WATTI'U MANGA RASUL 3
3
Taumata lome niapaapia
1Su sambau allo i Petrus wuṛṛu i Yohanes inai su Wal᷊e Mawu su puulla tatallu wawallo, eteudde orassa umal᷊iomanna. 2Poiaroddi ngara wahewa apan isassago “Ngara Maṛṛamaga”, pia sangkatou esakka lome ro'en dariaddine. Miallo-miallo taumata udde ia'apidda isudde iaparorongnga su manga taumata apan sumutta su Wal᷊e Mawu. 3Napawe taumata udde naasilo si Petrus wuṛṛu si Yohanes sussutta su Wal᷊e Mawu, i tou nadorongnga sitarua mangonggolu sarannapa si tou. 4Ne itarua nanutuda si tou, wua'udde Petrus nabbisara, “Pa'ellege si yami!” 5See taumata udde nanutuda sitarua ringannu antimma sarun onggol᷊annu sarannapa wuassi mangitou. 6Arawe i Petrus nabbisara si tou, “I Ya'u tawe doitta sarang kadio'a. Arawe apa apan indi si ya'u, sarun ta'u ionggolla si'o: Ringannu taṛṛinon Yesus Kristus taumata Nazaret udde, amatte i'o!” 7See i Petrus nangagassa taumata udde su lima aikkatanne wuṛṛu nantul᷊ungngi tou dirumarisikka. Leddan taumata udde wuṛṛu wawul᷊annu leddane, lapiddu nabal᷊i matohassa. 8See i tou sinumolo'a dirumarisikka, wuṛṛu inumamatte uapapal᷊ele isudde. Wua'udde i tou sinumutta su Wal᷊e Mawu suadio'a ringanni Petrus wuṛṛu i Yohanes lapiddu u'amatta wuṛṛu sussolo'a wuṛṛu maddalo Ruata. 9Awada'alla naasilo si tou u'amatta wuṛṛu maddalo Ruata. 10See i mangitou naatutukka manungku ete i tou madarorongnga apan wiasane ua'ianna su “Ngara Maṛṛamaga” su Wal᷊e Mawu. I mangitou naherangnga wuṛṛu niagukke naasilo apa apan suete nariaddi si tou.
Nasem Petrus sulal᷊ummu Wal᷊e Mawu
11Taumata udde sidutu uatantalongnga si Petrus wuṛṛu si Yohanes. Wuṛṛu napawe i mangitoun tallu na'omate su panumbal᷊e apan isassago “Panumbal᷊en Salomo”, anambon taumata nirumanta maṛṛimpulunna si mangitoun tallu ana waugu niagukke. 12Napawe i Petrus naasilo manga taumata udde, i tou nabbisara si mangitou, “Ei manga taumatan Israel, anio manga tuṛṛangnga maggerangngu olangnge indi? Anio i yamiu sidutu ua'ellega si yami? Apa i yamiu massunna manungku taumata indi naamatta ana waugu taṛṛino wuassi yami ara'e ana waugu i yami matuṛṛutta Ruata? 13Ruata apan sassubbanni Abraham, i Ishak, i Yakub, Ruatan al᷊amonang kite, Ruata udde suete namantuga Allang-Nge eteudde Mawu Yesus, ete Mawu Yesus udde tinantilli yamiu su tembonanne wuṛṛu niroapanni yamiu su saruanni i Pilatus, su tempo Pilatus ma'apulu mamallosi Tou. 14I tou na'ukkassa wuṛṛu mapia, arawe i yamiu mannal᷊are wuṛṛu mammata'a tadea'u i Pilatus mamallossu sangkatou taṛṛa pate si yamiu. 15Manga tuṛṛangnga namate si Tou, sumbal᷊i ete i Tou punnu wiakku taumata nambo. Wuṛṛu Ruata suete napaawiakki Tou apia wuassu papate. Wuṛṛu i yami suete naasilo sassane olangnge udde. 16Manga tuṛṛangnga suete naasilo wuṛṛu nattiala apa apan nariaddi su taumata lome indi. I Tou nabal᷊i matohassa, wuṛṛu napia ana waugu mangngimanna Mawu Yesus wuṛṛu taṛṛino-Ne. Ana waugu mangngimanna Mawu Yesus, ne taumata indi napiate apia su saruannu manga tuṛṛangnga sarangkanambone.
