VATUMWA 15
15
1Avandu valala vaza Andiokia kutura Ivuyuda nivatanga kwigiza avaamitu, nivavoora ndi: “Nimutakevwa kolondekana ni miima ji Lilaga lia Musa, simunyala kohonywa mba.” 2Paolo na Baranaba vaali na mahangali manene na vandu yavo kigira likuva yili. Lwa Paolo na Baranaba vaali nivamali kotevana navo, likalaga liavo liali ndi: Paolo na Baranaba harara na vandu vasuuvira valala kuvo vi Livugana lia Andiokia, vazie Jerusalemi kolola vatumwa na vakulundu ku likuva liene yili.
3Kunangwa likanisa liavasivula nivavatuma vazie ku logendo lwavo. Vaali nivavitira mu Foenisia nu mu Samaria, nivivalira vandu avasuuviraa kuli avizihiiri zindi viganira kuuza ku Nyasaye. Amakuva yaga gayaanziza avaamitu yavo vosi ligali. 4Lwa vaduuka Jerusalemi vingirizwa vulahi ni likanisa na avatumwa kandi navakulundu. Vavavolera kandi havulavu amakuva goosi agi ivindu via Nyasaye yaali naakori kuvitira muvo.
5Navuzwa avalala ku vandu avasuuviraa avaatura ku muganda gwa Vafarisayo, vasingira nivavoora, “Gaduukiraa avandu vi Zihiiri vakevwe; kandi gadukanaa vigizwi kugumira Lilaga lia Musa.”
6Avatumwa navakulundu vavugana harara kuganagana nokohenzeriza likuva yili. 7Lwa vamala kotevana amateeva manyingi, Petero yasingira navoora, “Avaamitu vange, munyi mumanyi vulahi ndi ku zing'inga ziavita, Nyasaye yandovola kutuia hagati hinyu, nzilwaze Ivangeri ku vandu Avizihiiri kunangwa vaduuki kuhulira nukusuuvira. 8Nyasaye umanya zing'anagani zie mioyo ja avandu, yalolekiza ndi, umali kuvavugilira mu lihaa Roho Mutakatifu vave kuli yaaha kunyi. 9Siyalomba liavukanyia liosi hagati hiitu navo mba. Yasamiha uvwoni vwavo kigira vasuuvira. 10Kunangwa kigira ki kalunu mwenya kogeriza Nyasaye ku lidwika vandu avasuuviraa yava umusigo ku migongo, kali ugwa vaguuga viitu, anoho kunyi vene sikunyala kuginga kali hakuzu? 11Gatava ndio! Kunyi kusuuvira kandi kuhonywaa ku zimbavasi ziu Mwami Yeso, kuli yava navo kandi vasuuvira.”
12Kiduma choosi chakiring'ana; nivahuliriza Baranaba na Paolo nivivalanga vilolekizu ni viokogenyia via Nyasaye yakola kuvitira muvo na amakono gaavo mu avandu vi Zihiiri. 13Lwa vaali nivakamara komoloma, Yakobo yaatanga kovora: “Avaamitu vange, mbulirizi! 14Simoni umali kwivaala kuli Nyasaye yaatanga kuyaanzilira kuluuta avandu vi Zihiiri, natovora avalala kuvo vaduuki kuva avandu veve. 15Likuva yili liileng'ani na makuva ga avaporofeti, kuli Amang'oda Matakatifu gavoora:
16Mwami ‘Inyima wi vindu yivi inze ndirana,
avoora, na ndumbaka vuhia inyumba ya
Daudi iyaali niyagwa, kandi ndumbaka ichanyi chayo
ndagisingiriza vuhia kandi.
17Hene yaho avandu vandi vosi,
kandi avandu vi zihiiri vosi
ava ndalanga vave avandu avange, valaza ku inzi.
18Nindio Mwami, uwakola vindu yivi
vimanyikane kutura kale, avoora ndio.’
19“Kulwayago, likalaga liange ni yili, kutanyangiza Avizihiiri avagirung'ana kuuza ku Nyasaye. 20Navuzwa kuvang'odere ibarwa kuvavoolera ndi vatalia viukulia vikoleywi vidamanu ku lihaanwa ku misambwa ja vanyasaye mba; valeke ovoheyi; vatalia inyama yoosi imigiywi, kandi vatanwa amasahi. 21Kutura kale, malago ga Musa gilwazwa mu madaala goosi, nigasomwa mu masinagogi goosi madiku gi Lisabato goosi.”
