LUKAS 1
1
Panitakenge
1Teofilus ko makindaghi,
Seng maul᷊i taumata mu tawakal᷊i namohe pakapia hal᷊i u apang ko seng nariadi su tal᷊oara i kite. 2I sire namohe mang musul᷊ung kere ko niwuke si kite bo i sire ko nakawua sisane apang ko nariadi e'e mborong bou titae, dang bou e'e nangeke ngu habari e'e. 3Suapang ia mbuae namariksa maudupi kaul᷊i e'e bou titate, ia nupikiri mapia boko mamohe simbau buki pakaudupi guna-Ngi Tuang. 4Ia mukoa e'e, tadeau I Tuang matitong himoneu apang ko mbuae nitintiro si Tuang mang tingari.
Pul᷊ahinding Yohanes Mananahani ni habari
5 #
1Taw. 24:10
Su tempong i Herodes nakoa ratu ngu su Yudea,#1:5: Yudea: Didato i'i manibo su kaul᷊iu tana Palestina. pia singkatau imam, arenge i Zakharia. I sie nataho su komol᷊ang u manga imam Abia. Kawinge arenge i Elisabet, l᷊ai bou hintou ngu imam. 6Puwawiahi sire rua singkawingang e'e makal᷊al᷊uasi naung u Mawu Ruata. I sire rua tutuhu kaul᷊i u parenta dang tita ngu Mawu dingang u kal᷊abo u naung. 7I sire takoa e ana, watu u i Elisabet ko wanto dang i sire rua kaul᷊i e seng maghurang.
8Pia su sil᷊aou, su tempo komol᷊ang i Abia nakarea gilirange, i Zakharia nupal᷊al᷊eng u hal᷊i u imam su saruang u Mawu Ruata 9Dingangu undiang, ko biasa i koa u manga imam, i Zakharia ni katibo guna ngu sumu su Wal᷊e-Ngu Mawu l᷊au manutung kamania. 10Tintal᷊a kapanutunge kamania, taumata maul᷊i kapukal᷊iomaneng su l᷊ikure. 11Su tempo e'e Mal᷊aikati u Mawu nutingkaandaghu watangenge si Zakharia. Malaekati e'e kararisi su simbuka kuaneng u meda tampa pananutungang u kamania. 12Suapang i Zakharia nakawua Malaekati e'e, i sie nubingo dingang nataku. 13Kateho Mal᷊aikati e'e nangul᷊i, “Kumbahang mataku, Zakharia! Mawu Ruata seng nundaringihi kal᷊iomaneng u. Kawing u i Elisabet sarung mahinding simbau ana koese. I kau mambeng pusigho arenge i Yohanes si sie. 14I kau sarung mal᷊uasi kahingang dang maul᷊i taumata sarung l᷊umiaghi boko ana e'e seng nipahinding! 15#Bil. 6:3I sie sarung makoa taumata ko l᷊abo tumuhu kao u Mawu, dang i sie sarung ta manginung anggori arako inung makabukang. Bou nipahinding i sie sarung ikawasa ngu Roh u Mawu Ruata. 16Maul᷊i tau Israel sarung ahakenge pusul᷊e su Mawu Ruata, Mawu ngi sire. 17#Mal. 4:5-6I sie sarung makoa raroi u Mawu ko matoghasi l᷊au makawasa kere i Elia. Isie sarung mupudame ngu iamang dingang ana. Dang taumata ko ta tumatuhu sarung ahakenge sau pusul᷊e su l᷊al᷊ung sipirang ko mutatahino. Dingang u kere i sie manadia ngu simbau umati ko seng sadia guna ngu Mawu.”
18“Kirapa ia matitong u hal᷊i i'i sarung mariadi?” Kakinai Zakharia su Mal᷊aikati e'e. “Ia seng maghurang, dang kawing ku l᷊ai seng maghurang.”
19 #
Dan. 8:16, 9:21 Mal᷊aikati e'e nusumimbahi, “Ia i'i Gabriel, Ia ko paparentang u Mawu Ruata dang i sie nundoi sisia puhabari habari mapia i'i sikau. 20Apang ko daku i habari, sarung mariadi su temponge. Kateho ual᷊ingu i kau tamangimang, i kau sarung tamakadidato; i kau sarung makoa ko bobo sarang apa ko daku nihabari i'i mariadi.”
