LIVALIZA 17
17
Imbimbu ya Haruni
1Yahova ya volera Musa, 2“Uvoolere avandu va Isiraeli vakohe zimbimbu 12, imbimbu indala kutura ku vuli mwimiliri wihiiri. Ong'ode lieta lia vuli mundu ku imbimbu yeeye 3maku ong'ode lieta lia Haruni ku imbimbu isingiraa muvogono vwihiiri ya Levi. Ilavaho imbimbu ndala kuvuli mwimiliri wihiiri. 4Muzihiiri mu Lihema liukuvuganiramu liange, mamuziviki imbiri wi lisandugu lia malago, ha nanzagane nimunyi. 5Maku imbimbu yu mundu wa inzi mali kotovola ilamela. Munzira yiyi nda heliza lililira lia kazozo lia vandu va Isiraeli kigira Ive.”
6Kunangwa Musa yamoloma ku vandu va Isiraeli, kandi vuli umwimiliri yamuha imbimbu kutura kuvuli ihiiri, ziosi ziali zimbimbu 12, kandi imbimbu ya Haruni yavikwa harara nazio. 7Maku Musa yavika zimbimbu ziosi mu Lihema imbiri wi Lisandugu lia Malago ga Yahova.
8Maku lidiku lia londaku lwa Musa yazia mu lihema, yalora imbimbu ya Haruni eveeye muvogono vwi ihiiri ya vandu va Levi yaali ne meri. Imbimbu yiyi yaali niyaavaye, nitulizi kimuli kandi niyaami amakuyu mengu! 9Musa yavugula zimbimbu ziosi namanyia vandu va Isiraeli. Valora chaali kimali kwekoleka, na vuli mwimiliri yavugula imbimbu yeeye. 10Yahova yavolera Musa, “Wilanyie imbimbu ya Haruni imbiri wi Lisandugu lia Malago. Lilava kuli lieganihiza ku avibaali va Isiraeli ndi valakuza niiva sivalaleka lielilira liavo.” 11Musa yakola kuli Yahova yamulaga.
12Avandu va isiraeli vavoolera Musa, “Kunangwa yiki nicho keheri chiitu! 13Niiva sa mulala wisunda himbi ku lihema alakuza, maku vosi kuveeye kuli avakuzu.”
Currently Selected:
LIVALIZA 17: LOGOOLI
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019