O KEJADIAN 31
31
O Yakub wohioara ai diri o Labanoka
1O Yakub woihene o Laban ai ngoha-ngohaka yotemo hoko nënanga, ”O Yakub wal̄ëoka nanga ama ai arata mata-mata. Mata-mata ai kaya ma ahali nanga ama ai arataino.” 2O Yakub wamakeö o Laban ai demo-demo unangika hokä mahiraua marahai. 3Daha ma Jou wïtemo o Yakubika, ”Noma kilioro ani ama ai bereraika de ani roriadodotika. Ngohi aha tonigoana ngona.”
4De iböto gënanga o Yakub wähuloko o nyawa ihingahu o ngo Rahel de o ngo Leaika hupaya imakamake dede ünanga o tonaka ma lua-luasoka, ai kabingi de ai duba matika mangïoka. 5Daha o Yakub wätemo önangika, ”Ngohi tamake niaama ai demo-demo hokä biahaua marahai ngohino; mä ma Jou Madutu ahiama wipöpuji-puji wohïgoana ngohi. 6Ngini inïhinotö nihiöriki ngohi tokarajangoka nia amaka kagenangö ahikuata. 7Ngaroka hokogënanga ngohi wohi tipuoka de wadiai haramoioli ahihewa wohigali mangimoi. Mä ma Jou Madutu wohigumal̄aua ünanga wodiai o dorou ngohino. 8Maöraha nia ama wotemo, ’O kabingi madubu-dubuku aha idadi anihewa,’ done hagala o ai wani matika i ngohaka ma ngohaka madubu-dubuku. Maöraha ünanga wotemo, ’o kabingi maba bänga aha idadi anihewa, done hagala o aiwani matika gënanga i ngohaka mangohaka mababänga’. 9Hoko gënanga ma Jou Madutu wal̄eoka nia ama ai aiwani matika de wohihidoakoka ngohino.
10De maöraha o aiwani-o aiwani i mol̄oka, ngohi tonanere ta make mata-mata o kabingi manauru magogiria imol̄oka madodigiri, madubu-dubuku de mabäbanga 11De ma Jou Madutu womahirupa o malaikati mimatemo-temo dede ngohi o nanere magoronaka gënanga, wato, ’Yakub!ʼ Ngohiö tohaluhu, ’Iya’. 12O malaikati gënanga itemoli, ’Namake, mata-mata o kabingi manauru mago giria imol̄oka gënanga madodigiri, de ma dubu-dubuku de mabäbanga. Ngohi tohangaja tatatoro gënanga ngonaika karana mata-mata tamakeoka o Laban wadodiai ngonaika. 13#Kej. 28:18-22 Ngohi ma Jou Madutu tomahi mato-matokoka Ahi diri ngonaika o Betel mabereraka. Dokengoka ngona nohihubaka o gahumu moi o hohininga mahelewo, de nohituagioka mal̄okuku deo zaitun maminya. Dokengokali ngona nokoboto ngohino. O oraha nanga noma hidiai deʼ noma kilioro ani berera madutuika.’ ”
14Daha o ngo Lea deʼ o ngo Rahel yohaluhu, ”Koiwali mia hidoku mia ama ai kayaino aha ngomi mia popuhaka. 15Ngomi nënanga hokä o nyawa maporetino. Unanga womï hukunoka ngomi deʼ okia wato tarimaino gënanga, wamata okali. 16Mata-mata o kaya ma Jou Madutu wa l̄ë-l̄ëoka mia amaino imoteke madiai tongomi de tomia ngoha-ngohaka. Nadiai okia ma Jou Madutu woni hipopareta ngonaika.”
17-18Daha o Yakub wohi diai ai kia honanga la wolio ai amaika o Kanaan mabereraka. Wahi doä ai heka-hekata deʼ ai ngoha-ngohaka o onta il̄e, deʼ wao mata-mata ai kabingi de ai duba matika deʼ okia honanga wamö make-make o Mesopotamia mabereraka. 19O oraha gënanga o Laban naga o tonaka ilua-luasoka ma gogiria ai duba-duba magogo woguti, deʼ o oraha gënanga o ngo Rahel matohiki ami ama ai tau magogoana madulada. 20O Yakub wï budi o Laban womä jobo wï hingahua. 21Unanga wa l̄ë hagala ai arata deʼ woiki woma tai-taiti. Unanga watobongo o Efrat ma Ngairi wö dumutu o Gilead madaera de mal̄oku-l̄okuoka.