21Tintal᷊a e'e, manga taumata mang kapangampal᷊e si Zakharia. I sire naherang nakurawe i sie mal᷊iwue kahingang su l᷊al᷊ung u Wal᷊e-Ngu Mawu. 22Dang su tempong i sie nusumuawang, i sie seng tanakapudidato si sire. I sie kitang nangonggo tatia dingang u l᷊imange, dang na bobo turusi. Kute i sire l᷊ai seng natitong ko i sie nakawua pia simbau kal᷊al᷊ahe su l᷊al᷊ung u Wal᷊e-Ngu Mawu.
23Suapang nasue tempo ngu pul᷊ahal᷊i e su Wal᷊e-Ngu Mawu i Zakharia napul᷊e sarang wal᷊e. 24Tanal᷊iwue bou e'e i Elisabet kawinge pia kal᷊uwaenge nanguhung badange su wal᷊e l᷊ima wul᷊ang l᷊iwuenge. 25I sie nungul᷊i, “Samuringe Mawu nutul᷊ung u ia dang nangumu mea ku.”
Pul᷊ahinding I Yesus ni habari
26Su tempo ngi Elisabet seng nungu wul᷊ang pia kal᷊uwaenge, Mawu Ruata nundoi si Mal᷊aikati Gabriel sarang Nasaret simbau soa su Galilea. 27#Mat. 1:18I Gabriel niroi sarang koa i singkatau mahua, arenge i Maria. Dario mahua e'e seng pia tunangange singkatau umbaseng arenge i Yusuf, hintou ngi Ratu Daud. 28Malaekati e nusumongo si Maria dingang nangul᷊i, “Sal᷊amati, si kau ko seng nial᷊amateng ko kapiange bou Mawu. Mawu mahundingang i kau!”
29Nakaringihi didato ngu Mal᷊aikati e'e i Maria nahuwi, hakiu nakoa kakina su naunge apa mangal᷊enge adati e'e. 30Kute Mal᷊aikati e'e nu nangul᷊i si sie, “Kumbahang mataku, Maria, watu u ikau nutatahino sunaung u Mawu Ruata. 31#Mat. 1:21I kau sarung pia kal᷊uwaeng dang sarung mahinding singkatau ana, ko mambeng i kau pusigho arenge I Yesus. 32#2Sam. 7:12, 13, 16; Yes. 9:6I sie sarung mawantughi, dang sarung i sigho Ahusu u Mawu Ruata ko karangetange. Mawu Ruata sarung mukoa si Sie musul᷊ung i Ratu ngi Daud, iupung-E. 33Dang i Sie sarung mamarenta kere Ratu sutal᷊oarau hintou ngi Yakub sarang kal᷊iwuange. Kararatuange sarung tama hupusi.”
34“Kateho ia i'i mborong mahua,” angkungi Maria su mal᷊aikati e'e, “Kirapawe hal᷊i e'e wotonge mariadi?”
35Mal᷊aikati e'e nusumimbahi, “Roh u Mawu Ruata sarung sumongo si kau, l᷊au kawasa-Ngu Mawu Ruata sarung manirung si kau. E'e sabapie ana ko sarung ipahinding e'e sarung i sigho Susi, Ahusu u Mawu Ruata. 36Putinaung: I Elisabet, ghe u e'e pia kal᷊uwaeng seng nungu wul᷊ang, maning i sie seng maghurang dang taumata mangul᷊i i sie kowanto. 37#Kej. 18:14Watu u su Mawu Ruata takoae ko tamariadi.”
38Bou e'e i Maria nangul᷊i, “Ia i'i l᷊ang u Mawu; kariadite si sia musul᷊ung u ko niul᷊i u.” Bou e'e mal᷊aikati e'e natamai nanintang i Maria.
I Maria nutiwo si Elisabet.
