WATTI'U MANGA RASUL 2
2
Darantan Ghaṛṛahon Ruata
1Napawe nia'omante allom Pentakosta, anambon taumata apan mangngimanna na'ammulla su sambau tampa. 2Inaṛṛombanganne niaringiṛṛanna tingikka wuassu langitta naal᷊ihida anginna ma'ikkatta. Wal᷊e aianannu manga taumata udde mangke napenen tingikka. 3See i mangitou naasilo manga lila ere ṛenggammu putungnga mangngeekka su al᷊awo'u tampa wuṛṛu inumarunna si mangitou sangkatou-sangkatou. 4I mangitou sarangkanambone naasomba taṛṛinon Ghaṛṛahon Ruata, wuṛṛu nanattakke mabbisara sulal᷊ummu al᷊awo'u manga wisara waine. I mangitou mabbisara tumuṛṛuttu apa apan ia'onggolu Ghaṛṛaho udde si mangitou iapawisara.
5Su tempo udde manambo taumatan Yahudi, wuṛṛu wuassu al᷊awo'u wanua su ahewallu runia, natana'a su Yerusalem. I mangitou udde taumata matuṛṛutta Ruata. 6Napawe naaringikka tingikka udde, manambo taumata naṛṛimpulunna. I mangitou sarangkanambone niṛṛumindu'a naaringikka manga taumata mangngimanna udde maggahatto sulal᷊ummu wisara mangitou sambau-sambau. 7Ringannu naherangnga wuṛṛu inagukke i mangitou nabbisara, “Manga taumata apan mabbisara indi sarangkanambone wal᷊inewe taumatan Galilea? 8Ereapa arariaddine na'oman sara i ite naaringikka i mangitou mabbisara sulal᷊ummu wisara wanuang kite sambau-sambau? 9I ite manga taumata wuassu Partia, Media, Elam; wuassu Mesopotamia, Yudea wuṛṛu Kapadokia; wuassu Pontus wuṛṛu Asia, 10wuassu Frigia wuṛṛu Pamfilia, wuassu Mesir wuṛṛu manga leta'u Libia maranin Kirene; piaddu wuassi ite lai apan nirumanta wuassu Roma, 11pia manga taumatan Yahudi wuṛṛu pia lai manga taumatam walahanna waine apan suete sinumutta agaman Yahudi; pia lai nirumanta wuassu Kreta wuṛṛu Arab. I ite sarangkanambone maaringikka i mangitou mabbisara sulal᷊ummu wisarang kite sambau-sambau su ola'u hatto apan ma'aherangnga apan niola'u Ruata!” 12Ringannu naherangnga wuṛṛu niagukke i mangitou sarangkanambone uaaiwal᷊o sangkatou ringannu waine, “Apa atapasanne indi?”
13Arawe piaddu lai manga taumata mangngal᷊uandaga. I mangitou nabbisara, “Ei, manga taumata udde wu'anna!”
Nasem Petrus
14See i Petrus dirumarisikka suadio'a ringannu sire mapul᷊o assa rasul waine, wua'udde nabbisara su taumata nambo udde. Ringannu tingikka ma'ikkatta i tou nabbisara, “Manga tuṛṛangnga, manga taumatan Yahudi wuṛṛu sarangkanambone apan uatana'a su Yerusalem! Padaringikka paapia-pia, ana waugu olangnge indi ta'u ital᷊a'a si yamiu ringannu masema-semakka. 15Manga taumata indi wal᷊ine wu'anna, ere su sunnang kamiu; ana waugu orassa indi wakku puulla sio rua'allo. 16Arawe indi suete niapa'asingkattu Ruata si Nabi Yoël:
17Ruata nabbisara, ‘Su panginsueannu runia
I Ya'u sarun mangonggolu Ghaṛṛaho-U su anambon taumata.
Al᷊aṛṛanangngu esakka wuṛṛu al᷊aṛṛanangngu wawine sarun mamasingkatta si yamiu manga inolaanna apan Ta'u ipaasingkatta si mangitou.
