Mt 4

Kudringiwa ka Yesu

(Mrk 1:12-13; Lk 4:1-13)

1A Moya wuyisi Yesu ahuleni, akuva Diyavulosi amudringa. 2Avi kone hi mune wa makume (40) ya masiku ni vusiku bya mune wa makume (40) na angadi ntxhumu, ntrhaku atwa ndlala. 3A mudringi atrhindrekela ku Yene aku: Loko uli N'wana wa Xikwembu Nkulukumba, hlaya leswaku a maribye lawa amandruluki makati. 4#Lavisa Mrk 8:3. Kambe Yene ayangula aku: Kutraliwi leswaku: A mhunu angahanyi ntsena hi kati, kambe na kone hiritu hinkwadru ledri dripfaka anon'wini wa Xikwembu Nkulukumba.

5Kutani Diyavulosi amutekela amutini wa Kuhlawuleka amukhandriyisa axihlungwini xa kutlakuka ngopfu xa Tempele, 6#Lavisa Mps 91:11-12. aku ku yene: Loko uli N'wana wa Xikwembu Nkulukumba dladlama la, hikusa kutraliwi leswaku: Xikwembu Nkulukumba ataleleta a tintrumi tikukhavutela hi mavoko ya tone, ungatitxhuka ukhunguvanyeka nkondro waku hi ribye.

7 # Lavisa Mrk 6:16. Yesu amuyangula aku: Nakone kutraliwi leswaku: Ungavidringa HOSI Xikwembu Nkulukumba waku.

8Diyavulosi atlhela mfuri amuyisa ku nhava ya kuleha ngopfu, amukomba a mimfumu hinkwayu ni kuphatima ka yone, 9aku: Nitakunyika hinkwaswu leswi loko unikhisamela, unigandrela. 10#Lavisa Mrk 6:13. Yesu amuyangula aku: Suka Sathana! Hikusa kutraliwi leswaku: Utagandrela HOSI Xikwembu Nkulukumba waku, utirela yene ntsena.

11Kolahu Diyavulosi amutrika; kutani a tintrumi tita, timutirela.

Yesu asungula a ntiro wakwe a Galileya

(Mrk 1:14-15; Lk 4:14-15)

12Loko Yesu ayingeli leswaku Yohana Mubabatisi abohiwile, atlhelela Galileya. 13Kutani asuka a Nazarete, ayatrhama Kapernawume, amuti lowu wunga nkingeni wa tiva dra Galileya, atikweni dra Zabuloni na Nafitali #4:13 I tinxaka tibiri ta le N'walungu. 14Kuhumeleli leswi akuva kuhetiseka a maritu ya muprofeta Ezaya anga ku:

15Tiko dra Zabuloni ni tiko dra Nafitali,

ndleleni ya lwandle, halahaya ka Yordana,

Galileya dra va-Matiko, 16#Hlayela dra Ezy 8:3—9:1.

A tiko ledri afaka drifamba amunyameni

drivoni a livaningo ledri drikulu!

A livaningo ledri drivaningiki ku lava afaka

vatrhama tikwanini dra munyama, ni ntrhuti wa lifu.

17Kusukela kolahu Yesu asungula a kurera aku: Ndrulukani, hikusa a Mfumu wa Matilo wu kusuhi!

A vadondrisiwa va kusungula va Yesu

(Mrk 1:16-20; Lk 5:1-11)

18Kuti loko Yesu afamba-famba ankingeni wa lwandle dra Galileya, avona vamakwavu-na-makwavu vabiri; mun'we afa ali Simoni lweyi ahlayiwaka Petrosi, mun'wana afa ali Andreyasi, na vapeta a minkukutu yavu a lwandle, hikusa afa vali vaphasi va tinhlampfi. 19Yesu aku ku vone: Nilandrani, mine nitan'wiyentxa vaphasi va vhanu. 20Volavo-ke vatrika a minkukutu, vamulandra. 21Amahlweninyana, Yesu avona van'wana vamakwavu-na-makwavu, Yakobe na Yohana, vana va Zebedeya lava afaka vali byatrhwini ni tatana wavu, vabusetela a minkukutu; Yesu avavitana. 22Volavo-ke, hi kukahlula vatrika a byatrhu ni tatana wavu vamulandra.

Yesu adondrisa ni kuhanyisa a Galileya

(Lk 6:17-19)

23 # Lavisa Mt 9:35; Mrk 1:39. Yesu afa afamba hi tiko hinkwadru dra Galileya, adondrisa amasinagogeni ya kone, arera a Ivangeli ya Mfumu, ahanyisa a vhanu lava vanyingi amavabyini yavu hinkwawu ni le tinxanisweni tavu hinkwatu. 24Afa kutwala kwake kuhangalaka atikweni dra Siriya. Vamutisela hinkwavu lava vavabyaka hi mavabyi ya tinxaka-xaka, ni mahlomulo ni tinxanisa ni lava vangani mademoni, ni va mavabyi ya kuwutleka, ni vakuwonyana a swiro, kutani Yene afa avahanyisa. 25Afa kuta vhanu vanyingi va-le-Galileya, va-le-Dekapolisi#4:25 Dekapolisi: Vito ledri dritlhamuxelaka swaku: Khume dra miti., va-le-Yerusalema, va-le-Yudeya ni va halahaya ka Yordana.

Currently Selected:

Mt 4: NTX2007

Highlight

Copy