39Tamal᷊iwue bou e'e, i Maria nakoa sarang soa simbau su Yudea su wul᷊ure. 40I sie nakoa sarang wal᷊e ngi Zakharia, dang su apang nasu, i sie nangadati si Elisabet. 41Dang kere'e i Elisabet nakaringihi l᷊aadati Maria, ana ko su l᷊al᷊ung u kal᷊uwaeng i Elisabet e'e nukumanoa. Kute I Elisabet nikawasa ngu Roh u Mawu Ruata, 42bou e'e nukumiha, “I kau ko seng nial᷊amateng nangilebe bou tal᷊oara u apang kowawine! Kasasal᷊amati su ana ko sarung i pahinding e'e! 43Ko i sai ia hakiu i mama ngu Mawu nusumongo si sia? 44Su apang ia nakaringihi si kau nangonggo u adati, ana su kal᷊uwaeng ku nukumanoa u ral᷊iaghi. 45Kasasal᷊amati si kau, ual᷊ingu mangimang humoneu apang ko nihabaru Mawu si kau e'e sarung mariadi!”
Kakal᷊iomaneng tatarimakase i Maria.
46 #
1Sam. 2:1-10
I Maria nangul᷊i,
“Naungku mundalo Mawu,
47Dang jiwaku kal᷊iaghe
watu u Mawu Ruata mananal᷊amatiku.
48 #
1Sam. 1:11
I sie nakatinaung si sia, l᷊ang-E ko dal᷊ai!
Manita bou tempo i'i kaul᷊i u wanua
muhabaru ia su l᷊al᷊ung u karal᷊uasi.
49Ual᷊ingu Mawu Ruata ko nangilebe Makawasa
nukoa manga hal᷊i ko l᷊abo si sia
Areng-E i pakasusi.
50Pul᷊ahintou sarang pul᷊ahintou
Mawu mang nukumindaghi
Su taumata ko mataku i Sie.
51Dingang u lima-Nge ko makuati
I Sie nuputal᷊eingu taumata ko maoboti
dang nupakaghoghahu kiroung i sire.
52 #
Ayb. 5:11, 12:19 Manga Ratu nipal᷊intu-E bou kararatuange
dang tau ko susa nipakarange-E.
53Taumata ko nahutung nipakal᷊aer-E dingang u kaul᷊i u kapapia,
ko kala nitokol᷊e dingang u l᷊ima mapul᷊o.
54I Sie mutul᷊ung u Israel l᷊ang-E
tumuhu diandi ko nikoa-E
dingangi iupung i kite.
55 #
Kej. 17:7
Mawu ta mul᷊iwuhi dianding-E
naung-E mal᷊ondo si Abraham
l᷊au hintounge sarang kal᷊iwuenge.”
56Manga til᷊u wul᷊ang kal᷊iwuenge i Maria natana dingang i Elisabet, mbuhue i sie napul᷊e sarang wal᷊enge.
Pul᷊ahinding i Yohanes Mananahani
57Seng nurating tempo i Elisabet mahinding. I sie nahinding singkatau ana koese. 58Manga l᷊ampung dingang u manga ghe'e nakaringihi kere'e kapiange Mawu Ruata nukoa si Elisabet, i sire nal᷊uasi singkal᷊uasi dingange.
59 #
Im. 12:3
Su tempo umuru ana e'e natimu wal᷊u l᷊ou, i sire nusumongo guna ngu manunati si sie. I sire mo mangonggo arenge ana e'e i Zakharia i tuhu su areng i papange, 60Kateho imamange nangul᷊i, “Ta! I sie mambeng i sigho si Yohanes.”
61“Takoae sarang singkatau bou ghe u ko pia areng kere'e,” angkung i sire si sie. 62Bou e'e i sire nungonggo tatia si Zakharia, nukina si sie minsang apa areng ko ionggo su ana e'e.
63I Zakharia nundo batul᷊ei, bou e'e namohe, “Arenge i Yohanes,” I sire kaul᷊i e naherang. 64Su tempo e'e l᷊ai i Zakharia seng sau nakapudidato dang nudalo Mawu Ruata. 65Manga l᷊ampunge kaul᷊ie nataku, dang habari e'e nakeke su kaul᷊i tampa su sindihang u wul᷊uru Yudea. 66Kaul᷊ie ko nakaringihi hal᷊i e'e nukina su naung i sire, “Sarung makoa apa ana e'e mai-mai?” Watu'u Mawu mahundingang i sie.
I Zakharia nuhabaru habari bou Mawu
67I Zakharia, imamangu ana e'e, nikawasangu Roh u Mawu Ruata hakiu i sie nuhabaru tatanata ngu Mawu. I sie nangul᷊i,
68“Maite i kite mundalo Mawu,
Mawu Ruata ngu tau Israel!