Manga dario'a sarun maasilo inolaanna apan Ta'u iapasilo si mangitou.
Manga taumata timmaddenu sarun mabal᷊iawa su ola'u wal᷊iawa apan Ta'u ionggolla si mangitou.
18Su manga allang-Ku lai – mawae esakka ara'e wawine –,
sarun onggol᷊annu Ghaṛṛaho-U su allo udde.
I mangitou sarun mamasingkattu inolaanna apan Ta'u iapaasingkatta si mangitou.
19I Ya'u sarun ma'ola'a manga al᷊aṛṛindu'a roso su langitta,
wuṛṛu inolaanna apan wahewalla su runia;
sarun pia ṛaṛṛa wuṛṛu putungnga, sawudda wuṛṛu timbulla.
20Matannallo sarun maddandumma,
wul᷊anna mabbal᷊i maṛṛamu ere ṛaṛṛa
tantal᷊anna Allo Mawu, Allo apan bahewa wuṛṛu Allo apan mawantuga udde rumanta.
21Su tempo udde taumata apan mailal᷊are su Mawu
sarun masal᷊amatta.’
22Manga tuṛṛangnga taumatan Israel! Padaringikka wisara'u indi: Mawu Yesus taumata Nazaret udde suete nionggol᷊annu Ruata manara hunang kamiu. Udde natualaga su manga al᷊aṛṛindu'a wuṛṛu inolaanna apan wahewalla apan niola'u Ruata su pattangngani yamiu sulal᷊ummu Mawu Yesus udde. Sarangkanambone udde tuṛṛangnga sassane masingkatta. 23Ere su ṛingiṛṛan-Ne sassane, Ruata naṛṛawessa, i Tou manantillu Mawu Yesus si yamiu. Wuṛṛu su tempo i Tou tinantilla, i yamiu namate si Tou ringannu namala manga taumata lal᷊eo nangarussan Tou. 24Arawe Ruata napaawiakki Tou apia wuassu wallattu manga taumata nate. I Tou niallupu papate, arawe Ruata napaal᷊iun Tou, ana waugu tawe ṛinone i Tou sidutu aagasannu papate. 25Su ola'u Mawu Yesus indi i Daud suete nabbisara,
‘I Ya'u sidutu ua'ellega Mawu su saruangku;
I Tou uaammungnga si ya'u, tadea'u ya'u tawe awono'anna.
26Ana waugu udde naungku mangke lulluassa,
moṛṛongku mangke maddalo:
wuṛṛu wadangku indi sarun
mallaṛṛado ringannu matammuda sulal᷊ummu lal᷊abinganna.
27Ana waugu I'o tawe namala ṛimuu'u matantangnga su runian taumata nate.
I'o tawe mamalan allang-Ngu apan matuṛṛutta indi maṛṛimunsa'a wuṛṛu masue.
28I'o suete namantingidu lal᷊anna si ya'u ipatuddan wiakka apan tutune.
Al᷊al᷊uassa sia'u ete niapangillembo ana waugu I'o sidutu uatantalongnga si ya'u.’
29Manga tuṛṛangnga, i ya'u madorongnga mabbisara ringannu masemakka su ola'i Daud, iamangngu al᷊amonang kite udde. I tou nate wuṛṛu suete nilabingnga lai; lal᷊abinganne ta'e udde saran orassa indi. 30Ruata suete na'ire si Daud, ringannu sasalu, manungku sangkatou wuassu wallattu papapulunne sarun itenegu Ruata maola'a ratu. Ana waugu Daud masingkattu paaire udde wuṛṛu ana waugu i tou lai sangkatou nabi, 31i tou masingkatta lai apa apan sarun olaannu Ruata. Nariaddi i tou suete namasingkatta manungku Ratum Punnu Sal᷊amatta apan pina'ire Ruata, sarun mabbiakka apia wuassu papate. Daud nabbisara,
‘I tou tawe iwala matantangnga sulal᷊ummu runian taumata nate;
wadang-Nge tawe maṛṛimunsa'a wuṛṛu masue.’
