat. 12:22-30; Mrk. 3:20-27)
14Inenggi ekhe sambul he, at Yesus nen ap ekhe endawimo munggwarengge obabut weak mene kwisikhemo ane mondok lek agaikhesik welagaikhe mene ap andi endawimo nen henegeisogo wulakfesikhemo re, ane houwakhogo isikhe. A'nogo isikhemo afuni hokhorogo nen he, ”Egi! Nailo e,” iluk fogeratukwa. 15A'nogo fogeratukwa meneat he, it ekhe nen, mel isukwa: ”At Yesus andi munggwarengge inobabut weak mene inoe kain enu Beelzebul a'nogo omameba munggwarengge at agoromi hak inobabut weak mene afuni inendawimo kwisukwasik were'ma henegeisogo wulakfisili'logo,” iluk ugunem,#Mat. 9:34, 10:25 16it ekhe nen, at Yesus obabut paluogeluk he, mel yagatukwa: ”Hat hebe Allah nen lakhobagai wagama wagen halok he, niren futhobagauwogen, haren elalin mene ekhe hilingisin he,” iluk yagatukwa.#Mat. 12:38, 16:1; Mrk. 8:11 17A'nogo ikhi lagaukwama, at Yesus it inendawimo anggasukwa mene enegat futfisasikhesik he, mel yagaisasikhe: ”Kaindek inenupogot inagoromi inawe a'ma ferinarek welagaikharekwe lombok it-it inom minggilogo hulit fakhaluk, inom weak logogun halok he, maben asugun o. Nen, ap inebe lombok inagainafuri inom hulit fakhaluk inom weak logogun halok he, a'nogo weak asugun aro. 18Mene re, hiren an yaganeti logolik he, Munggwarengge inobabut weak mene inoe enu Beelzebul andi hoba louksek were'ma at omameba munggwarengge obabut weak mene ekhe afuni inendawimo kwisukwasik were'ma henegeisogo wulakfisikhi lagen, iluk yaganeti lagep andi, at Iblis andi onggwarek agoromi inom hulit fakhaluk inom weak a'lepma re, at agoromi ferinarek welagarek mene re ninggi'nogo omame logoilep anggegep? Elo'lego. 19Andi hak he, an nen munggwarengge inobabut weak mene inoe enu Beelzebul andi omameba munggwarengge inobabut weak mene afuni ekhe inendawimo kwisukwasik were'ma henegeisogo wulakfisikhi lagi halok he, hit hinagoromi nen sa omameba munggwarengge henegeisogo wulakfisili'lagwi anggegep. Hinagoromi nen a'nogo hilingiri'lagwi andiba, iren he, wene at Yesus faget egep andi re, weak egebo, iluk wene hinoba fou hak hilingiri'lagwi o. 20Meneat he, an nen Allah omame andiba munggwarengge obabut weak mene andi henegeisogo wulakfisikhi lagi halok he, Allah awe a'ma inobagagin mene andi arat hinoba horogasi waga o. 21Ap ekhe omame hokho mene nen asikhe arige tik-tukhogo fakhaluk aiba kagalek logogin halok he, agarek yi mene ti mene mondogat fano tegelek logogin o. 22Meneat he, ap ekhe at omame hangge re, lek. Athe, omame mondok hokho mene ap a'nogo aiba kwi wesimbik, ebe mabenet fisaluk, asikhe arige oba himbirik logogin mene omanogo telhi logolik he, agarek yi mene ti mene omanogo mondogat waganogo it ekhe sumburogo wogisagain o.”
23”Nen, sa nen ebe an werekwe agi'lek halok he, at andi an nemberek weim palek mene aro. Nen, sa nen an nemberek andogerinafi lago lek mene halok he, at andi nenat pugulogo wulakfisili'logo o,” iluk yagaisasikhe.#Mrk. 9:40
”Muggwarengge obabut weak mene ambotkwe wagarek,” iluk yagaisasikhe wene
(Mat. 12:43-45)
24A'nogo yagaisasikhesik he, wene ekhe mel yagaisasikhe: ”Munggwarengge obabut weak mene andi afuni inendawimo nen wuliferesik he, An naiba komakwe logoigen lak he, iluk, set walogo logogun oba obuluk herarik, o leikwe i mondok le'ma nikherek-nikherek heraterek mene mondok legen he, mel ikherek: An naiba attak welagiba a'nogo nambotkwe lambik kwigin o, iluk wagarek. 25Wagaresik kwikherek he, o a'nogo mondok lelem wulagaisogo tegelek were'ma ha wagaresik he, 26hobuk ambotkwe wulibi lagaresik, munggwarengge ekhe at obabut hangge lek. Athe, inobabut mondok weak mene inebe 7 nen inayonggo lagaresik woginarek we'luk ap andi endawimo kwagaresik welagaikharego. A'nogo kuluk were'ma re, ap andi attak he, obabut fano hak welagaresik meneat he, hobuk obabut mondok weagat hilinglagarego,” iluk yagaisasikhe.
