Luka 10
10
Jesu a ruma 70 wa vapizani.
1Anzhako ka lezo, a Hosi yi lo yimisa a vanwani va 70 wa vapizani, yi va ruma ha vambiri vambiri mahlweni ka yona, a mitini yontlhe ni matlhelo wontihe laha a ta nga famba kona. Mat. 10:1; Mar. 6:7
2Aku ngalo kabye: A kutshovela ka hombe, kanilezi a zitiri zi tsongwani; hikwalaho kombelani a Nwinyi wa kutshovela lezaku a ruma zitiri kutshoveleni kakwe. Mat. 9:37, 38; Joh. 4:35; 2 Tes. 3:1
3Fambani; nza mu ruma mu ku khwatsi tiyivu xikari ka timhisi. Mat. 10:16
4Mu nga weleli xikhwama, ni nkwama, ge ni zilato; mu nga losi munhu ndleleni. Mat. 10:9, 10; Mar. 6:8; Xip. 9:3
5Ni ka yihi yindlu leyi mu ta nga enghena ka yona, a ku ranga wulani, muku: A kurula a kuve ka yindlu leyi! Mat. 10:12
6Loku a hi kona laho loyi a ranzako kurula, a kurula ka nwina ku ta tshama kakwe; kanilezi loku a nga hi koha, ku ta tlhelela ka nwina.
7Tshamani ka yaleyo yindlu, muga ni kunwa lezi va mu nyikako; hakuva a xitiri xi fanelwe hi hakhelo ya xona. Mu nga fambafambi ka yindlu ni yindlu. Mat. 10:10, 11; 1 Kor. 9:4
8Ni ka wihi muti mu enghenako ka wona, va mu amukela, ganani lezi zi vekiwako mahlweni ka nwina;
9mu hanyisa a vababyi lava va nga ka wona, muku ka vona: A mufumo wa Nungungulu wu tshinele ka nwina. Mat. 3:2; 4:17; 10:7; Xip. 9:2
10Kanilezi ni ka wihi muti mu ta nga enghena ka wona, va nga mu amukeli, humani maphangweni ya wona, muku: Mat. 10:14; Xip. 9:5; Miti. 43:51
11Hambu ni ntshuri wa muti wa nwina, lowu wu namareleko mikonzweni ya hina, ha wu phumunhela ka nwina; ahemba-lokoke, tivani lezaku a mufumo wa Nungungulu wu tshinele.
12Nziku ka nwina: Hi lego siku ku ta hehuka ka Sodoma, ku hunza ka lowo muti.
13I khombo ka wena Korazini! I khombo ka wena Betsaida! Hakuva loku yi wa mahilwe ka Tire ni Sidoni a mitiro ya ntamu leyi yi mahilweko ka nwina, ngha na va hunzulukile kale, va tshama ngubyeni ya tisakwa ni khuma,
14Hikwalaho le kulamuleni ku ta hehuka ka Tire ni Sidoni ku hunza nwina,
15Na wena Kapernaume, u tlakuselweko tilweni, u ta releliswa lahasi Hayidesi. Mat. 11:23
16Loyi a mu ingisako, wa nzi ingisa mina; ni loyi a mu alako, wa nzi ala mina; ni loyi a alako mina, wa ala ni loyi a nzi rumileko, Mat. 10:40; Joh. 5:23; 1 Tes. 4:8
A kuwuya ka vapizani.
17Lava va 70 va lo wuya hi kutsaka, va taku: Hosi, hambu ni madimoni ma hi ingisa hi vito ga wena.
18Yena aku ngalo kabye: Nzi lo wona Satani na a wile hi le tilweni kota xingwalangwanza. Joh. 12:31; 16:11; Kuv. 9:1
19Langutani, nzi mu nyikile ntamu wa ku kanzihela tinyoka ni tihume, ni hehla ka ntamu wontihe wa nala; a ku na nchumu xi ta nga mu lamata. Mar. 16:18; Miti. 28:5
20Ahemba-lokoke, mu nga tsaki hi lezi a mimoya yi mu ingisako; kanilezi tsakani hakuva a mavito ya nwina ma tsalilwe le tilweni. Ekso. 32:32; Tis. 89:28; Dan. 12:1
21Ka xwalexo xikhati Jesu i lo tsaka hi Moya wa ku Basa, aku ngalo: Nza ku bonga, Dadani, Hosi ya tilo ni misava, hakuva u fihlile a timhaka leti ka titlhari ni lava va pimako, u ti wonekelisa ka lava va tsongwani; Ina, Dadani, hakuva u wa ranza ku maha lezo.
