O LUKAS 14
14
O Yesus wihi togumu womatëngo wopopanyake
1O Yahudioka manga Puji mawange mamoiuku o Yesus woiki wol̄omo womatëngo o Farisi manyawa manga baluhu aitauoka. Genangoka o nyawa manga ngöe iwitötailako o Yesus ihidodiai. 2Womatëngo iwirube aigiama deʼ ail̄ou il̄obo-l̄oboho waino o Yesusino. 3Daha o Yesus wäleha o agama maguru-guruika deʼ o Farisi manyawa naga genangoka, ”Imoteke nanga agama matita, kaidadi ngone hahitogumu o nyawa yopopanyake o Puji ma wangeoka ekola idadiua?”
4O agama maguru-guru deʼ o Farisi manyawa gënanga kaima rirïdoka. Daha o Yesus wïahoko o nyawa gënanga de wihitogumu, ipaha wïhuloko ünanga woiki. 5#Mat. 12:11 Iböto gënanga o Yesus wätemo o nyawa yowöe-wöeika, ”Hohi ade niahidogoronaka womatëngo aingohaka womatëngo, ekola aihapi gahumu moi yaotaka o humuku o Puji mawangeoka, boteka ünanga de aijapatiokaua wïtauru wihihupu aingohaka gënanga ekola o hapi gënanga kao wange gënanga dika?”
6Mä ka o nyawa moiö de yakunua iwï baluhu o Yesus, mangale o hali gënanga.
O hininga ipoluluku deʼ yöigo ihidöaka
7O Yesus wämäke naga o tamu-tamu imängiriki o ngï duru ma oa-oa. Hababu gënanga Unanga wohidöaka o dodötoko nënanga o nyawa mata-mataika. 8#Ams. 25:6-7 ”Nako ngini inïahoko o kawingi marameangika, uha nioiki nigogere o kuruhi ihohoromatiuku. Hababu uha-uha mahomoa womatëngo iwi ahokoli iholoi iwihoromati de ngona, 9hiädono matau madutu inïaho-ahokoka inihinoto gënanga, pakisa waino ngonaino deʼ wato, ’Uha anihininga ikuranga, o ngï nënanga isadiaka mangale o tamu gënanga.’ Done duru de ani mal̄eke pakisa ngona nogogere o ngï mapore-poretoka. 10Hababu gënanga, nako maorahoka ngini inïahoko o ngol̄omika, nia iriki o ngï mapore-poretoka, hupaya o tau madutu aha waino deʼ wonitemo ngonaika, ’Hobata, naino nögogere o ngï iholoi yaoa-oa.’ De hoko gënanga ngini inïhoromati o tamu mahomoa mata-mata manga himangoka. 11#Mat. 23:12; Luk. 18:14 Hababu moi-moi o nyawa ihikurutil̄e manga diri aha yahitipokouku, mä ihitipokouku manga diri aha yahikurutil̄e.”
12Daha o Yesus wïtemo o tau madutuika, ”Maöraha okia ngona näahoko o nyawa o wangeoka mangol̄omo marameangika ekola o hutu-hutu mangol̄omo, uha nä ahoko anidodiawo ekola anidodoto, ekola aniroriadodoto, ekola nimakokukere yokaya-kaya. Hababu done önanga aha iniahokoli ngona, deʼ hokogënanga ngona natarimaka mabalahi mangale animanarama. 13Hoʼ, maöraha okia ngona nodiai o rameanga, näahoko o mihikini manyawa, o nyawa manga röehe itö totomua, o nyawa yolugu-lugu deʼ o nyawayopilo-piloko. 14Ngona aha inihibarakati, hababu o nyawa ge önanga aha yakunua yabalahi anioa-oa. Ani oa-oa aha ma Jou Madutu wabalahi maorahoka o nyawa maoa-oa yohone-honengoka de yomomikoli.”
O hitotero o rameanga ilago-agomo
(Mat. 22:1-10)
15Womatëngo imako ngol̄omo moi genangokadau, maöraha woihene o Yesus aidemo, ünanga wotemo, ”Duru youtumu o nyawa aha yo ol̄o-ol̄omo de ma Jou Madutu nako maöraha Uunanga woböa hokä o Koano!”