”Sa endawimo agaiyek hili'logo,” iluk yagaisasikhe wene
27Wene a'nogo arat yagaisasikhemo nen he, it afuni hokhorogo omanogo inanggele'ma nen, he mene ekhe nen ane hokhorogo Yesus yagati logolik, mel isikhe: ”Hat hagaisa hebe takhafikhesik eilak hunethafikhe mene a'nogo endawimo agaiyek hikhi logouwago,” iluk a'nogo isikhemo, 28at Yesus nen he, mel isikhe: ”At andi nek lego. It ekhe Allah ane andi inesanggo holiluk higithogo hilingiti logogun halok he, inendawimo agaiyek hokhorogo hikhi logouwagaro,” iluk yagatikhe.
”Niren futhobagauwogen elalin mene ekhe hilingisin o,” iluk yagatukwama Yesus nen onggo yagaisasikhe wene
(Mat. 12:38-42)
29A'nogo yagatikhemo, afuni mondok hokhorogo Yesus oba andogosi wagaukwama, aren wene mel yagaisasikhe: ”Hit afuni o yogondak welagep mene yoma hinobabut weak enek hilingiti lagebo. Hiren he, niren futhobagauwogen he, haren elalin mene ekhe hilingisin he, iluk, yaganeti lagep meneat he, an nebe futnobagauwageluk an nen elalin mene hunogoat ekhe hilingisigin mondok lego. We, at Yunus nen afuni futfouwageluk elalinat hilingitikhe andi hak enek, an nen hobuk ekhe hilingitunem hineilenggen neogoin o.#Mat. 16:4; Mrk. 8:12 30At Yunus andi afuni o Niniwe mene andoma wene futfouwageluk ebe welagaikhe andi hak he, an abat ta'lasi wagagi a'nogo re, hit afuni o yogondak welagep mene yoma nen nebe futnobagauwageluk welagi o.#Yun. 3:4 31Attagat, he ekhe kain mene awi o i ambutmo higit pogot eroma yatma andoma nen ap Salomo andi endawimo mondok kagalek logolik hilingiti lagaikhe mene esanggo holigeluk wagaikhe. Mene re, at Salomo andi elo'lek hak. Meneat he, an yoma welagi yi nek he, esin andi nen he, o wurep oba Allah nen afuni wene inoba figik, kotik, igin andi salim, at he kain andi menlasimbik he, hit afuni o yogondak welagep mene yi mel yagahisagain: Hit weak, hinenggali, iluk yagahisagain o.#1Raj. 10:1-10; 2Taw. 9:1-12 32Nen, at Yunus andi nen it afuni o Niniwe mene andoma Allah ane yagaisikhi lagaikhemo re, inobabut hebel lagaukwasik yi weak ti weak hilingiti lagaukwa mene herakfisasukwa o. Mene re, at Yunus andi enu lek hangge aro. We, an yoma welagi yi nek he, esinat andi nen he, o wurep oba Allah nen afuni wene inoba figik, kotik, igin andi sambul he, afuni o Niniwe mene andoma inebe menlasimbik, hit afuni o yogondak welagep mene yi mel yagahisogoin: Hit weak, hinenggali, iluk yagahisogoin aro,” iluk yagaisasikhe.#Yun. 3:5
”Hinebe o selek hak welagep andi ero hineilenggen andi nen aro,” iluk yagaisasikhe wene
(Mat. 5:15, 6:22-23)
33A'nogo yagaisasikhesik he, ”Afuni ekhe re, esage ibilogo hinagoma figik, iwak a'ma sebelogo figik, hilingitarek mondok lek. Athe ibilogo re, afuni oloba kwikhi logolik o selek were'ma ineilenggen enegat hoageluk he, eisok legeisogo telik oba fagarek.#Mat. 5:15; Mrk. 4:21; Luk. 8:16 34Ninebe faget he, esage ibilik hangge nineilenggen andi aro. Hineilenggen andi fano halok he, hinebe abirenggeat selek mondok logogun o. Nen, hineilenggen andi weak halok he, hinebe andi o mum oba hangge logogun o. 35Andi halok he, o selek mene hinendawimo werek andi mum asinogo iluk, hinobabut hebelogo logoino. 36Nen, hit hinebe abirenggeat he, o mum hangge ekhe lek, we, selek mondok enek welagep halok he, esage ibilaga logolik hinoba seleget fikherek hak, hinebe abirenggeat selek logogun o,” iluk yagaisasikhe.