O Laban wĂŻ ginĂŻki o Yakub
22Daha o wange hange ipahaika o Laban iwihi ngahu o Yakub wo piringanoka. 23De o Laban wä toomu ainyawa deʼ kamamoi dede önanga i wï kinïki o Yakub madekana o wange tumidi iwi nïki hiädono o Gilead madaera il̄ö l̄oku-l̄okuika. 24Yohutuku ma Jou Madutu woböa o Labanika ai nanere magoronaka, deʼ wïtemo, ”Nohohininga, de o demo döaka moi ma uha hakali-kali ngona nï ngamo o Yakub.” 25O oraha gënanga o Yakub wohi goko il̄eoka ai tau-tau o tonaka itotoporonoka. Ipaha o tonaka itotoporono mahomoa okali madaera genangokali o Laban de ainyawa ihi goko manga tau-tau.
26De iböto gënanga o Laban wïtemo o Yakubika, ”Ya dodoa ho ngona nohï budi deʼ nahi oara ahingoha-ngohaka, hokä önanga o parangioka de yä tagoko? 27Yadodoa hongona nohï budi deʼ noiki kono mahi ngahua, kono mahi demoua? Demo ma ade ngona nomahi demo, maraioka ngohi toni higumal̄a noiki demasanangi ini hidongotaka de o nyanyi de o musik o rebana deʼ o kecapi! 28I goungu ngona nohihi döakua o oraha la tä ame ahingohaka de ahi danongo hokä o gitingaka. Duru nobodo okianaga nodiai! 29Ngohi kahi kuata todiai o dorou ngonaika, ma’ o hutuika ma Jou Madutu wipuji-puji ani ama wohidöaka o hohininga hupaya hakali-kali uha toni ngamo ngona. 30Ngohi tohiöriki ngona nomäjobo gënanga karana duru noigonolio. Mä yadodoaho ngona natohiki ahi tau magogoana madulada?”
31Daha o Yakub wohaluhu, ”Ngohi toiki tomahi ngahua karana tomodongo Pepe aha nätumungu ani ngoha-ngohaka. 32Yakorona o dulada gënanga, nako Pepe nämake imatengo nenangoka yatohikoka, ünanga aha hihukumu hihohonenge. Natailako, boteka naga ani kianagani Pepe nenangoka. Nako naga, ka idadi nal̄ë. Deʼ nanga nyawa yakunu yahakihi.” O Yakub wohiorikua o ngo Rahel matohiki o dulada gënanga.
33Daha o Laban woiki o Yakub ai tau-tauika deʼ wotailako; de iböto gënanga ünanga woiki o ngo Lea deʼ yahinotö ami gilaongo o ngoheka gënanga manga tau-tauika mä madulada gënanga wamakeua. Mabobaha ünanga wowohama o ngo Rahel ami tau-tauika. 34O öraha gënanga o ngo Rahel mal̄ëoka o dulada gënanga deʼ mö noauku o onta maporetuku mananao mapopojeuku, enahioko muna mahirete mogogeruku o onta maporetuku mananao mal̄okuoka. O Laban watailako o ngo Rahel ami tau-tau mata-mataika, mä wamakeua o dulada gënanga. 35Daha o ngo Rahel mïtemo ami amaika, ”Uha nongamo Baba, ngohi takunua tomaoko toni buhuku Baba, hababu ngohi magogiria o mede ihidaene.” O Laban wolingiri wohi dodiai mä wamakeua o dulada gënanga.
