OKHUCHIAKA 25
25
Tsinzibulo tsindi tsia Aburahamu
(1 Aketsi. 1:32-33)
1Aburahamu yaleera omukhasi undi owalangwa Ketura. 2Yamwibul'la Simurani, Yokoshani, Medani, Midiani, Ishibaki, nende Shuha. 3Yokoshani naye yebula Sheba nende Dedani. Abaana ba Dedani nabo nibaba Ashurimu, Letushimu, nende Leumimu. 4Abaana ba Midiani bali Efa, Eferi, Hanoki, Abida, nende Eledaa. Bano bosi bali abaana bolwibulo lwa Ketura.
5Aburahamu yahelesia Isaka ebindu biosi ebiayali n'nabio, 6nebutswa yahelesia abaana babakhasibe bandi ebihanwa nasili mwoyo. Ma nabahiinia nibatsia musibala siebukwe, ehale okhurula ahomwanawe Isaka yali.
Okhufwa nende okhuyabilwa khwa Aburahamu
7Aburahamu yamenya nali nende emihika emia ndala nende amakhumi kane nakataru nende chirano. 8Yafwa nali omusakhulu wemihika emilahi ma nayabilwa singa abakukabe. 9Abaanabe Isaka nende Ishimaeli bamuyabila mulwangaywa lwa Makapela, oluli imbeli wa Mamure musianyi siali sia Efuroni omwana wa Sohari Omuhiti. 10Yisio nisio esianyi esia Aburahamu yakula okhurula khuba Bahiti, ma Aburahamu nende omukhasiwe Sara bayabilwamwo.#Okhuch. 23:3-16 11Olunyuma lwokhufwa khwa Aburahamu, Nyasaye yalaamila Isaka omwanawe ikhabi, Isaka yamenyanga ahembi nende Beeri Lahai Roi.
Tsinzibulo tsia Ishimaeli
(1 Aketsi. 1:28-31)
12Ishimaeli owa Hagari, omukhaana Omumisiri owali omusumba wa Sara yebul'la Aburahamu. 13Yali nabaana abalondakhwo bano, okhulondokhana mukhwibulwa khwabwe: Nebayotsi, Kedari, Abideeli, Mibisamu, 14Mishima, Duma, Mabi, 15Hadadi, Tema, Yeturi, Nafishi, nende Kedema. 16Nibo abaana ba Ishimaeli abachiakia tsinzibulo likhumi na tsibili, ne amera kaabwe kakulikhwa amataala kabwe nende amaheema kabwe. 17Ishimaeli yafwa nali nende emihika emia ndala nende amakhumi kataru nende chine nachitaru. 18Abolwibulo lwa Ishimaeli bamenyanga musibala sili hakari wa Hawila nende Shuri, ebukwe we Misiri khunjila yokhutsia Asiria. Bamenyanga ehale okhurula khubaana babwe bandi bosi abolwibulo lwa Aburahamu.
Okhwibulwa khwa Esau nende Yakobo
19Tsino nitsio tsinzibulo etsiomwana wa Aburahamu owalangwa Isaka. 20Isaka yali nemihika amakhumi kane olwa yaleera Rebeka, omukhaana wa Betsweli Omwaramu okhurula Mesopotamia, owali omukhaana wanga Labani. 21Sichila mbu Rebeka yali omukumba Isaka yamusaayila khu MWAMI. OMWAMI yahul'la amasaayoke ma Rebeka nabelekha. 22Nikaba mbu nayebule amakhwana, ne olwa abaana yabo bali nibasili okhwibulwa balwan'na mundaye. Naboola mbu, “Nisina esichil'le kano nikekhola khu ise?” Ma natsia okhureeba OMWAMI esifune.
23OMWAMI namubool'la mbu,
“Tsimbia tsibili tsili mundamwo.
Wakhebule tsinzibulo tsibili etsiakhahinganenje.
Olwibulo l'lala lwakhabe netsingufu okhuyomba olundi.
