O KELUARAN 8
8
O koro-koro iruae
1Daha ma Jou wïtemo o Musaika, ”Noiki nïhimanga ma koano deʼ nohiädono unangika Ahi behehongo nënanga: ’Nahigumal̄a Ahi umati la ihihuba ihihoromati Ngohino. 2Nako ngona noluku, o berera nënanga aha tohiomanga deʼ o koro-koro hokä o hukumanga. 3O Nil ma Ngairi aha iomanga de o koro-koro, hiädono o aiwani-aiwani gënanga ihupu o akerel̄e deʼ iwohama ani kadato magoronaika, ani kamari nomä idu-idu magoronaika, de ani gidu-ngiduoka, ani pegawe deʼ ani kawaha manga tau magoronaika, maboboloi o roti mahaharongo magoronauku deʼ o boho-bohokika. 4O koro-koro gënanga aha imatotubo deʼ ini doa-doa ngona, o pegawe deʼ o kawaha.’ ”
5Ma Jou wïtemo o Musaika, ”Nïhuloko o Harun ai diki-diki wohi tumutu mata-mata o ngairi, o heli-heli deʼ o lupa-lupanga mal̄okuku hupaya o koro-koro ikoki böaino yaömanga yamodeke o Mesir maberera.” 6Done o Harun wohitumutu ai diki-diki mata-mata o akere mal̄okuika, daha okoro-koro yaomanga o berera ingodumu. 7Mä yomö mai-maihi yapake toönanga manga mamaihi, deʼ yodiaiö o koro-koro ikoki böa o bereraka gënanga.
8Makoano wä ahoko o Musa deʼ o Harun, deʼ wätemo, ”Ni mä niata ma Jouika hupaya Ünanga wahohihanga o koro-koro nënanga, done ngohi aha tähigumal̄a ani nyawa yoiki hupaya ihi huba o huhuba ma Jouika.”
9O Musa wohaluhu, ”De ahi hininga i sosanangi ngohi aha tomäniata mangale ngona ahi Tuanga. Nohigogere maöraha, done ngohi aha tonihiniata ngona ahi Tuanga, ani pegawe deʼ ani kawaha. Done ahi Tuanga aha inihibebasi de o koro-koro gënanga, deʼ aha koiwa mahou, sowaliua o Nil ma Ngairoka.” 10Ma koano wohaluhu, ”Nomä niata yarehe mangale ngohi.”
O Musa wato, ”Ngohi aha tadiai okia ahi Tuanga nogahoko. Done Tuanga aha nohi öriki koiwa naga o Jou Madutu mahomoa hokä ma Jou, tongomi mia Jou Madutu. 11Unanga aha winihi bebasi deʼ o koro-koro gënanga ngona ahi Tuanga, o popegawe deʼ o kawaha. Aha koiwa naga o koro-koro o tau-tauika sowaliua o Nil ma Ngairoka.” 12Daha o Musa deʼ o Harun iwi mal̄aika ma koano. De ipaha o Musa womä niata ma Jouika hupaya wahohihanga o koro-koro wohibö boa-boa ma koanoino. 13Ma Jou wohi moteke o Musa ai gogahoko, deʼ o koro-koro naga o tau-tauika, o loa-loaika deʼ o dumule-dumuleika mata-mata i honenge. 14O Mesir manyawa yatoomu o koro-koro mahonenge gënanga hiädono dema dodoporono, hiädono yamodeke o berera mabounu o mëla. 15Maöraha ma koano wamake o koro-koro gënanga i kokia honengoka, ünanga watogowini ai haëke. Deʼ hokä ma Jou waheto-hetongoka, ma koano woluku wahaduli o Musa deʼ o Harun manga demo.
