YOHANES 10
10
Paribasa tahiu ije tabiri tuntang sakatike
1“Toto haliai auh toh: Oloh je tame akan huang karambang tabiri mandai pagar tuntang dia mahalau bauntonggang, tapi mandai mahalau jalan beken, oloh te panakau tuntang parampok. 2Tapi oloh je tau mahalau bauntonggang, ie te sakatik tabiri. 3Oloh je manjaga karambang muap bauntonggang akae, tuntang kare tabirie manalih ie hong katika ie mantehau ewen dengan aran ewen mije-mije tuntang mangagalan ewen balua. 4Limbah kare tabiri te iimbite balua, sakatik te mananjong hila baun, tuntang kare tabiri te manuntut ie basa ewen mangasene auhe. 5Ewen dia maku manuntut oloh beken, ewen akan hadari haream bara oloh te, awi ewen dia kasene auhe.”
6Yesus manyarita paribasa te tapi ewen dia harati taloh je koae te.
Yesus Sakatik je bahalap
7Maka Yesus hamauh sinde tinai, “Puna toto auh-Ku toh: Aku toh bauntonggang akan tabiri. 8Kare oloh je dumah helo bara Aku, uras panakau tuntang parampok, tapi kare tabiri dia mahining auh ewen. 9Aku toh bauntonggang. Eweh je tame mahalau Aku, akan salamat; ie tame-balua tuntang mandino panginan. 10Panakau dumah baya handak manakau, handak mampatei tuntang handak marusak. Tapi Aku dumah mangat oloh mandino pambelom – pambelom je hakutoh karee.
11Aku toh Sakatik je bahalap. Sakatik je bahalap manenga hambaruae akan kare tabirie. 12Oloh je bagawi manduan upah ie dia sakatik tuntang dia kea ie tempon kare tabiri te, ie kareh hadari malihi kare tabiri te amon ie mite meto basiak dumah. Maka kare tabiri te kareh inangkarap tuntang kasaburan awi meto te. 13Oloh upahan te hadari, awi ie bagawi baya manduan upah. Ie dia paduli kare tabiri te. 14-15#Mat. 11:27; Luk. 10:22 Aku toh Sakatik ije bahalap. Sama kilau Bapa mangasene Aku tuntang Aku mangasene Bapa, kalote kea Aku mangasene kare tabiring-Ku tuntang ewen kea mangasene Aku. Aku manyarah hambaruang-Ku akan ewen. 16Magon aton tabiri beken ayung-Ku kea, tapi jaton tame kawan tabiri toh. Ewen te musti imbit-Ku kea tuntang ewen kareh mahining auh-Ku. Ewen samandiai akan manjadi#10:16: Ewen samandiai akan manjadi: pire-pire naskah jaman horan: Maka akan aton. ije kakawan dengan ije Sakatik.
17Bapa sinta Aku awi Aku manyarah hambaruang-Ku, uka manarimae haluli. 18Ije biti mahin jaton oloh je tau manduae bara Aku. Aku manyarahe awi kahandakku kabuat. Aku bara kuasa uka manyarahe tuntang bara kuasa manduae haluli. Jete gawi je inarima-Ku bara Bapa.”
19Awi Yesus hakotak kalote, kare oloh Yehudi nampara hakaridu. 20Are ewen je hamauh, “Ie kau ingumpang setan! Ie gila! Kanduen keton mahining auhe?”
21Tapi aton kea ewen je hamauh, “Oloh je ingumpang setan dia hakotak kalote! En tau setan mawi oloh babute tau mite?”
Oloh Yehudi dia handak manarima Yesus
22Hong Yerusalem, kare oloh metoh mahaga Pesta Hai Tame Human Tuhan. Metoh te wayah sadingen. 23Yesus metohe mananjong hong Tambiran Salomo hong Human Tuhan, 24katika kare oloh Yehudi dumah hapumpong mangaliling Yesus. Ewen hamauh, “Sampai hamparea ikau toh mawi ikei bembang? Sanan ih tarus-tarang, jaka ikau toh puna toto-toto Raja Panyalamat.”
25Yesus tombah, “Jadi insanang-Ku akan keton, tapi keton dia percaya. Kare gawi je ilalus-Ku huang aran Bapa-Ku, manenga bukti tahiu Aku. 26Keton dia percaya awi keton dia tame kawan tabiring-Ku. 27Kare tabiring-Ku mahining auh-Ku. Aku kasene ewen, tuntang ewen manuntut Aku. 28Aku manenga akan ewen pambelom je bujur tuntang katatahie, tuntang sampai katatahie ewen kareh dia binasa. Ije biti mahin jaton oloh tau marampas ewen bara lengeng-Ku. 29Bapa-Ku, je jari manenga ewen akang-Ku, malabien#10:29: Bapa-Ku, je jari manenga ewen akang-Ku, malabien: pire-pire naskah jaman horan: Taloh je inenga Bapa-Ku akang-Ku malabien. bara kare taloh samandiai. Tuntang ije biti mahin jaton oloh tau marampas ewen bara lengen Bapa. 30Aku tuntang Bapa te ije.”
31Palus kare oloh Yehudi manduan batu tinai handak mamedak Yesus. 32Tapi Yesus hamauh dengan ewen, “Keton jari mite Aku malalus are gawi bahalap je inyoho awi Bapa-Ku. Bara kare gawi te, je kueh je mawi keton handak mamedak Aku?”
33 #
Lew. 24:16
Kare oloh Yehudi te tombah, “Dia tagal kare gawin Aim je bahalap te ikei handak mamedak ikau hapan batu, tapi awi ikau mamapa Hatalla. Ikau ije biti olon, handak manjadian arep Aim kilau Hatalla.”
34 #
Mas. 82:6
Palus Yesus tombah, “En dia huang Buku Hukum ain keton tarasurat: Hatalla hamauh, ‘Keton toh hatalla’? 35Itah katawan, taloh je inyurat huang Surat Barasih ihapan akan katatahie. Jadi amon Hatalla manggare kare oloh je manarima auhe te ‘hatalla’, 36mbuhen keton manyewut Aku mamapa Hatalla awi-Ku hamauh Aku Anak Hatalla? Padahal Aku iintih awi Bapa tuntang inyoho akan kalunen. 37Amon Aku dia malalus gawi je inyoho Bapa-Ku, ela percaya dengang-Ku. 38Tapi awi Aku malaluse, percaya ih dengan taloh je iawi-Ku te, aloh keton dia maku percaya dengang-Ku. Maka kalote keton katawan tuntang harati je Bapa tetep hinje dengang-Ku, tuntang Aku tetep hinje dengan Bapa.”
39Ewen manggau jalan tinai handak manawan Yesus, tapi Ie lapas bara ewen.
40 #
Yoh. 1:28
Yesus haluli tinai akan dipah Silan Sungei Yordan, eka Yohanes bihin puji mampandoi oloh, palus melai intu hete. 41Are oloh dumah manalih Ie. Ewen hamauh, “Yohanes dia mawi kare taloh heran, tapi taloh handiai je insanae tahiu oloh toh uras toto.” 42Palus are oloh intu hete percaya dengan Yesus.
Currently Selected:
YOHANES 10: NIJ
Highlight
Share
Copy
Want to have your highlights saved across all your devices? Sign up or sign in
