VATUMWA 16
16
1Kandi Paolo yaduuka ha Deribe na Lusitura. Yaali yo mwigizwi uwalangwa Timateo. Mama weve yaali Muyuda Mukristayo navuzwa baba weve yaali Muguriki. 2Timateo yaali ni lizominywa lilahi hagati ha avaamitu va Lusitura na Ikoniamu. 3Paolo yenya Timateo azie harara naye mu logendo, na kigira yaga yamukeva. Yakola ndio kigira Avayuda vosi avamenya hazana yaho vamanya ndi baba wa Timateo yaali Muguriki. 4Lwa yaali niyavitaa mu madaala yago, vahaana ku vandu avasuuviri malago avatumwa na vakulundu vaali mu Jerusalemi vahaana nivavavoolera vagagumiri. 5Kunangwa makanisa gameeda kuva zinguru mu lisuuvira, ni livaliza lia vandu vasuuvira liameeda madiku goosi.
Paolo yalora amalola mu Turoasi
6Vavitira muvivala via Furija na Galatia, kigira Roho Mutakatifu siyavavugilira vilwaze likuva yilio mu kivala cha Asia mba. 7Lwa vaduuka ku lwako lwa Misia, vageriza kwingira mu kivala cha Bizinia, navuzwa Roho wa Yeso siyavavugilira mba. 8Lwa vavitira Misia, vazia vulungi nivaduuka Turoasi. 9Uvudiku yivwo Paolo yalora malola ndi aloli mundu mulala watura Makedonia usingiyi yo na amugoonya, “Yambuka, uzi Makedonia okokonye.” 10Nonoho lwa Paolo yaali niyakalola malola yago, kwetegeka kuzia Makedonia vugira kulindagira, kigira kwamanya ligali ndi Nyasaye yaali kulindagira, kigira kwamanya ligali ndi Nyasaye yaali nakulangi kuzia kwilwaze Ivangeri kuvandu va Makedonia.
Lieganira lia Lidia ha Filipi
11Kutura Turoasi kwanina mu liato, nikuzia kuduuka Samoturake, na mugamba gwalonda ku kwazia Neapolisi. 12Kutura uwene yeyo kwazia ni kuduuka ha Filipi, lidaala linene lio losoma lwu kutanga lwa Makedonia, kandi liveeye lidaala liamifwa na Varumi. Kwamenya mu lidaala yilio madiku manyingi. 13Ku lidiku lie Lisabato kwatula ichova wi lidaala, nikuzia ku lujinga lwu mugera, ha kwaganagana ni havundu hu kusaala. Kwikala nikomoloma na avakali avavugana ho. 14Mulala ku yavo avakuhulira yaali Lidia, kutura mu lidaala lia Ziatira, yaali mukoli wi viasara vie zinguvu zie rangi ya muzambarao. Yaali mukali uwaasigamiraa Nyasaye. Mwami yakunura mwoyo gwigwe kuhulira icha Paolo yavoola. 15Inyima wu mukali oyo harara navinyumba yeye vaali nivakabatizwa, yakwingiriza navoora, “Hambi mumenye munyumba yange niiva mumali kolola ndi mbeeye musuuviri wiligali mu Mwami. Yakogoonya kuzie naye.”
Paolo na Sila muvuhambe ha Filipi
16Lidiku lilala, lwa kwaali nikuzizaa havundu hu kusaala, mukaana mulala uwaali ni lidemoni liu kulagula, yagana ni kunyi. Mukaana oyo yaleeteranga avatugi veve mabese manyingi ku vulaguli vwivwe. 17Kunangwa, mukaana oyo yalonda Paolo ni kunyi, nahanzuka, na avoora, “Avandu yava vaveeye avatumwa va Nyasaye Oveeye Yigulu Ligali. Vamwilwazira kuli munyala kohona.” 18Yamenya na akolaa ndio amadiku manyingi, kuduuka lidiku lilala Paolo yavihilirwa nagirung'ana navolera lidemoni yilio, “Ngulaga ku lieta lia Yeso Kristo, tula muye!” Lidemoni yilio liatura ing'inga yeyo.