Ibarwa ku vandu Avizihiiri vasuuvira
22Maku, Avatumwa, avakulundu, harara ni likanisa liosi, vayanzizwa kotovola avandu valala kuvo nukuvatuma kuzia Andiokia, harara na Paolo na Baranaba. Vamanya vatovole Yuda, uwalangwa kandi Barisaba, na Sila; vosi vaali avandu vamanyikana ligali hagati ha avaamitu. 23Vaavaha ibarwa yang'odwa kuli ndi:
“Kunyi, avatumwa navakulundu, avaamitu vinyu. Kuchelizaa munyi avaamitu vi Zihiiri zindi avamuveeye mu Andiokia, Siria na Kilikia. 24Kunyi kuhuliyi ndi avandu vandi kutura mu muganda gwitu vamunyangiza na makuva gaavo, nivamuhendiza mioyo jinyu. Navuzwa vakora ndio vugira munwa kutura ku kunyi. 25Kunangwa kunyi kwosi kumali kukalaga nu mwoyo mulala, kotovola avandu valala nu kuvatuma ku munyi harara na avayaanze viitu Baranaba na Paolo. 26Avandu yava vihaana kogotiza livamwoyo liavo kuvitira mu vudinyu vwosi kigira lieta liu Mwami wiitu Yeso Kristo. 27Ku lwa yago, kutumaa yaho Yuda na Sila ku munyi; yava valamuvoolera aveene vindu vilala viele via kumali kung'oda. 28Galoleki amalahi ku Roho Mutakatifu kandi ku kunyi kutamudwika musigo guvitaa vindu vinene yivi mba: 29Mutalia viukulia vihaaniywi ku misambwa mba; mutanwa amasahi mba; mutalia inyama yu mutugu gumigiywi mba; na mwiyahuli ku voheyi. Mulava nimukoli vulahi niiva mulaleka kokora vindu yivi. Nyasaye amugasizi.”
30Maku lwa vamala kusiivulwa, avatumwa yavo vazia Andiokia nivalanga livugana lia vandu vasuuvira vosi, nivavaha ibarwa. 31Lwa vasoma ibarwa yeyo, amakuva gayo gavaleminya mioyo, nivayaanza ligali. 32Yuda na Sila, avaari avaporofeti vamoloma na avaamitu yavo ku ing'inga indambi nivavaleminya mioyo nu kuvadinyiriza. 33Lwa vamala komenya yo ing'inga iduuki, avaamitu va Andiokia vavasiivula ni mirembe, nivirana ku vatumwa. [ 34Navuzwa Sila yatovola komenya yo]
35Paolo na Baranaba vamenya mu Andiokia ku ing'inga nivigiza nu kwilwaza likuva liu Mwami, harara na vandu vandi vanyingi.
Paolo na Baranaba vaavukana
36Inyima wa madiku gaduuki, Paolo yavolera Baranaba, “Kalunu kwirane kuzia kolola avaamitu mu madaala goosi ga kwilwaza mu likuva liu Mwami, kolole kuli vazizagilira.” 37Baranaba yenya vazie na Yohana walangwa Mariko. 38Navuzwa Paolo siyayaanza vazie na Mariko owaali navaleki kuzia Pamufilia, nasuura kusanga mu miyinzi jaavo. 39Maku vaali na mahangali manene hagati haavo, kuduuka nivavukana. Baranaba yavugula Mariko, nivaniina mu liato nivazia Saipurasi. 40Navuzwa Paolo yatovola Sila. Lwa avaamitu va ahene yaho vamala kumuviika mu vulindi vwi zimbavasi ziu Mwami, vatanga logendo. 41Vavitira Siria na Kilikia nivadinyirizaa amakanisa.