16Mä o Yesus wïtemo o nyawaika gënanga, ”Oraha mamoiuku naga womatëngo wodiai o rame ilago-agomo deʼ wä ahoko o nyawa manga ngöe. 17O öraha yadonoka maöraha yomuläenge yorameanga, o nyawa gënanga wähuloko iwïlöleleani yoiki o gogahoko yamäke-mäkeika deʼ yätemo, ’De mahoromati migahoko niböa, mata-mata hidiaiukuoka!ʼ 18Mä onanga mata-mata moi-moi imahilooa. Madodihiraka wotemo yolöleleanika gënanga, ’Ngohi nënanga dahaö toijaino o tonaka o dumule moi, deʼ iparalu toiki tatailakohi. Uha nihingamo.’ 19Mahomoa yato, ’Ngohi daha toijaino o hapi habi motoa, deʼ tomau tohitaili o hapi gënanga. Uha nihingamo.’ 20Mahomoali yato, ’Ngohi nënanga dahaö tokawingino, karana gënanga ngohi takunua toböa.’
21Yolöleleani gënanga yolio deʼ ihingahu o hali gënanga manga tuangika. Ma tuanga gënanga duru wongamo deʼ wätemo iwï löleleanika, ’Taiti nioiki o ngeko-ngekomika deʼ o ngëkomo i popenetoika o kota magoronaka. Nia ao nenginodau o mihikini manyawa, o nyawa manga röehe itötotomua, o nyawa yopilo-piloko deʼ o nyawa yolugu-lugu.’ 22Ipaha yolöleleani gënanga yotemo, ’Tuanga, anipareta Tuanga mihidagioka, mä kahangöeohi o ngï.’ 23Daha o tuanga gënanga wätemo, ’Nioiki o ngëkomo i ago-agomika deʼ o ngëkomo mahoa-hoanika o kota maporetika deʼ niä gëgoto o nyawa yaino, hupaya ahi tau iömanga. 24Niohohininga! O nyawa tä aho-ahokoka yaino gënanga kamoi ö de moiua aha yajame mahëmoro ahi rameanga nënanga mainomo!ʼ ”
Ima tëngo iwinö ninïki imahi döaka de manga hininga magahumu
(Mat. 10:37-38)
25O nyawa manga ngöe yotagi imakinïki de o Yesus. O Yesus womä lega aiporetoko deʼ wätemo onangika, 26#Mat. 10:37 ”Nako o nyawa yoböa Ngohino, mä iholoi imïdora manga ayo, manga ama, mangahekata, mangangoha-ngohaka, mangariadodoto, maboboloi mangadiri mahirete, önanga yakunua yodadi ihinöninïki. 27#Mat. 10:38, 16:24; Mark. 8:34; Luk. 9:23 O nyawa yolu-oluku yamoku manga salib deʼ ihi nïki Ngohi, yakunua yodadi ihinö ninïki. 28Nako nginioka womatëngo womau wohi goko o dumule yogöa-göana manga ngï o gahumu moi, marai ünanga aha wogogeruku waetongo ihira hokokia ma amoko ai tiwi wohi päke, hupaya ünanga wanäko boteka ai tiwi kayadono hiädono waböto yogöa-göana manga ngï gënanga ekola kowali. 29Hababu nako inyata ünanga wabötua, ena hioko mahohol̄e idiaioka, done o nyawa mata-mata yamäke o manarama gënanga aha yögogiete. 30Onanga aha yotemo, ’Ei, o nyawa nënanga wohigoko, mä kowabötua!ʼ 31Nako o koano womatëngo ai tentara yaribuhu ngimoi womau woparangi de ma koano mahomoa de ai tentara yaribuhu monaoko, marai ma koano gënanga aha wogogeruku watiba-tibanga ihira, boteka ünanga aikuata kayaoa wïlawani aihaturü gënanga. 32Nako ünanga wohiöriki ünanga wokuatua, marai maöraha aihaturü gënanga manga gurutikahi, una aha wohidingoto aihuhuloko la wogahoko imakadame.” 33Wohibobaha o Yesus wotemo, ”Hoko genangoli de ngini. Moiua nginioka womatëngo wakunu wodadi ihinöninïki, nako ünanga womahidöakua hagala mata-mata de aihininga magahumu.”
O gahi mawaja iake-akere
(Mat. 5:13; Mark. 9:50)
34”O gahi mawaja gënanga yaoa, mä nako idadi iakere, kai dadi igahioli? 35Koiwaka mafaidä kayaoa o dumule ihipäke kayaoa o tonaka mahouru. Hoʼ kayaumo dika. Nako de niangauku, ni ihene!”