32Ete Mawu Yesus udde apan niapaawiakku Ruata apia wuassu papate. Iami sarangkanambone suete naasilo sassane olangnge udde. 33I Tou nitenega su aiananna apan matanggakka wuṛṛu nionggol᷊annu Ruata taṛṛino, see nanengkamma Ghaṛṛaho Ruata apan suete pina'iren Iamangnga. Wuṛṛu apan niaringiṛṛanna wuṛṛu aellehanni yamiu orassa indi eteudde Ghaṛṛaho apan suete nionggolla si yami. 34I Daud sassane tawe nasengkengnga watukku surga, arawe i Daud nabbisara,
‘Mawu nabbisara su Mawu-U:
35A'iante su samba'an uanang-Ku,
ma'oman sara i Ya'u ma'ola'a manga seennu massuṛṛubawa Si'o!’
36Ana waugu udde anambon taumatan Israel ṛinone maasingkatta atonna-tonna manungku Mawu Yesus apan niarussang kamiu udde, eteudde Mawu Yesus apan nitenegu Ruata maola'a Mawu wuṛṛu Ratum Punnu Sal᷊amatta!”
37Napawe manga taumata udde naaringikka olangnge udde, naungngi mangitou u'ambul᷊isada. See i mangitou naiwal᷊o si Petrus wuṛṛu manga rasul apan baine, “Manga tuṛṛangnga apa ṛinone olaanni yami?”
38I Petrus sinumimbakka, “Awal᷊ute wuassu manga rosanu. Wuṛṛu i yamiu sambau-sambau ṛinone saṛṛanianna su arannu Mawu Yesus Kristus, tadea'u manga rosanu ampunganna. Ne manga tuṛṛangnga sarun manengkamma Ghaṛṛahon Ruata wuassu Ruata. 39Ana waugu pa'airen Ruata udde maola'a wageangngu wuṛṛu papapulunnu see manga taumata apan uatana'a su tampa apan marau – eteudde anambon taumata apan niwagoannu Ruata rumanta ringanni Tou.”
40Ete aroddi i Petrus mannal᷊a'a si mangitou. Wuṛṛu ringannu wisara apan manambo waine lai i tou nandolokki mangitou tadea'u i mangitou mapaal᷊iun watanganne wuassu walahanna apan dal᷊eo indi apan sarun iṛṛuumannu Ruata. 41Manambo taumata mangngimanna watti'i Petrus, see i mangitou naisaṛṛanite. Ne reengannu taumata mangngimanna su allo udde niatambanna lai tallu ṛiwu su atoune. 42Ringannu maṛṛimada i mangitou sidutu mangngurumma al᷊aṛṛa'a wuassu manga rasul wuṛṛu sidutu uaammulla suadio'a. I mangitou u'anna su sambau wuṛṛu u'al᷊iomanna su sampunna.
Ola'u manga taumata mangngimanna udde mabbiakka
43Manambo atonna al᷊aṛṛindu'a apan maarindu'a apan niola'u manga rasul udde na'oman sara manambo taumata naherangnga wuṛṛu nata'utta. 44Manga taumata apan mangngimanna udde sarangkanambone sidutu uaaukka wuṛṛu apa apan tatahuannani mangitou ipappaatti mangitou suadio'a. 45I mangitou nabal᷊u'u manga sarannapa wuṛṛu pussa'a mangitou, see tinahia roinne si mangitou sarangkanambone tumuṛṛuttu hausannu sangkatou-sangkatou. 46Miallo-miallo i mangitou sidutu uaammulla su Wal᷊e Mawu; lapiddu u'anna suadio'a, ringannu lulluassa wuṛṛu masaṛṛionto'a su manga wal᷊e mangitou. 47I mangitou sidutu madalo Ruata wuṛṛu ipaapulun taumata nambo. Miallo-miallo reenganni mangitou aatambanna ana waugu Mawu nangonggolu manga taumata apan tantal᷊anna sassal᷊amattanna.