Ap Farisi mene inom, Allah ane lisu palek yagaisikhi lagaukwa mene inom, Yesus nen inenggali watikhe wene
(Mat. 23:1-36; Mrk. 12:38-40)
37Yesus nen wene andi yagaisugu were'ma, ap Farisi mene ekhe nen Yesus yagati logolik mel isikhe: ”An were'ma sumburu nemberek na luogen eme o,” iluk ayonggo fesikhe. Ayonggo fesikhemo, aiba kwisikhesik he, sumburu nuogeluk hu'lagaukwa. 38At Yesus enggibene sobalhi'legat sumburu nageluk hu'lagaikhemo nen he, ap Farisi mene a'nogo nen eilenggen hasikhesik he, ”Egi! Nailo e!” iluk endawimo nen wene palhikhe. 39A'nogo isikhemo re, at Tuhan Yesus nen mel yagatikhe: ”Hit ap Farisi mene hinagaiwak andi inom, piring andi inom, we, endakwe nek he fanorogo sobalhi lagep meneat he, elonggoma afuni inagarek hinenggi abisak helikhi lagep mene andi inom, yi weak ti weak hilingiti lagep mene andi inom, hinendawimo mondok hokhorogo peterek werek andi weago! 40Eige! Hit andi hinebe kembu hilingiti lagep. Ninagap endakwe hilingisogo ninobagasikhe mene nenat, ninendawimo hilingisogo ninobagasikhe lek nogo? At Allah nenat hilingisogo ninobagasikhe anggigi. 41Halok he, hit mene yi mene ti mene piring elonggoma fikhi lagep mene andi, afuni inagarek lek mene sumburogo wogisegep halok he, hit faget yi mene ti mene mondogat fenakwe sobalek logou hak fano logogin o. 42Mene re, hit ap Farisi mene Allah nen weaget hinabigin o. Hiren he, Allah ebe inendawinggen hundik welagaikharek andi inom, afuni ekhe faget higithogo hilingitarek inom, hilingiti logou werek kwelegat he, a'nogo hilingiti'lek logolik, larengga hangge inom, heinde hangge inom, su'lingga hangge inom, hinenggi wenagaisogo hinomoloba asi wagunem, misigat ekhe Allah faget fisikhi lagep andi, wene ebe esanggoma mene andi fano hilingiti lagep meneat he, wene esin mene hilingiti'lek herakfisikhi lagep andi weago!#Im. 27:30
43Hit ap Farisi mene Allah nen weaget hinabigin o. O afuni Yahudi mene samban agarek oba ap kaindek mene inobali'mo hit tak elokhoma hu'lasi kwigik, nen, o pasar fagarek oba yi mene ti mene onggo wanharek oba andoma afuni nen hai fanorogo wa'ninabuageluk kwigik, ugu aple andi nek he hinamolo welagep andi. 44Hit hinebe re, mel hangge welagep. Afuni wa'lagunem kweangma salinafaresik, inendawi wenggelogo huli figi'lek herakfisugunem, afuni inonggot logolik ineisogen sebelisaluk lagaikharek andi hak, hit a'nogo weak werek kwelegat, afuni inonggot logolik hinom welagep andi nen Allah nen weaget hinabigin o,” iluk yagaisasikhe.