Timateo yazia na Paolo na Sila
Currently Selected:
VATUMWA 15: LOGOOLI
Highlight
Share
Copy

Want to have your highlights saved across all your devices? Sign up or sign in
©Bible Society of Kenya, 2019
VATUMWA 15
15
1Avandu valala vaza Andiokia kutura Ivuyuda nivatanga kwigiza avaamitu, nivavoora ndi: “Nimutakevwa kolondekana ni miima ji Lilaga lia Musa, simunyala kohonywa mba.” 2Paolo na Baranaba vaali na mahangali manene na vandu yavo kigira likuva yili. Lwa Paolo na Baranaba vaali nivamali kotevana navo, likalaga liavo liali ndi: Paolo na Baranaba harara na vandu vasuuvira valala kuvo vi Livugana lia Andiokia, vazie Jerusalemi kolola vatumwa na vakulundu ku likuva liene yili.
3Kunangwa likanisa liavasivula nivavatuma vazie ku logendo lwavo. Vaali nivavitira mu Foenisia nu mu Samaria, nivivalira vandu avasuuviraa kuli avizihiiri zindi viganira kuuza ku Nyasaye. Amakuva yaga gayaanziza avaamitu yavo vosi ligali. 4Lwa vaduuka Jerusalemi vingirizwa vulahi ni likanisa na avatumwa kandi navakulundu. Vavavolera kandi havulavu amakuva goosi agi ivindu via Nyasaye yaali naakori kuvitira muvo.
5Navuzwa avalala ku vandu avasuuviraa avaatura ku muganda gwa Vafarisayo, vasingira nivavoora, “Gaduukiraa avandu vi Zihiiri vakevwe; kandi gadukanaa vigizwi kugumira Lilaga lia Musa.”
6Avatumwa navakulundu vavugana harara kuganagana nokohenzeriza likuva yili. 7Lwa vamala kotevana amateeva manyingi, Petero yasingira navoora, “Avaamitu vange, munyi mumanyi vulahi ndi ku zing'inga ziavita, Nyasaye yandovola kutuia hagati hinyu, nzilwaze Ivangeri ku vandu Avizihiiri kunangwa vaduuki kuhulira nukusuuvira. 8Nyasaye umanya zing'anagani zie mioyo ja avandu, yalolekiza ndi, umali kuvavugilira mu lihaa Roho Mutakatifu vave kuli yaaha kunyi. 9Siyalomba liavukanyia liosi hagati hiitu navo mba. Yasamiha uvwoni vwavo kigira vasuuvira. 10Kunangwa kigira ki kalunu mwenya kogeriza Nyasaye ku lidwika vandu avasuuviraa yava umusigo ku migongo, kali ugwa vaguuga viitu, anoho kunyi vene sikunyala kuginga kali hakuzu? 11Gatava ndio! Kunyi kusuuvira kandi kuhonywaa ku zimbavasi ziu Mwami Yeso, kuli yava navo kandi vasuuvira.”
12Kiduma choosi chakiring'ana; nivahuliriza Baranaba na Paolo nivivalanga vilolekizu ni viokogenyia via Nyasaye yakola kuvitira muvo na amakono gaavo mu avandu vi Zihiiri. 13Lwa vaali nivakamara komoloma, Yakobo yaatanga kovora: “Avaamitu vange, mbulirizi! 14Simoni umali kwivaala kuli Nyasaye yaatanga kuyaanzilira kuluuta avandu vi Zihiiri, natovora avalala kuvo vaduuki kuva avandu veve. 15Likuva yili liileng'ani na makuva ga avaporofeti, kuli Amang'oda Matakatifu gavoora:
16Mwami ‘Inyima wi vindu yivi inze ndirana,
avoora, na ndumbaka vuhia inyumba ya
Daudi iyaali niyagwa, kandi ndumbaka ichanyi chayo
ndagisingiriza vuhia kandi.
17Hene yaho avandu vandi vosi,
kandi avandu vi zihiiri vosi
ava ndalanga vave avandu avange, valaza ku inzi.
18Nindio Mwami, uwakola vindu yivi
vimanyikane kutura kale, avoora ndio.’