I sie seng nusumongo nutul᷊ungu umat-E
dang nul᷊iung i sire. 69I sie nangonggo u mananal᷊amati ko matoghasi si kite
Hintoungi Daud, l᷊ang-E.
70Su tempo horo bou manga nabi pileng-E,
Mawu seng nangonggo dianding-E
71Guna ngu mul᷊iung i kite bou roka i kite
dang bou kawasa ngu manga taumata ko mubinsi i kite.
72Guna ngu mupakal᷊ahe kakindaghi u naung-E sumanga i upungi kite,
dianding-E ko susi e'e sarung ipakaganap-E.
73-74I Sie nutewa sutingong i Abraham iamang i kite,
dang nudiandi mul᷊iung i kite bou roka i kite,
tadeau i kite ta mataku mutangkiang si Sie.
75Sintinia mutaha Mawu si Sie
dang makal᷊uasi naung-E
sukanandu u puwawiahi kite.
76 #
Mal. 3:1
I Kau, anaku, sarung isigho nabi-Ngu Mawu Ruata ko karangetange.
I Kau niroi pangihoro u Mawu
guna ngu pamuka l᷊al᷊eng-E,
77guna ngu mupakatitong su umat-E i sire sarung ipakasal᷊amati,
boko Mawu Ruata seng nangampung manga dosa ngi sire.
78Mawu ngi kite mal᷊ondo l᷊au makindaghi;
guna ngu manal᷊amati si kite i Sie nusumongo.
Kere matangutiti
nusuminang mal᷊ukari,
79 #
Yes. 9:1
kere e l᷊ai i Sie mangonggo sua-Nge su patiku taumata
ko muwiahi su l᷊al᷊ung u kararundung dang katataku.
I Sie mangaha i kite sul᷊al᷊eng
makoa sarang purarame.”
80Ana i Zakharia e'e mang kakal᷊abo e dang mang kakatoghase Roh e. I sie natana su tana l᷊inggi, sarang nurating temponge i sie mupakal᷊ahe u watangenge su tau Israel.
Currently Selected:
LUKAS 1: LAISXN
Highlight
Share
Copy
Want to have your highlights saved across all your devices? Sign up or sign in
2014 Indonesian Bible Society (Lembaga Alkitab Indonesia)
LUKAS 1
1
Panitakenge
1Teofilus ko makindaghi,
Seng maul᷊i taumata mu tawakal᷊i namohe pakapia hal᷊i u apang ko seng nariadi su tal᷊oara i kite. 2I sire namohe mang musul᷊ung kere ko niwuke si kite bo i sire ko nakawua sisane apang ko nariadi e'e mborong bou titae, dang bou e'e nangeke ngu habari e'e. 3Suapang ia mbuae namariksa maudupi kaul᷊i e'e bou titate, ia nupikiri mapia boko mamohe simbau buki pakaudupi guna-Ngi Tuang. 4Ia mukoa e'e, tadeau I Tuang matitong himoneu apang ko mbuae nitintiro si Tuang mang tingari.
Pul᷊ahinding Yohanes Mananahani ni habari
5 #
1Taw. 24:10
Su tempong i Herodes nakoa ratu ngu su Yudea,#1:5: Yudea: Didato i'i manibo su kaul᷊iu tana Palestina. pia singkatau imam, arenge i Zakharia. I sie nataho su komol᷊ang u manga imam Abia. Kawinge arenge i Elisabet, l᷊ai bou hintou ngu imam. 6Puwawiahi sire rua singkawingang e'e makal᷊al᷊uasi naung u Mawu Ruata. I sire rua tutuhu kaul᷊i u parenta dang tita ngu Mawu dingang u kal᷊abo u naung. 7I sire takoa e ana, watu u i Elisabet ko wanto dang i sire rua kaul᷊i e seng maghurang.