22Na a hunzulukela ka vapizani, aku: Zontlhe zi nyikilwe ka mina hi Dadani. A nga kona a mu tivako Nʼwana lezaku himani, sine Dadani yece; niku himani Dadani, sine. Nʼwana yece, ni wihi loyi Nʼwana a xuvako ku mu wonekelisa ka yena. Mat. 28:18; Joh. 1:18; 3:35; 5:27
23Na a hunzulukela ka vapizani, i lo wula xihundleni, aku: Ma katekile a mahlo laya ma wonako lezi nwina mu zi wonako; Mat. 13:16
24hakuva nziku ka nwina: A vaprofeti vanyingi ni tihosi va wa xuva ku wona lezi mu zi wonako, a va zi wonangi; ni kuzwa lezi mu zi zwako, a va zi zwangi. 1 Ped. 1:10
A mufananiso wa muSamaria nene.
25Zonake a mugonzisi wo kari wa nayo i lo yima, a mu ringa, aku: Mugonzisi, nzi ta maha yini, kasi nzaga a tshomba ya wutomi ga pinzukelwa ke? Mat. 19:16; 22:35
26Jesu aku ngalo kakwe: Ku tsalilwe yini nayweni, u gonza yini kona ke?
27I lo hlamula, aku ngalo: U ta ranza Hosi Nungungulu wa wena hi mbilu ya wena yontlhe, ni muhefemulo wa wena wontihe, ni ntamu wa wena wontihe, ni kupima ka wena kontlhe, ni wakelene na wena kota lezi u ti ranzako wena. Levi 19:18; Deut. 6:5
28Jesu aku kakwe: Wena u hlamule khwatsi; maha lezo, u ta hanya. Levi 18:5; Neh. 9:29; Ezek. 20:11
29Kanilezi yena na a xuva ku ti lulamisa, aku ngalo: Himani wakelene na mina ke?
30Jesu i lo hlamula, aku ngalo: A munhu wo kari i wa relela hi le Jerusalema, aya Jeriko; i lo wela mandleni ya zigevenga, zi nga mu runzuwulela tinguwo, zi muba, zi suka, zi mu siya na hi kusuhani ni kufa.
31Ku lo relela a mupristi wo kari hi yaleyo ndlela; ni laha a nga mu wona i lo potsoloka. Tis. 38:11
32Zinghaho ni muLevi kambe; laha na a chikele ka wutshamu lego, i lo mu wona, a potsoloka wu.
33Kanilezi a muSamaria wo kari loyi a nga famba hi ndlela leyo, i lo chikela laha a nga wa hi kona; laha a nga mu wona, i lo mu zwela wusiwana. Joh. 4:9
34I lo tshinela, a mu chela mafura ni vinya timbangeni, a ti bohelela; zonake i lo mu khilelisa ka mbongola yakwe, a mu yisa ndlwini ya vapfhumba, a mu gongola.
35Ni mixo i lo humesa macheleni mambiri, a nyika nwinyi wa yindlu, aku ngalo: Mu hlayise, ni zontlhe lezi u ta nga humesa ku hunza mali leyi, nzi ta ku riha loku nzi wuya.
36Xana wena u alakanya lezaku hi wihi wa lava vanharu a nga maha wakelene wa loyi a nga wela mandleni ya zigevenga ke?
37Aku ngalo: Hi loyi a nga mu mahela wuxinji. Jesu aku ngalo kakwe: Famba u ya mahawu zakunghaho. Jesu a enzela Maria na Maria.
38Laha va nga kari va famba, Jesu i lo enghena mutini wo kari; a wasati a vitwako Marta i lo mu amukela ndlwini yakwe.
39I wa hi ni makabye a vitwako Maria, loyi a nga tshama mikonzweni ya Hosi, a ingisa magezu yakwe,
40kanilezi Maria i wa karateka hi mitiro yo tala. I loya ka Jesu, a yaku ngalo: Hosi, a ku khatali hi lezi a makweru a nzi tsikako nzi tira nzoce ke? Mu byele a nzi vuna.
41Kanilezi a Hosi yi lo hlamula, yiku ngalo ka yena: Marta, Maria, u karateka ni ku vilela hi leʼzinyingi,
42kasi xilo xinwe ntsena xi lavekako. Maria i hlawule a xiavelo xo saseka, lexi xi ta nga kala xi nga tekiwi ka yena.
Currently Selected:
Luka 10: TSC72
Highlight
Share
Copy
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