19Lwa Avatugi vu mukaana oyo valora ndi lisuuvira liavo lio konyoora vindu via mbeti ligoti, vagumira Paolo na Sila, nivavakulula kuvahila mu chiitu, imbiri wa avanene. 20Vavayaala ku vakalagi, nivavoora, “Avandu yava ni Vayuda, na vakogoyanyiraa lidaala lietu. 21Vigiza miima jitaveeye ja kunyi avandu va Rumi kutavugilirangwa kujikola anoho kujilonda.” 22Kiduma chahambana harara mu lingilira Paolo na Sila. Avakalagi yavo vatandulira Paolo na Sila zinguvu ziavo, nivahaana malago vakuywi ni zimbimbu. 23Lwa vamala kukuywa nu kukindukizwa ligali, vaviikwa muvuhambe. Mulindi wu muvuhambe yahevwa malago avalindi vudinyu. 24Kolondekana ku malago yago, musikari oyo yavavika munyumba yu mugati ligali, kandi yavoha virenge viavo ku zitiru.
25Ahimbi vudiku hagati, Paolo na Sila vaali nivasaara nivimba zinyimbu ziu kwizominya Nyasaye, na avahambe vandi nivavahuliriza. 26Nonoho haali ni lidegera linene lie lirova, nilidengeyiza misingi ju vuhambe, viliango viosi vigulika, ni minyororo jaavoholoka nijitonya kutura ku vahambe 27Lwa Musikari wu vuhambe yavuka mu zindoolo, yalora viliango viu muvuhambe nivialami. Yaganagana ndi avahambe viiruki. Kunangwa yasomola kivavi chiche niyenyaa kwiyita. 28Navuzwa Paolo yahanzuka nu mwoyo munene na avoora, “Uteekola kindu kidamanu mba. Kunyi kwosi koveeye hano.”
29Lwa yamala kulanga mundu aleete itaya, musikari oyo yingira mu vwangu, naagwa hasi, nasigama ha virenge via Paolo na Sila, na adegera nu vuti vonene. 30Ma yavaleeta ichova, navateeva, “Avami, ngola ki, nduuki kohonywa?”
31Navo vaamutivulira, “Usuuviri Mwami Yeso, na ivi ulahonywa harara navinyumba yooyo vosi.” 32Maku, vaamwilwazira likuva liu Mwami harara na avinyumba yeeye vosi. 33Musikari oyo yavavugula ing'inga zana yu vudiku, naavogiza zingwagu ziavo; inyima vabatizwa ahene nahene yaho, oyo harara na avinyumba yeeye. 34Ma, yavugula Paolo na Sila navahira munyumba yeeye, navaha viukulia. Oyo harara na avinyumba yeeye vasangala ligali, kigira vaali nivamali kusuuvira Nyasaye.
35Lwa vwacha mugamba, avakalagi vatuma avasikari vaavo, nivavavoolera, “Vohololi avandu yavo vazie.”
36Musikari wu muvuhambe yavolera Paolo amakuva yago, “Avakalagi vatumi lilaga kovora ndi muvohololwi. Kalunu tuli, muzie ni mirembe.”
37Navuzwa Paolo yavoola, “Vamali kukukuya imbiri wa avandu kandi vakuviiki muvuhambe nikukikiri kuyaalizwa na kunyi na vandu va Rumi. Ku kalunu vakukunga mbuvisi! Si ganyalika mba! Kuduuka vaze aveene vakovoholole.”
38Avasikari yavo viranyia amakuva yaga ku avanene vaavo, navo lwa vahulira ndi Paolo na Sila vaveeye Avarumi, vaatia ligali. 39Kunangwa, vazia kuvateeva zimbavasi, na lwa vamala kuvatuliza, vavagoonya vatuli mu lidaala yilio vazie. 40Paolo na Sila vaatura mu nivazia munyumba ya Lidia. Valolana yo na avasuuviri vache vaavo; na lwa vamala kuvaleminya mioyo, vaatura nivazia.