8Pia su sil᷊aou, su tempo komol᷊ang i Abia nakarea gilirange, i Zakharia nupal᷊al᷊eng u hal᷊i u imam su saruang u Mawu Ruata 9Dingangu undiang, ko biasa i koa u manga imam, i Zakharia ni katibo guna ngu sumu su Wal᷊e-Ngu Mawu l᷊au manutung kamania. 10Tintal᷊a kapanutunge kamania, taumata maul᷊i kapukal᷊iomaneng su l᷊ikure. 11Su tempo e'e Mal᷊aikati u Mawu nutingkaandaghu watangenge si Zakharia. Malaekati e'e kararisi su simbuka kuaneng u meda tampa pananutungang u kamania. 12Suapang i Zakharia nakawua Malaekati e'e, i sie nubingo dingang nataku. 13Kateho Mal᷊aikati e'e nangul᷊i, “Kumbahang mataku, Zakharia! Mawu Ruata seng nundaringihi kal᷊iomaneng u. Kawing u i Elisabet sarung mahinding simbau ana koese. I kau mambeng pusigho arenge i Yohanes si sie. 14I kau sarung mal᷊uasi kahingang dang maul᷊i taumata sarung l᷊umiaghi boko ana e'e seng nipahinding! 15#Bil. 6:3I sie sarung makoa taumata ko l᷊abo tumuhu kao u Mawu, dang i sie sarung ta manginung anggori arako inung makabukang. Bou nipahinding i sie sarung ikawasa ngu Roh u Mawu Ruata. 16Maul᷊i tau Israel sarung ahakenge pusul᷊e su Mawu Ruata, Mawu ngi sire. 17#Mal. 4:5-6I sie sarung makoa raroi u Mawu ko matoghasi l᷊au makawasa kere i Elia. Isie sarung mupudame ngu iamang dingang ana. Dang taumata ko ta tumatuhu sarung ahakenge sau pusul᷊e su l᷊al᷊ung sipirang ko mutatahino. Dingang u kere i sie manadia ngu simbau umati ko seng sadia guna ngu Mawu.”
18“Kirapa ia matitong u hal᷊i i'i sarung mariadi?” Kakinai Zakharia su Mal᷊aikati e'e. “Ia seng maghurang, dang kawing ku l᷊ai seng maghurang.”
19 #
Dan. 8:16, 9:21 Mal᷊aikati e'e nusumimbahi, “Ia i'i Gabriel, Ia ko paparentang u Mawu Ruata dang i sie nundoi sisia puhabari habari mapia i'i sikau. 20Apang ko daku i habari, sarung mariadi su temponge. Kateho ual᷊ingu i kau tamangimang, i kau sarung tamakadidato; i kau sarung makoa ko bobo sarang apa ko daku nihabari i'i mariadi.”
21Tintal᷊a e'e, manga taumata mang kapangampal᷊e si Zakharia. I sire naherang nakurawe i sie mal᷊iwue kahingang su l᷊al᷊ung u Wal᷊e-Ngu Mawu. 22Dang su tempong i sie nusumuawang, i sie seng tanakapudidato si sire. I sie kitang nangonggo tatia dingang u l᷊imange, dang na bobo turusi. Kute i sire l᷊ai seng natitong ko i sie nakawua pia simbau kal᷊al᷊ahe su l᷊al᷊ung u Wal᷊e-Ngu Mawu.
23Suapang nasue tempo ngu pul᷊ahal᷊i e su Wal᷊e-Ngu Mawu i Zakharia napul᷊e sarang wal᷊e. 24Tanal᷊iwue bou e'e i Elisabet kawinge pia kal᷊uwaenge nanguhung badange su wal᷊e l᷊ima wul᷊ang l᷊iwuenge. 25I sie nungul᷊i, “Samuringe Mawu nutul᷊ung u ia dang nangumu mea ku.”
Pul᷊ahinding I Yesus ni habari
26Su tempo ngi Elisabet seng nungu wul᷊ang pia kal᷊uwaenge, Mawu Ruata nundoi si Mal᷊aikati Gabriel sarang Nasaret simbau soa su Galilea. 27#Mat. 1:18I Gabriel niroi sarang koa i singkatau mahua, arenge i Maria. Dario mahua e'e seng pia tunangange singkatau umbaseng arenge i Yusuf, hintou ngi Ratu Daud. 28Malaekati e nusumongo si Maria dingang nangul᷊i, “Sal᷊amati, si kau ko seng nial᷊amateng ko kapiange bou Mawu. Mawu mahundingang i kau!”
