Eksodusi 36

1Bezaleli na Oholiaba, ni vontlhe vameseri vo tlhariha, lava Jehova a va nyikileko wutlhari ni kupima ni ku tiva ku tira va lota, va ta tira mitiro yontlhe ya wutshamu go basa khwatsi hilezi Jehova a leleteleko.

2Zonake Mosi i lo vitana Bezaleli na Oholiaba, ni vontlhe vameseri, lava Jehova a va nyikileko wutlhari timbilwini tabye, ni vontlhe lava timbilu tabye ti susumetwako ku tira mitiro.

3Va lo teka a mihlengo yontlhe ka Mosi, leyi yi nehilweko hi vana va ka Israeli, kasi ku tira a ntiro wa wutshamu go basa; kanilezi a vanhu va wa simamisa ku nyikela siku ni siku laha mixweni.

4Zonake vontlhe vameseri lava va tirako mitiro yontlhe ya wutshamu go basa, va lo tsika mitiro leyi va tirako, vata ka Mosi, va taku:

5A vanhu va nyikele ku hunza a ntiro lowu Jehova a leleteleko lezaku wu mahiwa.

6Zonake Mosi i lo leletela lezaku va huwelela lomu wugovelweni lezaku: Vavanuna ni vavasati va nga ha longiseli kambe a minyikelo ya ntiro wa wutshamu go basa. Lezo a vanhu va lo tsikiswa ku nyikela a zilo zabye.

7Hakuva a zilo zo maha mitiro yontlhe zi wa enele zi tlhela zi sala.

8Zonake vontlhe vameseri va tlharihileko xikari ka lava va tirako mitiro, va lo aka a tabernakeli hi khume ga tinguwo ta wukene go saseka, gi khatilweko, ni ta wukuxe ni to valala, ni to zirila, va gi mahela ni makerubima laya ma lukelweko hi wutlhari.

9A kuleha ka nguwo yinwe ni yinwani ku wa 28 wa mikono, a kuanama ka yona ku wa hi mune wa mikono; a tinguwo tontlhe ti wa mahiwa hi lipimo linwe.

10Ku patsiwa ntlhanu wa tinguwo, ni tinwani kambe a ntlhanu wa tinguwo ti patsiwa khatiginwe, kuva tinguwo timbiri ta hombe.

11Zonake va swula a tingoti ta wukuxe laha ka nzhungo wa nguwo yo ranga, hi le magumo ka tinguwo leti ti rungilweko; va mahisa zalezo ka nzhungo wa nguwo yinwani ya magumo a ka leti ti rungilweko.

12Va lukela a 50 wa tingoti ka nguwo yinwani, ni tingoti tinwani ta 50 ka nguwo yinwani ya magumo ka leti ti rungilweko. A tingoti leto ti lo cuwukana.

13Zonake ku lo mahiwa 50 wa zihareketo za nzalama, va tlhanganyisa tinguwo hi zihareketo; hilezo a tabemakeli gi lo mahiwa giva xilo xinwe.

14Va lo maha tinguwo ta woya ga timbuti kasi ku maha a tenda go fenengeta le hehla ka tabernakeli; va lo maha tinguwo leto ta khume ni yinwe.

15A kuleha ka nguwo yinwe ni yinwani ku wa hi 30 wa mikono, ni kuanama ka yona ku wa hi mune wa mikono; tontlhe tinguwo leto ti lo mahiwa hi lipimo linwe.

16Zonake va lo rungela ntlhanu wa tinguwo hi tlhelo ginwe, ni tinwani ta ntlhanu ni yinwe hi tlhelo ginwani.

17Va lo lukela 50 wa tingoti laha ka nzhungo wa nguwo yinwe leyi yo ranga, ni tinwani ta 50 laha ka nzhungo wa nguwo yinwani ya wumbiri.

18Zonake va lo maha 50 wa zihareketo za suku, va tlhanganyisa ha zona a tenda lezaku giva xilo xinwe.