Currently Selected:
WATTI'U MANGA RASUL 2: LAITLD
Highlight
Share
Copy
Want to have your highlights saved across all your devices? Sign up or sign in
WATTI'U MANGA RASUL 2
2
Darantan Ghaṛṛahon Ruata
1Napawe nia'omante allom Pentakosta, anambon taumata apan mangngimanna na'ammulla su sambau tampa. 2Inaṛṛombanganne niaringiṛṛanna tingikka wuassu langitta naal᷊ihida anginna ma'ikkatta. Wal᷊e aianannu manga taumata udde mangke napenen tingikka. 3See i mangitou naasilo manga lila ere ṛenggammu putungnga mangngeekka su al᷊awo'u tampa wuṛṛu inumarunna si mangitou sangkatou-sangkatou. 4I mangitou sarangkanambone naasomba taṛṛinon Ghaṛṛahon Ruata, wuṛṛu nanattakke mabbisara sulal᷊ummu al᷊awo'u manga wisara waine. I mangitou mabbisara tumuṛṛuttu apa apan ia'onggolu Ghaṛṛaho udde si mangitou iapawisara.
5Su tempo udde manambo taumatan Yahudi, wuṛṛu wuassu al᷊awo'u wanua su ahewallu runia, natana'a su Yerusalem. I mangitou udde taumata matuṛṛutta Ruata. 6Napawe naaringikka tingikka udde, manambo taumata naṛṛimpulunna. I mangitou sarangkanambone niṛṛumindu'a naaringikka manga taumata mangngimanna udde maggahatto sulal᷊ummu wisara mangitou sambau-sambau. 7Ringannu naherangnga wuṛṛu inagukke i mangitou nabbisara, “Manga taumata apan mabbisara indi sarangkanambone wal᷊inewe taumatan Galilea? 8Ereapa arariaddine na'oman sara i ite naaringikka i mangitou mabbisara sulal᷊ummu wisara wanuang kite sambau-sambau? 9I ite manga taumata wuassu Partia, Media, Elam; wuassu Mesopotamia, Yudea wuṛṛu Kapadokia; wuassu Pontus wuṛṛu Asia, 10wuassu Frigia wuṛṛu Pamfilia, wuassu Mesir wuṛṛu manga leta'u Libia maranin Kirene; piaddu wuassi ite lai apan nirumanta wuassu Roma, 11pia manga taumatan Yahudi wuṛṛu pia lai manga taumatam walahanna waine apan suete sinumutta agaman Yahudi; pia lai nirumanta wuassu Kreta wuṛṛu Arab. I ite sarangkanambone maaringikka i mangitou mabbisara sulal᷊ummu wisarang kite sambau-sambau su ola'u hatto apan ma'aherangnga apan niola'u Ruata!” 12Ringannu naherangnga wuṛṛu niagukke i mangitou sarangkanambone uaaiwal᷊o sangkatou ringannu waine, “Apa atapasanne indi?”
13Arawe piaddu lai manga taumata mangngal᷊uandaga. I mangitou nabbisara, “Ei, manga taumata udde wu'anna!”
Nasem Petrus
14See i Petrus dirumarisikka suadio'a ringannu sire mapul᷊o assa rasul waine, wua'udde nabbisara su taumata nambo udde. Ringannu tingikka ma'ikkatta i tou nabbisara, “Manga tuṛṛangnga, manga taumatan Yahudi wuṛṛu sarangkanambone apan uatana'a su Yerusalem! Padaringikka paapia-pia, ana waugu olangnge indi ta'u ital᷊a'a si yamiu ringannu masema-semakka. 15Manga taumata indi wal᷊ine wu'anna, ere su sunnang kamiu; ana waugu orassa indi wakku puulla sio rua'allo. 16Arawe indi suete niapa'asingkattu Ruata si Nabi Yoël:
17Ruata nabbisara, ‘Su panginsueannu runia
I Ya'u sarun mangonggolu Ghaṛṛaho-U su anambon taumata.
Al᷊aṛṛanangngu esakka wuṛṛu al᷊aṛṛanangngu wawine sarun mamasingkatta si yamiu manga inolaanna apan Ta'u ipaasingkatta si mangitou.
