KALOWARAN ATOR MAMOLAN
ATOR MAMOLAN
Nyama Kalowaran paneka ngala' dhari kadaddiyan se poko' se ecareta'agi e dhalem ketab paneka, enggi paneka kalowarra bangsa Isra'il dhari Messer, kennengnganna bangsa gapaneka ekadunor oreng Messer. E dhalem ketab paneka badha tello bagiyan se paleng penting:
1. Oreng Ibrani epabebas dhari odhi'na se ekadunor oreng Messer, sareng parjalananna ka Gunong Sinay.
2. Parjanjiyanna Allah sareng ommadda e Sinay. Allah apareng ka bangsa Isra'il kom-hokomma moral, sipil sareng agama menangka panduman odhi'na.
3. Bangsa Isra'il abadhi kennengnganna kabakteyan sareng kas-pakakassa; sadajana atoranna para imam sareng carana abakte ka Allah.
Ketab paneka paleng bannya' nyareta'agi sadaja se elampa'agi Allah e bakto mabebas ommadda se ekadunor oreng Messer, dineng ommat gapaneka laju eburuk epadaddi bangsa se gadhuwan pangarep badhi odhi'na e bingkeng are.
Tokoh se nomer settong e dhalem ketab paneka enggi paneka Mosa, oreng peleyanna Allah se epamimpin ommadda kalowar dhari Messer. Bagiyan se paleng kasohor e dhalem ketab paneka enggi paneka Papakon Se Sapolo e dhalem pasal 20.
Essena Ketab
Bangsa Isra'il epabebas dhari Messer 1:1–15:21
a. Oreng Isra'il ekadunor e Messer 1:1-22
b. Kalahiranna Mosa ban odhi'na e Midian 2:1–4:31
c. Mosa ban Harun ngadhep ka rato Messer 5:1–11:10
d. Paska ban pamangkadda oreng Isra'il dhari Messer 12:1–15:21
Dhari Tase' Galagas ka Gunong Sinay 15:22–18:27
Kom-hokomma Allah ban Parjanjiyan 19:1–24:18
Kemahna Allah ban sakabbinna atoranna kabakteyan 25:1–40:38
Currently Selected:
KALOWARAN ATOR MAMOLAN: MAD
Highlight
Copy
Compare
Share
Want to have your highlights saved across all your devices? Sign up or sign in