MATIUS 7
7
Hal᷊iu muhukungu taumata
(Luk. 6:37-38,41-42)
1“Kumbahang muhukungu taumata kowal᷊inge, tadeau i kumu l᷊ai ta ihukungu Mawu Ruata. 2#Mrk. 4:24Watu u kirapa i kumu muhukungu taumata kowal᷊inge, kere e l᷊ai Mawu sarung muhukung si kumu. Dang ukurang ko nipake i kumu su taumata kowal᷊inge, sarung i pake u Mawu l᷊ai si kumu. 3Nakurawe i kumu mutuhung tahuwu su matangu ana u simbau u, arawe balaki su matangu tanituhungangi kumu? 4Kirapa i kumu mangul᷊i su ana u simbau i kumu, maiko ia mangoi monta su matangu, kuteu su matangu pia balaki? 5Eh, tau pal᷊antikari! Al᷊ako ko horo balaki sumatangu nae, mbuhue i kau makawua mal᷊ahe, bou e'e i kau mbuhue botonge mangoi tahuwu bou matangu anau simbau u.
6Kumbahang mangonggo barang ko susi su kapuna, tadeau i sie ta musul᷊e bou e'e manumbou si kau. Kumbahang l᷊ai mangonggo mutiara su wawi, tadeau kumbahang ta mil᷊inda-l᷊inda mutiara e'e.”
Pundo, pundea l᷊au panengkohi
(Luk. 11:9-13)
7“Pundoete, i kumu sarung manarima. Pundeate, i kumu sarung makarea. Panengkohite, tukari sarung i wuka. 8Watu u i sai ko mundo, sarung manarima; i sai ko mundea sarung makarea, dang i sai ko manengkohi, tukari sarung i wuka. 9Su tal᷊oara i kumu pia taumata ko maghurang mangonggo u watu su anae, boko i sie mundo boroti? 10Arako mangonggo katoang, boko i sie mundo kina? 11Maning we i kumu ko ral᷊ai, i kumu l᷊ai matitong mangonggo u ko mapia su manga ana u. Nangilembo we I Yamangu su sorga! I Sie sarung mangonggo ko kapiange su taumata ko mundo si Sie.
12 #
Luk. 6:31
Pukoa ko su taumata ko wal᷊inge, kere kao i kumu si sire mukoa si kumu. E'e tatahou torati Musa l᷊a tintiro ngu manga nabi.”
Tukari mahepo
(Luk. 13:24)
13“Sue bou tukari ko mahepo, watu'u tukari ko mal᷊oahi dingang dal᷊eng ko mawunahi, mahumpa sarang naraka, dang maul᷊i taumata l᷊umiu bou e'e. 14Arawe tukari ko mahepo dal᷊enge, pul᷊iunge masusa, mumbawa taumata sarang puwawiahi. Dang mahal᷊i taumata makarea e'e.”
Kau dingang u wuange
(Luk. 6:43-44)
15“Pakaingati su manga mahang nabi. I sire sumongo si kumu mutingkakoa kere domba, kateho i sire e'e musul᷊ungu serigala kowahani. 16I sire i kakiral᷊angi kumu bou kakanoa i sire. Ngudae mal᷊ahoro ta mupasuwang wuang u anggori, dingang ghal᷊umue komakasusu ta mupasuwang wuangu ara. 17Bou kau tatuwonge ko masuburi i karea wuange ko sidada, arawe bou kau tatuwonge ko kinsihi wuange l᷊ai ko dal᷊ai. 18Kau tatuwonge ta muwuangu wua dal᷊ai dang kau tatuwonge dal᷊ai ta muwuangu wua ko mapia. 19#Mat. 3:10; Luk. 3:9Apang kau ko ta muwuangu wua mapia, mapiang tuwangeng l᷊au tutungang. 20#Mat. 12:33Kere'e l᷊ai dingang u mahang nabi. I kumu hindo makakiral᷊a si sire bou sukengu kakanoa i sire.”
Kakanoa, walinge we didato
(Luk. 13:25-27)
21“Walinge we kaul᷊i u taumata ko mukui si Sia, Mawu, Mawu, ko sarung makoa umat u Mawu Ruata, kitangu taumata ko mukoa kao I Yamang-Ku su sorga. 22Su L᷊ou Kiamati sarung maul᷊i taumata muhabari si Sia, Mawu, Mawu, wal᷊inge we dingang u areng-U i kami seng nanurusi tatanatang-U Mawu Ruata? Dang l᷊ai dingang u arengu Mawu i kami seng nanguseri apang roh ko dal᷊ai, dingang u maul᷊i tatia ko makal᷊aherang seng nikoa i kami? 23Arawe Ia sarung sumimbahi, ‘Ia wughangi kumu! Pangal᷊ing te bou i'i, i kumu tahapukoa ko dal᷊ai!’ ”
Base ko pande l᷊au base ko bodoki
(Luk. 6:47-49)
24“Taumata ko mundaringihi wisara-Ku i'i, l᷊au tuhukange, musul᷊ungu taumata ko pande ko nupararisi u wal᷊enge su wawou watu. 25Su tempo ngu rasehange, dang pia l᷊uwange l᷊au anging mauha nutumiu su wal᷊e e'e, wal᷊e e'e tanahaka watu u nipararisi su wawou watu.
26Dang taumata ko mundaringihi wisara Ku i'i, kateho ta tuhukange, i sie musul᷊ungu tau ko bodoki, ko nupararisi wal᷊enge su wawou nei. 27Su tempo ngu rasehange, dang pia l᷊uwange dingang anging mauha nutumiu su wal᷊e e'e, wal᷊e e'e nahaka. Dang napal᷊iu l᷊abo rusange!”
Kawasangi Yesus
28 #
Mrk. 1:22; Luk. 4:32 Samuringe I Yesus nasue tintironge, manga taumata se'e naherang nakaringihi tintirong-E. 29Watu u i Sie nanintiro dingang u kawasa, mutatintang dingang u manga meteru agama ngi sire.
Currently Selected:
MATIUS 7: LAISXN
Highlight
Share
Copy
Want to have your highlights saved across all your devices? Sign up or sign in
2014 Indonesian Bible Society (Lembaga Alkitab Indonesia)
