Eksodusi 13
13
1Jehova i lo wulawula ka Mosi, aku: Nzi basisele a matewula wontihe.
2Zontlhe za matewula xikari ka vanana va ka Israeli, a vanhu hambu zifuyo, zontlhe za mina. Mitse. 3:13; Lu. 2:23
3Zonake Mosi aku ka vanhu: Alakanyani a siku legi mu humesilweko ha gona le Gipite, a ndlwini ya wukhumbi; hakuva Jehova i lo mu humesa hi canja ga ntamu; hikwalaho mu nga dzuki muga lezi zi comelweko hi siku lego.
4Mu humele hi siku lego ga hweti ya Abib.
5Laha Jehova a ta nga mu chiketa a tikweni ga Kanani, ni ga vaHiti, ni ga vaAmori, ni ga vaHivi, ni ga vajebusi, a tiko legi a hlambanyileko ka vararu va nwina a ku va nyika gona, a tiko ga masi ni wulombe; ka hweti leyi mu ta hlayisa ziyimiso lezi:
6Ntlhanu wa masiku ni mambiri mu taga a zibaba zi nga comelwangiko; zonake hi siku ga wuntlhanu ni mambiri, ku tava mutlhangano wa Jehova.
7Ntlhanu wa masiku ni mambiri a ku giwe a zibaba zi nga hiko na comelo. Ku nga dzuki ku woniwa a zibaba zi comelweko; ni comelo gi nga dzuki gi woniwa lomu tikweni ga nwina gontlhe.
8Hi laho u ta nga byela a nʼwana wa wena uku: Lexi xialakanyiso xa lezi Jehova a hi maheleko xikhati lexo hi nga huma Gipite.
9Lexi xi tava xikombiso a canjeni ga wena, ni xialakanyiso xikari ka mahlo ya wena. A nayo wa Jehova wu tava nonwini wa wena, hakuva Jehova i ku humesile le Gipite hi canja ga ntamu.
10U ta hlayisa a xiyimiso lexi hi xikhati xa xona, ka malembe wontihe.
11Laha Jehova a ta nga ku chiketa a tikweni ga vaKanani, kota lezi a hlambanyileko ka wena ni ka vararu va wena, a ku ku nyika gona,
12u ta hendleleta ka Jehova a matewula wontihe, ni matewula wontihe ya zifuyo za wena; zontlhe za matewula na zi hi za vamatsune zi tava za Jehova.
13Kanilezi a matewula wontihe ya timbongola ma ta tekiswa hi ziyivana; loku u nga ma tekisi, u ta tshova nhamu. A matewula wontihe ya vanhu xikari ka vanana va wena, u ta ma tekisa.
14Zonake loku a nʼwana wa wena a ta ku wutisa hi ka zinwani zikhati, aku; Lezi zi wula yini? U taku ka yena: Jehova i lo hi humesa hi canja ga ntamu lomu ndlwini ya wukhumbi;
15laha Faro a nga wa ala ku hi tlhatlha, Jehova i lo daya matewula wontihe ya tiko ga Gipite, kusukela ka matewula ya vanhu kala ka matewula ya zifuyo, hikwalaho nza phahlela ka Jehova hi matewula wontihe ya vamatsune, ni vanana va mina vontlhe va matewula, nza va tekisa.
16Xi tava xikombiso a canjeni ga wena, ni le ximombyeni xa wena; hakuva Jehova i hi humesile le Gipite hi canja ga ntamu.
17Laha Faro a nga tlhatlhile a vanhu, Nungungulu a nga va fambisangi hi ndlela ya tiko ga maFilistia, leyi yi hatlisako, hakuva Nungungulu ite: A vanhu va nga hunzuluka hi ku wona yimpi, va sangula ku tlhelela Gipite.
18Hilezo i lo va hambukisa hi ndlela ya xiwula, hi tlhelo ga Bimbi go Pswhuka. A vanana va ka Israeli va lo huma tikweni ga Gipite na va hlomile.
19Mosi i lo teka marambu ya Josefa; hakuva Josefa i wa hlamhanyisile a vanana va ka Israeli, aku: Hakunene Nungungulu i ta mu enzela, hikwalaho mu ta suka lomu zinwe ni marambu ya mina. Gen. 50:25; Maheb. 11:22
20Zonake va lo suka Sukote, va ya chikela Etama, va lo gova hi tlhelo ga xiwula.
21Jehova i lo va rangela laha munwini hi mhinga ya refu, ku va kombisa ndlela, ni laha wusikwini hi mhinga ya nzilo kasi ku va byeningela, va fela ku famba mumu ni wusiku. Mitse. 14:14; 1 Kor. 10:1
22A mhinga ya refu ni mumu, ni mhinga ya nzilo ni wusiku, a zi sukangi mahlweni ka vanhu.
Currently Selected:
Eksodusi 13: TSC72
Highlight
Share
Compare
Copy
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
