YOANA 13
13
1Otini kitomönye kwitïta asis nyo wow nyo pö Ichon pö Pasaka* akinkït Yeso lö kikwitïta sayenyi nyo ngeto nyinte ngwïnyinete atökïwö wölini mi Kwanta. Kökicham nyinte osis lapay pich cho le chechi cho mi ngwïnyinete, kicham chane nyoman ntökwit söröm.
2Kökikutö nyu Onyötö Yudas Iskariote Wero Simon, machat nyo wïchtoy Yeso otini kimi Yeso kwomöy omisyo nangat nko kinetankachi. 3Kinkït Yeso lö kikikutö Paponyi tïkwïn löwïr morichi akinkït lö kingwïna nyinte wölo mi Tororöt akïwetöy ngat wölini mi Tororöt. 4Kïlenyona kïngeta Yeso omisyonay akutö yona sïrokachi akïkörmön ananka. 5Atolapay kuyin pögh otupö akutor kuwun kelyeko kinetankachi akïmisa anankanoni kikörmönö kegh. 6Otini kitïta wölo mi Simon Petro kïlenchï Petro, “Imökenyi wune kelyechan so, Echotyon?”
7Kuyokyï Yeso lö, “Möpköchininyinye kïgh nyo oghan otï le ye, wölo tenkïtunenyi ato le soya.”
8Kïlenchï Petro, “Mewunenyinye kelyechan kokay.” Kuyokyï Yeso nyinte lö, “Kwato mowunönye kelyeku kïmelö telïkunenyi kinetanenyan ngat.”
9Kuyokyï Simon Petro lö, “Echotyon, mwatante amelö kelyön opïn wölo morïn nko mötït tïkwïl!”
10Kïlenchï Yeso, “Chi anka tïkwïl nyo kakuwun kegh, kïmökïmökönye kuwunöy kegh ngat, kïpoto kelyechi, ompöwölo wunote nyinte. Ochikwa tïlilöch, wölo melö akwa löwïr.” 11(Kikikunkïtï Yeso chichoni wïchtoy nyinte nka nyoni kilö, “Ochikwa tïlilöch, wölo melö akwa löwïr.”)
12 #
Luk 22:27. Otini kiwany kuwun kelyekwa, kulach Yeso sïrokachi akïmïla ataye kötöpo le mesa. Kïtep chane lö, “Köpköchokwa kini kaghwakwa nya? 13Okurenanïkwa konetin nko Echotyon akïmïchinokwa okuranïn lenyoni, ompöwölo ochan. 14Kwato ochan Echotyon, achï konetin, akwanyï kowunwokwa kelyön ye, kïmïchinokwa tïkwïl owunchinö kegh kelyön. 15Ompöwölo koporwokwa körkeyïn nyo orïpöy atagha kïyoni kaghwakwa. 16#Mat 10:24; Luk 6:40; Yna 15:20. Omwowokwa nyoman lö, möminye sekeyontö nyo wow kïsir echotyontenyi, amöwownye nyo kïyontoy kïsir chichini kayonta nyinte. 17Kwato konkïtukwa ngalechoni, ochikwa soyönote ato arïpakwa!
18 #
Tum 41:9. “Melö ongölonan ompö akwa löwïr, onkïtön pïchoni kakïlan, wölo itïtoy lö, man ngala Kikirut cho lentöy, ‘Kiwaghaka kïporyeghenanïn nyini kyomisïyan tïkwïl.’ 19Kanyaghan omwowokwa ye kïtomö kwighisyö ngalechoni, töto itïta amukakwa nyu aghan lö, ‘Ochan nyinte.’ 20#Mat 10:40; Mrk 9:37; Luk 9:48; 10:16. Omwowokwa nyoman lö, chi anka tïkwïl nyo toköy chi kïtïkon nyo oyontonan, kïtokanïn tïkwïl akwanka tïkwïl nyo tokanïn, kïtoköy nyinte nyini kiyokwanïn.”
Kangor Yeso lö kïwïchtoy nyinte
(Mat 26:20-25; Mrk 14:17-21; Luk 22:21-23)
21Otini kiwany Yeso kïmwa ngalechoni, kïsïch nyarïl ompö mïkulöwunyi. Kïmwa kïlöpo lö, “Omwowokwa nyoman lö wïchtonanïn chi akong ompö akwa.”
22Kuros kegh kinetankachi akï wöngisyö akimenkïtcha lö eki ngo nyini kingölono nyinte. 23Kimpuröy kamasu Yeso kinetanenyi akong nyo kichömöy Yeso nyoman. 24Kïlenyona kughïtö morïn Simon Petro akïtep lö, “Tepune lö ngo nyini ngölono nyinte.”
25Kunayta kinetananoni kïrich Yeso lasiny akïtep lö, “Ngo nyinte nya Echotyon?”
26Kuyokyï Yeso lö, “Chichoni otöninan pïtöno makatyan nyo onönokonan tïwan, nyinte nyoni.” Kïlenyona kïcheng pïtöno makatyan akunönochö tïwan akutö Yudas, wero Simon Iskariote. 27Otini kicheng Yudas pïtönononi, kïlït Onyötö nyinte. Kïlenchï Yeso Yudas, “Igha lawel kini imököy ighe.” 28Kimöminye chi nyo le ompö akonga ompö pïchoni kitïpisot mesa kwomisïyi nko Yeso nyo kinkït lö ompö ne tökïmwochï Yeso nyinte lenyoni. 29Akwompöwölo ki Yudas nyo kiripöy mïleto ropïyen, kïlö kinetankachi walaka töptoy kömwochï Yeso nyinte kïwö kwal tïkwïn cho kakïmöcho omisyo Pasaka anta katep ana nyinte kutö kïgh pich cho le mey.
30Kïtak nyu Yudas pïtönonay pö makatyan akïwö sany lawel. Akökituwit atoni.
Kirurut nyo rel
31Otini kökikïwechï kegh Yudas, kïlö Yeso, “Kakitöror ye nyu Wero Chi aketöror Tororöt tïkwïl ompö nyinte. 32Kïkany kakengongunö töroryo Tororöt orito Werïnyi, kuporu nyu Tororöt töroryeto Werïnyi ompö orinyi kegh akwighöy lenyoni lawel. 33#Yna 7:34. Monechu cho mïnkech, melö tökïkogh ato omitan nko akwa. Oyöranïkwa wölo akïle wölanye kyomwochan kintöghoghi pipö Yaudi lö, ‘Mopetekwanye wölini owetan.’ 34#Yna 15:12; 15:17; 1Yn 3:23; 2Yn 1:5. Okonokwa kirurut nyo rel lö, achama kegh kïle wölini kyachamtakwa acham kegh akwane. 35Ato achamakwa kegh akwane, kunkïtu nyu pich tïkwïl lö ochikwa kinetankachan.”
Kangor Yeso lö tiyot Petro nyinte
(Mat 26:31-35; Mrk 14:27-31; Luk 22:31-34)
36Kïtep Simon Petro nyinte lö, “Iwetenyi onö nya, Echotyon?” Kuyokyï Yeso nyinte lö, “Memukenyinye rïpanïn otï le ye wölini owetan, wölo terïpkaninyi asistanka.”
37Kïtep Petro lö, “Echotyon, ompö ne tömomukan orïpinyi otï le ye? Omitan kïpsach amegh nko nyi!” 38Kïlenchï Yeso Petro, “Omwowunyi nyoman lö itiyonaninyi kïnyïl sömök kïtomö kïwach kïrpö kokoroch.”
Yeso kï or nyo wetöy wölo mi Papo
Currently Selected:
YOANA 13: PIPÏLIA
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
