LIVALIZA 12
12
Miriamu Yahevwa Mageri
1Miriamu na Haruni vatanga komonya Musa kigira yaali naleti mukali Mukushi#12:1 Mukushi: Mukali utaveeye Muheburaina. 2Vateva, “Ligali Yahova umali komoloma kuvitira ku Musa yeng'ine? Siamali komoloma kuvitira ku kunyi kandi?” Yahova yahulira limoloma liavo. 3Musa yaali mundu muhooma ligali kuvita vandu vandi vosi mu lirova.
4Nonoho Yahova yavolera Musa, Haruni na Miriamu, “Nyenya munyi vavaga muturi mu Lihema liange liu kuvuganiramu.” Navo vatura ichova. 5Maku Yahova yaloleka kuvo mu lifwana liu munara gwi lilesi, ma nasingira ha vwingiliru vwi Lihema. Yalanga, “Haruni! Miriamu!” Vombi vazia imbiri wa Yahova. 6Maku Yahova yavoola, “Muhuliri kalunu makuva gange! Lwu muporofeti aveeye hagati hinyu, inzi Yahova ndolekaa kuye mu malola, kandi moloma kuye mu maloto. 7Gaveeye lugano lwa inzi molomaa nu mutumikiri wange Musa. Inzi mali kumutovola ave mwimiliri wa vandu vange Visiraeli vosi. 8Kunangwa inzi molomaa naye moni na moni, kandi vulahi ligali, na sigaveeye mu zing'ano mba; kali amali kolola liiva liange! Gaveeye ki munyi komonya mutumikiri wange Musa?”
9Yahova yaali nu vutima na Miriamu harara na Haruni; kunangwa yatura kuvo. 10Lwi lilesi liatura ku Lihema, nonoho muviri gwa Miriamu gwaali nu vulwaye vwo vogere, kandi gwagilung'ana ni gugwa mulavu kuli likonza. Lwa Haruni yahenza nalora Miriamu aveeye novogere, 11yavolera Musa, “Mwami wange, nuyanza utahaana mageri kukunyi kigira kokoli uvusiru kandi uvwoni mba. 12Utaleka Miriamu ave kuli mwana wivuliiywi nakuzi, wulovega lulala lwu muviri gwigwe lumali kulivwa mba.”
13Kunangwa Musa yanira ku Yahova, “O, Nyasaye, yaanza ohonyie Miriamu!”
14Yahova yativulira Musa, “Baba weve alava niyamutuzira mate mu moni mwimwe, yaali yakaveeye mu zisoni ku madiku 7. Kunangwa Miriamu yahilwa ichova wa havundu hu kwivungikiza ku madiku 7. Inyima wa madiku yaga, anyala kwirana.” 15Kunangwa Miriamu yaali ichova wa havundu hokososa ku madiku 7. Lwene yilu, avandu va Isiraeli si vazizagilira nologendo lwavo mba, kuduuka lwa Miriamu yiranywa. 16Maku avandu vataanga logendo kutura Hazerozi ma nivalomba havundu hokososa mu changalangwi cha Parani.
Currently Selected:
LIVALIZA 12: LOGOOLI
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019