PANDARIADDI 8
8
Panginsueannu manawangnga
1Ruata tawe maabul᷊in Nuh wuṛṛu al᷊awo'u winatangnga su sampunna ringanni tou sulal᷊ummu apalla udde. Ruata napatiuppu anginna, na'oman sara ua'e udde mannatakke u'eṛṛotta. 2Anambon al᷊imatan ua'e su wantan dunia wuṛṛu al᷊awo'u sasabangannu ua'e su langitta niṛṛapingan-Ne. Uranna naddote, 3wuṛṛu ua'e mabbawote. Napawe nal᷊iudde 150 su allone, ua'e tate tumaniten mal᷊al᷊umma. 4Su allo appul᷊one pitu wul᷊anna appitune, apalla udde nisiladde su sambau puiddu panenteannu Ararat. 5Ua'e sidutu u'eṛṛotta wuṛṛu su allo paarorone wul᷊anna appul᷊one, manga puiddu wowone ia asilote.
6Napawe appatu pal᷊o su allone nal᷊iudde, i Nuh namu'a sambau sungketu apalla, 7wuṛṛu namallossu sambau manu'a gagak. Manu'a udde tawe nabelengnga su apalla, ewe'e sidutu tuttalla'a mammal᷊iwutta na'oman sara ua'en manawangnga udde neṛṛota atonna. 8Tantal᷊anna udde i Nuh namallossu sambau manu'a merpati tadea'u maasingkatta tanne ua'e neṛṛote ara'e taambe. 9Arawe ana waugu ua'e ta'e maṛṛammon dunia, manu'a merpati udde tawe naasomba arumanne. Ne i tou nabelengke su apalla; i Nuh nanogokku limane ana see i tou niapasuttate. 10I Nuh nallaṛṛado pitu allo lai, ana see namallossu manu'a merpati udde apia. 11Su wawallone manu'a udde nabelengnga ringanni tou uaapiddu sangkul᷊appa rongngu zaitun ta'e wakku su sasumigge. Orassa udde i Nuh naasingkatta manungku ua'e neṛṛotte. 12Napawe naṛṛaddo pitu allo lai, i tou namallossu merpati udde paasa lai; wuṛṛu paassa udde manu'a udde tate nabelengnga ringanni tou.
13Su tempo i Nuh uukke 601 su tonnane, su allo paarorone wul᷊anna paarorone, ua'e mangke neṛṛote atonna. I Nuh namilassa atuppu apalla udde, wuṛṛu na'ellega uapal᷊iwutta si tou. I tou naasilo manungku leta'a mamarate. 14Su allo ruan pul᷊o pitu wul᷊anna aruane, runia namarate.
15Ana see Ruata nabbisarate si Nuh, 16“Sabbangke wuassu apalla udde ringannu awingngu, al᷊aṛṛanangngu wuṛṛu manga awingngi mangitou. 17Paasabanga'e al᷊awo'u manu'u winalanganna wuṛṛu winatangnga waine, wahahewalla ara'e maradio'a, tadea'u i mangitou wotongnge maṛṛite wuṛṛu massal᷊iawukka su ahewallu runia.” 18Ana see i Nuh sinumabbangke wuassu apalla udde suadio'a ringannu awingnge, al᷊aṛṛanangnge wuṛṛu manga awingngi mangitou. 19Anambon manu'u winalanganna wuṛṛu winatangngu ammaranne sinumabbangnga wuassu apalla udde, sambau-sambau tumuṛṛuutu walahanne.
I Nuh nangonggollu sasamba
20I Nuh napararisikku sambau mezbah hunan Mawu. I tou nanganu sambau su wallattu manu'u winalanganna wuṛṛu winatangnga waine apan tawe ipappalli, ana see nionggolla su Mawu naola'a sambau sasamba itattambunna su wowon mezbah udde. 21Hal᷊urun sasamba apan mawangngi udde naal᷊uassa naungngu Mawu, wuṛṛu i Tou nabbisara sulal᷊ummu naungnga, “I ya'u tate lai mamontoga runia indi ana waugu inolaannu taumata; i Ya'u masingkatta manungku ro'en i tou ta'e dario'a, ṛingirannu taumata udde lal᷊eo. I ya'u tate saran paassa mamate alawo'u riadianna wiakka naal᷊ihidda ere buatte Ta'u niola'a indi. 22Tantal᷊anna ta'e pia dunia indi, sidutu pia tempo mangasi'a wuṛṛu tempo mangitingnga, tempo masunge wuṛṛu tempon padissa, tempo mamara wuṛṛu tempo manguranna, allo wuṛṛu ṛabbi.”