45A'nogo yagaisasikhemo re, ap Allah ane yagaisikhi lagaikhe mene ekhe nen he, Yesus mel yagatikhe: ”Noe. Hat egen andi nit ninomat ninenggali watninobagegen higi!” iluk isikhemo, 46at Yesus nen he: ”Hit ap Allah ane lisu palek yagaisikhi lagep mene yi ogo re, Allah nen weaget hinabigin aro. Hiren he, wene enggin hokho andi anggigi'legat, afuni inoba fikhi logolik, enggin mene andi hinenggi misigam sambul iluk ogo ekhe leberisigik lek logoligat he, inoba fikhi lagep yoma ri! 47Ap Allah ane yagaisikhi lagaukwa mene inoatukwa andi hit hinombalak enat inoatukwa. Nen, hit hinebe iren tagongge logolik, it andi inoak oba inendawi wenggelogo fanorogo o wurogo fikhi lagep andi nen Allah nen weaget hinabigin o. 48Hinombalagen ap Allah ane yagaisikhi lagaukwa mene inoatukwa a'nogo, hiren inoak oba inendawi wenggelogo o fanorogo wurogo fikhi lagep andi re, ninombalak hilingitukwa andi higirat hilingiti lagep, iluk u hagat hilingiti lagep andi. 49A'nogo hilingiti lagep andi nen, at Allah endawimo kagalek mondok a'nogo nen ikhi logolik, An nen he, it ap an nane yagaisagarek mene inom, inayonggo fuluk lakfisa wagirek mene inom, it afuni ekhe inoba lakfisa wagunem he, iren inebe fena inoatik, fena yi enggin ti enggin hilinginafik, ugun o, iluk isikhe higithogoat, 50-51kweang pogot elalhikhe huli nen omanggum Habel oe nen amep wulagaisogo watikhe huli nen he, pikhit it ap Allah ane yagaisikhi lagaukwa mene inoarik-inoarik, huli ap Zakharia Allah awi wurik honggolek, at anggo warogo endu noleti lagaukwaba honggolek, tulem amep wulagaisogo watukwa andi huli, inamep pisikhe andi mondogat he, hit afuni yogondak welagep mene yi hinoba fagain o.#Kej. 4:8; 2Taw. 24:20-21
52Halok he, hit ap Allah ane lisu palek yagaisikhi lagep mene yi, oloba kwe hurogo kuogeluk walhagarek hak, it afuni ekhe yi wene ti wene inelu asuogeluk walhugunem, hiren kunci telaluk fisogo logolik hinonggwarek hinelu asuogeluk yanggulhi'lek logolik, it ekhe yangguluogeluk ugunem, hiren he: Yanggulugun lego, iluk wenagisikhi lagep andi nen Allah nen weaget hinabigin o,” iluk a'nogo yagaisaluk he, 53-54o a'nogo hebisaluk enda'ma wulibi lagaikhe. Wulibi lagaikhemo re, it ap Allah ane lisu palek inelu mene inom, Farisi mene inom, ina'mage at oba fikhi logolik, ”At Yesus andi ane igin oba wene enggin mene oba fembik ebe wasuok,” iluk he, anema hokho wanhik, endebat wanhik, ikhi logolik ineil wanhi lagaukwa.
Currently Selected:
LUKAS 11: inohap
Highlight
Share
Copy
Want to have your highlights saved across all your devices? Sign up or sign in
LUKAS 11
11
Yesus nen, ”Samban yi'nogo ikhi logogun,” iluk agoromi yagaisasikhe wene
(Mat. 6:9-13, 7:7-11)
1Inenggi ekhe sambul he, at Yesus o ekhema logolik samban ikhi lagaikhe. Samban arat isikhemo nen he, at agoromi ane wanhi lagaukwa mene omanogo ekhe nen mel yagatikhe: ”Noe. At Yohanes nen, at agoromi ane wanhi lagaikha mene samban ikhi logouwageluk yagaisikhi laga andi hak he, nit ogo re a'nogoat samban ikhi logouwogen iluk ekhe yaganisan o,” iluk yagatikhemo, 2at Yesus nen he,
”Hit samban uogeluk halok he, yi'nogo ikhi logoino: Nineisena.
Hat honggwarek henu esinet hafi logouwageluk hilingninabi me o.
Nit ninebe hat hawe a'ma logouwogeluk ninobagaime o.
3Nit ninamburu hundik-handik ninggi logogun mene,
higithogoat wo'nisikhi logoin o.
4It afuni nit weak hilingninabi'lagwi mene
inebe lombok niren sebelogo legetfisogo andi hak,
niren weak hilingiti lago mene haren sebelogo legetfisan o.
Weak hilingisuageluk ninendawimo kagalhu halok
herakninobagagi'lek fetninarek mondok logoino,
iluk samban ikhi logoino,” iluk yagaisasikhe.