Currently Selected:
O LUKAS 14: TLB
Highlight
Share
Copy
Want to have your highlights saved across all your devices? Sign up or sign in
O LUKAS 14
14
O Yesus wihi togumu womatëngo wopopanyake
1O Yahudioka manga Puji mawange mamoiuku o Yesus woiki wol̄omo womatëngo o Farisi manyawa manga baluhu aitauoka. Genangoka o nyawa manga ngöe iwitötailako o Yesus ihidodiai. 2Womatëngo iwirube aigiama deʼ ail̄ou il̄obo-l̄oboho waino o Yesusino. 3Daha o Yesus wäleha o agama maguru-guruika deʼ o Farisi manyawa naga genangoka, ”Imoteke nanga agama matita, kaidadi ngone hahitogumu o nyawa yopopanyake o Puji ma wangeoka ekola idadiua?”
4O agama maguru-guru deʼ o Farisi manyawa gënanga kaima rirïdoka. Daha o Yesus wïahoko o nyawa gënanga de wihitogumu, ipaha wïhuloko ünanga woiki. 5#Mat. 12:11 Iböto gënanga o Yesus wätemo o nyawa yowöe-wöeika, ”Hohi ade niahidogoronaka womatëngo aingohaka womatëngo, ekola aihapi gahumu moi yaotaka o humuku o Puji mawangeoka, boteka ünanga de aijapatiokaua wïtauru wihihupu aingohaka gënanga ekola o hapi gënanga kao wange gënanga dika?”
6Mä ka o nyawa moiö de yakunua iwï baluhu o Yesus, mangale o hali gënanga.
O hininga ipoluluku deʼ yöigo ihidöaka
7O Yesus wämäke naga o tamu-tamu imängiriki o ngï duru ma oa-oa. Hababu gënanga Unanga wohidöaka o dodötoko nënanga o nyawa mata-mataika. 8#Ams. 25:6-7 ”Nako ngini inïahoko o kawingi marameangika, uha nioiki nigogere o kuruhi ihohoromatiuku. Hababu uha-uha mahomoa womatëngo iwi ahokoli iholoi iwihoromati de ngona, 9hiädono matau madutu inïaho-ahokoka inihinoto gënanga, pakisa waino ngonaino deʼ wato, ’Uha anihininga ikuranga, o ngï nënanga isadiaka mangale o tamu gënanga.’ Done duru de ani mal̄eke pakisa ngona nogogere o ngï mapore-poretoka. 10Hababu gënanga, nako maorahoka ngini inïahoko o ngol̄omika, nia iriki o ngï mapore-poretoka, hupaya o tau madutu aha waino deʼ wonitemo ngonaika, ’Hobata, naino nögogere o ngï iholoi yaoa-oa.’ De hoko gënanga ngini inïhoromati o tamu mahomoa mata-mata manga himangoka. 11#Mat. 23:12; Luk. 18:14 Hababu moi-moi o nyawa ihikurutil̄e manga diri aha yahitipokouku, mä ihitipokouku manga diri aha yahikurutil̄e.”
12Daha o Yesus wïtemo o tau madutuika, ”Maöraha okia ngona näahoko o nyawa o wangeoka mangol̄omo marameangika ekola o hutu-hutu mangol̄omo, uha nä ahoko anidodiawo ekola anidodoto, ekola aniroriadodoto, ekola nimakokukere yokaya-kaya. Hababu done önanga aha iniahokoli ngona, deʼ hokogënanga ngona natarimaka mabalahi mangale animanarama. 13Hoʼ, maöraha okia ngona nodiai o rameanga, näahoko o mihikini manyawa, o nyawa manga röehe itö totomua, o nyawa yolugu-lugu deʼ o nyawayopilo-piloko. 14Ngona aha inihibarakati, hababu o nyawa ge önanga aha yakunua yabalahi anioa-oa. Ani oa-oa aha ma Jou Madutu wabalahi maorahoka o nyawa maoa-oa yohone-honengoka de yomomikoli.”
O hitotero o rameanga ilago-agomo
(Mat. 22:1-10)
15Womatëngo imako ngol̄omo moi genangokadau, maöraha woihene o Yesus aidemo, ünanga wotemo, ”Duru youtumu o nyawa aha yo ol̄o-ol̄omo de ma Jou Madutu nako maöraha Uunanga woböa hokä o Koano!”