Omukhulundu yakharumikhile omutu.”#Rom. 9:12
24Litukhu liokhwibula lioola, ma niyebula abaana abasiani babili. 25Owokhuranga yali omwakhanyu, ne yali nende om'bili singa ingubo yobwoya, ma namukulikha Esau. 26Owakhabili yarula nahand'e khus'sisilo sia Esau, ma namukulikha Yakobo. Isaka yali nemihika amakhumi kasasaba olwabaana yabo bebulwa.
Esau yakusia ikhabi ye yobukhulundu.
27Abaana yabo nibakhula, ne Esau naba Omuhitsi omulahi, omundu owayanza obulamu bwomusitsiimi, nebutswa Yakobo naba omundu om'buni owayanza okhuhonga hango. 28Isaka yayanza Esau sichila yalitsanga khunyama tsiayeeranga, ne Rebeka naye nayanza Yakobo.
29Litukhu elala olwa Yakobo yali natekhanga esitiani, Esau yenjila narula okhuhiima. Yali neinzala okhusila 30ma nabool'la Yakobo mbu, “Mbul'langa nindi neinzala okhusila, yanza umbekhwo esitiani siolombanga esiakhanyu yisio.” (Niko akachila nalangwa Edomu#25:30 Edomu Eliira lino esifune sialio mu Luheburania ni “Esiakhanyu.”).
31Yakobo namubool'la mbu, “Nyala okhukhuhaakhwo nikali wakhambelesia ikhabiyo eyobukhulundu bwokhwibulwa.”
32Esau naboola mbu, “Ise luno ndi ahembi okhufwa, ikhabi yobukhulundu naingasile sina?”
33Yakobo nakalusia mbu, “Ranga undesuhile mbu umbeetsanga ikhabi yiyo yobukhulundu.”#Heb. 12:16
Esau niyesuha ma nakusia ikhabiye yobukhulundu khu Yakobo. 34Ma Yakobo namuha obusuma nende esitiani. Nalia ma nanywa, ma narula natsia. Nimbwo Esau yachaaya akeikhabi eyobukhulundu bwokhwibulwakhwe.
Currently Selected:
OKHUCHIAKA 25: EBAIBO
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
OKHUCHIAKA 25
25
Tsinzibulo tsindi tsia Aburahamu
(1 Aketsi. 1:32-33)
1Aburahamu yaleera omukhasi undi owalangwa Ketura. 2Yamwibul'la Simurani, Yokoshani, Medani, Midiani, Ishibaki, nende Shuha. 3Yokoshani naye yebula Sheba nende Dedani. Abaana ba Dedani nabo nibaba Ashurimu, Letushimu, nende Leumimu. 4Abaana ba Midiani bali Efa, Eferi, Hanoki, Abida, nende Eledaa. Bano bosi bali abaana bolwibulo lwa Ketura.
5Aburahamu yahelesia Isaka ebindu biosi ebiayali n'nabio, 6nebutswa yahelesia abaana babakhasibe bandi ebihanwa nasili mwoyo. Ma nabahiinia nibatsia musibala siebukwe, ehale okhurula ahomwanawe Isaka yali.
Okhufwa nende okhuyabilwa khwa Aburahamu
7Aburahamu yamenya nali nende emihika emia ndala nende amakhumi kane nakataru nende chirano. 8Yafwa nali omusakhulu wemihika emilahi ma nayabilwa singa abakukabe. 9Abaanabe Isaka nende Ishimaeli bamuyabila mulwangaywa lwa Makapela, oluli imbeli wa Mamure musianyi siali sia Efuroni omwana wa Sohari Omuhiti. 10Yisio nisio esianyi esia Aburahamu yakula okhurula khuba Bahiti, ma Aburahamu nende omukhasiwe Sara bayabilwamwo.#Okhuch. 23:3-16 11Olunyuma lwokhufwa khwa Aburahamu, Nyasaye yalaamila Isaka omwanawe ikhabi, Isaka yamenyanga ahembi nende Beeri Lahai Roi.