5-6A'nogo yagaisasikhesik he, agoromi ane wanhi lagaukwa mene omanogo mel yagaisasikhe: ”Ap hit mene ekhe hup enggen tulem agailak oba laluk yagati logolik he, nagailage! An nagailak ekhe wele'ma lagelugen he, noba fa'larik lageluk wagasik werek mene re, sumburu wogosigin mene legen, haren sumburu roti werago mene henagan halok ekhe wo'nom o, iluk, yagatu halok he, 7at agailak a'nogo oloba nen ane wulabek he, An nagainafuri ninom kwe yagatfuluk nogo arat ogosi'mo re, ninelugetninafu lek. Nabit. Nit nogo ugunem an neluk asimbik wokhesigin he, elo'lego, iluk a'nogo yagasigin anggegep? 8Lego. At andi endawimo nen, nagailak mene nen kino ili'logo, iluk menlagi'lek kamo igin meneat he, at kino ikhi logolik enggali agi'lek ane omamerogo yagati logoumo, at menlasimbik he, aren kino igin mene higithogoat wogosiginat anggigi.
9-10Andi hak, an wene ekhe yagahisak. It afuni inebe lombogen Allah kino yagatunem he, aren inebe lombok wogisikherek enek andi. Nen, it ekhe inebe lombogen yi mene ti mene at oba heratunem inebe lombok he, herakhagarek enek andi. Nen, it ekhe inebe lombogen kwe ane papaget hugunem he, aren inebe lombok kwe hurisikherek enek andi. Andi nen he, hiren Allah kino yagati logoino o. Yagati logoumo wokhisagain aro. Fano mene at oba herati logoino. Herati logoumo, herasugun aro. Kwe ane papaget hikhi logoino. Papaget hikhi logoumo, aren kwe huthisagain aro. 11Hit ekhe hinagainafuri nen, ikan nele, ugu halok he, ineisena lagen ikan wogisigi'lek obali'mo kisu mene wogisikhi lagep nogo? 12I a, athe, suenggen nele ugu halok he, ililim hangge mene wogisikhi lagep nogo a? Legaro. 13Hit hinobabut weak hilingiti lagep meneat he, hinagainafuri andi fano mene wogisikhi lagep hinelumo re, fano meneat wogisikhi lagep andi. Andi hangge, hineisena Allah pogoroba mene yagati logolik, hareagun andi wo'nisan o, iluk, kino yagatep halok he, wokhisagain lek nogo? Wokhisagain aro,” iluk yagaisasikhe.
”At Yesus andi Beelzebul oba loukse'ma hilingirik nikho,” iluk isukwa wene
(Mat. 12:22-30; Mrk. 3:20-27)
14Inenggi ekhe sambul he, at Yesus nen ap ekhe endawimo munggwarengge obabut weak mene kwisikhemo ane mondok lek agaikhesik welagaikhe mene ap andi endawimo nen henegeisogo wulakfesikhemo re, ane houwakhogo isikhe. A'nogo isikhemo afuni hokhorogo nen he, ”Egi! Nailo e,” iluk fogeratukwa. 15A'nogo fogeratukwa meneat he, it ekhe nen, mel isukwa: ”At Yesus andi munggwarengge inobabut weak mene inoe kain enu Beelzebul a'nogo omameba munggwarengge at agoromi hak inobabut weak mene afuni inendawimo kwisukwasik were'ma henegeisogo wulakfisili'logo,” iluk ugunem,#Mat. 9:34, 10:25 16it ekhe nen, at Yesus obabut paluogeluk he, mel yagatukwa: ”Hat hebe Allah nen lakhobagai wagama wagen halok he, niren futhobagauwogen, haren elalin mene ekhe hilingisin he,” iluk yagatukwa.#Mat. 12:38, 16:1; Mrk. 8:11 17A'nogo ikhi lagaukwama, at Yesus it inendawimo anggasukwa mene enegat futfisasikhesik he, mel yagaisasikhe: ”Kaindek inenupogot inagoromi inawe a'ma ferinarek welagaikharekwe lombok it-it inom minggilogo hulit fakhaluk, inom weak logogun halok he, maben asugun o. Nen, ap inebe lombok inagainafuri inom hulit fakhaluk inom weak logogun halok he, a'nogo weak asugun aro. 18Mene re, hiren an yaganeti logolik he, Munggwarengge inobabut weak mene inoe enu Beelzebul andi hoba louksek were'ma at omameba munggwarengge obabut weak mene ekhe afuni inendawimo kwisukwasik were'ma henegeisogo wulakfisikhi lagen, iluk yaganeti lagep andi, at Iblis andi onggwarek agoromi inom hulit fakhaluk inom weak a'lepma re, at agoromi ferinarek welagarek mene re ninggi'nogo omame logoilep anggegep? Elo'lego. 19Andi hak he, an nen munggwarengge inobabut weak mene inoe enu Beelzebul andi omameba munggwarengge inobabut weak mene afuni ekhe inendawimo kwisukwasik were'ma henegeisogo wulakfisikhi lagi halok he, hit hinagoromi nen sa omameba munggwarengge henegeisogo wulakfisili'lagwi anggegep. Hinagoromi nen a'nogo hilingiri'lagwi andiba, iren he, wene at Yesus faget egep andi re, weak egebo, iluk wene hinoba fou hak hilingiri'lagwi o. 20Meneat he, an nen Allah omame andiba munggwarengge obabut weak mene andi henegeisogo wulakfisikhi lagi halok he, Allah awe a'ma inobagagin mene andi arat hinoba horogasi waga o. 21Ap ekhe omame hokho mene nen asikhe arige tik-tukhogo fakhaluk aiba kagalek logogin halok he, agarek yi mene ti mene mondogat fano tegelek logogin o. 22Meneat he, ap ekhe at omame hangge re, lek. Athe, omame mondok hokho mene ap a'nogo aiba kwi wesimbik, ebe mabenet fisaluk, asikhe arige oba himbirik logogin mene omanogo telhi logolik he, agarek yi mene ti mene omanogo mondogat waganogo it ekhe sumburogo wogisagain o.”