Currently Selected:
PANDARIADDI 8: LAITLD
Highlight
Share
Copy
Want to have your highlights saved across all your devices? Sign up or sign in
PANDARIADDI 8
8
Panginsueannu manawangnga
1Ruata tawe maabul᷊in Nuh wuṛṛu al᷊awo'u winatangnga su sampunna ringanni tou sulal᷊ummu apalla udde. Ruata napatiuppu anginna, na'oman sara ua'e udde mannatakke u'eṛṛotta. 2Anambon al᷊imatan ua'e su wantan dunia wuṛṛu al᷊awo'u sasabangannu ua'e su langitta niṛṛapingan-Ne. Uranna naddote, 3wuṛṛu ua'e mabbawote. Napawe nal᷊iudde 150 su allone, ua'e tate tumaniten mal᷊al᷊umma. 4Su allo appul᷊one pitu wul᷊anna appitune, apalla udde nisiladde su sambau puiddu panenteannu Ararat. 5Ua'e sidutu u'eṛṛotta wuṛṛu su allo paarorone wul᷊anna appul᷊one, manga puiddu wowone ia asilote.
6Napawe appatu pal᷊o su allone nal᷊iudde, i Nuh namu'a sambau sungketu apalla, 7wuṛṛu namallossu sambau manu'a gagak. Manu'a udde tawe nabelengnga su apalla, ewe'e sidutu tuttalla'a mammal᷊iwutta na'oman sara ua'en manawangnga udde neṛṛota atonna. 8Tantal᷊anna udde i Nuh namallossu sambau manu'a merpati tadea'u maasingkatta tanne ua'e neṛṛote ara'e taambe. 9Arawe ana waugu ua'e ta'e maṛṛammon dunia, manu'a merpati udde tawe naasomba arumanne. Ne i tou nabelengke su apalla; i Nuh nanogokku limane ana see i tou niapasuttate. 10I Nuh nallaṛṛado pitu allo lai, ana see namallossu manu'a merpati udde apia. 11Su wawallone manu'a udde nabelengnga ringanni tou uaapiddu sangkul᷊appa rongngu zaitun ta'e wakku su sasumigge. Orassa udde i Nuh naasingkatta manungku ua'e neṛṛotte. 12Napawe naṛṛaddo pitu allo lai, i tou namallossu merpati udde paasa lai; wuṛṛu paassa udde manu'a udde tate nabelengnga ringanni tou.
13Su tempo i Nuh uukke 601 su tonnane, su allo paarorone wul᷊anna paarorone, ua'e mangke neṛṛote atonna. I Nuh namilassa atuppu apalla udde, wuṛṛu na'ellega uapal᷊iwutta si tou. I tou naasilo manungku leta'a mamarate. 14Su allo ruan pul᷊o pitu wul᷊anna aruane, runia namarate.
15Ana see Ruata nabbisarate si Nuh, 16“Sabbangke wuassu apalla udde ringannu awingngu, al᷊aṛṛanangngu wuṛṛu manga awingngi mangitou. 17Paasabanga'e al᷊awo'u manu'u winalanganna wuṛṛu winatangnga waine, wahahewalla ara'e maradio'a, tadea'u i mangitou wotongnge maṛṛite wuṛṛu massal᷊iawukka su ahewallu runia.” 18Ana see i Nuh sinumabbangke wuassu apalla udde suadio'a ringannu awingnge, al᷊aṛṛanangnge wuṛṛu manga awingngi mangitou. 19Anambon manu'u winalanganna wuṛṛu winatangngu ammaranne sinumabbangnga wuassu apalla udde, sambau-sambau tumuṛṛuutu walahanne.
I Nuh nangonggollu sasamba
20I Nuh napararisikku sambau mezbah hunan Mawu. I tou nanganu sambau su wallattu manu'u winalanganna wuṛṛu winatangnga waine apan tawe ipappalli, ana see nionggolla su Mawu naola'a sambau sasamba itattambunna su wowon mezbah udde. 21Hal᷊urun sasamba apan mawangngi udde naal᷊uassa naungngu Mawu, wuṛṛu i Tou nabbisara sulal᷊ummu naungnga, “I ya'u tate lai mamontoga runia indi ana waugu inolaannu taumata; i Ya'u masingkatta manungku ro'en i tou ta'e dario'a, ṛingirannu taumata udde lal᷊eo. I ya'u tate saran paassa mamate alawo'u riadianna wiakka naal᷊ihidda ere buatte Ta'u niola'a indi. 22Tantal᷊anna ta'e pia dunia indi, sidutu pia tempo mangasi'a wuṛṛu tempo mangitingnga, tempo masunge wuṛṛu tempon padissa, tempo mamara wuṛṛu tempo manguranna, allo wuṛṛu ṛabbi.”
Currently Selected:
:
Highlight
Share
Copy
Want to have your highlights saved across all your devices? Sign up or sign in