17Manga tuṛṛangnga! Orassa indi ya'u masingkate manungku apa apan a'olaanni yamiu wuṛṛu manga piaṛṛa'i yamiu su Mawu Yesus, udde a'olaanni yamiu ana waugu i yamiu wagga apa apan tantal᷊anna a'olaanni yamiu. 18Wuṛṛu ana waugu eteudde natipusse apa apan suete niapaasingkattu Ruata ro'en al᷊amonane sulal᷊ummu manga nabi-Ne, manungku Ratum Punnu Sal᷊amatta apan pina'ire udde ṛinone matataṛṛangnga. 19Ana waugu udde manga tuṛṛangnga, awal᷊ute wuassu manga rosanu wuṛṛu pabelengke ringannu Ruata tadea'u i Tou mamapassa manga rosanu. 20Mawu sarun rumanta ringanni yamiu, wuṛṛu i yamiu sarun maapendamma atatohassa wakku sulal᷊ummu pangangimanna. Wuṛṛu Mawu sarun mandolokku Mawu Yesus rumanta ringanni yamiu, ana waugu i Tou suete tinantunnu Ruata maola'a Ratum Punnu Sal᷊amatti yamiu. 21I Tou sarun matana'a su surga ma'oman sara Ruata ma'ola'a sarangkanambone wakku ere lai suete niapaasingkattu Ruata su manga nabi-Ne tempo rorone. 22I Musa suete nabbisara, ‘Ruatanu sarun mandolokka ringanni yamiu sangkatou nabi wuassu walahannu sassane ere lai i Tou nandolo'u. I yamiu ṛinone madaringikka anambon watti'a apan nipasingkattu nabi udde si yamiu. 23Taumata apan tawe madaringikka wisara nabi udde, taumata udde sarun limbuaṛṛanna wuassu walahannu Ruata wuṛṛu pateanna.’ 24Manga nabi apan suete namasingkattu watti'u Ruata, manattakka wuassi Nabi Samuel wuṛṛu manga nabi waine apan nirumanta sal᷊immurine, sarangkanambone namasingkatta su ola'u tempo indi. 25Manga pa'airen Ruata apan niapaasingkattu manga nabi, eteudde huna manga tuṛṛangnga. Sulal᷊ummu pa'aire apan niola'u Ruata su iupungngu al᷊amonanu, Ruata nabbisara si Abraham arendi, ‘Wuassu papapulunnu, i Ya'u sarun mangal᷊amatta al᷊awo'u taumata su runia.’ Pa'aire udde hunane si yamiu lai. 26Ana waugu udde Ruata namile Allang-Nge, see nandolokki Tou nirumanta ringanni yamiu paarorone, tadea'u i Tou mangal᷊amatta si yamiu. Olangnge i Tou mangal᷊amatta eteudde na'ola'a manga tuṛṛangnga sarangkanambone nawal᷊u wuassu ola'u wiakki yamiu apan lal᷊eo.”
Currently Selected:
WATTI'U MANGA RASUL 3: LAITLD
Highlight
Share
Copy
Want to have your highlights saved across all your devices? Sign up or sign in
WATTI'U MANGA RASUL 3
3
Taumata lome niapaapia
1Su sambau allo i Petrus wuṛṛu i Yohanes inai su Wal᷊e Mawu su puulla tatallu wawallo, eteudde orassa umal᷊iomanna. 2Poiaroddi ngara wahewa apan isassago “Ngara Maṛṛamaga”, pia sangkatou esakka lome ro'en dariaddine. Miallo-miallo taumata udde ia'apidda isudde iaparorongnga su manga taumata apan sumutta su Wal᷊e Mawu. 3Napawe taumata udde naasilo si Petrus wuṛṛu si Yohanes sussutta su Wal᷊e Mawu, i tou nadorongnga sitarua mangonggolu sarannapa si tou. 4Ne itarua nanutuda si tou, wua'udde Petrus nabbisara, “Pa'ellege si yami!” 5See taumata udde nanutuda sitarua ringannu antimma sarun onggol᷊annu sarannapa wuassi mangitou. 6Arawe i Petrus nabbisara si tou, “I Ya'u tawe doitta sarang kadio'a. Arawe apa apan indi si ya'u, sarun ta'u ionggolla si'o: Ringannu taṛṛinon Yesus Kristus taumata Nazaret udde, amatte i'o!” 7See i Petrus nangagassa taumata udde su lima aikkatanne wuṛṛu nantul᷊ungngi tou dirumarisikka. Leddan taumata udde wuṛṛu wawul᷊annu leddane, lapiddu nabal᷊i matohassa. 8See i tou sinumolo'a dirumarisikka, wuṛṛu inumamatte uapapal᷊ele isudde. Wua'udde i tou sinumutta su Wal᷊e Mawu suadio'a ringanni Petrus wuṛṛu i Yohanes lapiddu u'amatta wuṛṛu sussolo'a wuṛṛu maddalo Ruata. 9Awada'alla naasilo si tou u'amatta wuṛṛu maddalo Ruata. 10See i mangitou naatutukka manungku ete i tou madarorongnga apan wiasane ua'ianna su “Ngara Maṛṛamaga” su Wal᷊e Mawu. I mangitou naherangnga wuṛṛu niagukke naasilo apa apan suete nariaddi si tou.