23”Nen, sa nen ebe an werekwe agi'lek halok he, at andi an nemberek weim palek mene aro. Nen, sa nen an nemberek andogerinafi lago lek mene halok he, at andi nenat pugulogo wulakfisili'logo o,” iluk yagaisasikhe.#Mrk. 9:40
”Muggwarengge obabut weak mene ambotkwe wagarek,” iluk yagaisasikhe wene
(Mat. 12:43-45)
24A'nogo yagaisasikhesik he, wene ekhe mel yagaisasikhe: ”Munggwarengge obabut weak mene andi afuni inendawimo nen wuliferesik he, An naiba komakwe logoigen lak he, iluk, set walogo logogun oba obuluk herarik, o leikwe i mondok le'ma nikherek-nikherek heraterek mene mondok legen he, mel ikherek: An naiba attak welagiba a'nogo nambotkwe lambik kwigin o, iluk wagarek. 25Wagaresik kwikherek he, o a'nogo mondok lelem wulagaisogo tegelek were'ma ha wagaresik he, 26hobuk ambotkwe wulibi lagaresik, munggwarengge ekhe at obabut hangge lek. Athe, inobabut mondok weak mene inebe 7 nen inayonggo lagaresik woginarek we'luk ap andi endawimo kwagaresik welagaikharego. A'nogo kuluk were'ma re, ap andi attak he, obabut fano hak welagaresik meneat he, hobuk obabut mondok weagat hilinglagarego,” iluk yagaisasikhe.
”Sa endawimo agaiyek hili'logo,” iluk yagaisasikhe wene
27Wene a'nogo arat yagaisasikhemo nen he, it afuni hokhorogo omanogo inanggele'ma nen, he mene ekhe nen ane hokhorogo Yesus yagati logolik, mel isikhe: ”Hat hagaisa hebe takhafikhesik eilak hunethafikhe mene a'nogo endawimo agaiyek hikhi logouwago,” iluk a'nogo isikhemo, 28at Yesus nen he, mel isikhe: ”At andi nek lego. It ekhe Allah ane andi inesanggo holiluk higithogo hilingiti logogun halok he, inendawimo agaiyek hokhorogo hikhi logouwagaro,” iluk yagatikhe.