16Mä o Yesus wïtemo o nyawaika gënanga, ”Oraha mamoiuku naga womatëngo wodiai o rame ilago-agomo deʼ wä ahoko o nyawa manga ngöe. 17O öraha yadonoka maöraha yomuläenge yorameanga, o nyawa gënanga wähuloko iwïlöleleani yoiki o gogahoko yamäke-mäkeika deʼ yätemo, ’De mahoromati migahoko niböa, mata-mata hidiaiukuoka!ʼ 18Mä onanga mata-mata moi-moi imahilooa. Madodihiraka wotemo yolöleleanika gënanga, ’Ngohi nënanga dahaö toijaino o tonaka o dumule moi, deʼ iparalu toiki tatailakohi. Uha nihingamo.’ 19Mahomoa yato, ’Ngohi daha toijaino o hapi habi motoa, deʼ tomau tohitaili o hapi gënanga. Uha nihingamo.’ 20Mahomoali yato, ’Ngohi nënanga dahaö tokawingino, karana gënanga ngohi takunua toböa.’
21Yolöleleani gënanga yolio deʼ ihingahu o hali gënanga manga tuangika. Ma tuanga gënanga duru wongamo deʼ wätemo iwï löleleanika, ’Taiti nioiki o ngeko-ngekomika deʼ o ngëkomo i popenetoika o kota magoronaka. Nia ao nenginodau o mihikini manyawa, o nyawa manga röehe itötotomua, o nyawa yopilo-piloko deʼ o nyawa yolugu-lugu.’ 22Ipaha yolöleleani gënanga yotemo, ’Tuanga, anipareta Tuanga mihidagioka, mä kahangöeohi o ngï.’ 23Daha o tuanga gënanga wätemo, ’Nioiki o ngëkomo i ago-agomika deʼ o ngëkomo mahoa-hoanika o kota maporetika deʼ niä gëgoto o nyawa yaino, hupaya ahi tau iömanga. 24Niohohininga! O nyawa tä aho-ahokoka yaino gënanga kamoi ö de moiua aha yajame mahëmoro ahi rameanga nënanga mainomo!ʼ ”
Ima tëngo iwinö ninïki imahi döaka de manga hininga magahumu
(Mat. 10:37-38)
25O nyawa manga ngöe yotagi imakinïki de o Yesus. O Yesus womä lega aiporetoko deʼ wätemo onangika, 26#Mat. 10:37 ”Nako o nyawa yoböa Ngohino, mä iholoi imïdora manga ayo, manga ama, mangahekata, mangangoha-ngohaka, mangariadodoto, maboboloi mangadiri mahirete, önanga yakunua yodadi ihinöninïki. 27#Mat. 10:38, 16:24; Mark. 8:34; Luk. 9:23 O nyawa yolu-oluku yamoku manga salib deʼ ihi nïki Ngohi, yakunua yodadi ihinö ninïki. 28Nako nginioka womatëngo womau wohi goko o dumule yogöa-göana manga ngï o gahumu moi, marai ünanga aha wogogeruku waetongo ihira hokokia ma amoko ai tiwi wohi päke, hupaya ünanga wanäko boteka ai tiwi kayadono hiädono waböto yogöa-göana manga ngï gënanga ekola kowali. 29Hababu nako inyata ünanga wabötua, ena hioko mahohol̄e idiaioka, done o nyawa mata-mata yamäke o manarama gënanga aha yögogiete. 30Onanga aha yotemo, ’Ei, o nyawa nënanga wohigoko, mä kowabötua!ʼ 31Nako o koano womatëngo ai tentara yaribuhu ngimoi womau woparangi de ma koano mahomoa de ai tentara yaribuhu monaoko, marai ma koano gënanga aha wogogeruku watiba-tibanga ihira, boteka ünanga aikuata kayaoa wïlawani aihaturü gënanga. 32Nako ünanga wohiöriki ünanga wokuatua, marai maöraha aihaturü gënanga manga gurutikahi, una aha wohidingoto aihuhuloko la wogahoko imakadame.” 33Wohibobaha o Yesus wotemo, ”Hoko genangoli de ngini. Moiua nginioka womatëngo wakunu wodadi ihinöninïki, nako ünanga womahidöakua hagala mata-mata de aihininga magahumu.”
O gahi mawaja iake-akere
(Mat. 5:13; Mark. 9:50)
34”O gahi mawaja gënanga yaoa, mä nako idadi iakere, kai dadi igahioli? 35Koiwaka mafaidä kayaoa o dumule ihipäke kayaoa o tonaka mahouru. Hoʼ kayaumo dika. Nako de niangauku, ni ihene!”
Currently Selected:
:
Highlight
Share
Copy
Want to have your highlights saved across all your devices? Sign up or sign in