Kivihiri mu Tesalonike kutura ku Lilwaza lia Paolo
Currently Selected:
VATUMWA 16: LOGOOLI
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
VATUMWA 16
16
1Kandi Paolo yaduuka ha Deribe na Lusitura. Yaali yo mwigizwi uwalangwa Timateo. Mama weve yaali Muyuda Mukristayo navuzwa baba weve yaali Muguriki. 2Timateo yaali ni lizominywa lilahi hagati ha avaamitu va Lusitura na Ikoniamu. 3Paolo yenya Timateo azie harara naye mu logendo, na kigira yaga yamukeva. Yakola ndio kigira Avayuda vosi avamenya hazana yaho vamanya ndi baba wa Timateo yaali Muguriki. 4Lwa yaali niyavitaa mu madaala yago, vahaana ku vandu avasuuviri malago avatumwa na vakulundu vaali mu Jerusalemi vahaana nivavavoolera vagagumiri. 5Kunangwa makanisa gameeda kuva zinguru mu lisuuvira, ni livaliza lia vandu vasuuvira liameeda madiku goosi.
Paolo yalora amalola mu Turoasi
6Vavitira muvivala via Furija na Galatia, kigira Roho Mutakatifu siyavavugilira vilwaze likuva yilio mu kivala cha Asia mba. 7Lwa vaduuka ku lwako lwa Misia, vageriza kwingira mu kivala cha Bizinia, navuzwa Roho wa Yeso siyavavugilira mba. 8Lwa vavitira Misia, vazia vulungi nivaduuka Turoasi. 9Uvudiku yivwo Paolo yalora malola ndi aloli mundu mulala watura Makedonia usingiyi yo na amugoonya, “Yambuka, uzi Makedonia okokonye.” 10Nonoho lwa Paolo yaali niyakalola malola yago, kwetegeka kuzia Makedonia vugira kulindagira, kigira kwamanya ligali ndi Nyasaye yaali kulindagira, kigira kwamanya ligali ndi Nyasaye yaali nakulangi kuzia kwilwaze Ivangeri kuvandu va Makedonia.
Lieganira lia Lidia ha Filipi
11Kutura Turoasi kwanina mu liato, nikuzia kuduuka Samoturake, na mugamba gwalonda ku kwazia Neapolisi. 12Kutura uwene yeyo kwazia ni kuduuka ha Filipi, lidaala linene lio losoma lwu kutanga lwa Makedonia, kandi liveeye lidaala liamifwa na Varumi. Kwamenya mu lidaala yilio madiku manyingi. 13Ku lidiku lie Lisabato kwatula ichova wi lidaala, nikuzia ku lujinga lwu mugera, ha kwaganagana ni havundu hu kusaala. Kwikala nikomoloma na avakali avavugana ho. 14Mulala ku yavo avakuhulira yaali Lidia, kutura mu lidaala lia Ziatira, yaali mukoli wi viasara vie zinguvu zie rangi ya muzambarao. Yaali mukali uwaasigamiraa Nyasaye. Mwami yakunura mwoyo gwigwe kuhulira icha Paolo yavoola. 15Inyima wu mukali oyo harara navinyumba yeye vaali nivakabatizwa, yakwingiriza navoora, “Hambi mumenye munyumba yange niiva mumali kolola ndi mbeeye musuuviri wiligali mu Mwami. Yakogoonya kuzie naye.”
Paolo na Sila muvuhambe ha Filipi
16Lidiku lilala, lwa kwaali nikuzizaa havundu hu kusaala, mukaana mulala uwaali ni lidemoni liu kulagula, yagana ni kunyi. Mukaana oyo yaleeteranga avatugi veve mabese manyingi ku vulaguli vwivwe. 17Kunangwa, mukaana oyo yalonda Paolo ni kunyi, nahanzuka, na avoora, “Avandu yava vaveeye avatumwa va Nyasaye Oveeye Yigulu Ligali. Vamwilwazira kuli munyala kohona.” 18Yamenya na akolaa ndio amadiku manyingi, kuduuka lidiku lilala Paolo yavihilirwa nagirung'ana navolera lidemoni yilio, “Ngulaga ku lieta lia Yeso Kristo, tula muye!” Lidemoni yilio liatura ing'inga yeyo.