”Niren futhobagauwogen elalin mene ekhe hilingisin o,” iluk yagatukwama Yesus nen onggo yagaisasikhe wene
(Mat. 12:38-42)
29A'nogo yagatikhemo, afuni mondok hokhorogo Yesus oba andogosi wagaukwama, aren wene mel yagaisasikhe: ”Hit afuni o yogondak welagep mene yoma hinobabut weak enek hilingiti lagebo. Hiren he, niren futhobagauwogen he, haren elalin mene ekhe hilingisin he, iluk, yaganeti lagep meneat he, an nebe futnobagauwageluk an nen elalin mene hunogoat ekhe hilingisigin mondok lego. We, at Yunus nen afuni futfouwageluk elalinat hilingitikhe andi hak enek, an nen hobuk ekhe hilingitunem hineilenggen neogoin o.#Mat. 16:4; Mrk. 8:12 30At Yunus andi afuni o Niniwe mene andoma wene futfouwageluk ebe welagaikhe andi hak he, an abat ta'lasi wagagi a'nogo re, hit afuni o yogondak welagep mene yoma nen nebe futnobagauwageluk welagi o.#Yun. 3:4 31Attagat, he ekhe kain mene awi o i ambutmo higit pogot eroma yatma andoma nen ap Salomo andi endawimo mondok kagalek logolik hilingiti lagaikhe mene esanggo holigeluk wagaikhe. Mene re, at Salomo andi elo'lek hak. Meneat he, an yoma welagi yi nek he, esin andi nen he, o wurep oba Allah nen afuni wene inoba figik, kotik, igin andi salim, at he kain andi menlasimbik he, hit afuni o yogondak welagep mene yi mel yagahisagain: Hit weak, hinenggali, iluk yagahisagain o.#1Raj. 10:1-10; 2Taw. 9:1-12 32Nen, at Yunus andi nen it afuni o Niniwe mene andoma Allah ane yagaisikhi lagaikhemo re, inobabut hebel lagaukwasik yi weak ti weak hilingiti lagaukwa mene herakfisasukwa o. Mene re, at Yunus andi enu lek hangge aro. We, an yoma welagi yi nek he, esinat andi nen he, o wurep oba Allah nen afuni wene inoba figik, kotik, igin andi sambul he, afuni o Niniwe mene andoma inebe menlasimbik, hit afuni o yogondak welagep mene yi mel yagahisogoin: Hit weak, hinenggali, iluk yagahisogoin aro,” iluk yagaisasikhe.#Yun. 3:5
”Hinebe o selek hak welagep andi ero hineilenggen andi nen aro,” iluk yagaisasikhe wene
(Mat. 5:15, 6:22-23)
33A'nogo yagaisasikhesik he, ”Afuni ekhe re, esage ibilogo hinagoma figik, iwak a'ma sebelogo figik, hilingitarek mondok lek. Athe ibilogo re, afuni oloba kwikhi logolik o selek were'ma ineilenggen enegat hoageluk he, eisok legeisogo telik oba fagarek.#Mat. 5:15; Mrk. 4:21; Luk. 8:16 34Ninebe faget he, esage ibilik hangge nineilenggen andi aro. Hineilenggen andi fano halok he, hinebe abirenggeat selek mondok logogun o. Nen, hineilenggen andi weak halok he, hinebe andi o mum oba hangge logogun o. 35Andi halok he, o selek mene hinendawimo werek andi mum asinogo iluk, hinobabut hebelogo logoino. 36Nen, hit hinebe abirenggeat he, o mum hangge ekhe lek, we, selek mondok enek welagep halok he, esage ibilaga logolik hinoba seleget fikherek hak, hinebe abirenggeat selek logogun o,” iluk yagaisasikhe.
Ap Farisi mene inom, Allah ane lisu palek yagaisikhi lagaukwa mene inom, Yesus nen inenggali watikhe wene
(Mat. 23:1-36; Mrk. 12:38-40)
37Yesus nen wene andi yagaisugu were'ma, ap Farisi mene ekhe nen Yesus yagati logolik mel isikhe: ”An were'ma sumburu nemberek na luogen eme o,” iluk ayonggo fesikhe. Ayonggo fesikhemo, aiba kwisikhesik he, sumburu nuogeluk hu'lagaukwa. 38At Yesus enggibene sobalhi'legat sumburu nageluk hu'lagaikhemo nen he, ap Farisi mene a'nogo nen eilenggen hasikhesik he, ”Egi! Nailo e!” iluk endawimo nen wene palhikhe. 39A'nogo isikhemo re, at Tuhan Yesus nen mel yagatikhe: ”Hit ap Farisi mene hinagaiwak andi inom, piring andi inom, we, endakwe nek he fanorogo sobalhi lagep meneat he, elonggoma afuni inagarek hinenggi abisak helikhi lagep mene andi inom, yi weak ti weak hilingiti lagep mene andi inom, hinendawimo mondok hokhorogo peterek werek andi weago! 40Eige! Hit andi hinebe kembu hilingiti lagep. Ninagap endakwe hilingisogo ninobagasikhe mene nenat, ninendawimo hilingisogo ninobagasikhe lek nogo? At Allah nenat hilingisogo ninobagasikhe anggigi. 41Halok he, hit mene yi mene ti mene piring elonggoma fikhi lagep mene andi, afuni inagarek lek mene sumburogo wogisegep halok he, hit faget yi mene ti mene mondogat fenakwe sobalek logou hak fano logogin o. 42Mene re, hit ap Farisi mene Allah nen weaget hinabigin o. Hiren he, Allah ebe inendawinggen hundik welagaikharek andi inom, afuni ekhe faget higithogo hilingitarek inom, hilingiti logou werek kwelegat he, a'nogo hilingiti'lek logolik, larengga hangge inom, heinde hangge inom, su'lingga hangge inom, hinenggi wenagaisogo hinomoloba asi wagunem, misigat ekhe Allah faget fisikhi lagep andi, wene ebe esanggoma mene andi fano hilingiti lagep meneat he, wene esin mene hilingiti'lek herakfisikhi lagep andi weago!#Im. 27:30
43Hit ap Farisi mene Allah nen weaget hinabigin o. O afuni Yahudi mene samban agarek oba ap kaindek mene inobali'mo hit tak elokhoma hu'lasi kwigik, nen, o pasar fagarek oba yi mene ti mene onggo wanharek oba andoma afuni nen hai fanorogo wa'ninabuageluk kwigik, ugu aple andi nek he hinamolo welagep andi. 44Hit hinebe re, mel hangge welagep. Afuni wa'lagunem kweangma salinafaresik, inendawi wenggelogo huli figi'lek herakfisugunem, afuni inonggot logolik ineisogen sebelisaluk lagaikharek andi hak, hit a'nogo weak werek kwelegat, afuni inonggot logolik hinom welagep andi nen Allah nen weaget hinabigin o,” iluk yagaisasikhe.