19Va lo maha xifulelo xa tabemakeli hi mabhebhe ya tiyivu laya ma totilweko tinta yo pswhuka, ni xifulelo xa mabhebhe ya macalo, kasi ku fulela le hehla.

20Zonake ku lo vatliwa a tibakwa ta tabernakeli hi sinya ya munga kasi ku yimisa ha tona.

21A kuleha ka bakwa yinwe ni yinwani ku wa hi khume ga mikono, a kuanama ku wa hi nkono munwe ni khihlanya.

22A bakwa yinwe ni yinwani yi wa hi ni zitlhanganyiso zimbiri zi cuwukeneko; va lo mahisa lezo tontlhe tibakwa ta tabernakeli.

23Zinghaho va lo maha tibakwa ta tabernakeli; 20 wa tibakwa hi tlhelo ga Dzonga, hi le xineneni.

24Lahasi ka tibakwa leti ta 20, va lo maha a 40 wa zikhato za siliva; zikhato zimbiri lahasi ka bakwa yinwe ni yinwani, hi lahasi ka zitlhanganyiso zimbiri za bakwa yinwe ni yinwani.

25Va lo maha 20 wa tibakwa ta tlhelo ginwani ga tabernakeli, hi tlhelo ga Nwalungu;

26ni zikhato za tona ta siliva ta 40, zikhato zimbiri lahasi ka bakwa yinwe ni yinwani.

27Hi tlhelo ga Mupela-gambo, hi le makutini ya tabernakeli, va lo maha ntlhanu ni yinwe tibakwa.

28Zonake va lo maha tibakwa timbiri ta tabernakeli hi tlhelo ga le makutini hi lomu magwitsini mambiri;

29na tona ti lo tlhanganyiswa lahasi ni le hehla kala ku chikela ka xingwavila xo ranga; Va lo mahisa lezo hi tibakwa timbiri ta lomu magwitsini.

30Hilezo, ku wa hi ni ntlhanu ni tinharu tibakwa ni 16 wa zikhato; zi wa hi zimbiri lahasi ka bakwa yinwe ni yinwani.

31Zonake va lo maha a ntlhanu wa tivalelo ta sinya ya munga ta tibakwa ta ginwani tlhelo ga tabernakeli;

32hi ntlhanu wa tivalelo ta bakwa ya ginwani tlhelo, ni ntlhanu wa tivalelo ta bakwa ya le makutini ka tabemakeli, hi tlhelo ga Mupela-gambo.

33Kanilezi a livalelo la laha xikari, va li mahile lezaku li tlhanganyisa tontlhe tibakwa, kusukela ka tlhelo ginwe kala ka tlhelo ginwani.

34Va lo nameketa tibakwa hi nzalama, ya maha ni zingwavila za tona hi nzalama, ku engheniswa ka zona a tivalelo; tonawu tivalelo va ti nameketa hi nzalama.

35Va lo maha a nguwo ya xisirelo hi mivala ya wukuxe, ni kupswhuka, ni kuzirila, ni wukene go saseka gi lukilweko, va yi maha hi wutlhari; va lo maha ni zifananiso za makerubima ka yona.

36Va lo mahela nguwo mune wa timhanze hi sinya ya munga, va ti nameketa hi nzalama; ni zihareketo za kona zi wa hi za nzalama; a zikhato za kona za mune va lo zi nyekisa hi siliva.

37Zonake va lo maha a xisirelo xa nyangwa ya Tenda hi za wukuxe, ni zo pswhuka, ni zo zirila, ni wukene go saseka gi khatilweko, na wu hi ntiro wu mahilweko hi wutlhari.

38Va maha ni timhanze ta kona ta ntlhanu, ni zihareketo za tona; zonake va nameketa tihloko ta kona ni tivalelo ta kona hi nzalama; kanilezi a zikhato za kona za ntlhanu zi wa hi suku.

Currently Selected:

Eksodusi 36: TSC72

Highlight

Copy

Compare