PĚNDARIADI 9
9
Pẹ̌kakědon Duata ringangʼi Noakẹ̌
1 #
Pěnd. 1:28
Ene Mawu Ruata e něngal᷊amate si Noakẹ̌ dingangu manga anạ e ringangu něhengetang, ”Pěmpẹ̌hitẹ e pakal᷊awọ, pahuntinambang kakěpal᷊e, tadeạu hitenu e pẹ̌tumanạ su kasěllahu dunia e. 2Kal᷊awọu manụ u kinoaěng dingangu manga kinạ, ore lai manga binatang bal᷊ine e sarung měngkatakụ i kamene. I sire kěbị e kai su ral᷊ungu kawasang kamene. 3Kěbị tamai ene e wotongewe makoạ biahʼi kamene, kere manga apan tụtuwo mal᷊aelonge, kěbị e Takụ ilẹ̌onggọ si kamene makoạ laidopi kamene. 4#Imng. 7:26-27, 17:10-14, 19:26; Pang. 12:16, 23, 15:23 Arawe apang gẹ̌si rem piạ dahane, tawe wotonge kinaseng i kamene batụu himukude kai su ral᷊ungu rahane. 5Apạewen taumata ringangu binatang kụ mamate taumata e sarung Takụ pateěng. 6#Pěnd. 1:26; Sas. 20:13 Taumata e nikoạ mẹ̌sul᷊ungu Iạ; ual᷊ingu ene, i saing měmate taumata, i sie hala sarung pateěng u taumata l᷊ai.
7 #
Pěnd. 1:28
Ore, i kamene harusẹ̌ pěmpěhite ringangu pahuntinambang kal᷊awọe, tadeạu hitenu e pěmpẹ̌tanạ pěmenẹ patikụ dunia e.”
8Mawu Kasěllahenge něhengetang si Noakẹ̌ dingangu manga anạ e, 9”Eneěng, Iạ mẹ̌taingu pẹ̌kakědo-Ku e ringangi kamene, kerene lai ringangu hiteng kamene, 10dingangkewelaing kěbị diadikang apan biahẹ̌, manga manụ u kinoaěng dingangu kal᷊awọu binatangu rul᷊unge, kụ kěbịewe apang nahuntumpa wọu kapal᷊ẹ̌ e ringang i kamene. 11Kụ kai seng ini e pẹ̌kakědo-Ku e ringang i kamene: Iạ e nẹ̌kědo u kal᷊awọu riadikang biahẹ̌ e seng tawe saụ ipakawinasang dalulung. Seng tawe saụ piạ dalulung mapakawinasang dunia ini e. 12Nakoạ kere tatialang pẹ̌kakědo Takụ nikoạ dingang i kamene ringangu patikụ diadikang kụ biahẹ̌, 13tangú Takụ nitaingangu rěndipahẹ̌-Ku su winawa e, nakoạ kere tatialang pẹ̌kakědo-Ku e ringangu dunia. 14Kụ suapạeweng, Iạ manakạ langị dingangu winawa e, kụ děndipahẹ̌ e ikasilo, 15Iạ e mẹ̌tahěndung pẹ̌kakědo-Ku e si kamene ringangu su patikụ diadikang biahẹ̌ e, u ralulunge semben tawe saụ maminasa patikụ apam biahẹ̌ e. 16Kereu rěndipahẹ̌ e ikasilo su winawa e Iạ e sarung makasilo ringangu mẹ̌tahěndung pẹ̌kakakědo kakalẹ̌ e sutal᷊oarang Iạ dingangu patikụ diadikang apam biahẹ̌ e su dunia. 17Kụ kai ene tatialang pẹ̌kakědo-Ku kụ nionggọ baugu patikụ apam biahẹ̌ su dunia.”
I Noakẹ̌ dingangu manga anạ e
18Manga anạ i Noakẹ̌ kụ natumpa wọu kapal᷊ẹ̌ e ute kai i Sem, i Yafet dingangu i Ham. (I Ham ute kai i amang u tau Kanaan.) 19I sire těllu anạ i Noakẹ̌ ene e kai i upungu patikụ taumata su dunia.
20I Noakẹ̌ e sěngkatau tahapěngěntana, kụ seng i sie nạung kahumotongange nẹ̌suangu winal᷊aenge anggorẹ̌. 21Tangu sarạeng i sie něnginung anggorẹ̌ e, i sie kai niwukang. Niluạ e kěbị pakeange kụ nẹ̌tikị těntol᷊e su ral᷊ungu tentane. 22Kụ su tempong i Ham, i amang i Kanaan, nakasilo si amange těntol᷊e, i sie siměbang kụ něhabaru ene si rẹ̌dua anạ u sěngkataune. 23Bọu ene i Sem dẹ̌duan Yafet něngal᷊ạ e kakingkaeng kụ nilehe su wěmbang i rẹ̌dua. I rẹ̌dua nẹ̌biling dimal᷊eng u l᷊ikude, kạsohọ e sụsuẹ̌ su tenta ene nanukusu kakingkaeng ene si amang i rẹ̌dua e. I rẹ̌dua timal᷊ikudu ghatin dẹ̌dua tadeạu tawe makasilo si amang i rẹ̌dua e těntol᷊e. 24Sarangke i Noakẹ̌ e nasingkạ e wọu wukange kụ nakakasingkạ u apa nikoạ u anạ e katuariange si sie, 25kụ i sie nẹ̌bera,
”Kạěngkěhang i Kanaan!
I sie sarung makoạ ěllangu karal᷊akisange waugu anạ u sěngkataune.
26Dalo su Mawu, Ruatan Sem!
Kanaan sarung makoạ ěllang i Sem.
27Karimạko Mawu Ruata e mapẹ̌dal᷊embong al᷊amate si Yafet#9:27: Yafet: Areng ini raringihang mẹ̌sul᷊ungu werang Ibrani kụ mangal᷊ene ”natamba”. kụ mapakal᷊oahu pẹ̌bawanuaěnge.
Karimạko hitene mẹ̌tanạ sěngkapẹ̌tumanạ dingangu hiten Sem.
Kanaan sarung makoạ ěllang i Yafet.”
28Samurin dalulung e, i Noakẹ̌ e reng nẹ̌biahẹ̌ 350 su taunge lai. 29I sie napul᷊ẹ asal᷊ẹ̌ natimu 950 su taunge umbure.
Currently Selected:
PĚNDARIADI 9: SXN
Highlight
Share
Copy
Want to have your highlights saved across all your devices? Sign up or sign in