Manga dario'a sarun maasilo inolaanna apan Ta'u iapasilo si mangitou.
Manga taumata timmaddenu sarun mabal᷊iawa su ola'u wal᷊iawa apan Ta'u ionggolla si mangitou.
18Su manga allang-Ku lai – mawae esakka ara'e wawine –,
sarun onggol᷊annu Ghaṛṛaho-U su allo udde.
I mangitou sarun mamasingkattu inolaanna apan Ta'u iapaasingkatta si mangitou.
19I Ya'u sarun ma'ola'a manga al᷊aṛṛindu'a roso su langitta,
wuṛṛu inolaanna apan wahewalla su runia;
sarun pia ṛaṛṛa wuṛṛu putungnga, sawudda wuṛṛu timbulla.
20Matannallo sarun maddandumma,
wul᷊anna mabbal᷊i maṛṛamu ere ṛaṛṛa
tantal᷊anna Allo Mawu, Allo apan bahewa wuṛṛu Allo apan mawantuga udde rumanta.
21Su tempo udde taumata apan mailal᷊are su Mawu
sarun masal᷊amatta.’
22Manga tuṛṛangnga taumatan Israel! Padaringikka wisara'u indi: Mawu Yesus taumata Nazaret udde suete nionggol᷊annu Ruata manara hunang kamiu. Udde natualaga su manga al᷊aṛṛindu'a wuṛṛu inolaanna apan wahewalla apan niola'u Ruata su pattangngani yamiu sulal᷊ummu Mawu Yesus udde. Sarangkanambone udde tuṛṛangnga sassane masingkatta. 23Ere su ṛingiṛṛan-Ne sassane, Ruata naṛṛawessa, i Tou manantillu Mawu Yesus si yamiu. Wuṛṛu su tempo i Tou tinantilla, i yamiu namate si Tou ringannu namala manga taumata lal᷊eo nangarussan Tou. 24Arawe Ruata napaawiakki Tou apia wuassu wallattu manga taumata nate. I Tou niallupu papate, arawe Ruata napaal᷊iun Tou, ana waugu tawe ṛinone i Tou sidutu aagasannu papate. 25Su ola'u Mawu Yesus indi i Daud suete nabbisara,
‘I Ya'u sidutu ua'ellega Mawu su saruangku;
I Tou uaammungnga si ya'u, tadea'u ya'u tawe awono'anna.
26Ana waugu udde naungku mangke lulluassa,
moṛṛongku mangke maddalo:
wuṛṛu wadangku indi sarun
mallaṛṛado ringannu matammuda sulal᷊ummu lal᷊abinganna.
27Ana waugu I'o tawe namala ṛimuu'u matantangnga su runian taumata nate.
I'o tawe mamalan allang-Ngu apan matuṛṛutta indi maṛṛimunsa'a wuṛṛu masue.
28I'o suete namantingidu lal᷊anna si ya'u ipatuddan wiakka apan tutune.
Al᷊al᷊uassa sia'u ete niapangillembo ana waugu I'o sidutu uatantalongnga si ya'u.’
29Manga tuṛṛangnga, i ya'u madorongnga mabbisara ringannu masemakka su ola'i Daud, iamangngu al᷊amonang kite udde. I tou nate wuṛṛu suete nilabingnga lai; lal᷊abinganne ta'e udde saran orassa indi. 30Ruata suete na'ire si Daud, ringannu sasalu, manungku sangkatou wuassu wallattu papapulunne sarun itenegu Ruata maola'a ratu. Ana waugu Daud masingkattu paaire udde wuṛṛu ana waugu i tou lai sangkatou nabi, 31i tou masingkatta lai apa apan sarun olaannu Ruata. Nariaddi i tou suete namasingkatta manungku Ratum Punnu Sal᷊amatta apan pina'ire Ruata, sarun mabbiakka apia wuassu papate. Daud nabbisara,
‘I tou tawe iwala matantangnga sulal᷊ummu runian taumata nate;
wadang-Nge tawe maṛṛimunsa'a wuṛṛu masue.’
