Marko 11
11
1Lwa va duka himbi ne Yerusalemi, mu Bethfage na Betani, mu kigulu kya Mizeituni, ya tuma vaviri ku vegidzwi veve, 2na a va volera, Mu tsie mu lidala ku lwangereka: nonoho lwa mwingira, mu la nyola kimoli kyesukiri, kyomundu a kikiri kwikala ku; mu ki boholole, mu ki lete. 3Mundu na a mu volera, Kigira ki mu kola ndi? Mu vole, Mwami a kyenya; nonoho a la mu ha mu ki lete hano. 4Ku, va twula ni va nyola kimoli ki boheywi ha kiliangu ku inzira habulavu; ni va ki boholola. 5Na valala ava singira ho va va volera, Mu kola ki, ni mu boholola kimoli? 6Navo va va volera amakuva ga Yesu ya va volera: ma va va leka. 7Ni va leta kimoli ku Yesu, ni va vika ku tsingubo tsyavo; na yikala ku. 8Na vanyingi vaala tsingubo tsyavo ku inzira; navandi vaala tsisya tsya va kalaga mu milimi. 9Avimiri navenyima va hanzuka ni va vola, Hozana; a gasidzwe yadza ku lieta lyo Mwami: 10Bugasi bwami buudzanga, bwa Daudi guga wetu: Hozana igulu ku ligulu.
11Kandi yingira Yerusalemi no mu litempeli; lwa ya mala kuhenza ku vindu vyosi, isi ya li ni ya ka mwama, ya twula na a tsia Betani halala nava li likumi na vaviri. 12Na mugamba lwa ya twula Betani, ya li nenzala. 13Na a lola mkuyu gwa li hale gwa li namatu, ni yadza, mbula a la nyola ku kindu. Lwa ya duka si ya nyola ku kindu mba, navutswa amatu geng'ine; ki gira si ya li inyinga yamakuyu mba. 14Ya tivula na a gu volera, Mundu a ta lia kandi makuyu gogo mihiga gyosi. Na vegidzwi veve va ga hulira.
15Ku, va duka Yerusalemi: ni yingira mu litempeli, na a tanga kukunga ava li ni va gulannya nava li ni va gula mu litempeli, na a kunaminya tsim za tsya va li ni va kiranyira ku tsishilling, nevisako vya va gula makuulu; 16kandi yamba kannya mundu a ta ginga kiju na a vita mu litempeli. 17Ni yegidza, na a va volera, Si ga ng'odwa, Inyumba yange i la gulikwa inyumba yokusaala yetsihiri tsyosi? Navutswa mwinye mu gi kola i ve inyumba yavivi. 18Avasalisi vanene nava ng'odi va ga hulira, ni venya ku mwiita: kigira va mu tia, kigira avandu vosi va genya megidzo gege.
19Madiku gosi lwa isi ya mwama ya twula mu lidala.
20Na mugamba lwa va vita, va lola mukuyu gu niyaye, liniala lya twulira mu miri. 21Petro yidzu litsa na a mu volera, Mwegidzwi, henza, mukuyu gwa wa kyena gu niyaye. 22Na Yesu ya tivula na a va volera, Mu suuvire Nyasaye. 23Ligali mmu volera, Ku vosi u li volera kigulu yiki, Ive u gingwe u sikiswe mu inyanza; kandi u ta hayahayidza mu mwoyo gwigwe, navutswa a suuvira mu mwoyo amakuva gege ga la kolwa; uyu a la ga nyola. 24Yiki ni kigira mmu volera, Ku vindu vyosi vya mu saala nokuteva, mu suuvire mu vi nyola, mu la vi nyola. 25Lwa mu singera kusaala, ni mu ve nekindu kumundu, mu mu samehe; Dada wenyu u veye migulu a duke kumusameha ubwoni bwenyu.
26Navutswa mwinye ni mu ta sameha, Dada wenyu u veye migulu, si a la sameha mahyolo genyu. 27Virana ni va duka kandi Yerusalemi: kandi lwa ya li na a genda mu litempeli, vadza kuye avasalisi navang'odi navakulundu; 28ni va mu volera, Ive u kolanga vindu yivi ni tsingulu ki? Kinga ibwaha wa ku ha tsingulu kukola vindu yivi? 29Ku, Yesu ya va volera, Kandi inze nda mu teva liteva lilala, mu ntivulire, kandi nda mu volera tsingulu ki tsya nkolera vindu yivi 30Libatidza lya Yohana, lya twula migulu naho mu vandu? Mu ntivulire. 31Ku, va hangala avene navene, ni va vola, Ni ku vola, Lya twula migulu; a la vola, Kigira ki mwa sula kumusuuvira? 32Navutswa ni ku vola, Lya twula mu vanduva tia vandu: kigira vosi va vola Yohana nu muprofeti. 33Ku, va tivulira Yesu ni va vola, Si ku manya mba. Yesu ya va volera, Kandi inze si nda mu volera tsingulu ki tsya nkolera vindu yivi.