45A'nogo yagaisasikhemo re, ap Allah ane yagaisikhi lagaikhe mene ekhe nen he, Yesus mel yagatikhe: ”Noe. Hat egen andi nit ninomat ninenggali watninobagegen higi!” iluk isikhemo, 46at Yesus nen he: ”Hit ap Allah ane lisu palek yagaisikhi lagep mene yi ogo re, Allah nen weaget hinabigin aro. Hiren he, wene enggin hokho andi anggigi'legat, afuni inoba fikhi logolik, enggin mene andi hinenggi misigam sambul iluk ogo ekhe leberisigik lek logoligat he, inoba fikhi lagep yoma ri! 47Ap Allah ane yagaisikhi lagaukwa mene inoatukwa andi hit hinombalak enat inoatukwa. Nen, hit hinebe iren tagongge logolik, it andi inoak oba inendawi wenggelogo fanorogo o wurogo fikhi lagep andi nen Allah nen weaget hinabigin o. 48Hinombalagen ap Allah ane yagaisikhi lagaukwa mene inoatukwa a'nogo, hiren inoak oba inendawi wenggelogo o fanorogo wurogo fikhi lagep andi re, ninombalak hilingitukwa andi higirat hilingiti lagep, iluk u hagat hilingiti lagep andi. 49A'nogo hilingiti lagep andi nen, at Allah endawimo kagalek mondok a'nogo nen ikhi logolik, An nen he, it ap an nane yagaisagarek mene inom, inayonggo fuluk lakfisa wagirek mene inom, it afuni ekhe inoba lakfisa wagunem he, iren inebe fena inoatik, fena yi enggin ti enggin hilinginafik, ugun o, iluk isikhe higithogoat, 50-51kweang pogot elalhikhe huli nen omanggum Habel oe nen amep wulagaisogo watikhe huli nen he, pikhit it ap Allah ane yagaisikhi lagaukwa mene inoarik-inoarik, huli ap Zakharia Allah awi wurik honggolek, at anggo warogo endu noleti lagaukwaba honggolek, tulem amep wulagaisogo watukwa andi huli, inamep pisikhe andi mondogat he, hit afuni yogondak welagep mene yi hinoba fagain o.#Kej. 4:8; 2Taw. 24:20-21
52Halok he, hit ap Allah ane lisu palek yagaisikhi lagep mene yi, oloba kwe hurogo kuogeluk walhagarek hak, it afuni ekhe yi wene ti wene inelu asuogeluk walhugunem, hiren kunci telaluk fisogo logolik hinonggwarek hinelu asuogeluk yanggulhi'lek logolik, it ekhe yangguluogeluk ugunem, hiren he: Yanggulugun lego, iluk wenagisikhi lagep andi nen Allah nen weaget hinabigin o,” iluk a'nogo yagaisaluk he, 53-54o a'nogo hebisaluk enda'ma wulibi lagaikhe. Wulibi lagaikhemo re, it ap Allah ane lisu palek inelu mene inom, Farisi mene inom, ina'mage at oba fikhi logolik, ”At Yesus andi ane igin oba wene enggin mene oba fembik ebe wasuok,” iluk he, anema hokho wanhik, endebat wanhik, ikhi logolik ineil wanhi lagaukwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in