19Lwa Avatugi vu mukaana oyo valora ndi lisuuvira liavo lio konyoora vindu via mbeti ligoti, vagumira Paolo na Sila, nivavakulula kuvahila mu chiitu, imbiri wa avanene. 20Vavayaala ku vakalagi, nivavoora, “Avandu yava ni Vayuda, na vakogoyanyiraa lidaala lietu. 21Vigiza miima jitaveeye ja kunyi avandu va Rumi kutavugilirangwa kujikola anoho kujilonda.” 22Kiduma chahambana harara mu lingilira Paolo na Sila. Avakalagi yavo vatandulira Paolo na Sila zinguvu ziavo, nivahaana malago vakuywi ni zimbimbu. 23Lwa vamala kukuywa nu kukindukizwa ligali, vaviikwa muvuhambe. Mulindi wu muvuhambe yahevwa malago avalindi vudinyu. 24Kolondekana ku malago yago, musikari oyo yavavika munyumba yu mugati ligali, kandi yavoha virenge viavo ku zitiru.
25Ahimbi vudiku hagati, Paolo na Sila vaali nivasaara nivimba zinyimbu ziu kwizominya Nyasaye, na avahambe vandi nivavahuliriza. 26Nonoho haali ni lidegera linene lie lirova, nilidengeyiza misingi ju vuhambe, viliango viosi vigulika, ni minyororo jaavoholoka nijitonya kutura ku vahambe 27Lwa Musikari wu vuhambe yavuka mu zindoolo, yalora viliango viu muvuhambe nivialami. Yaganagana ndi avahambe viiruki. Kunangwa yasomola kivavi chiche niyenyaa kwiyita. 28Navuzwa Paolo yahanzuka nu mwoyo munene na avoora, “Uteekola kindu kidamanu mba. Kunyi kwosi koveeye hano.”
29Lwa yamala kulanga mundu aleete itaya, musikari oyo yingira mu vwangu, naagwa hasi, nasigama ha virenge via Paolo na Sila, na adegera nu vuti vonene. 30Ma yavaleeta ichova, navateeva, “Avami, ngola ki, nduuki kohonywa?”
31Navo vaamutivulira, “Usuuviri Mwami Yeso, na ivi ulahonywa harara navinyumba yooyo vosi.” 32Maku, vaamwilwazira likuva liu Mwami harara na avinyumba yeeye vosi. 33Musikari oyo yavavugula ing'inga zana yu vudiku, naavogiza zingwagu ziavo; inyima vabatizwa ahene nahene yaho, oyo harara na avinyumba yeeye. 34Ma, yavugula Paolo na Sila navahira munyumba yeeye, navaha viukulia. Oyo harara na avinyumba yeeye vasangala ligali, kigira vaali nivamali kusuuvira Nyasaye.
35Lwa vwacha mugamba, avakalagi vatuma avasikari vaavo, nivavavoolera, “Vohololi avandu yavo vazie.”
36Musikari wu muvuhambe yavolera Paolo amakuva yago, “Avakalagi vatumi lilaga kovora ndi muvohololwi. Kalunu tuli, muzie ni mirembe.”
37Navuzwa Paolo yavoola, “Vamali kukukuya imbiri wa avandu kandi vakuviiki muvuhambe nikukikiri kuyaalizwa na kunyi na vandu va Rumi. Ku kalunu vakukunga mbuvisi! Si ganyalika mba! Kuduuka vaze aveene vakovoholole.”
38Avasikari yavo viranyia amakuva yaga ku avanene vaavo, navo lwa vahulira ndi Paolo na Sila vaveeye Avarumi, vaatia ligali. 39Kunangwa, vazia kuvateeva zimbavasi, na lwa vamala kuvatuliza, vavagoonya vatuli mu lidaala yilio vazie. 40Paolo na Sila vaatura mu nivazia munyumba ya Lidia. Valolana yo na avasuuviri vache vaavo; na lwa vamala kuvaleminya mioyo, vaatura nivazia.
Kivihiri mu Tesalonike kutura ku Lilwaza lia Paolo
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019