32Ete Mawu Yesus udde apan niapaawiakku Ruata apia wuassu papate. Iami sarangkanambone suete naasilo sassane olangnge udde. 33I Tou nitenega su aiananna apan matanggakka wuṛṛu nionggol᷊annu Ruata taṛṛino, see nanengkamma Ghaṛṛaho Ruata apan suete pina'iren Iamangnga. Wuṛṛu apan niaringiṛṛanna wuṛṛu aellehanni yamiu orassa indi eteudde Ghaṛṛaho apan suete nionggolla si yami. 34I Daud sassane tawe nasengkengnga watukku surga, arawe i Daud nabbisara,
‘Mawu nabbisara su Mawu-U:
35A'iante su samba'an uanang-Ku,
ma'oman sara i Ya'u ma'ola'a manga seennu massuṛṛubawa Si'o!’
36Ana waugu udde anambon taumatan Israel ṛinone maasingkatta atonna-tonna manungku Mawu Yesus apan niarussang kamiu udde, eteudde Mawu Yesus apan nitenegu Ruata maola'a Mawu wuṛṛu Ratum Punnu Sal᷊amatta!”
37Napawe manga taumata udde naaringikka olangnge udde, naungngi mangitou u'ambul᷊isada. See i mangitou naiwal᷊o si Petrus wuṛṛu manga rasul apan baine, “Manga tuṛṛangnga apa ṛinone olaanni yami?”
38I Petrus sinumimbakka, “Awal᷊ute wuassu manga rosanu. Wuṛṛu i yamiu sambau-sambau ṛinone saṛṛanianna su arannu Mawu Yesus Kristus, tadea'u manga rosanu ampunganna. Ne manga tuṛṛangnga sarun manengkamma Ghaṛṛahon Ruata wuassu Ruata. 39Ana waugu pa'airen Ruata udde maola'a wageangngu wuṛṛu papapulunnu see manga taumata apan uatana'a su tampa apan marau – eteudde anambon taumata apan niwagoannu Ruata rumanta ringanni Tou.”
40Ete aroddi i Petrus mannal᷊a'a si mangitou. Wuṛṛu ringannu wisara apan manambo waine lai i tou nandolokki mangitou tadea'u i mangitou mapaal᷊iun watanganne wuassu walahanna apan dal᷊eo indi apan sarun iṛṛuumannu Ruata. 41Manambo taumata mangngimanna watti'i Petrus, see i mangitou naisaṛṛanite. Ne reengannu taumata mangngimanna su allo udde niatambanna lai tallu ṛiwu su atoune. 42Ringannu maṛṛimada i mangitou sidutu mangngurumma al᷊aṛṛa'a wuassu manga rasul wuṛṛu sidutu uaammulla suadio'a. I mangitou u'anna su sambau wuṛṛu u'al᷊iomanna su sampunna.
Ola'u manga taumata mangngimanna udde mabbiakka
43Manambo atonna al᷊aṛṛindu'a apan maarindu'a apan niola'u manga rasul udde na'oman sara manambo taumata naherangnga wuṛṛu nata'utta. 44Manga taumata apan mangngimanna udde sarangkanambone sidutu uaaukka wuṛṛu apa apan tatahuannani mangitou ipappaatti mangitou suadio'a. 45I mangitou nabal᷊u'u manga sarannapa wuṛṛu pussa'a mangitou, see tinahia roinne si mangitou sarangkanambone tumuṛṛuttu hausannu sangkatou-sangkatou. 46Miallo-miallo i mangitou sidutu uaammulla su Wal᷊e Mawu; lapiddu u'anna suadio'a, ringannu lulluassa wuṛṛu masaṛṛionto'a su manga wal᷊e mangitou. 47I mangitou sidutu madalo Ruata wuṛṛu ipaapulun taumata nambo. Miallo-miallo reenganni mangitou aatambanna ana waugu Mawu nangonggolu manga taumata apan tantal᷊anna sassal᷊amattanna.
Currently Selected:
:
Highlight
Share
Copy
Want to have your highlights saved across all your devices? Sign up or sign in