Currently Selected:
Marko 11: MBE
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 1967
Marko 11
11
1Lwa va duka himbi ne Yerusalemi, mu Bethfage na Betani, mu kigulu kya Mizeituni, ya tuma vaviri ku vegidzwi veve, 2na a va volera, Mu tsie mu lidala ku lwangereka: nonoho lwa mwingira, mu la nyola kimoli kyesukiri, kyomundu a kikiri kwikala ku; mu ki boholole, mu ki lete. 3Mundu na a mu volera, Kigira ki mu kola ndi? Mu vole, Mwami a kyenya; nonoho a la mu ha mu ki lete hano. 4Ku, va twula ni va nyola kimoli ki boheywi ha kiliangu ku inzira habulavu; ni va ki boholola. 5Na valala ava singira ho va va volera, Mu kola ki, ni mu boholola kimoli? 6Navo va va volera amakuva ga Yesu ya va volera: ma va va leka. 7Ni va leta kimoli ku Yesu, ni va vika ku tsingubo tsyavo; na yikala ku. 8Na vanyingi vaala tsingubo tsyavo ku inzira; navandi vaala tsisya tsya va kalaga mu milimi. 9Avimiri navenyima va hanzuka ni va vola, Hozana; a gasidzwe yadza ku lieta lyo Mwami: 10Bugasi bwami buudzanga, bwa Daudi guga wetu: Hozana igulu ku ligulu.
11Kandi yingira Yerusalemi no mu litempeli; lwa ya mala kuhenza ku vindu vyosi, isi ya li ni ya ka mwama, ya twula na a tsia Betani halala nava li likumi na vaviri. 12Na mugamba lwa ya twula Betani, ya li nenzala. 13Na a lola mkuyu gwa li hale gwa li namatu, ni yadza, mbula a la nyola ku kindu. Lwa ya duka si ya nyola ku kindu mba, navutswa amatu geng'ine; ki gira si ya li inyinga yamakuyu mba. 14Ya tivula na a gu volera, Mundu a ta lia kandi makuyu gogo mihiga gyosi. Na vegidzwi veve va ga hulira.
15Ku, va duka Yerusalemi: ni yingira mu litempeli, na a tanga kukunga ava li ni va gulannya nava li ni va gula mu litempeli, na a kunaminya tsim za tsya va li ni va kiranyira ku tsishilling, nevisako vya va gula makuulu; 16kandi yamba kannya mundu a ta ginga kiju na a vita mu litempeli. 17Ni yegidza, na a va volera, Si ga ng'odwa, Inyumba yange i la gulikwa inyumba yokusaala yetsihiri tsyosi? Navutswa mwinye mu gi kola i ve inyumba yavivi. 18Avasalisi vanene nava ng'odi va ga hulira, ni venya ku mwiita: kigira va mu tia, kigira avandu vosi va genya megidzo gege.
19Madiku gosi lwa isi ya mwama ya twula mu lidala.
20Na mugamba lwa va vita, va lola mukuyu gu niyaye, liniala lya twulira mu miri. 21Petro yidzu litsa na a mu volera, Mwegidzwi, henza, mukuyu gwa wa kyena gu niyaye. 22Na Yesu ya tivula na a va volera, Mu suuvire Nyasaye. 23Ligali mmu volera, Ku vosi u li volera kigulu yiki, Ive u gingwe u sikiswe mu inyanza; kandi u ta hayahayidza mu mwoyo gwigwe, navutswa a suuvira mu mwoyo amakuva gege ga la kolwa; uyu a la ga nyola. 24Yiki ni kigira mmu volera, Ku vindu vyosi vya mu saala nokuteva, mu suuvire mu vi nyola, mu la vi nyola. 25Lwa mu singera kusaala, ni mu ve nekindu kumundu, mu mu samehe; Dada wenyu u veye migulu a duke kumusameha ubwoni bwenyu.
26Navutswa mwinye ni mu ta sameha, Dada wenyu u veye migulu, si a la sameha mahyolo genyu. 27Virana ni va duka kandi Yerusalemi: kandi lwa ya li na a genda mu litempeli, vadza kuye avasalisi navang'odi navakulundu; 28ni va mu volera, Ive u kolanga vindu yivi ni tsingulu ki? Kinga ibwaha wa ku ha tsingulu kukola vindu yivi? 29Ku, Yesu ya va volera, Kandi inze nda mu teva liteva lilala, mu ntivulire, kandi nda mu volera tsingulu ki tsya nkolera vindu yivi 30Libatidza lya Yohana, lya twula migulu naho mu vandu? Mu ntivulire. 31Ku, va hangala avene navene, ni va vola, Ni ku vola, Lya twula migulu; a la vola, Kigira ki mwa sula kumusuuvira? 32Navutswa ni ku vola, Lya twula mu vanduva tia vandu: kigira vosi va vola Yohana nu muprofeti. 33Ku, va tivulira Yesu ni va vola, Si ku manya mba. Yesu ya va volera, Kandi inze si nda mu volera tsingulu ki tsya nkolera vindu yivi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 1967