19“Kulwayago, likalaga liange ni yili, kutanyangiza Avizihiiri avagirung'ana kuuza ku Nyasaye. 20Navuzwa kuvang'odere ibarwa kuvavoolera ndi vatalia viukulia vikoleywi vidamanu ku lihaanwa ku misambwa ja vanyasaye mba; valeke ovoheyi; vatalia inyama yoosi imigiywi, kandi vatanwa amasahi. 21Kutura kale, malago ga Musa gilwazwa mu madaala goosi, nigasomwa mu masinagogi goosi madiku gi Lisabato goosi.”
Ibarwa ku vandu Avizihiiri vasuuvira
22Maku, Avatumwa, avakulundu, harara ni likanisa liosi, vayanzizwa kotovola avandu valala kuvo nukuvatuma kuzia Andiokia, harara na Paolo na Baranaba. Vamanya vatovole Yuda, uwalangwa kandi Barisaba, na Sila; vosi vaali avandu vamanyikana ligali hagati ha avaamitu. 23Vaavaha ibarwa yang'odwa kuli ndi:
“Kunyi, avatumwa navakulundu, avaamitu vinyu. Kuchelizaa munyi avaamitu vi Zihiiri zindi avamuveeye mu Andiokia, Siria na Kilikia. 24Kunyi kuhuliyi ndi avandu vandi kutura mu muganda gwitu vamunyangiza na makuva gaavo, nivamuhendiza mioyo jinyu. Navuzwa vakora ndio vugira munwa kutura ku kunyi. 25Kunangwa kunyi kwosi kumali kukalaga nu mwoyo mulala, kotovola avandu valala nu kuvatuma ku munyi harara na avayaanze viitu Baranaba na Paolo. 26Avandu yava vihaana kogotiza livamwoyo liavo kuvitira mu vudinyu vwosi kigira lieta liu Mwami wiitu Yeso Kristo. 27Ku lwa yago, kutumaa yaho Yuda na Sila ku munyi; yava valamuvoolera aveene vindu vilala viele via kumali kung'oda. 28Galoleki amalahi ku Roho Mutakatifu kandi ku kunyi kutamudwika musigo guvitaa vindu vinene yivi mba: 29Mutalia viukulia vihaaniywi ku misambwa mba; mutanwa amasahi mba; mutalia inyama yu mutugu gumigiywi mba; na mwiyahuli ku voheyi. Mulava nimukoli vulahi niiva mulaleka kokora vindu yivi. Nyasaye amugasizi.”
30Maku lwa vamala kusiivulwa, avatumwa yavo vazia Andiokia nivalanga livugana lia vandu vasuuvira vosi, nivavaha ibarwa. 31Lwa vasoma ibarwa yeyo, amakuva gayo gavaleminya mioyo, nivayaanza ligali. 32Yuda na Sila, avaari avaporofeti vamoloma na avaamitu yavo ku ing'inga indambi nivavaleminya mioyo nu kuvadinyiriza. 33Lwa vamala komenya yo ing'inga iduuki, avaamitu va Andiokia vavasiivula ni mirembe, nivirana ku vatumwa. [ 34Navuzwa Sila yatovola komenya yo]
35Paolo na Baranaba vamenya mu Andiokia ku ing'inga nivigiza nu kwilwaza likuva liu Mwami, harara na vandu vandi vanyingi.
Paolo na Baranaba vaavukana
36Inyima wa madiku gaduuki, Paolo yavolera Baranaba, “Kalunu kwirane kuzia kolola avaamitu mu madaala goosi ga kwilwaza mu likuva liu Mwami, kolole kuli vazizagilira.” 37Baranaba yenya vazie na Yohana walangwa Mariko. 38Navuzwa Paolo siyayaanza vazie na Mariko owaali navaleki kuzia Pamufilia, nasuura kusanga mu miyinzi jaavo. 39Maku vaali na mahangali manene hagati haavo, kuduuka nivavukana. Baranaba yavugula Mariko, nivaniina mu liato nivazia Saipurasi. 40Navuzwa Paolo yatovola Sila. Lwa avaamitu va ahene yaho vamala kumuviika mu vulindi vwi zimbavasi ziu Mwami, vatanga logendo. 41Vavitira Siria na Kilikia nivadinyirizaa amakanisa.
Timateo yazia na Paolo na Sila
Currently Selected:
:
Highlight
Share
Copy

Want to have your highlights saved across all your devices? Sign up or sign in
©Bible Society of Kenya, 2019