IGHISYEWUT 1
1
1 #
Luk 1:1-4. Takwes apoy Teopilo:
Kyakiran ompö kitapunyan nyo pö tagh tïkwïn löwïr cho kigh Yeso akunet, 2ntökïtenö asisini kikimït kïwö yïm. Akwotini kitomö kïwö yïm, kurur ompö ara Mïkulögh nyo Tïlil pich cho kikikïlöwön kïlïkwï cho kiyoktoy. 3Kiporchï kegh Yeso kinetankachi kïnyïl cho chang kïsöpöy ompö osis tömönut angwan kïngeta kïma. Kingölonchï chane ngala Pöyunöto Tororöt. 4#Luk 24:49. Otini kiryam nko chane kïmwochï lö, “Mangeta Yerusalem, wölo akanya konunötonay kïlö Papo okonu, nyay kyalïmakwa ongölonenan. 5#Mat 3:11; Mrk 1:8; Luk 3:16; Yna 1:33. Kipatisan Yoana pich ompö pögh, wölo kipötisönokwa ompö Mïkulögh nyo Tïlil ato lekït.”
Kakimït Yeso kïwö yïm
(Mat 16:19-20; Luk 24:50-53)
6Otini kiryam kiyoktoghichay nko Yeso, kïtep nyinte lö, “Echotyon, panete ato iyokyinenyi paytagh Israel?”
7Kïlenchï chane, “Melö parakunkwa onkïtunö osis anta könyis cho kitat Paponyan ompö owesyenyi kegh. 8#Mat 28:19; Mrk 16:15; Luk 24:47-48. Wölo onyorunekwa owesyö otini körökyokwa Mïkulögh nyo Tïlil alïkukwa nyu söwichan ompö Yerusalem nko koro Yudea kïmïkul nko Samaria, ntökwïtïta sörömu ngwïny.” 9#Mrk 16:19; Luk 24:50-51. Kïkany kuwany kïngölonöy, kengwïsa nyinte tawungwa akep kïwö yïm kïsïwïyi chane ntökïtenö kïkarta polta.
10Akwotini kitö kïmi chane kurosöy yïm, kïwetöy Yeso, kïnyinini lawel kughyongö pich odeny kamasungwa, cho kiloköy sïro cho relach 11akïlö, “Akwa pipö Kalilaya, ompö ne toghyongekwa arosöy yïm? Yeso nete kakimït kïwö yïm, kungwïnöy le nyete kasïwekwa kïwetöy yïm.”
Chi nyo kiker Yudas
12Atolapay kïmïlisyeghö kiyoktoghï kutïng pö Arol kutang Yerusalem, pan nyo kitöy kilomita akonga. 13#Mat 10:2-4; Mrk 3:16-19; Luk 6:14-16. Nyini kïlïtöy kanasyan kïpus kïpa kö nyo mi parak wölo kimpuröy ompö: Petro nko Yoana nko Yakopo nko Andrea nko Pilipo nko Tomas nko Partolomayo nko Matayo nko Yakopo wero Alpayo nko Simon nyo kïkuro Silot, akïlö Yudas wero Yakopo. 14Kïghömö nyu chane löwïr kïlïkwï kïgh akonga kïmi korï nko Marya yoto Yeso nko werko ompö Yeso, kïsagh.
15Kughyongö Petro osiswechoni tawu kighönï cho kingata 120 akïlö, 16“Tupchenichu, kömïchï kïpïntö Kikirut cho kimwa Mïkulögh nyo Tïlil kuwerï kuti Daudi ompö ngala Yudas nyay kintöghoghchï pich cho kipa kïnam Yeso. 17Ki akonga Yudas nko acha akitïng karerantanyi ompö ighisyencha.”
18 #
Mat 27:3-8. (Kyala nyinte par ropïyenichini kisïkö ighisyenyi nyo gha. Kupïtyï ngwïny kïkarera mu kïmïlï kegh kwan löwïr. 19Kunkïtï pich löwïr ngalechoni cho kimöngöy Yerusalem, kïlenyona kïkurö paranay Akeldama ompö kutingwa, nyoni kelentöy, “Para Kisön.”)
20 #
Tum 69:25; 109:8. “Ompöwölo kikikir ompö kitapu Tumwöy lö,
‘Nya kïlïkwï möngenyi kïratyan
amöwuchï chi ori.’
Kikïr ngat lö,
‘Nya kuker chi anka otinö kömi nyinte.’
21“Kïlenyona kïchengöy chi akonga ompö pïchay kikïnomnyotoy tïkwïl ompö osiswechanye löwïr kiwestoy Echotyon Yeso nko acha, 22#Mat 3:16; Mrk 1:9; Luk 3:21; 24:51. kutorö kipatisanata Yoana, ntökwit asisanya kikimït Yeso kïwö yïm. Lïku akong ompö pïchoni söwin nko acha nyo pö kitutunöto Yeso.”
23Kïlenyona kecher kaynötut pö pich odeny: Yosep, nyo kikïkuro Parsapas (akekuro Yusto) nko Matias. 24Atolapay kïsagh chane lö, “Echotyon, nyi nyo inkït mïkulis pö pich löwïr, porwecha ompö pïchï le odeny lö nyono nyo kekïlanyi, 25kïcheng ighisyonï pö kiyoktoghin* kipïsto Yudas kïwö arenyi onkït.” 26Atolapay kïpïrchï kura chane, kïnyorï Matias kur. Kïlïkwï nyinte akonga nko kiyoktoghichay le taman nko akonga.
Itunata Mïkulögh nyo Tïlil
Currently Selected:
IGHISYEWUT 1: PIPÏLIA
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