Tsinzibulo tsia Ishimaeli
(1 Aketsi. 1:28-31)
12Ishimaeli owa Hagari, omukhaana Omumisiri owali omusumba wa Sara yebul'la Aburahamu. 13Yali nabaana abalondakhwo bano, okhulondokhana mukhwibulwa khwabwe: Nebayotsi, Kedari, Abideeli, Mibisamu, 14Mishima, Duma, Mabi, 15Hadadi, Tema, Yeturi, Nafishi, nende Kedema. 16Nibo abaana ba Ishimaeli abachiakia tsinzibulo likhumi na tsibili, ne amera kaabwe kakulikhwa amataala kabwe nende amaheema kabwe. 17Ishimaeli yafwa nali nende emihika emia ndala nende amakhumi kataru nende chine nachitaru. 18Abolwibulo lwa Ishimaeli bamenyanga musibala sili hakari wa Hawila nende Shuri, ebukwe we Misiri khunjila yokhutsia Asiria. Bamenyanga ehale okhurula khubaana babwe bandi bosi abolwibulo lwa Aburahamu.
Okhwibulwa khwa Esau nende Yakobo
19Tsino nitsio tsinzibulo etsiomwana wa Aburahamu owalangwa Isaka. 20Isaka yali nemihika amakhumi kane olwa yaleera Rebeka, omukhaana wa Betsweli Omwaramu okhurula Mesopotamia, owali omukhaana wanga Labani. 21Sichila mbu Rebeka yali omukumba Isaka yamusaayila khu MWAMI. OMWAMI yahul'la amasaayoke ma Rebeka nabelekha. 22Nikaba mbu nayebule amakhwana, ne olwa abaana yabo bali nibasili okhwibulwa balwan'na mundaye. Naboola mbu, “Nisina esichil'le kano nikekhola khu ise?” Ma natsia okhureeba OMWAMI esifune.
23OMWAMI namubool'la mbu,
“Tsimbia tsibili tsili mundamwo.
Wakhebule tsinzibulo tsibili etsiakhahinganenje.
Olwibulo l'lala lwakhabe netsingufu okhuyomba olundi.
Omukhulundu yakharumikhile omutu.”#Rom. 9:12
24Litukhu liokhwibula lioola, ma niyebula abaana abasiani babili. 25Owokhuranga yali omwakhanyu, ne yali nende om'bili singa ingubo yobwoya, ma namukulikha Esau. 26Owakhabili yarula nahand'e khus'sisilo sia Esau, ma namukulikha Yakobo. Isaka yali nemihika amakhumi kasasaba olwabaana yabo bebulwa.
Esau yakusia ikhabi ye yobukhulundu.
27Abaana yabo nibakhula, ne Esau naba Omuhitsi omulahi, omundu owayanza obulamu bwomusitsiimi, nebutswa Yakobo naba omundu om'buni owayanza okhuhonga hango. 28Isaka yayanza Esau sichila yalitsanga khunyama tsiayeeranga, ne Rebeka naye nayanza Yakobo.
29Litukhu elala olwa Yakobo yali natekhanga esitiani, Esau yenjila narula okhuhiima. Yali neinzala okhusila 30ma nabool'la Yakobo mbu, “Mbul'langa nindi neinzala okhusila, yanza umbekhwo esitiani siolombanga esiakhanyu yisio.” (Niko akachila nalangwa Edomu#25:30 Edomu Eliira lino esifune sialio mu Luheburania ni “Esiakhanyu.”).
31Yakobo namubool'la mbu, “Nyala okhukhuhaakhwo nikali wakhambelesia ikhabiyo eyobukhulundu bwokhwibulwa.”
32Esau naboola mbu, “Ise luno ndi ahembi okhufwa, ikhabi yobukhulundu naingasile sina?”
33Yakobo nakalusia mbu, “Ranga undesuhile mbu umbeetsanga ikhabi yiyo yobukhulundu.”#Heb. 12:16
Esau niyesuha ma nakusia ikhabiye yobukhulundu khu Yakobo. 34Ma Yakobo namuha obusuma nende esitiani. Nalia ma nanywa, ma narula natsia. Nimbwo Esau yachaaya akeikhabi eyobukhulundu bwokhwibulwakhwe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019