36De o Yakub wongamo, ”O dorou okia ngohi todiaioka?” woleha de aidohata. ”Okia ahihowono hiädono Pepe nohïginïki ngohi? 37O öraha nanga, natailakoka hagala tongohi ahi baranga, Pepe? Nihihupu o baranga gënanga deʼ ikelengauku nenangoka, hupaya ahinyawa deʼ aninyawa Pepe yakunu yamake deʼ yaputuhu o nagona itiai tongone nanga hidogoronaka. 38O taongo monaoko ngohi togogeroka ngonaka Pepe. Ani duba deʼ ani kabingi matika Pepe ihasiloka ingohaka, deʼ ka o kabingi manauru o dutu moiö de komaiwahi ngohi taol̄omo, ani aiwani o gigini Pepe. 39I honenge o aiwani madorou yagoli komaiwa ngohi tao Pepeika, mä ngohi mahirete tatururu. Yatohiki o wangeoka yaoa o hutu-hutu salalu Pepe nodotagahoko hupaya ngohi tatururu. 40Ma moi-ma moi ihi dahaukuku maöraha o wangeoka de toma hi aloika maöraha o hutu-hutu. Hara mangoë ngohi takunua to ma idu. 41Hoko gënanga tongohi ahi hali i dadadi maöraha tomanarama ngonaka Pepe madekana o taongo monaokino. O taongo ngimoi de iata madekana ngohi tokarajanga la tamake ngoni ora yahinoto gënanga Pepe – deʼ o taongo butangali la tomämake o kabingi de o duba matika. Deʼ madekanino gënanga ma Pepe natotagali ahi hewa hiädono mangimoiino. 42Demo ma ade ahi ete de ahi tohora manga Jou Madutu wohigöanua ngohi, enagënanga ma Jou madutu iwipöpuji-puji o Abraham deʼ o Ishak, done maraioka Pepe nohi hulokoka ngohi toiki de ahi giama ihomoa. Mä ma Jou Madutu watailakoka tongohi ahihuha deʼ ahi karajanga tadodiaioka, deʼ o hutuika Unanga wohi döakoka maputuhu.”
O jaji o Yakub deĘĽ o Laban manga hidogoronaka
43Daha o Laban wïbaluhu o Yakub, ”Yahinoto o ngoheka gënanga ngohi ora; toona manga ngohaka ganga tongohi, deʼ o duba matika gënanga kato ngohioli. I gou-goungu, hagala moi-moi namö make-make nenangoka kato ngohi. Mä ngohi takunua todiai okianaga la tätumunguahi ngohaka de ahi danongo. 44Karana gënanga naino ngone hodiai o jaji deʼ hatatoro hohikokalapeuku ohelewo-helewo hokä o jaji gënanga manonako.”
45De ipaha o Yakub wal̄ë ohelewo o gahumu moi deʼ waokoil̄e idadi o hohininga mahelewo. 46Daha ünanga wähuloko ainyawa yatoomu o helewo deʼ yatoporonil̄e. De iböto gënanga önanga kamamoi imahikol̄omo o helewo madoporono gënanga madatekoka. 47O Laban wohiromanga o helewo madoporono gënanga Yegar-Sahaduta, ma o Yakub wohiromanga o Galed. 48O Laban wïtemo o Yakubika, ”O helewo madoporono nënanga aha idadi o hohininga ngoneino inähinoto.” Genanga mahababu o ngï gënanga ihiromanga o Galed. 49O Laban wotemoli, ”Tanu ma Jou wonä tötailako ngone madekana de magurutu homa bori tingakika.” Karana gënanga o ngï gënanga ihiromangö o Mizpa. 50O Laban wotemoli, ”Nako ngona nodiai o dorou ahingoha-ngohakika, ekola nä kawingi o ngoheka mahomoa, ngarokä moiua naga ihiöriki, nohohininga, ma Jou Madutu wonätötailako ngone. 51Nenanga o helewo-helewo tatotoporonoka, deʼ nënanga o hohininga mahelewo. 52Kayaoa o helewo madoporono nënanga, kayaoa o hohininga mahelewo gënanga inahihohininga ngone, ngohi yakunua tatilakuru o doporono nënanga la toni parangi, deʼ ngona mayakunua natilakuru o doporono nënanga deʼ o hohininga mahelewo nenangala nohiparangi ngohi. 53Ma Jou Madutu wipöpuji-puji o Abraham, deʼ wipöpuji-puji o Nahor tongohi ahi ama aha wodadi o hakimi nanga higoronaka.” Daha o Yakub wokoboto de ma Jou Madutu wihö huba-huba ai ama, o Ishak, la ai jajiwaganapu. 54Unanga watoaka o aiwani o dutu moi deʼ wohihuba o doporono gënanga mal̄okuoka. Daha wa ahoko ainyawa la imahikol̄omo. Ipaha de iböto yol̄omo, önanga imäidu o doporonoka gënanga. 55Yarehino mawange o ngoru-ngorumino, o Laban wä ame wohibobaha aingohaka de ai danongika, önanga wahibarakati, daha yolio o ngï yogögogerika.
Currently Selected:
O KEJADIAN 31: TLB
Highlight
Share
Copy
Want to have your highlights saved across all your devices? Sign up or sign in