Nasem Petrus sulal᷊ummu Wal᷊e Mawu
11Taumata udde sidutu uatantalongnga si Petrus wuṛṛu si Yohanes. Wuṛṛu napawe i mangitoun tallu na'omate su panumbal᷊e apan isassago “Panumbal᷊en Salomo”, anambon taumata nirumanta maṛṛimpulunna si mangitoun tallu ana waugu niagukke. 12Napawe i Petrus naasilo manga taumata udde, i tou nabbisara si mangitou, “Ei manga taumatan Israel, anio manga tuṛṛangnga maggerangngu olangnge indi? Anio i yamiu sidutu ua'ellega si yami? Apa i yamiu massunna manungku taumata indi naamatta ana waugu taṛṛino wuassi yami ara'e ana waugu i yami matuṛṛutta Ruata? 13Ruata apan sassubbanni Abraham, i Ishak, i Yakub, Ruatan al᷊amonang kite, Ruata udde suete namantuga Allang-Nge eteudde Mawu Yesus, ete Mawu Yesus udde tinantilli yamiu su tembonanne wuṛṛu niroapanni yamiu su saruanni i Pilatus, su tempo Pilatus ma'apulu mamallosi Tou. 14I tou na'ukkassa wuṛṛu mapia, arawe i yamiu mannal᷊are wuṛṛu mammata'a tadea'u i Pilatus mamallossu sangkatou taṛṛa pate si yamiu. 15Manga tuṛṛangnga namate si Tou, sumbal᷊i ete i Tou punnu wiakku taumata nambo. Wuṛṛu Ruata suete napaawiakki Tou apia wuassu papate. Wuṛṛu i yami suete naasilo sassane olangnge udde. 16Manga tuṛṛangnga suete naasilo wuṛṛu nattiala apa apan nariaddi su taumata lome indi. I Tou nabal᷊i matohassa, wuṛṛu napia ana waugu mangngimanna Mawu Yesus wuṛṛu taṛṛino-Ne. Ana waugu mangngimanna Mawu Yesus, ne taumata indi napiate apia su saruannu manga tuṛṛangnga sarangkanambone.
17Manga tuṛṛangnga! Orassa indi ya'u masingkate manungku apa apan a'olaanni yamiu wuṛṛu manga piaṛṛa'i yamiu su Mawu Yesus, udde a'olaanni yamiu ana waugu i yamiu wagga apa apan tantal᷊anna a'olaanni yamiu. 18Wuṛṛu ana waugu eteudde natipusse apa apan suete niapaasingkattu Ruata ro'en al᷊amonane sulal᷊ummu manga nabi-Ne, manungku Ratum Punnu Sal᷊amatta apan pina'ire udde ṛinone matataṛṛangnga. 19Ana waugu udde manga tuṛṛangnga, awal᷊ute wuassu manga rosanu wuṛṛu pabelengke ringannu Ruata tadea'u i Tou mamapassa manga rosanu. 20Mawu sarun rumanta ringanni yamiu, wuṛṛu i yamiu sarun maapendamma atatohassa wakku sulal᷊ummu pangangimanna. Wuṛṛu Mawu sarun mandolokku Mawu Yesus rumanta ringanni yamiu, ana waugu i Tou suete tinantunnu Ruata maola'a Ratum Punnu Sal᷊amatti yamiu. 21I Tou sarun matana'a su surga ma'oman sara Ruata ma'ola'a sarangkanambone wakku ere lai suete niapaasingkattu Ruata su manga nabi-Ne tempo rorone. 22I Musa suete nabbisara, ‘Ruatanu sarun mandolokka ringanni yamiu sangkatou nabi wuassu walahannu sassane ere lai i Tou nandolo'u. I yamiu ṛinone madaringikka anambon watti'a apan nipasingkattu nabi udde si yamiu. 23Taumata apan tawe madaringikka wisara nabi udde, taumata udde sarun limbuaṛṛanna wuassu walahannu Ruata wuṛṛu pateanna.’ 24Manga nabi apan suete namasingkattu watti'u Ruata, manattakka wuassi Nabi Samuel wuṛṛu manga nabi waine apan nirumanta sal᷊immurine, sarangkanambone namasingkatta su ola'u tempo indi. 25Manga pa'airen Ruata apan niapaasingkattu manga nabi, eteudde huna manga tuṛṛangnga. Sulal᷊ummu pa'aire apan niola'u Ruata su iupungngu al᷊amonanu, Ruata nabbisara si Abraham arendi, ‘Wuassu papapulunnu, i Ya'u sarun mangal᷊amatta al᷊awo'u taumata su runia.’ Pa'aire udde hunane si yamiu lai. 26Ana waugu udde Ruata namile Allang-Nge, see nandolokki Tou nirumanta ringanni yamiu paarorone, tadea'u i Tou mangal᷊amatta si yamiu. Olangnge i Tou mangal᷊amatta eteudde na'ola'a manga tuṛṛangnga sarangkanambone nawal᷊u wuassu ola'u wiakki yamiu apan lal᷊eo.”
Currently Selected:
:
Highlight
Share
Copy
Want to have your highlights saved across all your devices? Sign up or sign in