29Nakaringihi didato ngu Mal᷊aikati e'e i Maria nahuwi, hakiu nakoa kakina su naunge apa mangal᷊enge adati e'e. 30Kute Mal᷊aikati e'e nu nangul᷊i si sie, “Kumbahang mataku, Maria, watu u ikau nutatahino sunaung u Mawu Ruata. 31#Mat. 1:21I kau sarung pia kal᷊uwaeng dang sarung mahinding singkatau ana, ko mambeng i kau pusigho arenge I Yesus. 32#2Sam. 7:12, 13, 16; Yes. 9:6I sie sarung mawantughi, dang sarung i sigho Ahusu u Mawu Ruata ko karangetange. Mawu Ruata sarung mukoa si Sie musul᷊ung i Ratu ngi Daud, iupung-E. 33Dang i Sie sarung mamarenta kere Ratu sutal᷊oarau hintou ngi Yakub sarang kal᷊iwuange. Kararatuange sarung tama hupusi.”
34“Kateho ia i'i mborong mahua,” angkungi Maria su mal᷊aikati e'e, “Kirapawe hal᷊i e'e wotonge mariadi?”
35Mal᷊aikati e'e nusumimbahi, “Roh u Mawu Ruata sarung sumongo si kau, l᷊au kawasa-Ngu Mawu Ruata sarung manirung si kau. E'e sabapie ana ko sarung ipahinding e'e sarung i sigho Susi, Ahusu u Mawu Ruata. 36Putinaung: I Elisabet, ghe u e'e pia kal᷊uwaeng seng nungu wul᷊ang, maning i sie seng maghurang dang taumata mangul᷊i i sie kowanto. 37#Kej. 18:14Watu u su Mawu Ruata takoae ko tamariadi.”
38Bou e'e i Maria nangul᷊i, “Ia i'i l᷊ang u Mawu; kariadite si sia musul᷊ung u ko niul᷊i u.” Bou e'e mal᷊aikati e'e natamai nanintang i Maria.
I Maria nutiwo si Elisabet.
39Tamal᷊iwue bou e'e, i Maria nakoa sarang soa simbau su Yudea su wul᷊ure. 40I sie nakoa sarang wal᷊e ngi Zakharia, dang su apang nasu, i sie nangadati si Elisabet. 41Dang kere'e i Elisabet nakaringihi l᷊aadati Maria, ana ko su l᷊al᷊ung u kal᷊uwaeng i Elisabet e'e nukumanoa. Kute I Elisabet nikawasa ngu Roh u Mawu Ruata, 42bou e'e nukumiha, “I kau ko seng nial᷊amateng nangilebe bou tal᷊oara u apang kowawine! Kasasal᷊amati su ana ko sarung i pahinding e'e! 43Ko i sai ia hakiu i mama ngu Mawu nusumongo si sia? 44Su apang ia nakaringihi si kau nangonggo u adati, ana su kal᷊uwaeng ku nukumanoa u ral᷊iaghi. 45Kasasal᷊amati si kau, ual᷊ingu mangimang humoneu apang ko nihabaru Mawu si kau e'e sarung mariadi!”
Kakal᷊iomaneng tatarimakase i Maria.
46 #
1Sam. 2:1-10
I Maria nangul᷊i,
“Naungku mundalo Mawu,
47Dang jiwaku kal᷊iaghe
watu u Mawu Ruata mananal᷊amatiku.
48 #
1Sam. 1:11
I sie nakatinaung si sia, l᷊ang-E ko dal᷊ai!
Manita bou tempo i'i kaul᷊i u wanua
muhabaru ia su l᷊al᷊ung u karal᷊uasi.
49Ual᷊ingu Mawu Ruata ko nangilebe Makawasa
nukoa manga hal᷊i ko l᷊abo si sia
Areng-E i pakasusi.
50Pul᷊ahintou sarang pul᷊ahintou
Mawu mang nukumindaghi
Su taumata ko mataku i Sie.
51Dingang u lima-Nge ko makuati
I Sie nuputal᷊eingu taumata ko maoboti
dang nupakaghoghahu kiroung i sire.
52 #
Ayb. 5:11, 12:19 Manga Ratu nipal᷊intu-E bou kararatuange
dang tau ko susa nipakarange-E.
53Taumata ko nahutung nipakal᷊aer-E dingang u kaul᷊i u kapapia,
ko kala nitokol᷊e dingang u l᷊ima mapul᷊o.
54I Sie mutul᷊ung u Israel l᷊ang-E
tumuhu diandi ko nikoa-E
dingangi iupung i kite.
55 #
Kej. 17:7
Mawu ta mul᷊iwuhi dianding-E
naung-E mal᷊ondo si Abraham
l᷊au hintounge sarang kal᷊iwuenge.”