O gomoma iruae
16Ma Jou wïtemo o Musaika, ”Nïhuloko o Harun wagohara o tonaka de ai diki-diki, done o Mesir maberera yamodeke ma kafo ingali imadadi o gomoma.” 17Done o Harun wagohara o tonaka de ai diki-diki, deʼ mata-mata o kuhuhunu o Mesir mabereraka ingali imadadi o gomoma yäguruhe o nyawa deʼ o aiwani. 18Yo mai-maihi ihi dailako yapake manga mamaihi de manga mantra la yodiaiö o gomoma, mä önanga yohasilua. Kiaka dika naga o gomoma, 19#Luk. 11:20 hiädono yomai-maihi gënanga yotemo ma koanoika, ”Nenanga ma Jou Madutu Ai manarama.” Mä ma koano gënanga watogowini ai haëke, deʼ hokä waheto-hetongoka ma Jou, ma koano gënanga woluku wahaduli o Musa deʼ o Harun manga demo.
O guhuru i ruae
20Ma Jou wïtemo o Musaika, ”Noiki yarehe duru o ngoru-ngorumino nimamake de ma koano maöraha ünanga wouti o ngairuku, deʼ nohiädono Tongohi ahi demo nënanga: ’Nahi gumal̄a Ahi umati yoiki ihi huba ihi horomati Ngohino. 21Nako ngona noluku, done Ngohi aha tahuloko o guhuru i boa ngonaika, o popegaweika deʼ o kawahaika. O Mesir manga tau mata-mata, maboboloioli o berera yamode-modekika aha i omanga de o guhuru. 22Mä Ngohi aha todiai hara moioli mangale o Gosyen madaera, manga ngï Ahi umati yogogere. Dokengoka aha koiwa o guhuru, hupaya ngini nihiöriki Ngohi, ma Jou, wadodiai gënanga. 23Ngohi aha tadiai Ahi umati de ani kawaha i maketeroua. Ihö hera-heranga gënanga yarehe aha imadadi.’ ” 24Ma Jou wahuloko o guhuru iboa duru kahä ngöe ma koano ai kadatoika, deʼ ai popegawe manga tau-tauika. O Mesir maberera yamodeke duru o huha de o hangihara karana o guhuru-guhuru gënanga.
25De ipaha ma koano wä ahoko o Musa deʼ o Harun daha wätëmo, ”Noiki nihi huba nia huhuba nia Jou Madutuika, mä o bereraka nënanga dika.”
26”Kayaoa de ngarouha,” o Musa wohaluhu, ”karana o Mesir manyawa aha yamao manga hininga yadaenua nako yamake tongomi mia huhuba gënanga, deʼ marai ngomi aha imï kaweli de o helewo hiädono mihonenge. 27Ngomi kokiani mioiki o tonaka ikokakahaika magurutika o wange hange madodagi la mihihuba o huhuba ma Jouika tongomi mia Jou Madutu, hokä wohi poparetaka ngomino.”
28Ma koano watemo, ”Kayaoa, tinïhigumal̄a ngini nioiki o tonaka i kokakahaika la nihihuba o huhuba ma Jouika, nia Jou Madutu, iti yakunu nikurutikaua nioiki. Nio hohininga, nihi niati ngohi!”
29O Musa wohaluhu, ”Ngohi toiki de ipaha, ngohi de majapati tomä niati ma Jouika hupaya yarehe o guhuru-o guhuru gënanga ini mal̄a ngona ahi Tuanga, o popegawe deʼ o kawaha. Mä uha nomi tipuoli ngomi, deʼ uha nätatatoko o Israel manyawa yoiki la ihihuba manga huhuba ma Jouika.”
30O Musa wimal̄a ma koano daha womä niata ma Jouika, 31deʼ ma Jou wohi moteke o Musa ai gogahoko. O guhuru-o guhuru gënanga ikokihoho yamal̄a ma koano, o popegawe deʼ o kawaha. Ka o guhuru moiö de koiwa igogogerohi. 32Mä mamoiohi nënanga maʼ ma koano watogowini ai haëke deʼ wahigumal̄aua o Israel manyawa gënanga yoiki.
Currently Selected:
O KELUARAN 8: TLB
Highlight
Share
Copy
Want to have your highlights saved across all your devices? Sign up or sign in