56Manga til᷊u wul᷊ang kal᷊iwuenge i Maria natana dingang i Elisabet, mbuhue i sie napul᷊e sarang wal᷊enge.
Pul᷊ahinding i Yohanes Mananahani
57Seng nurating tempo i Elisabet mahinding. I sie nahinding singkatau ana koese. 58Manga l᷊ampung dingang u manga ghe'e nakaringihi kere'e kapiange Mawu Ruata nukoa si Elisabet, i sire nal᷊uasi singkal᷊uasi dingange.
59 #
Im. 12:3
Su tempo umuru ana e'e natimu wal᷊u l᷊ou, i sire nusumongo guna ngu manunati si sie. I sire mo mangonggo arenge ana e'e i Zakharia i tuhu su areng i papange, 60Kateho imamange nangul᷊i, “Ta! I sie mambeng i sigho si Yohanes.”
61“Takoae sarang singkatau bou ghe u ko pia areng kere'e,” angkung i sire si sie. 62Bou e'e i sire nungonggo tatia si Zakharia, nukina si sie minsang apa areng ko ionggo su ana e'e.
63I Zakharia nundo batul᷊ei, bou e'e namohe, “Arenge i Yohanes,” I sire kaul᷊i e naherang. 64Su tempo e'e l᷊ai i Zakharia seng sau nakapudidato dang nudalo Mawu Ruata. 65Manga l᷊ampunge kaul᷊ie nataku, dang habari e'e nakeke su kaul᷊i tampa su sindihang u wul᷊uru Yudea. 66Kaul᷊ie ko nakaringihi hal᷊i e'e nukina su naung i sire, “Sarung makoa apa ana e'e mai-mai?” Watu'u Mawu mahundingang i sie.
I Zakharia nuhabaru habari bou Mawu
67I Zakharia, imamangu ana e'e, nikawasangu Roh u Mawu Ruata hakiu i sie nuhabaru tatanata ngu Mawu. I sie nangul᷊i,
68“Maite i kite mundalo Mawu,
Mawu Ruata ngu tau Israel!
I sie seng nusumongo nutul᷊ungu umat-E
dang nul᷊iung i sire. 69I sie nangonggo u mananal᷊amati ko matoghasi si kite
Hintoungi Daud, l᷊ang-E.
70Su tempo horo bou manga nabi pileng-E,
Mawu seng nangonggo dianding-E
71Guna ngu mul᷊iung i kite bou roka i kite
dang bou kawasa ngu manga taumata ko mubinsi i kite.
72Guna ngu mupakal᷊ahe kakindaghi u naung-E sumanga i upungi kite,
dianding-E ko susi e'e sarung ipakaganap-E.
73-74I Sie nutewa sutingong i Abraham iamang i kite,
dang nudiandi mul᷊iung i kite bou roka i kite,
tadeau i kite ta mataku mutangkiang si Sie.
75Sintinia mutaha Mawu si Sie
dang makal᷊uasi naung-E
sukanandu u puwawiahi kite.
76 #
Mal. 3:1
I Kau, anaku, sarung isigho nabi-Ngu Mawu Ruata ko karangetange.
I Kau niroi pangihoro u Mawu
guna ngu pamuka l᷊al᷊eng-E,
77guna ngu mupakatitong su umat-E i sire sarung ipakasal᷊amati,
boko Mawu Ruata seng nangampung manga dosa ngi sire.
78Mawu ngi kite mal᷊ondo l᷊au makindaghi;
guna ngu manal᷊amati si kite i Sie nusumongo.
Kere matangutiti
nusuminang mal᷊ukari,
79 #
Yes. 9:1
kere e l᷊ai i Sie mangonggo sua-Nge su patiku taumata
ko muwiahi su l᷊al᷊ung u kararundung dang katataku.
I Sie mangaha i kite sul᷊al᷊eng
makoa sarang purarame.”
80Ana i Zakharia e'e mang kakal᷊abo e dang mang kakatoghase Roh e. I sie natana su tana l᷊inggi, sarang nurating temponge i sie mupakal᷊ahe u watangenge su tau Israel.
Currently Selected:
:
Highlight
Share
Copy
Want to have your highlights saved across all your devices? Sign up or sign in
2014 Indonesian Bible Society (Lembaga Alkitab Indonesia)